bindas news

श्रीरामपूर (प्रतिनिधी)-श्रीरामपूर तालुक्यातील भेर्डापूर-पाथरे रस्त्यावरील हॉटेल अजिंक्यतारा येथे हॉटेलच्या कूकचा खून करण्यात आल्याची घटना भेर्डापूर परिसरात रविवारी दुपारी घडली. तालुक्यातील भेर्डापूर-पाथरे रस्त्यावर हॉटेल अजिंक्यतारा आहे. त्याठिकाणी काल दुपारी हॉटेलचा कूक मोहम्मद शेख (वय 71) यांना डोक्यामध्ये जबर मारहाण करण्यात आली. त्यामुळे ते जागीच ठार झाले.सदर घटनेची माहिती मिळताच उपविभागीय पोलीस अधिकारी राहुल मदने, श्रीरामपूर तालुका पोलीस ठाण्याचे पोलीस निरीक्षक मसूद खान हे पोलीस हेड कॉन्स्टेबल नवनाथ बर्डे, रवींद्र पवार, सतीश गोरे, पोलीस कॉन्स्टेबल श्री. वायकर, काका मोरे, संदीप पवार, रवींद्र शेळके यांच्यासह घटनास्थळी दाखल झाले. त्यांनी जागेची पाहणी करून पंचनामा केला. पंचनामा झाल्यानंतर मृतदेह शवविच्छेदनासाठी पाठविण्यात आला होता. यावेळी पोलिसांनी एका संशयितास चौकशीसाठी ताब्यात घेतले आहे. सदर घटना ही हॉटेलचे वेटर व कुक यांच्यात झालेल्या अंतर्गत वादातून घडल्याची माहिती पोलीस सुत्रांनी दिली. दरम्यान श्रीरामपूर तालुका पोलीस ठाण्यात याबाबत रात्री उशिरापर्यंत गुन्हा दाखल करण्याचे काम सुरु होते.

औरंगाबाद: कुळाची जमीन परत मिळावी,याकरीता तक्रारदार यांच्या बाजूने निकाल देण्यासाठी ३० लाख रुपये लाचेची मागणी करून वकिल आणि मदतनिसामार्फत १ लाख रुपये लाच घेताना पैठणचे तहसीलदार महेश नारायण सावंत यांना लाचलुचपत प्रतिबंधक विभागाने रंगेहात पकडले. विशेष म्हणजे आदर्श तहसीलदार म्हणून राष्ट्रपतींच्या हस्ते सावंत यांचा गौरव झाला होता.अ‍ॅड. कैलास सोपान लिपने पाटील (३८,रा. मित्रनगर) आणि मदतनिस बद्रीनाथ कडुबा भवर (३५, रा.भानुदासनगर)अशी अन्य आरोपींची नावे आहेत. लाचलुचपत प्रतिबंधक विभागाकडून मिळालेल्या माहितीनुसार  तक्रारदार  यांनी पैठण तालुक्यातील पांगरा येथील १२ एकर १४ आर कुळाची जमीन खरेदी केली आहे. कुळाची ही जमीन परत मिळावी, म्हणून मूळ मालकाच्या नातेवाईकांनी पैठण तहसीलदार महेश सावंत यांच्याकडे दावा दाखल केला होता. हे प्रकरण सुनावणीसाठी होते. या दाव्याचा निकाल तक्रारदार यांच्या बाजूने देण्यासाठी तहसीलदार सावंत यांनी अ‍ॅड. कैलास लिपने पाटील आणि  बद्रीनाथ भवर यांच्यामार्फत ३० लाख रुपये लाचेची मागणी केली होती. तक्रारदार यांची त्यांना लाच देण्याची इच्छा नसल्याने त्यांनी लाचलुचपत प्रतिबंधक विभागाकडे तक्रार दिली होती.  या तक्रारीच्या अनुषंगाने लाचलुचपत प्रतिबंधक विभागाच्या अधिकाºयांनी तक्रारीची पडताळणी केली पंचासमक्ष तहसीलदार सावंत, अ‍ॅड. कैलास लिपने पाटीली आणि बद्रीनाथ भवर यांनी तक्रारदाराकडे ३० लाख रुपये लाचेची मागणी केली. यानंतर आज २९ सप्टेंबर रोजी पैठण तहसील कार्यालय येथे लाचलुचपत प्रतिबंधक  विभागाच्या अधिकाºयांनी सापळा रचला.  यावेळी तहसीलदार सावंत यांनी त्यांच्या कार्यालयातच अ‍ॅड. कैलास लिपने पाटील आणि बद्री यांच्या उपस्थितीत लाचेचा पहिला हप्ता म्हणून तक्रारदाराकडून  एक लाख रुपये घेतले. लाचेची रक्कम घेताच दबा धरून बसलेल्या पोलिसांनी आरोपींना लाचेच्या रक्कमेसह रंगेहात पकडले. ही कारवाई पोलीस अधीक्षक अरविंद चावरिया, अप्पर अधीक्षक अनिता जमादार, पोलीस उपअधीक्षक ब्रम्हदेव गावडे यांच्या मार्गदर्शनाखाली निरीक्षक महादेव ढाकणे यांनी केली. पोलीस नाईक बाळासाहेब राठोड, गोपाल बरंडवाल, रविंद्र अंबेकर आणि संदीप आव्हाळे यांनी त्यांना मदत केली.

