bindas news

मडगाव,गोवा(गौरव डेंगळे): येथील के एस सी आर क्रिकेट मैदानावर टी ट्वेंटी क्रिकेट असोसिएशन ऑफ इंडियाच्या वतीने १८ राज्यांचे निमंत्रित क्रिकेट स्पर्धेच आयोजन करण्यात आले आहे.

आज झालेल्या पहिल्या सामन्यात वरद कुंभकर्णच्या अष्टपैलू खेळीच्या जोरावर महाराष्ट्राने मध्य प्रदेशवर २२ धावांनी विजय मिळवला.नाणेफेक जिंकून मध्यप्रदेश संघाने प्रथम गोलंदाजी करण्याचा निर्णय घेतला.महाराष्ट्र संघाने निर्धारित १५ षटकांमध्ये ५ गडी बाद १०८ धावा फटकावल्या. महाराष्ट्र संघाकडून वरदने नाबाद २५,आरमने १७ धावा तर सर्वेशने १२ धावांचे योगदान दिले.मध्यप्रदेश संघाकडून राहुल व रोहितने १-१ गडी बाद केला.१०९ धावांचं आव्हान घेऊन मैदानात उतरलेल्या मध्य प्रदेशचा संघ वरद व आराम यांच्या भेदक माऱ्यापुढे टिकाऊ धरू शकला नाही व संघ १२ षटकात ८६ धावांवर गारद झाला.वरद व आराम प्रत्येकी ३-३ गडी बाद केले तर मितांश व या दोन्ही प्रत्येकी २-२ गडी बाद केले.

मध्यप्रदेश संघाकडून रोहितने सर्वाधिक १२ धावांची योगदान दिले.२५ धावा व ३ गडी बाद करणारा वरद सामन्याचा सामनामानकरी ठरला. साखळीतील दुसऱ्या सामनात महाराष्ट्राची गाठ पडेल ती बलाढ्य छत्तीसगड संघाबरोबर.

श्रीरामपूर प्रतिनिधी:ये

थील गोंधवणी रोड अत्यंत वर्दळीचा रस्ता असुन शहराच्या इतर रस्त्याच्या तुलनेत हा रस्ता तसा खुपच चिवळ देखील आहे.

या रस्त्यावर नेहमी प्रचंड प्रमाणात वाहतूक त्यात पाटाच्या पुलावर अनेक वाहन धारकांनी अनाधिकृत पार्किंग निर्माण केली असल्याने दररोजच अपघातांच्या घटना हे तसे नित्याचेच,म्हणाव्या लागेल.मात्र आज सकाळी ११:०० वाजेच्या दरम्यानं गोंधवणी रोड पाटाच्या पुलाजवळील कलगीधर हॉल शेजारी ,श्री.गुरुवाडा यांच्या घरासमोर एक सिमेंटचा ट्रक पलटी होता होता वाचला,सुदैवाने यात कोणतीच जीवीत हानी नाही

सदरील सिमेंट ट्रक मागे घेत असताना चक्क तो नगर पालिका जनरल गटार चेंबरमध्ये एक चाक गेल्याने ट्रक पलटी होता होता वाचला यात सुदैवाने कोणतीच जीवीत हानी झाली नाही हे एक चांगलच म्हणावे लागेल.

शहरात उघडे गटारीचे चेंबर्स आणी बेशिस्त वाहतूकीवर न राहिलेले शहर पोलिसांचे नियंत्रण अशी स्थिती असल्याने कारण 

याकडे संबंधित पोलिस यंत्रणा आणी नगर पालिका प्रशासनाचे दुर्लक्ष होत असल्याने नागरीकांमधून नाराजगीचा सुर निघत आहे.

