bindas news: latestnews

बेलापूरात पंतप्रधान नरेंद्र मोदी यांच्या वाढदिवसानिमित्त विविध उपक्रमांचे आयोजन

पंतप्रधान नरेंद्र मोदी यांच्या वाढदिवसानिमित्त विशेष कॅम्पचे आयोजन

बेलापूर (प्रतिनिधी) : पंतप्रधान नरेंद्र मोदी यांच्या वाढदिवसानिमित्त भारतीय जनता पक्षाच्या वतीने बे बेलापूर आयोजित करण्यात आलेल्या नागरिकांचा उत्स्फूर्त प्रतिसाद मिळाला पंतप्रधान नरेंद्र मोदी यांच्या वाढदिवसाचे औचित्य साधून बेलापुरातील भारतीय जनता पार्टीच्या वतीने जामा मस्जिद येथे विविध दाखल्यांचे घरांचे आयोजन करण्यात आले होते त्यात आधार कार्ड रेशन कार्ड विविध प्रकारचे दाखले नागरिकांना देण्यात आले. भाजप उत्तरनगर जिल्हाध्यक्ष नितीनजी दिनकर व भाजप अल्पसंख्याक मोर्चा अहिल्यानगर उत्तर जिल्हाध्यक्ष रऊफभाई शेख यांच्या आवाहनानुसार, श्रीरामपूर भाजप अल्पसंख्याक मोर्चाचे तालुकाध्यक्ष अजीज शेख यांच्या पुढाकाराने शुक्रवार, दि. १८ सप्टेंबर रोजी जामा मस्जिद बेलापूर येथील पुण्यश्लोक अहिल्याबाई होळकर उर्दू हायस्कूलमध्ये विविध शासकीय कागदपत्रांसाठी विशेष कॅम्प आयोजित करण्यात आला होता.

या कॅम्पचे उद्घाटन संजय गांधी निराधार समितीचे तालुकाध्यक्ष शरदराव नवले पाटील यांच्या हस्ते करण्यात आले. यावेळी मार्केट कमिटीचे माजी उपसभापती अभिषेक खंडागळे पाटील, बेलापूर भाजपा शहराध्यक्ष प्रफुल्लजी डावरे, जिल्हा सचिव निलेशजी हरदास, श्रीरामपूर तालुका माजी उपाध्यक्ष पुरुषोत्तम भराटे, जाफरभाई अत्तार, शफीकभाई बागवान, आसिफ शेख, जब्बार अत्तार, सूरज बडे, मुख्तार सय्यद, सुलतान शेख, मुनीर बागवान, मोहसीन हाजी बाहोद्दीन सय्यद, अनिस काजी, जमीर शेख, इम्तियाज अत्तार, जावेद बागवान एजाज सय्यद आदी उपस्थित होते.

कॅम्पमध्ये नागरिकांना पासपोर्ट, गॅझेट, आधारकार्ड, पॅनकार्ड तसेच आधार-पॅनकार्ड दुरुस्ती, KYC, बस पास आणि महा-ईडी कार्ड आदी सेवांचा लाभ देण्यात आला. यामध्ये १९ पासपोर्ट, १७ गॅझेट, २० आधारकार्ड, ३५ पॅनकार्ड, ३२ आधार-पॅनकार्ड दुरुस्ती, १३ KYC, १० बस पास आणि ५ महा-ईडी कार्ड अशा विविध सेवांसाठी नागरिकांनी नोंदणी केली.

बेलापूर तसेच पंचक्रोशीतील नागरिकांनी या कॅम्पला उत्स्फूर्त प्रतिसाद देत शासकीय कागदपत्रांच्या सुविधेबाबत विश्वास व्यक्त केला. ग्रामीण भागातील नागरिकांना विविध कागदपत्रांसाठी शहरात जाण्याची होणारी गैरसोय कमी व्हावी, या उद्देशाने आयोजित करण्यात आलेल्या या उपक्रमाचे नागरिकांकडून कौतुक करण्यात आले.

कॅम्पच्या आयोजनासाठी प्रसाद लढ्ढा, इंगळे व साळवे यांचे विशेष सहकार्य लाभले. कॅम्प यशस्वी करण्यासाठी भाजप अल्पसंख्याक मोर्चा श्रीरामपूर तालुकाध्यक्ष अजीज शेख, मोहसीन हाजी बाहोद्दीन सय्यद, शफीक बागवान, आसिफ शेख, जब्बार अत्तार, मुख्तार सय्यद, सुलतान शेख, हारून सय्यद, जुबेर अत्तार, कैफ काझी, मोईस शेख आदींनी विशेष परिश्रम घेतले.

शेवटी मोहसीन हाजी सय्यद यांनी उपस्थितांचे आभार मानले.

बेलापूर नाभिक संघटनेच्या अध्यक्षपदी सुनिल सोनवणे; उपाध्यक्षपदी सचिन कणसे

बेलापूर:-(प्रतिनिधी )-येथील बेलापूर नाभिक संघटनेच्या बैठकीत अध्यक्ष पदी सुनिल सोनवणे यांची तर उपाध्यक्षपदी सचिन कणसे यांची सर्वानुमते निवड करण्यात आली.समाजातील अडचणी सोडविण्यासाठी सदैव कटिबद्ध राहू.अशी ग्वाही नवनिर्वाचित पदाधिकाऱ्यांनी दिली.बेलापुर नाभिक संघटनेच्या अध्यक्षपदी सुनिल सोनवणे यांच्या नावाची सुचेना मावळते अध्यक्ष गोरख कणसे यांनी मांडली त्यास समाजाचे जेष्ठ कार्यकर्ते भाऊसाहेब कुटे यांनी अनुमोदन दिले तर उपाध्यक्ष पदासाठी सचिन कणसे या़च्या नावाची सुचेना प्रतापराव मुंडे यांनी मांडली त्यास कैलास घायल यांनी अनुमोदन दिले नवीन निवडीबद्दल त्यांचे मावळते अध्यक्ष गोरक्षनाथ कणसे, भाऊसाहेब कुटे, प्रतापराव हुडे , कनजीशेठ टाक , कैलास चायल,भिमराज हुडे,रमेश कुटे ,रविंद्र हुडे, नंदु भागवत, बबनराव रावताळे,बाबू वैद्य , सतीश सोनवणे,हरि वैद्य, विजय हुडे, विजय शेजूळ, अनिल शेजुळ, राजेंद्र बोरसे, महेश जायभार, गणेश शेजूळ, नवीन भागवत, कृष्णा भागवत, शेखर कुटे, गणेश कणसे, सागर हुडे, निलेश हुडे, अशोक आहेर, प्रशांत बिडवे, दत्तात्रय जाधव,रमेश टाक, सुधीर सोनवणे,राजन सोनवणे, आदींनी अभिनंदन केले आहे

साईश ढोकणेचे राज्यस्तरीय स्पर्धा परीक्षांत घवघवीत यश; विविध परीक्षांत राज्य गुणवत्ता यादीत चमक