राहुरी (तालुका प्रतिनिधी)-राहुरी तालुक्यातील बारागाव नांदूर येथे राहुरी पोलिसांनी पोलीस निरीक्षक मुकूंद देशमुख यांच्या मार्गदर्शनाखाली राबविलेल्या कोम्बीग ऑपरेशन मोहिमेत भरत अशोक चितळकर हा अट्टल गुन्हेगार जेरबंद केला. त्याचे दोन साथीदार पोलिसांना पाहताच पसार झाले. चितळकरवर राहुरी पोलीस ठाण्यात तीन गुन्हे दाखल आहेत.राहुरी पोलीस स्टेशनचे सपोनि सचिन बागुल, पोउपनि. गणेश शेळके तसेच दहा पोलीस कर्मचारी व दोन महिला कर्मचारी यांनी ही मोहीम राबविली. राहुरी पोलिसांच्या धडक कारवाईमुळे बारागाव नांदूर परिसरातील पसार गुन्हेगारांचे धाबे दणाणले आहेत.पोलिसांना पाहताच पळून जाण्याच्या प्रयत्नात असताना भरत चितळकर यास पाठलाग करून पकडण्यात आले. चितळकर याच्यावर राहुरी पोलीस स्टेशन गुन्हा रजिस्टर क्रमांक 237/19 नुसार भादंवि. कलम 399, 402 अन्वये, तसेच राहुरी पोलीस गुन्हा रजिस्टर क्रमांक 621/19 नुसार भादंवि. 399, 402 अन्वये व सोनई पोलीस स्टेशन गुन्हा रजिस्टर क्रमांक 331/19 नुसार भादंवि 395 (नुकताच पेट्रोल पंपा नजिक घडलेला दरोडा ) असे गुन्हे दाखल आहेत. दरम्यान, चितळकरला बेड्या ठोकल्याने आणखी काही गुन्ह्यांची उकल होण्याची शक्यता पोलिसांनी वर्तविली.