गौरव डेंगळे (पणजी):गोवा येथे संपन्न झालेल्या ३७ व्या राष्ट्रीय क्रीडा स्पर्धेत,वेटलिफ्टिंग स्पर्धेत बाबुजी आव्हाड महाविद्यालयाच्या खेळाडूंनी नेत्र दीपक कामगिरी केली. कु. कोमल वाकळे हिने ८७ किलो वजन गटात २०५ किलो वजन उचलून सलग दुसऱ्यांदा या स्पर्धेत सुवर्णपदक पटकावले तर कु. योगिता खेडकर हिने +८७ किलो वजन गटात १९८ किलो वजन उचलून महाराष्ट्र संघास कास्यपदक मिळवून दिले. भारताच्या प्रतिष्ठित असलेल्या या स्पर्धेत एकूण ४३ क्रीडाप्रकारात, २८ राज्य, ८ केंद्रशासित प्रदेशतील १० हजार खेळाडूंनी सहभाग घेतला. यशाबद्दल पाथर्डी तालुका वेटलिफ्टिंग असोसिएशनचे व पार्थ विद्या प्रसारक मंडळाचे अध्यक्ष अभय आव्हाड, उपाध्यक्ष ॲड. सुरेशराव आव्हाड,  महाविद्यालयाचे प्राचार्य डॉ.जी.पी. ढाकणे, अहमदनगर जिल्हा वेटलिफ्टिंग संघटनेचे अध्यक्ष प्रा. सुभाष देशमुख, उपाध्यक्ष राजेंद्र सोनवणे, प्रा. संजय धोपावकर, रवींद्र सांगळे यांनी अभिनंदन केले. त्यांना जिल्हा वेटलिफ्टिंग संघटनेचे सचिव व महाविद्यालयाचे शारीरिक शिक्षण संचालक प्रा. विजय देशमुख यांचे  मार्गदर्शन मिळाले. या यशाबद्दल जिल्ह्यातून खेळाडूंवर अभिनंदनचा वर्षाव होत आहे.

बेलापुर - १५ वर्षीय अल्पवयीन हिंदू मुलीला मोबाईलवर नागडे फोटो पाठवणारा बेलापूरचा लिंगपिसाट,३२ वर्षीय योगेश साहेबराव पवार याच्यावर पोक्सो कायद्यान्वये गुन्हा दाखल…१५ वर्षीय अल्पवयीन हिंदू मुलीला मोबाईलवर नागडे फोटो पाठवणारा बेलापूरचा लिंगपिसाट,३२ वर्षीय योगेश साहेबराव पवार याच्यावर पोक्सो कायद्यान्वये गुन्हा दाखल…बेलापूर बुद्रुक गावातील एका हिंदुत्ववादी संघटनेचा प्रमुख म्हणून काम करणारा लिंगपिसाट,३२ वर्षीय आरोपी योगेश साहेबराव पवार,रा.नवले गल्ली,बेलापूर बुद्रुक,श्रीरामपूर याने १५ वर्षीय अल्पवयीन हिंदू मुलीला सहा महिन्यापासून पाठलाग करून,तिच्या मोबाईलवर स्वतःचे नागडे फोटो आरोपीने पाठवून अतिशय नीचपणे वर्तणुक करुन तिचा विनयभंग केला म्हणून श्रीरामपूर शहर पोलीस ठाण्यामध्ये गुन्हा रजिस्टर नंबर 1154/2023 प्रमाणे कलम 354-D,509,506 व पोक्सो कायद्यातील कलम 12 प्रमाणे गुन्हा दाखल करण्यात आला आहे.   या १५ वर्षीय अल्पवयीन हिंदू मुलीने पोलीसांत दिलेल्या फिर्यादीत म्हटले आहे की,आरोपी योगेश साहेबराव पवार याने ०६ महिन्यापासून तिचा पाठलाग केला,तसेच २७ ऑक्टोबर २०२३ रोजी दुपारी तीन वाजताच्या सुमारास तिला मोबाईलवर इंस्टाग्रामच्या माध्यमातून आरोपीने स्वतःचे नागडे फोटो पाठवले,तसेच आरोपीने तू मला आवडतेस,आपण लग्न करू ,आपण रूम घेऊन भेटू ,तुझे कपडे काढलेले फोटो मला पाठव,मला तुझे ओपन फोटो पाठव असे म्हणत शरीरसुखाची मागणी केली.यावर या १५ वर्षीय अल्पवयीन हिंदू मुलीने नकार दिला असता आरोपी योगेश साहेबराव पवार तिला शिवीगाळ करून कोणाला काही सांगू नको,नाहीतर बघून घेण्याची तिला धमकी दिली.त्यानंतर मुलीने तिच्या वडिलांना आरोपी योगेश साहेबराव पवार याच्या कृत्यांबद्दल सांगितले.त्यानुसार मुलीच्या वडिलांनी,परिवाराने काल संध्याकाळी पोलिसात जाऊन तक्रार दाखल केली. 