बेलापूर (प्रतिनिधी)-एस के सोमय्या प्राथमिक विद्या मंदिर या शाळेत इयत्ता चौथी मधील विद्यार्थी चिरंजीव साईश रामेश्वर ढोकणे राज्यस्तरीय शिष्यवृसाईशत्ती परीक्षेत विशेष नैपुण्य मिळविले आहे. श्रीरामपूर तालुका पोलीस स्टेशनचे पोलीस हवालदार रामेश्वर ढोकणे यांचे चिरंजीव साईश याने राज्यस्तरीय शिष्यवृत्ती परीक्षेत ३००पैकी २५६ गुण मिळवून जिल्हास्तरीय गुणवत्ता यादीत २७ वा क्रमांक मिळविला आहे. त्याचबरोबर राज्य राज्यस्तरीय ऑलिम्पियाड स्पर्धेत 200 पैकी 188 गुण मिळवून राज्यात सहावा व जिल्ह्यात तिसरा क्रमांक मिळवला. तसेच लक्षवेध राज्यस्तरीय स्पर्धा परीक्षांमध्ये 300 पैकी 278 गुण मिळवून राज्यात सातवा व जिल्ह्यात तिसरा क्रमांक मिळविला. तसेच नॅशनल स्कॉलरशिप एक्झाम या राज्यस्तरीय स्पर्धेमध्ये 200 पैकी 188 गुण मिळवून राज्यात नववा व जिल्ह्यात तिसरा क्रमांक मिळविला भारत टॅलेंट सर्च बी टी एस या राज्यस्तरीय स्पर्धा परीक्षेमध्ये 150 पैकी 130 गुण मिळवून राज्यात बारावा व जिल्ह्यात चौथा क्रमांक मिळविला तसेच राज्यस्तरीय मंथन सामान्य ज्ञान परीक्षेमध्ये 300 पैकी 264 गुण मिळवून राज्यात एकोणीस व जिल्ह्यात चौदावा क्रमांक मिळविला त्याला रयत शिक्षण संस्थेच्या मॅनेजिंग कौन्सिलिंग सदस्या मीनाताई जगधने, विद्यालयाच्या मुख्याध्यापिका सोनाली पैठणी, वर्ग शिक्षिका श्रीमती मेघा पवार यांचे मोलाचे मार्गदर्शन लाभले. साईश रामेश्वर ढोकणे यांच्या यशाबद्दल अप्पर पोलीस अधिक्षक सोमनाथ वाघचौरे , उपविभागीय पोलीस अधिकारी जयदत्त भवर श्रीरामपूर तालुका पोलीस स्टेशनचे पोलीस निरीक्षक धनवडे श्रीरामपूर शहर पोलीस स्टेशनचे पोलीस निरीक्षक विशाल खैरे बेलापूर पत्रकार संघाचे अध्यक्ष भास्कर खंडागळे, देविदास देसाई,दिलीप दायमा,ज्ञानेश्वर गवले , नवनाथ कुताळ सुहास शेलार आदि अभिनंदन केले आहे.
हेडलाईन करा पेपर साठी

बेलापूरचा अक्षय घाणे यशस्वी; कर सहाय्यक पदावर निवड

बेलापूर (प्रतिनिधी): महाराष्ट्र लोकसेवा आयोग यांच्या वतीने घेण्यात आलेल्या कर सहाय्यक पदाच्या संयुक्त मुख्य परीक्षेत बेलापूर येथील अक्षय सुरेश घाणे याने उल्लेखनीय यश संपादन केले आहे.

महाराष्ट्र शासनाच्या वतीने घेण्यात आलेल्या या परीक्षेत अक्षय घाणे याची कर सहाय्यक म्हणून निवड झाली आहे. त्याचे प्राथमिक शिक्षण जिल्हा परिषद प्राथमिक शाळा, बेलापूर बुद्रुक येथे झाले. पुढे पाचवी ते बारावीपर्यंतचे शिक्षण जे. टी. एस. हायस्कूल व ज्युनिअर कॉलेज, बेलापूर येथे पूर्ण केले.

यानंतर त्याने विश्वकर्मा इन्स्टिट्यूट ऑफ टेक्नॉलॉजी, पुणे येथून बीटेक (इलेक्ट्रॉनिक्स इंजिनिअरिंग) पदवी संपादन केली. शिक्षण पूर्ण केल्यानंतर त्याने महाराष्ट्र लोकसेवा आयोग परीक्षेचा अभ्यास सुरू ठेवत मेहनतीच्या जोरावर हे यश मिळविले.

त्याच्या या यशाबद्दल जिल्हा नियोजन समितीचे माजी सभापती शरद नवले, बाजार समितीचे माजी उपसभापती अभिषेक खंडागळे, तसेच पत्रकार देविदास देसाई, गीरीश परांजपे, भास्करराव खंडागळे, मारुतराव राशिनकर, दिलीप दायमा, सुहास शेलार आदींनी अभिनंदन केले आहे.

अक्षय घाणेच्या या यशामुळे बेलापूर परिसरात आनंदाचे वातावरण निर्माण झाले आहे.

श्री साई मंदिराच्या वर्धापन दिनानिमित्त विविध कार्यक्रमाचे आयोजन -चायल

बेलापूर( प्रतिनिधी) -श्री साईबाबा मंदिराच्या दहाव्या वर्धापन दिनानिमित्त श्री साई पावन प्रतिष्ठान व साई सेवा समिती बेलापूर तसेच प्रवरा मेडिकल ट्रस्ट लोणी ग्रामीण महाविद्यालय पी एम टी लोणी यांच्या संयुक्त विद्यमाने मोफत दंतचिकित्सा शिबिराचे तसेच सामूहिक पारायण सोहळ्याचे आयोजन करण्यात आले असल्याची माहिती संस्थापक अध्यक्ष कैलास चायल यांनी दिली आहे. याबाबत माहिती देताना चायल यांनी सांगितले की श्रीरामपूर बेलापूर रोडवर असलेल्या श्री साईबाबा मंदिर स्थापनेस दहा वर्षाचा कालावधी पूर्ण झाला असून मंदिराच्या दहाव्या वर्धापन दिनानिमित्त विविध कार्यक्रमाचे नियोजन करण्यात आलेले आहे दहाव्या वर्धापन दिनानिमित्त मोफत दंतचिकित्सा शिबिराचे आयोजन करण्यात आले असून बुधवार दिनांक 15 एप्रिल रोजी सकाळी दहा ते दुपारी तीन वाजेपर्यंत दंत तपासणी, एक्स-रे, दात साफ करणे, दाताची कवळी बसवणे, दात काढणे, रूट कॅनल करणे, दातामध्ये सिमेंट व चांदी भरणे आदी कामे विनामूल्य केली जाणार आहे . सकाळी दहा वाजता सामूहिक पारायण सोहळ्याचे आयोजन करण्यात आले असून भाविकांनी आपली नावे नोंदवावी व साई सेवा कार्यात सहभागी व्हावे असे आवाहन करण्यात आले असून दुपारी बारा ते तीन महाप्रसादाचे आयोजनही करण्यात आलेले आहे तरी नागरिकांनी या सर्व कार्यक्रमाचा लाभ घ्यावा असे आवाहन अध्यक्ष कैलास चायल, सचिव राजेंद्र लखोटिया, सहसचिव राम बिलास झंवर, उपाध्यक्ष दीपक सिकची, संजय लड्डा, प्रशांत बिहानी, एडवोकेट व्ही एम मालपाणी, प्रमोद कर्डिले, रमेश पवार, शशिकांत कापसे, गंगाधर पवार, सयाजी कान्हे आदींनी केले आहे

बेलापूर येथे म. फुले यांचा जयंती सोहळा विविध उपक्रमांनी उत्साहात संपन्न

बेलापूरः(प्रतिनिधी)-बेलापूर बुll ग्रामपंचायत,संत सावता महाराज मंदिर,एम.पी. सोसायटी, झेंडा चौक आदिं ठिकाणी क्रांतीसूर्य महात्मा ज्योतिराव फुले यांची जयंती मोठ्या उत्साहात संपन्न झाली. बेलापूर ग्रामपंचायतीच्या वतीने म.फुले यांच्या प्रतिमेस माजी पंचायत समिती सदस्य व राष्ट्रवादी काँग्रेसचे सरचिटणीस अरुण पाटील नाईक ,शिवाजी पाटील वाबळे यांच्या हस्ते पुष्पहार अर्पण करण्यात आला. संत सावता महाराज मंदिर येथे नियोजन समितीचे माजी सभापती शरद नवले व बाजार समितीचे सभापती सुधीर नवले यांच्या हस्ते पुष्पहार अर्पण करण्यात आला.बेलापुर विविध कार्यकारी संस्थेतही महात्मा फुले यांची जयंती मोठ्या उत्साहात साजरी करण्यात आली.म.फुले जयंतीचा मुख्य सोहळा छ.शिवाजी महाराज चौकात संपन्न झाला.येथे म.फुले यांचेसह डाॕ.बाबासाहेब आंबेडकर ,छञपती शाहू महाराज यांच्या प्रतिमाचे पूजन करण्यात आले.