डेंग्यु ताप सावधानता बाळगा डॉक्टर सलीम शेख
भारतात जवळ जवळ साथीचे आजार उद्भवतात आशिया आफ्रिका खंडात साथीचे आजार वारंवार डोके काढत असतात व गावच्या गाव साथीच्या कचाट्यात सापडतात व त्यामध्ये  फार मोठ्या प्रमाणात जीवितहानी सुद्धा होते त्यामध्ये डेंगू ताप हासुद्धा एक घातक रूप घेत आहे सध्या तो महाराष्ट्रात आंध्र ,कर्नाटक ,आसाम या राज्यात धुमाकूळ घालत आहे आता सध्या पुणे व औरंगाबाद शहरात धुमाकूळ घालतोय व कधीकधी आपल्या अहमदनगर श्रीरामपूर जिल्ह्यात त्याचे रुग्ण आढळतात सध्या पावसाचे दिवस आहेत त्याचप्रमाणे कधी किती वाढेल हे बिलकुल सांगता येत नाही त्याचा प्रसार कमी व्हावा हाच हेतू जनजागृती व्हावी ही आजची गरज प्रथम 1950 मध्ये दक्षिण आशिया व आफ्रिका येथे हा व्हायरस सापडला व नंतर तो क्युबा व अमेरिका या देशात पसरला हा व्हायरस चिकुन गुनिया  ज्या अँडीस नावाच्या जातीच्या डासांपासून होतो त्या तासांपासून डेंगू होतो हे डास चांगल्या वातावरणात चांगल्या स्वच्छ पाण्यात स्वच्छ डबक्यात स्वच्छ व निर्मळ वातावरणात आपले वास्तव करतात याचे पैदास प्रजनन व संगोपन हे चांगल्या पाण्यात व वातावरणात करतो व आठवड्यात याची पूर्ण वाढ व सक्षम म्हणून श्वास घेण्यास सुरुवात करतो अर्थात तयार राहतो याचे एक विचित्र पद्धत आहे तो फक्त दिवसातच चावा घेतो म्हणजे हा पूर्ण कार्यालयीन काम करतो
लक्षणे:- यामध्ये एकदम ताप येतो मळमळल्यासारखे होते कधीकधी उलट्या होणे डोके फार दुखणे डोळ्यात लाली येउन डोळ्यांमध्ये फार दुखणे डोळ्यांची उघडझाप करताना वेदना होणे सर्दी होणे भरपूर थंडी वाजून येणे अंग हात पाय खुप खुप दुखणे जबरदस्त कंबर दुखणे शरीरातील गाठी वाढतात व त्यावर सर्व शरीरावर लालसर चट्टे व पुरळ येणे ही लक्षणे सर्वात महत्वाचे डेंगू मध्ये असतात तसेच महत्त्वाचे लक्षण म्हणजे तोंडामध्ये लालसर चट्टे येतात नंतर पायावर चट्टे येउन संपूर्ण अंगावर  माशी पसरतात संपूर्ण शरीर लालसर गथील चावल्यासारखे होते ही सर्व प्रक्रिया शरीरांतर्गत चालू असते ती 3 ते 5 दिवसांपर्यंत चालू असते त्या नंतर पहिल्या लक्षणासारखीच लक्षणे पुन्हा पुन्हा उद्भवतात परंतु त्याची तीव्रताही कमी प्रमाणात असते
डेंगू चा प्रकार:- म्हणजे (डेंगू हीमोरेजीक फियर) अर्थात डेंगू रक्त भावी ताप हा प्रकार असेल तर धोकादायक असतो यामध्ये धोका होण्याची अत्यंत शक्यता असते या प्रमुख्याने शरीरातून एकदमच रक्तस्राव चालू होतो नाकातून तोंडातून शौचावाटे रक्‍त वाहू लागते झिरपू लागते रुग्ण एकदमच गळुन जातो बेशुद्ध अवस्थेत जातो ही अवस्था अत्यंत घातक असते धोकादायक असते ही अवस्था तिसऱ्या किंवा पाचव्या दिवसापासून होते कारण रुग्णांचे निदान लवकर न झाल्याने त्यामध्ये पांढरे पेशी कमी होणे व प्लेटलेट्स फार प्रमाणात कमी होऊन  थ्रम्बोसावटोपेनीया ल्युकोसाबटोसीस व रक्त गोठण्याची प्रक्रिया कमीकमी होते हे सर्व प्रक्रिया फेल हो जाते व रुग्ण दगावण्याची शक्यता येते.
खबरदारीचा उपाय:- डेंगू चे पहिल्याप्रथम सामाजिक कार्य म्हणून जनजागृती करावी नागरिकांनी एक सामाजिक कर्तव्य समजून आपल्या घराच्या परिसरातील परिसर स्वच्छ करावा त्यामध्य डबके ते बुजवावे व ते स्वच्छ करून निर्जंतुक करावे पाणीसाठल्यास ते स्वच्छ करून फेकून देऊन त्यामध्ये डासांचा साम्राज्य होणार नाही याची दक्षता घ्यावी आपल्या घरातील हौद स्वच्छ करावा गटारी पहिल्याप्रथम स्वच्छता ठेवावे त्या गटारी मध्ये त्यामध्ये कीटकनाशकाची फवारणी करावी गार्डन बगीचे झाडे असल्यास त्यावर कीटकनाशकांची फवारणी करून घ्यावी रात्री झोपताना स्वच्छ मच्छरदाणीचा वापर करावा किंवा मच्छर च्या वेगवेगळ्या प्रकारचे बाजारात मच्छर प्रतिबंधक भेटतील ते वापरावे जेणेकरून पहिल्याप्रथम आपल्या स्वतःची काळजी घेता येईल आपल्या अगर आपल्या शेजारी किंवा कामगारांना याची लागण दिसल्यास शक्यता लवकरात लवकर आपल्या नजीकच्या किंवा फॅमिली डॉक्टरचा सल्ला घ्यावा व त्वरित उपचार करावे आपल्या सरकारी आरोग्य केंद्रास किंवा नगर परिषद कार्यालयात याची नोंद घ्यावी जेणेकरून ते कीटकनाशकांची फवारणी करण्यास प्राधान्य देतील अशाप्रकारे प्रशासनास सहकार्य करावे व पुढील अनर्थ टाळण्याचा प्रयत्न करावा
डॉक्टर सलीम शेख बैतूश्शिफा हॉस्पिटल श्रीरामपूर.