  याबाबत १५ वर्षे अल्पवयीन हिंदू मुलीच्या वडिलांनी आम्हाला सांगितले की,३२ वर्षीय योगेश साहेबराव पवार हा व त्याचे सहकारी हे माझ्या १५ वर्षीय अल्पवयीन मुलीसह परिसरातील मुलींना नवरात्रीमध्ये दुर्गा माता दौड कार्यक्रमाला घेऊन जायचे.तसेच त्याने या मुलींना केरला स्टोरी पिक्चर दाखवण्यासाठी श्रीरामपूर शहरातील एका थिएटरमध्ये देखील त्याच्या मित्रांसह नेले होते.त्यावेळी योगेश साहेबराव पवार याचे बेलापुरातील व श्रीरामपुरातील मित्र उपस्थित होते. हिंदुत्वाचे काम असल्यामुळे मी माझ्या मुलीला त्याच्या सोबत जाऊ दिले.परंतु योगेश साहेबराव पवार या आरोपीने माझ्या अल्पवयीन मुलीचा गैरफायदा घेऊन असे अतिशय हीन व नीचपणाचे कृत्य केले आहे.   या प्रकरणी अशी धक्कादायक माहिती समजते की,श्रीरामपूर शहरातील काही संघटनेच्या लोकांनी व बेलापुरातील काही नेतेमंडळींनी या अल्पवयीन हिंदू मुलीच्या परिवारावर पोलीसात केस करु नका असा दबाव टाकला. जेणेकरून लिंग पिसाट योगेश साहेबराव पवार यांच्यावर गुन्हा दाखल होऊ नये व त्याचे काळे कृत्य जगासमोर येऊ नये.परंतू या अल्पवयीन मुलीच्या वडिलांनी आपल्या इज्जतीचा विषय असल्यामुळे या दबावाला जुमानले नाही व माघार घेतली नाही.