याप्रसंगी क्रांतीसूर्य म.ज्योतिबा फुले जयंती निमित्त समता परिषद बेलापूर व क्रांती सुर्य महात्मा ज्योतिराव फुले उत्सव समीती व तरुण मंडळाच्या वतीने धार्मिक कार्यातील योगदानाबद्दल कै. गणपत (मामा) टेकाडे मंडळ , सामाजिक कार्याबद्दल माऊली वृद्धाश्रमाच्या सौ. कल्पना सुभाष वाघुंडे,

, व्यसनमुक्ती व जनजागृती अभियानाबद्दल नवनाथ कुताळ , सहकार क्षेत्रातील योगदानाबद्दल श्री. अशोक राशिनकर , पत्रकारिता व अंधश्रद्धा निर्मूलन कार्याबद्दल देविदास देसाई , शेतीविषयक उत्कृष्ट मार्गदर्शनाबद्दल .किशोर राऊत , गोरक्षक समितीच्या उत्कृष्ट कार्याबद्दल श्री.ऋषिकेश भागवत

सामाजिक क्षेत्रातील योगदानाबद्दलश्री.बागवान रफिक अध्यात्मिक क्षेत्रातील योगदानाबद्दल श्री.एकनाथ रोकडे

,व सामाजिक क्षेत्रातील योगदानाबद्दल श्री.कचरू तुकाराम शिंदे

आदींना जीवनगौरव पुरस्कार देऊन सन्मानित करण्यात आले. या जयंती सोहळ्यास माजी जि. प. सदस्य शरद नवले, बाजार समितीचे सभापती सुधीर नवले, राष्ट्रवादी काँग्रेसचे सरचिटणीस अरुण पाटील नाईक, पत्रकार संघाचे अध्यक्ष भास्करराव खंडागळे, जेष्ठ पत्रकार मारुतराव राशिनकर,समता परिषदेचे सरचिटणीस प्रकाश कुर्हे, सावता महाराज मित्र मंडळाचे अध्यक्ष जालिंदर कुऱ्हे, माजी सरपंच भरत साळुंके, राजेंद्र सातभाई, बेलापूर सोसायटीचे चेअरमन अशोक कुऱ्हे, चंद्रकांत नाईक , पुरुषोत्तम भराटे, राजेंद्र टेकाडे , सोमनाथ शिरसाठ, संदीप कुऱ्हे, चेतन कुऱ्हे, सचिन मेहेत्रे, दत्ता कुऱ्हे, अमोल अनाप, बाळासाहेब लगे, एकनाथ नागले, विशाल मेहत्रे, विशाल लोंढे, सुरेश जाधव, सचिन नगरकर, वैभव कुऱ्हे, तुषार कुऱ्हे, कुणाल कुऱ्हे ,शरद पुजारी, शरद कुऱ्हे, शरद गायकवाड, अच्युत कुऱ्हे, बाळासाहेब लगे,सोमनाथ लगे, अरुण कुऱ्हे, देविदास घाणे, भाऊसाहेब तेलोरे, मधुकर अनाप ,मारुती राशिनकर, सुहास शेलार ,दिलीप दायमा आदीसह

विविध संस्थाचे पदाधिकारी, ग्रामपंचायत सदस्य सोसायटीचे पदाधिकारी, सावता मंडळाचे व क्रांतीज्योती म.फुले जयंती उत्सव समितीचे सदस्य समता परिषदेचे कार्यकर्ते तसेच ग्रामस्थ उपस्थित होते.कार्यक्रमाचे सूत्रसंचालन अरुण कु्र्हे यांनी केले

देवा धर्माच्या नावाखाली फसवणूक झाली असेल तर अंनिसशी संपर्क साधण्याचे आवाहन

बेलापूर ( प्रतिनिधी)-देवा धर्माच्या नावाखाली सर्व सामान्य नागरिकांच्या अज्ञानाचा फायदा घेवून दैवी शक्तीच्या आधारे विविध आजार बरे करण्याचे खोटे आश्वासन देऊन कुणी बाबा बुवा आर्थिक, शारीरिक, मानसिक फसवणूक करत असेल तर त्यांनी महाराष्ट्र अंधश्रद्धा निर्मूलन समीतीशी संपर्क साधवा असे आवाहन अंनिसचे देविदास देसाई यांनी केले आहे. महाराष्ट्र शासनाने अंधश्रद्धा निर्मूलन कायदा केला असला तरी श्रीरामपूर तालुक्यासह अहिल्या नगर जिल्ह्यात मोठ्या प्रमाणात भोंदूगीरी केली जात आहे भूत ,जादूटोणा,करणी काढण्याच्या नावाखाली मोठ्या प्रमाणात आर्थिक फसवणूक केली जात आहे या भोंदू बाबाकडे जाणार्ऱ्यामध्ये महीलांचे प्रमाण मोठे आहे.त्याचा गैरफायदा घेऊन सर्वच धर्मात पसरलेले हे भोंदु बाबा महीलांचे लैंगिक शोषण करत असल्याच्या तक्रारी समितीकडे आलेल्या आहेत.जिल्ह्यात पसरलेल्या या भोंदू बाबाचा अंनिसच्या वतीने भांडाफोड करण्याचा कार्यक्रम हाती घेण्यात येणार आहे.त्यामुळे अंधश्रद्धेतून फसवणूक झालेल्यांनी ,देविदास देसाई बेलापूर तालुका श्रीरामपूर या पत्त्यावर संपर्क साधावा असे आवाहन केले आहे.आपले नाव गुप्त ठेवले जाईल . श्रीरामपूर तालुक्यासह जिल्ह्यात भोंदूगिरी करणाऱ्या भोंदू बुवा बाबाचे मोठे जाळे पसरले आहे अंनिसच्या वतीने जिल्हा पोलीस अधीक्षक सोमनाथ घार्गे यांची भेट घेऊन अंधश्रद्धा निर्मूलन कायद्यांतर्गत जिल्ह्यात भोंदूगिरी करणाऱ्या बाबा बुवावर कारवाई करण्यात यावी अशी मागणी करण्यात येणार असल्याचेही देसाई यांनी सांगितले.लवकरच श्रीरामपूर तालुका अंधश्रद्धा निर्मूलन समितीची बैठक आयोजित करण्यात येणार असुन अंधश्रद्धा निर्मुलनाचे कार्य करण्याची ज्यांना आवड असेल त्यांनी अंनिसशी संपर्क साधावा असेही आवाहनही देसाई यांनी केले आहे.

बेलापूर बुll ग्रामपंचायत व सत्यमेव जयते ग्रुपच्यावतीने रस्त्याच्या दुभाजकातील झाडांसाठी पाण्याची व्यवस्था

बेलापूर(प्रतिनिधी)-बेलापूर- श्रीरामपूर रस्त्याच्या दुभाजकात लावलेली झाडे प्रशासनाच्या दुर्लक्षामुळे वाळत चालली असून वारंवार मागणी करूनही सार्वजनिक बांधकाम विभागाने दखल न घेतल्यामुळे अखेर बेलापूर बु ग्रामपंचायत व सत्यमेव जयते ग्रुप बेलापूर यांनी झाडांना पाणी देण्यास सुरुवात केली.या उपक्रमाचे वृक्षप्रेमीकडून कौतुक केले जात आहे. माजी आमदार लहू कानडे यांच्या विशेष प्रयत्नातून बेलापूर -श्रीरामपूर रस्त्याचे चौपदरीकरण होवून दुभाजकामध्ये वृक्षारोपण करण्यात आले होते.काही काळ त्याचे संगोपन ही व्यवस्थित झाले. परंतु आता कडक उन्हाळा सुरू झाला असून पाणी न मिळाल्यामुळे अपार मेहनत घेऊन जगवलेली ही झाडे शेवटच्या घटका मोजत आहेत. याप्रमाणेच बेलापूर-श्रीरामपूर रस्त्याचे दुतर्फा लावण्यात आलेल्या झाडांचीही दुरवस्था झाली आहे.याकडे बेलापूर ग्रामपंचायत सत्यमेव जयते सुप्रभात ग्रुपने प्रशासनाचे लक्ष वेधले होते परंतु त्याचा काहीही उपयोग झाला नाही.अखेर संजय गांधी निराधार समितीचे अध्यक्ष शरद नवले यांच्या पुढाकाराने बेलापूर बु ग्रामपंचायत व सत्यमेव जयते ग्रुपने झाडांना पाणी देण्याची व्यवस्था करण्यात आली.बेलापूर बु ग्रामपंचायतीच्या टँकरव्दारे पाणी दिले जात असून यासाठी ग्रामपंचायत कर्मचारी बाबासाहेब प्रधान, अविनाश शेलार,दत्तात्रय वक्ते,सुमित शेलार आदी परिश्रम घेत आहेत. बेलापूर-श्रीरामपूर रस्त्याचे दुतर्फा पावसाळ्यामध्ये झाडे लावण्याचा ठेका एका ठेकेदारांनी घेतला. त्याने पावसाळ्यात ती झाडे लावली देखील परंतु त्यानंतर लावलेल्या झाडांची देखभाल न केल्याने झाडांची दूरवास्था होत आहे. त्यामुळे ज्या ठेकेदारांनी रस्त्याच्या दुतर्फा झाडे लावून त्याचे संगोपन करण्याचा ठेका घेतलेला असेल त्या ठेकेदाराकडून जळून गेलेल्या ठिकाणी पुन्हा नवीन वृक्ष लागवड करावी.तसेच लावलेल्या झाडांचे संगोपन करावे याबाबत संबंधित ठेकेदाराला सुचना देण्याची मागणी बेलापूर बु ग्रामपंचायतीसह सत्यमेव जयते ग्रुपचे सदस्य संजय भोंडगे, विष्णुपंत डावरे,देविदास देसाई,अभिषेक खंडागळे, राधेश्याम अंबिलवादे,बाबासाहेब काळे,राजेंद्र कर्पे,भगीरथ मुंडलिक, दिलीप अमोलिक,बाबुलाल पठाण,विशाल आंबेकर, सचिन कणसे,हाजी इस्माईल शेख, इरफान शेख, किरण गागरे, दिपक क्षत्रिय,विलास नागले,प्रा निजाम शेख, सचिन देवरे,पुंजाहरी सुपेकर, महेश कुऱ्हे, सोमनाथ जावरे,जाकीर शेख,महेश ओहोळ,किशोर दायमा,गोपी दाणी, दिलीप दुधाळ,अर्जुन डुकरे,राहुल माळवदे,सलीम शेख आदींनी केली आहे.