सिल्लोड ( प्रतिनिधी ) दि.27, शिवसेना पक्ष प्रमुख उद्धव ठाकरे आणि युवासेना प्रमुख आदित्य ठाकरे यांच्या संकल्पनेतील नवमहाराष्ट्र घडविण्यासाठी युवकांनी शिवसेनेच्या युवासेना मध्ये सहभागी होवून ऐतिहासिक चळवळीचे साक्षीदार बनावे असे आवाहन युवानेते अब्दुल समीर यांनीं केले.

माजी मंत्री अब्दुल सत्तार यांच्या प्रचारार्थ मतदारसंघातील शिवना सर्कल मध्ये युवासेनेच्या वतीने पदयात्रेचे आयोजन करण्यात आले होते. यावेळी अब्दुल समीर यांनी विविध गावांत बैठका घेवून युवकांशी संवाद साधला.

 अब्दुल समीर यांच्या नेतृत्वाखाली सिल्लोड- सोयगाव मतदारसंघात युवकांची मोठी फळी तयार करण्यात आली आहे. माजी मंत्री अब्दुल सत्तार यांना महाराष्ट्रात सर्वाधिक मताधिक्याने निवडून आणण्यासाठी मतदारसंघातील युवासेनेने निर्धार केला असल्याचे अब्दुल समीर यांनी युवकांशी संवाद साधताना स्पष्ठ केले.

माजी मंत्री अब्दुल सत्तार यांच्या प्रचारार्थ अब्दुल समीर यांनी सोयगाव तालुक्यातून पदयात्रेला सुरुवात केली आहे. सोयगाव मध्ये जवळपास 100 किलो मीटर पदयात्रा पूर्ण करून समीर यांनी सिल्लोड तालुक्यात पदयात्रेला सुरुवात केली आहे. त्यांच्या पदयात्रेला भरभरून प्रतिसाद मिळत आहे.

 शिवना सर्कल मध्ये आयोजित पदयात्रेस

शिवसेना तालुका प्रमुख किशोर अग्रवाल, देविदास लोखंडे, पंचायत समिती सदस्य सलीम शेख,मुरलीधरराव काळे,उपतालुका प्रमुख सुभाष करवंदे,सर्कल प्रमुख सुधाकर काळे, राजुमिया देशमुख, राजरत्न निकम, शेख सलिम, सुधाकर बनकर, पंजाबराव चव्हाण, भास्कर बनकर, रुद्राजी इंगळे, लक्ष्मण गव्हाणे, नाना गव्हाणे, अकिल देशमुख, रमेश चव्हाण, राजेश्वर आरके, जगन ठाले, गोविंदा गव्हाणे, तानाजी गव्हाणे, गणेश गव्हाणे, पंढरीनाथ चव्हाण, उपविभाग प्रमुख उत्तम भागवत, श्रावण गिरी, शिवा टोम्पे,गणेश राणा काळे,दादा पाटील काळे,संदीप राऊत,इस्माईल कुरेशी,शामराव लोखंडे,गणेश सपकाल,रावसाहेब काळे,विनायक काटकर,सुनील सपकाल,किरण दहितकर,सखाराम धनवई, दीपक वाघ, अमोल बोराडे,

बुलडाणा - 28 सप्टेंबर

बुलडाणा जिल्ह्याच्या खामगाव तालुक्यातील सुटाळा खुर्द येथील बोर्डि नदी मध्ये 15 वर्षीय मुलगा सेल्फी काढत असतांना तोल जाऊन पडला व पाण्यात वाहून गेल्याची घटना आज 28 सप्टेंबर रोजी सकाळी 8 वाजेच्या दरम्यान घडली आहे.

      मागील 4-5 दिवसापासून बुलडाणा जिल्ह्यात जोरदार पाऊस पडत असल्याने नदी नाले दुथडी भरून वाहत आहे.आज खामगाँव तालुक्यातील सुटाळा खुर्द या गावा जवळ वाहणारी बोर्डि नदीवर बाँधलेल्या बँधाऱ्यावर आज सकाळी 4-5 विद्यार्थी पोचले व सेल्फी काढत असतांना हेमंत राजेश जागींड वय 15 वर्ष याचा तोल सुटुन तो खाली नदित पडला,दुथडी भरूण वाहणारी नदीच्या पाण्यात हेमंत वाहून गेला,अशी माहिती त्याचे मित्रांनी दिल्यानंतर गावकरी घटनास्थळी पोहोचले तसेच पोलिसही दाखल झाली असून हेमंतचा शोध सुरू आहे.