श्रीरामपूर प्रतिनिधी:सध्या श्रीरामपूर शहरासह तालुकाभरातील विविध पान टपऱ्यांमधून स्ट्रॉंग तंबाखू असलेले किवामयुक्त फुलचंद पान आजही उपलब्ध होत असल्याने राज्य सरकारने सुगंधी सुपारी आणि सुगंधी तंबाखूवर घातलेली बंदी केवळ कागदावरचा फार्स ठरली आहे. स्ट्रॉंग तंबाखूजन्य फुलचंद पान हे असे पान आहे जे नजर चुकीने जरी एखाद्या इसमाने मसाला पान म्हणून खाल्ले तर खाणाऱ्यास भयंकर चक्कच येणे, त्याच्या ह्रदयाचे ठोके वाढणे,मळमळ होणे अस्वस्थ वाटणे, हातपाय गळण्यासारखे वाटणे असे भयंकर लक्षण दिसून येतात.एखाद्याचे ॲजिओप्लास्टी किंवा बायपास झालेले असल्यास सदरील पान हे त्याच्या जीवावर बेतू शकते असे हे स्ट्रॉंग तंबाखूजन्य पान आहे म्हणून असे पान विकणाऱ्या पान टपऱ्याधारकांवर वेळीच योग्य कारवाई झाली पाहिजे असे आसलम बिनसाद यांनी प्रसिद्धीस दिलेल्या पत्रकात म्हटले आहे.या पत्रकार पुढे असे म्हटले आहे की, श्रीरामपुर शहरामध्ये किमामचा स्वाद असलेली पाने केव्हाही मिळत आहेत. एवढेच नव्हेतर, गुटखाबंदी असतानाही काही ठरावीक ग्राहकांना महागडय़ा दरात गुटखा सहजासहजी मिळत असल्याने सरकारच्या गुटखाबंदीचा सर्रास फज्जा उडाल्याचे दिसून येत आहे.सुगंधी सुपारी आणि सुगंधी तंबाखू यावर महाराष्ट्र राज्य सरकारने गेल्या अनेक वर्षांपासून बंदी घातलेली आहे,ती बंदी उठवण्यायाबाबत अद्यापपर्यंत कोणताही तोडगा निघू शकलेला नाही. मात्र ही बंदी लागू असतानाही स्ट्रॉंग तंबाखूजन्य किवामयुक्त पान आजही ग्राहकांना सहजपणे उपलब्ध होत आहे.एके काळी लोकप्रिय असलेल्या मसाला पानाची जागा फुलचंद या पानाने घेतली असल्याने,तोंडाला सुगंध आणणारा किमाम आणि चटणी हे मुख्य घटक या पानाची वैशिष्ट्ये वाढविण्यास कारणीभूत ठरत आहे,आणी तरुण वर्ग एकाप्रकारे अशा वेसनाच्या आहारी जात असुन अन्नभेसळ प्रतिबंधक विभाग,गुन्हे अन्वेषण आणि संबंधित स्थानिक पोलिस प्रशासन याबाबत संबंधित तंबाखूजन्य किमाम वापरणाऱ्या पानटपऱ्या धारकांवर कोणतीही उचित कार्यवाही न करता केवळ बघ्याची भुमिका बजावत असल्याने त्यांच्याही कर्तबगारीवर प्रश्न चिन्ह निर्माण होतो आहे.की बंदी असलेले माल राजरोसपणे विक्री करणारे संबंधित पानटपऱ्याधारक व्यावसायिक आणि ज्यावर ज्यांचे नियंत्रण असावे असे संबंधित खात्याचे अधिकारी, कर्मचारी यांच्यात आपसी संगनमत तर नव्हेना? जर दिवसाढवळ्या इतक्या प्रचंड प्रमाणात बंदी असलेले गुटखा, मसाला सुगंधी पानच्या नावाखाली स्ट्रॉंग तंबाखूजन्य फुलचंद पानाची राजरोसपणे विक्री होत असेल, शिवाय बंदी असलेला सर्व प्रकारचा गुटखा हा राजरोसपणे विकला जात असेल तर मग यावर आवर घालणारे संबंधित प्रशासन काय करत आहे ? असा खडा प्रश्न आज शहरासह तालुक्यातील नागरीकांच्या मनात निर्माण होतो आहे.संबंधित खात्याच्या अधिकारी, कर्मचाऱ्यांचे सदरील पान टपऱ्याधारकांशी जर लागे बांधे नसेलतर मग कारवाई का केली जात नाही अशीही शंका उपस्थित केली जात आहे.मात्र बातम्या आणी निवेदन देवून कोणास काहीच फरक पडणार नाही,सर्वच गेंड्याच्या कातडीचे बनले आहे,मात्र प्रश्न तरुण पिढी बरबाद होत असल्याबाबतचा आहे,याकरीता पत्रकार आसलम बिनसाद आणि तमाम सामाजिक कार्यकर्ते याविरुद्ध उग्र आंदोलन आणि उपोषणाचा मार्ग स्विकारणार आहेत.तरच असले गैरप्रकार बंद होतील अन्यथा ये रे माझ्या मागल्या प्रमाणे जसे मागे चालु राहीले तसे पुढे देखील चालुच राहणार असून करीता सर्वच सामाजिक कार्यकर्त्यांनी देखी वेळीच सावध होऊन या गैरप्रकाराला वाचा फोडणेकामी पुढे आले पाहिजे तरच सर्व काही शक्य होवू शकणार आहे.असे तिरंगा न्युज चे संपादक आसलम बिनसाद यांनी प्रसिद्धीस दिलेल्या पत्रकात म्हटले आहे.