लोणी खुर्द येथे रस्त्याच्या प्रश्नावर शेतकऱ्यांचे उपोषण; महिनाभर उलटूनही प्रशासनाकडून तोडगा नाही

लोणी खुर्द (प्रतिनिधी):राहता तालुक्यातील लोणी खुर्द येथे गट नंबर 60 मधील शेतकऱ्यांना शेतीकडे जाणाऱ्या रस्त्याच्या प्रश्नावर प्रशासनाविरोधात उपोषणाचा मार्ग अवलंबावा लागला आहे. रस्ता बंद झाल्याने शेतीकाम तसेच दैनंदिन हालचालींमध्ये मोठ्या अडचणी निर्माण झाल्याचा आरोप शेतकऱ्यांनी केला आहे.

मिळालेल्या माहितीनुसार, गट नंबर 60 परिसरातील ओढ्याचे खोलीकरण व रुंदीकरणाचे काम सुरू असताना अतिक्रमण काढण्यात आले. या कारवाईदरम्यान शेतकऱ्यांच्या शेताकडे जाणारा जुना रस्ता काढून टाकण्यात आल्याचा आरोप उपोषणकर्त्यांनी केला आहे. हा रस्ता लहानपणापासून तसेच त्यांच्या आजोबांच्या काळापासून वापरात असल्याचे शेतकऱ्यांचे म्हणणे आहे.

या प्रकरणी शेतकऱ्यांनी जनसेवा कार्यालयात तक्रार केल्यानंतर 17 जानेवारी 2026 रोजी जलसंधारण अधिकारी, सर्कल अधिकारी, तलाठी आदी अधिकाऱ्यांनी घटनास्थळी पाहणी केली होती. त्यावेळी लवकरच रस्ता उपलब्ध करून देण्याचे आश्वासन देण्यात आले होते. मात्र त्यानंतरही कोणतीही ठोस कार्यवाही झालेली नसल्याचा आरोप शेतकऱ्यांनी केला आहे.

दरम्यान गट नंबर 61, 62, 65, 66, 67, 68, 69, 70 व 71 या शेतकऱ्यांसाठी ओढ्यातील रस्त्याचा काही भाग कायम ठेवण्यात आला असून गट नंबर 60 कडे जाणारा रस्ता मात्र अर्धवट काढून टाकण्यात आल्याचे उपोषणकर्त्यांचे म्हणणे आहे.

सध्या शेतात जाण्यासाठी शेतकऱ्यांना शेजारील शेतातील मका पिकातून जावे लागत आहे. दूध काढण्यासाठी पहाटे व रात्रीही त्याच मार्गाचा वापर करावा लागत असल्याने मोठा धोका निर्माण झाला आहे. या परिसरात बिबट्याचा वावर असल्यामुळे जीवितास धोका असल्याची भीतीही शेतकऱ्यांनी व्यक्त केली आहे.

या पार्श्वभूमीवर गणेश रमेश काळवाघे, शुभम दत्तात्रेय आहेर आणि निखिल अनिल आहेर यांनी 7 मार्च 2026 पासून तहसील कार्यालयासमोर उपोषण सुरू केले आहे. गट नंबर 60 कडे जाणारा रस्ता उपलब्ध करून दिल्याशिवाय उपोषण मागे घेणार नसल्याचा निर्धार उपोषणकर्त्यांनी व्यक्त केला आहे.

बेलापूरच्या त्या भोंदू बाबा विषयी तक्रारी देण्यासाठी महीलांनी पुढे यावे-अंनिस

बेलापूर ( प्रतिनिधी)-देव अंगात संचारला असे भासवून काही भोंदू बाबा आलेल्या भक्तांचे आर्थिक, शारीरिक व मानसिक शोषण करत असल्याच्या बेलापूर व परिसरात चर्चा सुरू असुन अशा प्रकारे भोंदूगिरी करणाऱ्या बाबा संदर्भात काही तक्रारी असल्यास अंधश्रद्धा निर्मूलन समितीशी संपर्क साधावा असे आवाहन अंनिसच्या राज्य सचिव एडवोकेट रंजनाताई गवांदे, बाबा आरगडे ,देविदास देसाई यांनी केले आहे. या बाबत अंनिसच्या वतीने प्रसिद्धीला दिलेल्या निवेदनात गवांदे, आरगडे ,देसाई यांनी पुढे म्हटले आहे की बेलापूरातील एका भोंदूगिरी करणाऱ्या बाबाने काही महीलांचे लैंगिक शोषण केल्याची परिसरात चर्चा असुन बाबांच्या भितीपोटी व इज्जतीमुळे महीला तक्रार देण्यास पुढे येत नाही.ज्या महीलांची आर्थिक शारीरिक फसवणूक झाली असेल अशा महीलांनी अंधश्रद्धा निर्मूलन समितीच्या कार्यकर्त्यांशी अथवा पोलीस

स्टेशनमध्ये संपर्क साधावा त्या भोंदू बाबाची भोंदूगिरी समाजासमोर उघड करुन त्याचेवर अंधश्रद्धा निर्मूलन कायद्यांतर्गत कारवाई केली जाईल . संबंधित भोंदू बाबा विरुद्ध कारवाई करण्याच्या दृष्टीने अंनिसने पावले उचलली असुन त्या भोंदू बाबाने आलेल्या भक्तांकडून मोठ्या रकमा वसुल केल्या असल्याची ही परिसरात चर्चा असुन या बाबाकडे येणाऱ्या मध्ये अनेक राजकीय पुढाऱ्यांचा भरणा आहे. राजकीय पुढाऱ्यांच्या आश्रयाखाली हा बाबा महीलांचे लैंगिक शोषण करत असल्याची माहिती अंनिसच्या कार्यकर्त्यांना मिळाली असुन त्या भोंदू बाबांचे कारनामे दडपण्यासाठी मदत करणाऱ्या पुढाऱ्यांची नावे देखील उघड केली जाणार असल्याचे निवेदनात म्हटले आहे या निवेदनावर अंनिसच्या राज्य सचिव अँड रंजना ताई गवांदे ,बाबा आरगडे, देविदास देसाई ,छायाताई बंगाळ आदिच्या सह्या आहेत.

प्रशासनाच्या दुर्लक्षामुळे दुभाजकातील झाडे करपली!

बेलापूरच्या 'सत्यमेव जयते' ग्रुपची पाणी देण्याची आग्रही मागणी!