श्रीरामपूर (प्रतिनिधी)- श्रीरामपूर नगरपालिकेच्या भुयारी गटार योजनेच्या फेरचौकशीसाठी शासनाने नगर महापालिकेचे उपायुक्त सुनील पवार यांच्या अध्यक्षतेखाली तीन जणांची समिती नेमली आहे. ही समिती या प्रकरणाची पुन्हा चौकशी करणार आहे. नव्याने नियुक्त केलेल्या फेरचौकशी समितीला अहवाल सादर करण्यास तीन महिन्यांची मुदत देण्यात आली आहे.मोरया फाउंडेशनचे अध्यक्ष केतन खोरे यांनी नगरपालिका भुयारी गटार प्रकरणी उच्च न्यायालयात याचिका दाखल केली आहे. न्यायालयाच्या परवानगीने याप्रकरणी पोलिसांत गुन्हाही दाखल झालेला आहे. याबाबत पहिल्या चौकशी समितीने ठपका ठेवलेले तत्कालीन मुख्याधिकारी संतोष खांडेकर, सुमंत मोरे तसेच तत्कालीन बांधकाम अभियंता राजेंद्र सुतावणे यांनी उच्च न्यायालयात आव्हान याचिका दाखल केली होती.त्यात वर्ग 1 च्या अधिकार्‍यांची चौकशी वर्ग 2 चे अधिकारी करू शकत नसल्याचे म्हटले होते. त्यावर न्यायालयाने राज्य सरकारला म्हणणे मांडण्यास सांगितले होते. त्याला अनुसरून शासनाच्या नगर विकास विभागाने 17 सप्टेंबर रोजी नगरपरिषद प्रशासन संचालनालयाचे आयुक्त तथा संचालकांना पत्र दिले होते. त्यात म्हटले आहे की, जिल्हाधिकारी अहमदनगर यांनी मुख्याधिकारी शिर्डी नगरपंचायत यांच्या अध्यक्षतेखाली समितीमार्फत केलेल्या चौकशीत सकृतदर्शनी त्रुटी दिसून येत आहेत. या अभियानाचे नोडल अधिकारी या नात्याने आपल्यामार्फत फेर चौकशी करण्याचा शासनाने निर्णय घेतला आहे.त्यानुसार या संदर्भातील फेरचौकशी तीन महिन्यात करून तसा अहवाल शासनाला सादर करावा.तसेच फेरचौकशी अहवाल प्राप्त होऊन त्यावर निर्णय होईपर्यंत यापूर्वीच्या जिल्हा स्तरावरील चौकशी अहवालानुसार पुढील कार्यवाही करण्यात येणार नाही. परिणामी तोपर्यंत जिल्हास्तरावरून मुख्याधिकारी शिर्डी नगरपंचायत यांच्या अध्यक्षतेखालील समिती मार्फत करण्यात आलेल्या चौकशीचा अहवाल स्थगित राहील असेही म्हटले आहे. ही शासनाची भूमिका उच्च न्यायालयात मांडावी असेही सूचित करण्यात आले होते.त्यावर 19 सप्टेंबर रोजी झालेल्या सुनावणीत न्यायालयानेही जुन्या समिती अहवाल स्थगित ठेवला आहे. या सर्व निर्देशानुसार नगरपरिषद प्रशासन संचालनालयाचे उपसंचालक भालचंद्र बेहरे यांच्या सहीने 25 सप्टेंबर रोजी फेरचौकशी समिती नियुक्त करण्याचे आदेश दिले आहेत. या आदेशानुसार फेर चौकशी समितीचे अध्यक्ष अहमदनगर महानगरपालिकेचे उपायुक्त सुनील पवार यांचे अध्यक्षतेखाली नाशिक विभागीय आयुक्त नगरपरिषद प्रशासन विभागाचे सहाय्यक संचालक संजय दुसाने, औरंगाबाद महाराष्ट्र जीवन प्राधिकरण विभागाचे कार्यकारी अभियंता अजय सिंग आदींची फेरचौकशी समिती नियुक्त केली आहे.