पाथर्डी - अहमदनगर जिल्ह्याचे वेटलिफ्टिंग खेळाडू व बाबुजी आव्हाड महाविद्यालयाच्या विद्यार्थिनी कोमल वाकळे व योगिता खेडकर यांची गोवा येथे होणाऱ्या ३७ व्या राष्ट्रीय क्रीडा स्पर्धा, वेटलिफ्टिंग स्पर्धेसाठी महाराष्ट्र संघात निवड झाली आहे. कोमल वाकळे हिची ८७ किलो वजन गटात तर योगिता खेडकर हिची ८७ किलो वरील वजन गटात निवड करण्यात आली आहे. भारताच्या प्रतिष्ठित असलेल्या या स्पर्धेत एकूण ४३ क्रीडा प्रकारात भारतातील सर्व राज्य व केंद्रशासित प्रदेशाचे संघ सहभागी होणार आहे. या आधी गुजरात येथे झालेल्या ३६ व्या नॅशनल गेम्स स्पर्धेमध्ये कोमल वाकळे हिने महाराष्ट्र संघास सुवर्णपदक मिळवून दिले होते. कोमल व योगिता या दोघींनी ही अनेक राष्ट्रीय व राज्यस्तरीय वेटलिफ्टिंग स्पर्धेत पदक मिळविले आहे.  

      या यशाबद्दल पाथर्डी तालुका वेटलिफ्टिंग संघटना व पार्थ विद्या  प्रसारक मंडळाचे अध्यक्ष अभय आव्हाड, उपाध्यक्ष ॲड. सुरेशराव आव्हाड, बाबूजी आव्हाड महाविद्यालयाचे प्राचार्य डॉ. जी. पी. ढाकणे, शारीरिक शिक्षण संचालक व अहमदनगर जिल्हा वेटलिफ्टिंग संघटनेचे सचिव प्रा. विजय देशमुख, अहमदनगर जिल्हा वेटलिफ्टिंग संघटनेचे अध्यक्ष प्रा. सुभाष देशमुख व उपाध्यक्ष राजेंद्र सोनवणे, प्रा. संजय धोपावकर, रवींद्र सांगळे, यांनी अभिनंदन केले, व पुढील स्पर्धेसाठी शुभेच्छा दिल्या. तसेच या निवडीबद्दल अहमदनगर जिल्ह्यातील सर्व स्तरातून त्यांचे अभिनंदन होत आहे.