बेलापूर (प्रतिनिधी):

बेलापूर-श्रीरामपूर रस्त्याच्या दुभाजकामध्ये लावलेली तसेच दुतर्फा लावलेली झाडे वेळेवर पाणी न दिल्यामुळे जळून चालली आहेत.त्याचबरोबर झाडांच्या संरक्षणासाठी लावलेल्या जाळया देखील गायब झालेल्या आहेत तरी सार्वजनिक बांधकाम विभागाने याकडे गांभीर्याने लक्ष देऊन तातडीने झाडांचे संगोपन होईल अशी व्यवस्था करावी, अशी आग्रही मागणी बेलापूर येथील 'सत्यमेव जयते सुप्रभात ग्रुप' च्या वतीने पत्रकार देविदास देसाई यांनी केली आहे.

सत्यमेव जयते ग्रुपच्या वतीने प्रसिध्दीला दिलेल्या निवेदनात पुढे म्हटले आहे की पर्यावरणाचे संतुलन रहावे त्याचबरोबर रात्रीच्या वेळेस समोरुन येणाऱ्या वाहनांच्या प्रखर लाईटच्या प्रभाव पडू नये या करीता कोट्यवधी रुपये खर्च करून रस्ता दुभाथकामध्ये ही झाडे लावण्यात आली होती. सध्या कडक उन्हाळा सुरु झाला असून झाडांना वेळेवर पाणी न दिल्यामुळे झाडे वाळत चालली आहे. तसेच रस्त्याच्या दुतर्फा झाडे लावुन त्यां झाडांचे संगोपन करण्याची जबाबदारी एका ठेकेदाराला देण्यात आली होती.पावसाळ्यात संबंधीत ठेकेदाराने झाडे लावली पण नंतर त्या झाडाकडे ढुंकूनही पाहीले नाही. लावलेल्या झाडापैकी केवळ पाच दहा टक्केच झाडे कशीबशी तग धरुन आहे. अनेक झाडे पूर्णपणे वाळली असून, काही शेवटच्या घटका मोजत आहेत. शासनाचा पैसा खर्च करून लावलेली ही झाडे जगविणे संबधीत ठेकेदाराची जबाबदारी आहे.

या संदर्भात 'सत्यमेव जयते सुप्रभात ग्रुप' च्या सदस्यांनी चिंता व्यक्त केली असून, सार्वजनिक बांधकाम विभागाने या झाडांना टँकरद्वारे पाणी उपलब्ध करून द्यावे आणि त्यांची योग्य निगा ठेवावी, असे आवाहन केले आहे. जर वेळीच उपाययोजना केल्या नाहीत, तर सर्व झाडे नष्ट होतील, व केलेला खर्च वाया जाईल अशी भीती व्यक्त केली जात आहे.

पर्यावरण रक्षणासाठी सदैव तत्पर असलेल्या या ग्रुपने प्रशासनाला तातडीने या प्रकरणाची दखल घेऊन संबंधित ठेकेदाराला झाडाला पाणी देण्याबाबत आदेश करावेत असे आवाहन करण्यात आले आहे.या निवेदनावर देविदास देसाई सह अभिषेक खंडागळे ,राधेश्याम अंबिलवादे, संजय भोंडगे, हाजी इस्माईल शेख ,इरफान शेख, किरण गागरे, दिपक क्षत्रिय,सचिन वाघ,विष्णुपंत डावरे ,किरण शेलार,दिलीप अमोलिक, भगीरथ मुंडलीक ,विलास नागले,प्रा निजाम शेख,सचिन देवरे,सचिन कणसे, पुंजाहरी सुपेकर,महेश कुऱ्हे, सोमनाथ जावरे, बाबुलाल पठाण, जाकीर शेख, रवींद्र करपे, विशाल आंबेकर, महेश ओहोळ, गोपी दाणी, दिलीप दुधाळ,बाबासाहेब काळे,अर्जुन डूकरे आदिंसह सदस्यांनी केले आहे

बेलापूर येथे शिवजयंती उत्सवानिमित्त ह.भ.प.संग्रामबापू भंडारे यांचे जाहीर किर्तन

बेलापूर(प्रतिनिधी ): येथील छत्रपती तरुण मंडळाच्या वतीने दरवर्षी तिथीनुसार शिवजयंती उत्सव साजरा करण्यात येतो. यंदा मंडळाचे १९वे वर्ष असून शिवजयंती निमित्त विविध कार्यक्रमांचे आयोजन करण्यात आले आहे. शुक्रवार (६मार्च) रोजी स.१० वा. छत्रपती शिवाजी महाराज यांच्या मुर्तीचे पुजन तसेच संध्याकाळी ६वा.महाआरती व त्यानंतर महाप्रसादाचा कार्यक्रम होणार आहे. त्याचप्रमाणे शनिवार (७मार्च) रोजी संध्याकाळी ६वा. प्रसिद्ध किर्तनकार ह.भ.प.संग्रामबापू भंडारे यांचे जाहीर हरी किर्तन होणार आहे.सदरचे कार्यक्रम वीर सावरकर चौक,नगररोड, बेलापूर बु|| याठिकाणी होणार आहेत.तरी याप्रसंगी शिवप्रेमी ग्रामस्थांनी उपस्थित राहावे असे आवाहन छञपती तरुण मंडळाचे पदाधिकारी तसेच कार्यकर्त्यांनी केले आहे.

माहेश्वरी महीला संघटनेच्या जिल्हाध्यक्ष पदी अनुराधा राठी तर सचिव पदी रक्षा बुब

बेलापूर ( प्रतिनिधी)-अहिल्यानगर माहेश्वरी महीला संघटनेच्या जिल्हाध्यक्ष पदी सौ अनुराधा राठी यांची तर जिल्हा सचिव पदी सौ रक्षा बुब यांची सर्वानुमते निवड करण्यात आली. अहिल्या नगर जिल्हा माहेश्वरी महिला संघटनेच्या सन 2026 ते 2028 या कालावधीसाठी नविन कार्यकारिणी निवडण्यासाठी बोलविण्यात आलेल्या बैठकीत सर्वानुमते ही निवड करण्यात आली.या वेळी कोषाध्यक्ष म्हणून सौ अचला झंवर, संगठन मंत्री म्हणून सौ उषा मुंदडा, वरिष्ठ उपाध्यक्ष म्हणून सौ मिना मणियार यांची सर्वानुमते निवड करण्यात आली.या वेळी निवडणूक अधिकारी म्हणून खानदेश विभागाच्या सहसचिव राधा झंवर, रचना मालपाणी व राजश्री मिनीयार उपस्थित होत्या.या वेळी नुतन जिल्हाध्यक्ष अनुराधा राठी म्हणाल्या की संघटनेच्या माध्यमातून महीलांचे प्रश्न सोडविण्याचा प्रयत्न करु तसेच जिल्ह्यातील माहेश्वरी समाजातील महीलांना एकत्र आणून विविध उपक्रम राबविणार असल्याचा मानस सौ राठी यांनी व्यक्त केला.या वेळी माजी जिल्हाध्यक्ष सौ किरण डागा, गठबंधन समितीच्या सह संयोजीका सौ मंजुश्री धुत, सौ राजश्री मणियार, सुनिता मुंदडा,सौ शोभा बाहेती ,सौ मधुमती धुत आदि प्रमुख महीला उपस्थित होत्या.