नाशिक । प्रतिनिधी विधानसभा निवडणुकीच्या तोंडावर ग्रामीण पोलिसांनी मोठी कारवाई करत गुजरातहून जिल्ह्यात येणारा 26 लाखाचा गुटखा जप्त केला आहे. तसेच, दिव व दमण येथील मदयसाठा हस्तगत केला आहे. निवडणुकीत मतदारांना प्रलोभन म्हणून याचा वापर केला जाण्याची शक्यता व्यक्त केली जात आहे. आचारसंहिता जारी झाल्यानंतर ही कारवाई करण्यात आली आहे.ग्रामीण पोलिस अधीक्षक डॉ.आरती सिंग यांनी जिल्हाधिकारी कार्यालयात शुक्रवारी (दि.27) पत्रकार परिषदेत ही माहिती दिली. निवडणूका शांततेत व सुरळित पार पडाव्या यासाठी पोलिसांकडून सुरु असलेल्या ऑपरेशनची त्यांनी माहिती दिली. जिल्ह्यात 50 कुख्यांत गुंडाची दोन वर्षासाठी तडीपारी करण्यात आली आहे.अनेक गुंडांवर ‘एमपीडीए’ कायदयानूसार कारवाई केली जात आहे. फरार आरोपींना पकडण्याची मोहीम सुरु आहे. निवडणुकीत मदय, पैसा व इतर प्रलोभनाचा वापर होऊ नये यासाठी चेक पोस्टवर बारीक लक्ष ठेवले जात आहे. सोशल मीडियावरील प्रचारावर सायबर सेलची करडी नजर असल्याचे त्यांनी सांगितले. शहर हद्दीत 116 तडीपार शहर हद्दीत 116 जणांवर तडीपारीची तर 10 गुंडांवर ‘एमपीडीए’ची कारवाई केल्याची माहिती लक्ष्मीकांत पाटील यांनी दिली. 128 गुंडांविरुध्द अजामीनपात्र नोटीसा काढण्यात आल्या आहे. शहरातील 11 ठिकाणी अवैध मदय विक्रीवर छापे टाकण्यात आले. देशी कट्टे, काडतूसे व एक तलवार जप्त करण्यात आली आहे. संवेदनशील भागात कोम्बिंग ऑपरेशन राबवले जात आहे

सिल्लाेड दि.२५

सिल्लाेड येथे बुधवार(दि.२५)राेजी झालेल्या महीला संवाद यात्रेस उदंड प्रतिसाद मिळाला.शिवसेनेचे सचीव  तथा हाेम मिनिष्टर फेम आदेश बांदेकर यांच्याशी संवाद साधतांना महीलांच्या सक्षणासाठी कठाेर कायदे करण्याची मागणी यावेळी महीलांनी केली.शहरातील छस्तीस एकर प्रांगणात झालेल्या संवाद यात्रेस महीलांची लाक्षनीक उपस्थीती हाेती.

कार्यक्रमाची सुरवात छत्रपती शिवाजी महाराज ,शिवसेना प्रमुख स्वर्गीय बाळासाहेब ठाकरे,माताेर्षी मिनाताई ठाकरे यांच्या   प्रतिमा पुजनाने झाली.  माजी मंत्री अब्दुल सत्तार ,आमदार अंबादास दानवे,जिल्हाप्रमुख नरेंद्र त्रिवेदी  ,जिल्हापरीषदेच्या अध्यक्ष देवयाणी डाेणगावकर,जिल्हापरीषदेचे उपाध्यक्ष केशवराव तायडे,नगराध्यक्षा राजश्री निकम,उपजिल्हाप्रमुख रघुनाथ चव्हाण,तालुका प्रमुख किशाेर अग्रवाल, देवीदास लाेखंडे,जिल्हापरिषद सदस्य सिमा गव्हाणे,रेखा जगताप, महीला आघाडीच्या तालुकाप्रमुख रेखाताई वैष्णव,किसान सेनेचे सुरेश आहेर,शहर प्रमुख मच्छिंद्र घाडगे,सुदर्शन अग्रवाल आदिंची यावेळी उपस्थीती हाेती.

आदेश बांदेकर यांनी संवाद साधतांना महीलांना बाेलते केले.अनेक महीलांनी आम्ही तुम्हाला टिव्हीवरच आतापर्यंत पाहीले.आज प्रत्यक्ष तुम्हाला भेटन्याची संधी आल्याचा आनंद व्यक्त केला.सिल्लाेड शहराचा विकास माजी मंत्री अब्दुल सत्तार यांनी भरपुर केला फक्त शहरात मुलासाठी क्रिंडागणाची गरज व्यक्त केली.महीलांनी श्री.बांदेकर यांना प्रश्न विचारत संवादात प्रगल्बधतता आनली.