आसाम राज्यातील शिष्टमंडळाची बेलापूरच्या घरकुल वसाहतीस भेट

बेलापूर बु ग्रामपंचायतीच्या वतीने सुरु असलेल्या घरकुल बांधकामास आसाम राज्याच्या शिष्टमंडळाने भेट दिली.कामाची पाहाणी केल्यानंतर सदर घरकुल वसाहतीबद्दल प्रशंसोदगार काढले.बेलापूरची घरकुल योजना हि पथदर्शक असून अशा पध्दतीचा पॕटर्न सर्वञ राबविण्याची गरज असल्याचे प्रतिपादन आसाम राज्याचे ग्रामविकास विभागाचे सहआयुक्त धृवज्योती नाथ यांनी केले. आसाम राज्याच्या शासकीय शिष्टमंडळाने बेलापूरच्या घरकुल वसाहतीस भेट दिली.सदरच्या शिष्टमंडळामध्ये श्री.धृबज्योती नाथ(सहआयुक्त, पंचायतराज व ग्रामविकास आयुक्तालय,आसाम)श्री. रणजीत दास(एस.पी.ई.पंतप्रधान ग्रामीण आवास योजना ,आसाम), श्री.निलोतनाथ मिश्रा(एस.पी.ई.पंतप्रधान ग्रामीण आवास योजना,आसाम) यांचेसह अहिल्यानगर जिल्हा ग्रामीण विकास यंत्रणेचे श्री.किरण साळवे आदि सहभागी होते. यावेळी जिल्हा परिषद सदस्य शरद नवले, बाजार समितीचे माजी उपसभापती अभिषेक खंडागळे,सरपंच सौ. मीनाताई साळवी, ग्रामपंचायत अधिकारी निलेश लहारे यांनी घरकुल कामाबाबत सविस्तर माहिती दिली. सदर प्रकल्पाची पाहणी केल्यानंतर बेलापूरची घरकुल योजना पथदर्शक असून हा पॕटर्न सर्वञ अवलंबला जावा असे मत या प्रतिनिधींनी व्यक्त केले. यावेळी पंचायत समितीचे विस्तार अधिकारी दिनकर ठाकरे, इंजिनिअर विकास पगारे,हर्षल दांगट,गणेश गोरे, शरद त्रिभुवन,जालिंदर कुऱ्हे, भाऊसाहेब कुताळ,पुरुषोत्तम भराटे, ग्रामपंचायत सदस्य मुस्ताक शेख,अँड.अरविंद साळवी,जाकीर हसन शेख,मोहसीन सय्यद,प्रभात कुऱ्हे,शफिक बागवान,जाकीर शेख,शफिक शेख,सौरभ बनकर,दादासाहेब कुताळ,बबन गायकवाड,विशाल सुरडकर, सुनिल हिवराळे,संतोष मगर,आकाश वाद्ये, अमजद शेख,ग्रामपंचायत कर्मचारी सचिन साळुंके,बाबासाहेब प्रधान आदी उपस्थित होते.*

घरकुलाच्या चौकशीचे आदेश दिल्यामुळे सत्ताधाऱ्यांची पत्रकबाजी -साळवी ,अमोलीक

बेलापूर-( प्रतिनिधी)-गटविकास अधिकाऱ्यांनी घरकुलात सुरु असलेल्या घोटाळ्याची चौकशी करण्याचे आदेश दिल्यामुळे पित्त खवळलेल्या सत्ताधाऱ्यांनी पत्रकबाजी सुरु केली असुन ही पत्रकबाजी म्हणजे चोराच्या उलट्या बोंबा असल्याचे माजी सरपंच महेंद्र साळवी व सदस्य रमेश अमोलीक यांनी प्रसिद्धीला दिलेल्या निवेदनात म्हटले आहे .साळवी व अमोलीक यांनी प्रसिद्धीला दिलेल्या पत्रकात पुढे म्हटले आहे की घरकुलाच्या चौकशी करीता गटविकास अधिकारी म्हस्के यांनी उपोषण सोडविताना ज्या बारा मागण्या केल्या होत्या त्यात सत्यता असल्यामुळे चौकशी समीतीची नियुक्ती करुन सात दिवसांच्या आत अहवाल सादर करण्याचे आदेश दिले आहेत या चौकशी समीतीमुळे आपली लबाडी उघड होण्याच्या भितीमुळे सत्ताधारी गडबडले आहेत ही बाब नागरिकांच्या लक्षात येणार असल्याने चुकीच्या पद्धतीच्या कामावरील लक्ष विचलित करण्यासाठी गावातील काहींना हाताशी धरून गटविकास अधिकारी मस्के साहेब यांना निवेदन देऊन चौकशीसाठी राजकीय दबाव आणला जात आहे तसेच माजी सरपंच भरत साळुंके व सभापती सुधीर नवले यांच्या खाजगी बांधकामाची चौकशीचे आदेश घेण्यात आले .मुळात बेलापूर बुद्रुक ग्रामपंचायत हद्दीमध्ये बांधकाम कायदेशीर कि बेकायदेशीर हे पाहण्याचा अधिकार ग्रामपंचायत प्रशासनाला आहे यांच्या बांधकामाची चौकशी सरपंच व ग्रामसेवक यानी करणे गरजेचे असताना चौकशीचा फार्स कशासाठी आम्ही मांडलेल्या मुद्द्यापैकी घरकुलाच्या बाबत सरपंचांना गावातील गावकरी मडळाचे पुढारी व ठेकेदार चुकीची माहिती दिलेली दिसते कारण माननीय ना राधाकृष्ण विखे पाटील साहेब यांनी शासनाकडून बेलापूर बुद्रुक ग्रामपंचायतला जी जमीन देण्यात आली त्यामध्ये काही अटी शर्ती टाकण्यात आलेल्या आहेत त्यामध्ये मुख्य अट हि बेलापूर बुद्रुक ग्रामपंचायत च्या नावे जमीन झाल्यानंतर सदरच्या जमिनीचा लेआउट तयार करून नगरचना विभाग श्रीरामपूर यांचे कडून रेखांकन मंजूर करून सदरील भूमिहीन लाभार्थ्यांना लॉटरी पद्धतीने पाचशे स्क्वेअर फुट जागा वाटप करण्यात यावी असे असताना ग्रामसभेत दोन तास चर्चा करून ज्या लाभार्थ्यांना लॉटरी पद्धतीत भाग घ्यायचा आहे त्यांच्या सोबत काढुनी 500फुट जागा त्यांच्या ताब्यात द्यावी असे ठरलेले असताना खाजगी ठेकेदाराकडे एक लाख 35 हजार रुपये रोख स्वरूपात जमा करणारे हे कोण असा सवाल साळवी व अमोलीक यांनी केला असून पालकमंत्री नामदार राधाकृष्ण विखे पाटील यांनी गरीबांच्या घरकुलासाठी जमीन देवुन ही सत्ताधाऱ्यांच्या चुकीमुळे लाभार्थी घरकुलापासुन वंचित राहु शकतात. रेखांकन मंजूर न करता घरकुल बांधण्याची घाई का केली जात आहे तसेच सुमारे 400 लाभार्थींची ओटीपी नंबर घेऊन वाळू कोणाच्या बांधकामावर गेली किंवा त्याची विक्री करण्यात आली याची चौकशी होणे गरजेचे आहे तालुक्याचे आमदार हेमंत ओगले यांना आम्ही लोकप्रतिनिधी म्हणून निवेदन दिलेले होते. त्या नीवेदनातील सर्व बाबी समजून सांगितल्यानंतर त्यांनी संबंधित अधिकाऱ्यांशी चर्चा करून याची सत्यता जाणून घेतली व ती केलेली मागणी योग्य असल्यामुळे तालुक्यामध्ये कुठल्याही गावांमध्ये चुकीच्या पद्धतीने काम होऊन देणार नाही मागील एक वर्षांमध्ये मा आमदार हेमंत ओगले यांनी बेलापूर ग्रामपंचायत परिसरात एक कोटी दहा लाख रुपयांची कामे मंजूर केली असून यावर्षी एक कोटीचे विकास कामांना निधी उपलब्ध करून देण्याचे आश्वासन दिलेले आहेत.असे असताना जर कुणी आंदोलन करण्याची धमकी देत असेल तर प्रति आंदोलन करण्याची आमची तयारी आहे मागील चार दिवसांपूर्वी मा गटविकास अधिकारी श्रीरामपूर पंचायत समिती यांनी बेलापूर बुद्रुक ग्रामपंचायत सरपंच यांच्या पत्रावरून लाभार्थींना दुसरा हप्ता देण्यात यावा अशी मागणी केली होती ती जर बरोबर असेल तर गटविकास अधिकारी श्रीरामपूर यांनी जोपर्यंत रेखांकन मंजूर होऊन जागावाटप होत नाही व जिओ टॅगिंग संबंधित लाभार्थींच्या व ग्राम विकास अधिकारी यांच्या फोटोसह मला उपलब्ध होत नाहीत तोपर्यंत दुसरा हप्ता देणार नाही अशा आशयाचे पत्र बेलापूर बुद्रुक ग्रामपंचायतला देण्यात आलेले आहे बेलापूर बुद्रुक ग्रामपंचायत मध्ये मागील पाच वर्षांमध्ये कोणत्या नेत्याचे चिरंजीव काम करतात हे नागरिकांना वेगळे सांगण्याची गरज नाही कामाच्या गुणवत्तेबाबत अनेक वेळा तक्रारी करून सुद्धा अधिकाऱ्यांना इतर गावातील कामांच्या नावाने ब्लॅकमेलिंग करून बिले काढण्याचा धडाका संबंधित गावपुढ्यार्यानी केलेला आहे सरपंच सौ साळवी यांनी बेलापूर बुद्रुक ग्रामपंचायत हद्दीतील झालेल्या कामांची पाहणी करून चौकशी करावी आपला बोलवता धनी कोण आहे हे सर्व जनतेला माहित आहे व सर्व जनतेला झेंडा चौकात वरील सर्व कागदपत्र घेऊन मी दाखवायला तयार आहे त्यामुळे बेलापूर येथील नागरिकांनी या गाव पुढ्याया पासुन सावध राहावे असे आव्हान माजी सरपंच महेंद्र साळवी व ग्रामपंचायत सदस्य रमेश अमोलिक यांनी केले आहे