सुसंकृत्रपणा आवडल्याने शिवसेना निवडली !

दरम्यान एका शाळकरी मुलीने अभिनेता बांदेकर यांना आपण शिवसेना पक्षच का निवडला.यावर उत्तर देतांना बांदेकर यांनी मुबंईत लहानपनातच वावरतांना स्वर्गीय शिवसेना प्रमुख बाळासाहेब ठाकरे यांचा राजकारणातील सुसंस्कृतपना मला भावला . राजकारण करतांना शिवसेनेचे  समाजकारण न्याय देनारे असल्याने मी शिवसेना निवडल्याचे त्यांनी स्पष्ट केले.

अहमदनगर (प्रतिनिधी)  सावेडीतील बालिकाश्रम रस्त्यावर भरदिवसा घरफोडी करून चोरट्यांनी पस्तीस हजारांचा ऐवज लंपास केला. काल मंगळवारी दुपारी ही घटना घडली.मंगल सखाराम पंडित या महिलेने पोलिसांत फिर्याद दिली असून त्यांच्याच घरात चोरी झाली. पंडित या बालिकाश्रम रस्त्यावरील आर्यन गार्डनच्या डी विंगमध्ये राहतात. दुपारी एक वाजेच्या सुमारास घराला कुलूप लावून त्या बाहेरगावी गेल्या होत्या. चोरट्यांनी दरवाजाचे कुलूप तोडून घरात प्रवेश केला. घरातील कपाटात ठेवलेले सोन्या-चांदीचे दागिने चोरट्यांनी लंपास केला.

बुलढाणा - 25 सितंबर
बुलढाणा जिले की चिखली विधानसभा से 2 बार काँग्रेस विधायक व काँग्रेस के बुलढाणा जिलाध्यक्ष राहुल बोन्द्रे भाजपा में प्रवेश लेने जा रहे है,,ऐसी ये खबर सोशल मीडिया के माध्यम से  चिखली में फैलते ही भाजपा के जुने कार्यक्रता रास्ते पर उतर आए है.विधायक बोन्द्रे को भाजपा में ना लिया जाए,इस मांग को ले कर चिखली के शिवाजी चौक में आंदोलन किया गया.इस समय भाजपा जिला उपाध्यक्ष डॉ. प्रतापसिंह राजपूत ने कहा कि,कार्यकर्ता इस लिए नाराज़ है कि,जिस कांग्रेस के विधायक ने पंतप्रधान नरेंद्र मोदी,मुख्यमंत्री देवेंद्र फडणवीस के खिलाफ अपशब्दों का इस्तेमाल किया है उसे पक्ष में प्रवेश देकर उम्मीदवारी देना उचित नही है.भाजपा में मेगा भरती हो रही है ऐसे में यदि कांग्रेस विधायक भाजपा में प्रवेश लेते है तो हमे कोई आपत्ति भी नही किंतु उन्हें प्रत्याशी ना बनाया जाए,ऐसी इच्छा भी उन्होंने सभी आंदोलन कर रहे भाजपा के निष्ठावान कार्यकर्ताओं की ओर से कहा है.बता दे कि चिखली से भाजपा की ओर से चुनाव लडने के लिए जिला परिषद सभापति श्रीमती श्वेताताई महाले, एड.विजय कोठारी,सुरेशअप्पा खबूतरे आदि इच्छुक है.विधायक बोन्द्रे के इस राजकीय दांव ने स्थानिक भाजपा के खेमे में खलबली मचा दी है.


मेरी बदनामी के लिए भाजपा का गेम प्लान!विधायक बोन्द्रे

पिछले 4 महीने से चर्चा कर रहे हैं ये लोग,ये भाजपा का ही गेम प्लान है मुझे जबरदस्ती बदनाम करने का,अपना ऐसा कोई इरादा नही है,अपन पार्टी में ही है,पार्टी के ही है और पार्टी के ही रहेंगे,ये क्लियर अपना स्टैंड है, ऐसा विधायक राहुल बोन्द्रे ने फोन पर अपनी प्रतिक्रिया देते हुए व्यक्त किया है.

शिर्डी (प्रतिनिधी) शिर्डी पोलीस स्टेशनच्या हद्दीत विधानसभा निवडणुकीच्या पार्श्‍वभूमीवर लावलेल्या नाकाबंदीत बेहिशोबी रक्कम घेऊन जाणार्‍या राहुरी येथील व्यापार्‍याकडून 2 लाख 70 हजार रुपये महिंद्रा कंपनीच्या जितो या गाडीतून हस्तगत केले. सदरची रक्कम फ्लाईंग स्कॉड व स्टँटी पथकाच्या ताब्यात देऊन राहाता तहसीलदारांकडे कारवाई करण्याकरिता पाठवून देण्यात आली.आगामी विधानसभा निवडणूक 2019 च्या अनुषंगाने जिल्हा पोलीस अधीक्षक यांच्या आदेशाने जिल्ह्यात सर्वत्र अवैध वाहतूक, तसेच बेहिशोबी रक्कम व मौल्यवान वस्तू घेऊन जाणार्‍यांवर कारवाई करता प्रत्येक पोलीस स्टेशनच्या हद्दीत पेट्रोलिंग व नाकाबंदी लावण्यात आली आहे. जिल्हा पोलीस अधीक्षक ईशू सिंधू, यांच्या निर्देशानुसार अप्पर पोलीस अधीक्षक डॉ. दीपाली काळे यांच्या सुचनेनुसार, शिर्डी पोलीस उपअधीक्षक सोमनाथ वाकचौरे यांच्या मार्गदर्शनाखाली, शिर्डी पोलीस स्टेशनचे सहाय्यक पोलीस निरीक्षक दीपक गंधाले, पोलीस उपनिरीक्षक जाने, पोलीस नाईक़ जी. ई. सोनवणे, पी. डी. अंधारे, श्री. कुर्‍हे, पोलीस कॉन्स्टेबल मैंद, श्री. पंडोरे तसेच चार होमगार्ड या पथकाने शासकीय वाहनातून पेट्रोलिंग करत असताना शिर्डी शहरातीन आरबीएल चौकात लावलेल्या नाकाबंदीत एक महिंद्रा कंपनीची जितो गाडी राहात्याकडून येत असतांना तिला थांबवून गाडीची तपासणी केली असता चालकासोबत असलेल्या राहुरीतीलच व्यापार्‍याच्या ताब्यातून 100 रुपयाच्या 1600 नोटा, 500 रुपयाच्या 200 नोटा, 20 रूपयाच्या 200 नोटा 10 रुपयाच्या 600 नोटा असे मिळून एकूण 2 लाख 70 हजार रुपये मिळून आले. याबाबत त्यांच्याकडे चौकशी केली असता त्यांच्याकडून या रकमेबाबत कोणत्याही प्रकारचे समाधानकारक उत्तर मिळून आले नाही. त्यामुळे सदर पथकाने सदरची रक्कम जिल्हाधिकारी यांच्या आदेशान्वये विधानसभा निवडणुकीच्या अनुषंगाने तयार करण्यात आलेल्या फ्लाईंग स्कॉड व स्टँटी पथकाच्या ताब्यात देवून राहाता तहसीलदारांकडे कारवाई करण्याकरिता पाठवून देण्यात आली.

अहमदनगर (प्रतिनिधी)  बारा वर्षाच्या मुलीसोबत अश्‍लील चाळे करणार्‍या पित्याविरोधात पोलिसांत गुन्हा दाखल करण्यात आला आहे. पत्नीनेच पतीविरोधात पोलिसांत धाव घेत फिर्याद दिली.जामखेड रस्त्यावरील वैद्य कॉलनीत रविवारी रात्री आठ वाजेच्या सुमारास ही घटना घडली. या प्रकरणी भिंगार पोलिसात विकृत पित्याविरोधात 354(अ),सह बालकांचे लैंगिक अपरथाचे संरक्षण अधिनियम 2012 चे क 8,9(छ)/10 नुसार गुन्हा दाखल करण्यात आला आहे. वैद्य कॉलनीतील या दाम्पत्याला एक मुलगा व मुलगी असे दोन अपत्य आहेत. रविवारी रात्री हा विकृत पिता घरी आला. अंगावरील शर्ट काढून त्याने मुलगा आणि मुलगी दोघांनाही मारहाण केली. त्यानंतर त्याने मुलीला उचलून दुसर्‍या खोलीत नेले. तेथे तिच्याशी अश्‍लील चाळे करत नको त्या ठिकाणी हात लावला. जवळ ओढून तिच्याशी अतिप्रसंग करण्याचा प्रयत्न केल्याची फिर्याद पत्नीने पतीविरोधात दिली आहे. भिंगार पोलिसांनी त्या विकृत पित्याविरोधात गुन्हा दाखल केला