बिल्डर लाॕबीच्या सांगण्यावरुन घरकुल योजनेत बाधा आणल्यास लाभार्थ्यांचा आमदारांच्या कार्यालयावर मोर्चाचा सौ.साळवींचा इशारा

बेलापूरःबेलापूरची घरकुल योजना पालकमंञी नाम.राधाकृष्ण विखे पा. यांचे संकल्पनेनुसार सुरु आहे.सदर योजनेबाबात आमदारांना बिल्डर लाॕबीकडून चुकीची माहिती दिली जात असल्याने आमदार अधिकाऱ्यांवर दबाव आणून आडकाठी आणित आहेत.वास्तविक सदर योजनेच्या स्वरुपास व योजनेस आमदारांनी आमसभेमध्ये संमती दिली.आता तेच गोरगरीबांच्या सदर योजनेस सहकार्य करणेऐवजी ह्या योजनेत बाधा आणित आहेत.यामुळे गोरगरीब बेघरांना योजनेपासून वंचित राहावे लागणार आहे.त्यामुळे आमदारांनी चुकीची माहिती देणा-यांच्या सांगण्यावरुन घरकुलाचे कामात बाधा आणल्यास घरकुल योजनेच्या लाभार्थ्यांचा आमदारांच्या कार्यालयावर मोर्चा काढण्यात येईल असा इशारा सरपंच मिनाताई साळवी यांनी दिला आहे. सौ.साळवी म्हणाल्या की,बेलापूरची घरकुल योजना हि राज्यात आदर्श ठरावी यासाठी नाम.विखे पा. व नाम.गोरे यांनी काही मार्गदर्शक सुचना केल्या.सदर योजनेबाबत आमदारांनी आयोजित केलेल्या आमसभेत सविस्तर चर्चा देखिल झाली.यावेळी योजनेचे सविस्तर स्वरुप व तपशील सविस्तरपणे मांडण्यात आला.तेव्हा आमदारांनी त्यास संमती दिली. माञ या योजनेमुळे बिल्डर लाॕबीच्या हितसंबंधास बाधा येणार असल्याने सुधीर नवले,भरत साळुंके ,रविन्द्र खटोड आदि नेत्यांनी काही जणांना चिथावणी देवून मोर्चे,उपोषणे करायला लावले.तसेच या कानभ-या नेत्यांनी आमदारांना चुकीची माहिती देवून अधिका-यांवर दबाव आणणे भाग पाडले.अशाच त-हेने या महाभागांनी महिलांच्या सार्वजनिक शौचालयाला विरोध करुन ते काम बंद पाडले.एकीकडे हे महाभाग स्वतःला नाम.विखे पा.यांचे सरर्थक म्हणवतात तर दुसरीकडे नाम.विखे पा.यांच्या संकल्पनेतील घरकुल योजनेस विरोध करण्याचा दुटप्पीपणा करतात असा आरोप सौ.साळवी यांनी केला. घरकुल योजनेचे काम चुकीच्या पध्दतीने होत असल्याचा आरोप तथ्यहिन असून हि निवडणुका जवळ आल्याने होणारी राजकीय स्टंटबाजी आहे.आरोप करणारांनी तक्रारीत नमुद केल्यानुसार घरकुल योजना राबवायची तर उपलब्ध जागेत फक्त ५३७ इतकीच घरकुले बसतील.यामुळे ५०० लाभार्थ्यांना घरकुल योजनेपासून वंचित राहावे लागेल.या वंचित ५०० लाभार्थ्यांना घरकुले देण्याची जबाबदारी आमदार व तक्रार करणारे घ्यावयास तयार आहेत काय आसा सवाल सौ.साळवींनी उपस्थित केला. अशी वस्तुस्थिती असल्याने आमदारांनी या योजनेच्या कामाची समक्ष पाहणी करुन योजनेची सविस्तर माहिती घ्यावी. चुकीच्या माहितीला बळी पडून स्वतःची अडचण करुन घेवू नये.अशाचत-हेने काहिजणांच्या चुकीच्या माहितीवरुन आमदारांनी टिळकनगर इंडस्ट्रिजबाबत विधानसभेत प्रश्न उपस्थित केल्याने त्यांना कामगारांसह नागरिकांच्या रोषास सामोरे जावे लागले होते.तसेच नंतर दिलगीरी व्यक्त करावी लागली होती याची आठवण ठेवून आमदारांनी चुकीच्या माहितीच्या आधाराने घरकुल योजनेत बाधा आणून गोरगरीब लाभार्थींचा रोष पत्करु नये.अशाच पध्दतीने दत्तनगर येथे रो हऊसिंग पध्दतीचे काम केले जात आहे.तोच पॕटर्न नाम.विखे पा.यांचे सुचनेवरुन स्विकारुन घरकुलांचे काम सुरु आहे.तेव्हा आमदारांनी बिल्डर लाॕबीच्या दिशाभुलीला बळी पडून गोरगरीबांना उघड्यावर पाडू नये असे.उलट या योजनेस मार्गदर्शन व सहकार्य करावे.तसेच ग्रामस्थांनी आमदारांना मते दिली असल्याने गावातील अरुणकुमार वैद्यपथ,मेनरोड-केशव गोविंद मंदिर रस्ता,कु-हे वस्ती, जामा मशिद - गणपती मंदिर-ते महादेव मंदिर रस्ता आदि रस्त्यांचे कामांना आमदारनिधी द्यावा असे आवाहन सौ.साळवी यांनी केले आहे.

बेलापूरमध्ये भगवान विश्वकर्मा जयंती उत्साहात साजरी

बेलापूर (प्रतिनिधी):येथील छ.शिवाजी महाराज चौकात भगवान विश्वकर्मा जयंती मोठ्या उत्साहात साजरी करण्यात आली. या निमित्त ह.भ.प. मोहन खानविलकर महाराज यांच्या हस्ते विधीवत पूजन तर बेलापूर प्रेस क्लबचे अध्यक्ष भास्कर खंडागळे यांचे हस्ते सृष्टीचे शिल्पकार मानल्या जाणाऱ्या विश्वकर्मा महाराजांच्या प्रतिमेचेवस पुष्पहार अर्पण करण्यात आले.

प्रतिमा पूजनानंतर उपस्थितांनी भगवान विश्वकर्मा यांच्या प्रतिमेस पुष्पांजली अर्पण करुन अभिवादन केले.याप्रसंगी भरत साळुंके ,अभिषेक खंडागळे ,रविन्द्र खटोड, प्रकाश कुऱ्हे, पञकार नवनाथ कुताळ,सुहास शेलार,दिलिप दायमा, बाळू शेठ खातीजी, चंद्रकांत पाटील नाईक, रमेश अमोलिक, श्रीराम शर्मा, संजय शर्मा, सुरज शर्मा, प्रशांत लढा, राधेश शर्मा, राजेंद्र पोपळघट, जालिंदर शिंदे, गोविंद गाडेकर, शफिक आतार, नितीन शर्मा, दत्तात्रय कुऱ्हे, सोमनाथ शिरसाठ, महादेव गाडेकर, ऋषी वाकचौरे, रामभाऊ वाकचौरे, गोविंद भराटे आणि सुनील कुऱ्हे आदिंसह ग्रामस्थ व कारागीर मोठ्या संख्येने उपस्थित होते.

बेलापूर जिल्हा परिषद मराठी शाळेत प्रजासत्ताक दिन साजरा

बेलापूर ( प्रतिनिधी)-जिल्हा परिषद प्राथमिक शाळा बेलापूर बु!! मराठी शाळा प्रजासत्ताक दिन मोठ्या उत्साहात साजरा करण्यात आला .शाळेतील सर्व मुली व मुले यांचे कवायत व लेझीम घेण्यात आली उद्देशकांचे वाचन व असाक्षरता प्रतिज्ञा घेण्यात आली. ध्वजारोहण पोलीस पाटील अशोक प्रधान व बोरुडे सर यांच्या हस्ते करण्यात आले विविध गुणदर्शन स्पर्धेत सहभागी असणाऱ्या मुला-मुलींना प्रशस्तीपत्रक देण्यात आले, या वेळी विद्यार्थी विद्यार्थिनींनी मनोगत, देशभक्तीपर गीत गायन सादर केले, बेलापूर ग्रामपंचायतीच्या वतीने मुलांना रेवडी ( खाऊ) वाटप करण्यात आले. तसेच सामाजिक कार्यकर्ते विष्णुपंत डावरे व राजाभाऊ काळे, मोकाशी दादा, श्रीमती निमसे ताई यांच्या वतीने देखील खाऊ वाटप करण्यात आला या कार्यक्रमासाठी माजी. जि. प. सदस्य श्री शरद नवले पाटील , व माजी उपसरपंच व ग्रामपंचायत सदस्य श्री. अभिषेक खंडागळे पाटील, श्री. अरुण पाटील नाईक, सरपंच श्रीमती मीनाताई साळवी, शाळा व्यावस्थापन समितीचे अध्यक्ष श्री.तुफेल अहमद सय्यद,शाळा व्यवस्थापन समिती मुली अध्यक्ष निमसे ताई व माजी विद्यार्थी संघ मेळावा अध्यक्ष श्री. शाहरुख भाई शेख, उपाअध्यक्ष, राज गुडे, कृष्ण भागवत अंगणवाडी सेविका शेलार ताई, तेलोरे ताई, बेलापूर मुले शाळेच्या मुख्याध्यापिका सौ.उदमले मॅडम, उपमुख्यधापिका सौ. अंत्रे मॅडम, शिंदे मॅडम, देवढे मॅडम बेलापूर मुली शाळेच्या मुख्याध्यापिका सौ. दहिवाळ मॅडम उपमुख्याध्यापिका सौ. भवार मॅडम, श्रीमती. परदेशी मॅडम दोन्ही शाळेचे शाळा व्यवस्थापन समिती अध्यक्ष व सदस्य माता-पालक मोठ्या संख्येने उपस्थित होते..!!

सत्ताधारी घरकुल योजनेलाच हरताळ फासत असल्याचा पत्रकार परिषदेत नवले, खटोड, साळुंके,अमोलीक, साळवी यांचा आरोप

बेबेलापूर (प्रतिनिधी )-जिल्ह्याचे पालकमंत्री नामदार राधाकृष्ण विखे पाटील यांनी बेलापूरच्या विकासासाठी व गोरगरिबांच्या घरकुलाकरीता विनामूल्य जमीन दिली. परंतु सत्ताधारी स्वतः चे खिसे भरण्याच्या व श्रेय लाटण्याच्या नादात घरकुल योजनेलाच हरताळ फासत असल्याचा आरोप बाजार समितीचे सभापती सुधीर नवले, खटोड पतसंस्थेचे चेअरमन रवींद्र खटोड व माजी सरपंच भरत साळुंके महेंद्र साळवी, रमेश अमोलीक यांनी पत्रकार परिषदेत केला. बेलपुरात एकाच दिवशी दोन आमरण उपोषण सुरू झाले व त्याच दिवशी ते उपोषण सुटले याबाबत सत्ताधाऱ्याकडून खुलासे करण्यात आले त्या खुलाशाला उत्तर देण्याकरता बोलविण्यात आलेल्या पत्रकार परिषदेत हे आरोप करण्यात आले यावेळी पत्रकार परिषदेत माहिती देताना माजी सरपंच महेंद्र साळवी व ग्रामपंचायत सदस्य श्री रमेश आमोलिक यांनी सांगितले की शासनाने गोरगरिबा करता घरकुल योजना सुरू केली परंतु सत्ताधारी त्या योजनेच्या नावाखाली मोठ्या प्रमाणात वसुली करत आहेत घरकुल योजना पारदर्शक पद्धतीने राबविणे आवश्यक असताना सत्ताधारी मनमानी पद्धतीने कामकाज करत आहेत वास्तविक सर्व घरकुल लाभार्थ्यांची चिठ्ठ्या टाकून कोणाचे घरकुल किती नंबरला आहे हे निश्चित केले पाहिजे होते.प्रत्येक लाभार्थ्यांना नियमानुसार 500 चौरस फुट जागा वाटप करुन देणे आवश्यक होते परंतु तसे न करता मनमानी पद्धतीने घरकुल वाटप करण्यात येणार आहे त्याचबरोबर कॉलनी बांधण्याच्या नावाखाली मोठ्या प्रमाणात लाभार्थ्याकडून पैसे उकळण्यात येत आहेत .या कामाचा ठेका खाजगी व्यक्तीला देण्यात आला असुन त्या व्यक्तीची नेमणूक कशी केली त्याच दर्जाच्या व्यक्ती गावात नव्हत्या का? संबंधित व्यक्ती लाभधारकाकडून १३५०००रुपये वसलं करत आहेत त्याना वसुलीचे अधिकार कुणी दिले.लाभधारकाकडून सक्तीने संमतीपत्र कुणी लिहून घेतले त्यामुळे ही वसुली पुर्ण पुणे बेकायदेशीर आहे तसेच या घरकुल योजनेची लेआउट मंजूर नाही घरकुल योजने करीता आवश्यक त्या विभागाकडून परवानगी घेण्यात आलेली नाही बेलापूर ग्रामपंचायतीने सर्व कायदेशीर प्रक्रियां डावलून खाजगी ठेकेदाराची नेमणूक करून सरपंच उपसरपंच व सत्ताधारी यांनी संगनमताने व चुकीच्या पद्धतीने घरकुल योजना राबवून लाभार्थ्यांचे फसवणूक सुरू केलेली आहे त्यामुळे हे लाभार्थी पैसे देऊनही घरकुला पासून वंचित राहू शकतात.लेआऊट मंजुरी शिवाय जागावाटप न करता बांधकाम सुरु राहील्यास लाभार्थ्यांचे नुकसान होऊ शकते त्यामुळे या योजनेची निष्पक्ष चौकशी करावी व चुकीचे नियमाला डावलून काम करणारावर कायदेशीर कारवाई करण्यात यावी अशी मागणीही यांनी केली आहे.

काशी येथील भागवत कथेदरम्यान वैदिक विद्यार्थी महेश दायमाचा सन्मान

बेलापूरःराष्ट्रिय स्वयंसेवक संघाच्या शताब्दीनिमित्त काशी येथील मनकर्णिका घाट येथील नरसिंह मठ आयोजित श्रीमद कथेदरम्यान वैदिक विद्यार्थी महेश दायमा याचा विशेष गौरव करण्यात आला. काशी येथील मनकर्णिका पिठाने श्रीमद भागवत कथेचे आयोजन केले आहे.याप्रसंगी आळःदी येथील तपोवनव्दारा आयोजित वैदिक परिक्षेत रामजन्मभुमी न्यासाचे कोषाध्यक्ष स्वामी गोविंददेवगिरीजी यांचे हस्ते सुवर्णमुद्रिका प्राप्त आचार्य महेश दायमा यांस सन्मानित,करण्यात आले.सध्या महेश दायमा काशी येथे वैदिक शिक्षण घेत आहे. महेश दायमा हा पञकार दिलिप दायमा यांचा मुलगा आहे.त्याच्या या सन्मानाबद्दल पञकार भास्कर खंडागळे,मारुतीराव राशिनकर ,रणजीत श्रीगोड,अशोक गाडेकर,सुनिल मुथा,नवनाथ कुताळ,देविदास देसाई,ज्ञानेश गव्हले,सुनिल नवले,विष्णुपंत डावरे,सुहास शेलार,दिपक क्षञिय,गोविंद साळुंके ,आतिश देसर्डा,शरद पुजारी,शफिक बागवान,भारत थोरात आदिंनी अभिनंदन केले आहे.

bindas news

Labels

Technology

Breaking News