बेलापुर  (प्रतिनिधी  )-राष्ट्रीय स्वंयसेवक संघाच्या महाराष्ट्रात एकुण ७३१८६ शाखा असुन समाजातील प्रश्नांचा अभ्यास करुन जनजागृती करणाऱ्या २७ उपसंस्था आहेत त्यामुळे राष्ट्रीय आपत्तीत मग किल्लारीचा भुकंप असो ,आसाम पुरग्रस्तांचा प्रश्न असो किंवा अलीकडील कोरोना असो सर्वात आगोदर मदत कार्य पोहोच करणाऱ्यामध्ये संघ प्रथम स्थानी असल्याचे मत ग्राहक पंचायतीचे अध्यक्ष प्रा ,डाँ. गोरख बारहाते यांनी व्यक्त केले .                        विजयादशमी उत्सवानिमित्त राष्ट्रीय स्वंयसेवक संघ बेलापुर शाखेच्या वतीने पथसंचलन तसेच बेलापुर जे टी एस हायस्कूलच्या प्रांगणात शस्र पुजन सोहळा संपन्न झाला त्यावेळी प्रमुख अतिथी म्हणून प्रा. डाँ.बारहाते बोलत होते कार्यक्रमाच्या अध्यक्षस्थानी नाशिक विभागाचे कुटुंब प्रमुख संघटक राजेंद्र देशपांडे तसेच उत्तर नगर जिल्हा कार्यवाह लहु शिंदे उपस्थित होते           
प्रा. डाँ. गोरख बारहाते पुढे म्हणाले की आजचा विजयादशमीचा दिवस म्हणजे संघ स्थापनेचा दिवस आज संघ स्थापनेला ९८ वर्ष पुर्ण होत आहे .समाजासाठी सतत काम करणारी एकमेव संघटना म्हणजे राष्ट्रीय स्वंयसेवक संघ. लोक संघाविषयी उलट सुलट चर्चा करतात पण संघाचे कार्य शिस्तबध्द तसेच संघातील प्रत्येक स्वंयसेवक हा शिस्तप्रिय आहे संघ जात भेद मानत नाही संघाच्या परमपवित्र ध्वजाखाली सर्व समान असतात म्हणून तर संघाचे संघटन दिवसेंदिवस मजबुत होत चालले आहे आसेही प्रा, बारहाते म्हणाले  या वेळी नाशिक विभागाचे कुटुंब प्रमुख संघटक राजेंद्र  देशपांडे म्हणाले की बाल तसेच तरुण मनावर संस्कार करणारा संघ हाच एकमेव परिवार आहे. आरएसएस एक संवाद आहे आज आपल्यातील समाजातील संवाद हरपत चालला आहे .संवादामधील स नाहीसा झाल्यामुळे केवळ वाद निर्माण होत आहे आपली भाषा शुद्ध हवी  आपली भुषा पेहेराव चांगला पाहीजे ,आपले भोजन सात्वीक पाहीजे तसेच भ्रमण केले पाहीजे ते करताना निरीक्षण केले जावे या सर्व बाबी संघात शिकविल्या जात असल्याचेही देशपांडे म्हणाले  प्रारंभी संघाचे घोषासह गावातुन संचलन काढण्यात आले होते .

श्रीरामपुर-राज्यातील सर्व शासकीय आस्थापनांमध्ये नऊ खाजगी कंपन्यांमार्फत कर्मचाऱ्यांची कंत्राटी पद्धतीने भरती करण्याचा निर्णय राज्य सरकारने घेतला होता. सरकारच्या या धोरणामुळे सर्वसामान्य घरातील मुले जे आपल्या गरीब परिस्थितीशी झुंज देत हालाखीच्या परिस्थितीत दिवस-रात्र अभ्यास करून स्वतःच्या कर्तुत्वावर सरकारी नोकरी करून आपले भविष्य घडवण्याचे स्वप्न पाहत होते.अशा विद्यार्थ्यांच्या बाबतीत हा निर्णय अत्यंत घातक असून तो वेळीच रोखला नाही तर प्रामाणिक आणि कष्टाळू विद्यार्थ्यांचे स्वप्न भंग होईल आणि म्हणूनच त्यांचे स्वप्न पुन्हा जिवंत करण्यासाठी रस्त्यावरच उतरून याचा निषेध करावा लागणार.हे ओळखून क्षणाचाही विलंब न करता भीम आर्मी स्टुडंट्स फेडरेशनचे महाराष्ट्र प्रदेशाध्यक्ष विद्यार्थ्यांनी श्रीरामपूर येथे सरकारी शाळा बंदीच्या व खाजगीकरणाच्या विरोधात "विद्यार्थी पँथर डरकाळी" आंदोलन केले.याचबरोबर भीम आर्मी भारत एकता मिशन व आजाद समाज पार्टीच्या वतीने देखील या निर्णयाच्या विरोधात महाराष्ट्रभर आंदोलने झाली.

                     दरम्यान श्रीरामपुरात भीम आर्मीचे विद्यार्थी नेते पॅंथर ऋषी पोळ यांच्या प्रमुख उपस्थितीत व गौरव भालेराव आणि साजिद भाई शेख यांच्या नेतृत्वात "विद्यार्थी पँथर डरकाळी"आंदोलन झाले.यानंतर सोलापूर जिल्ह्याचे नवनियुक्त पालकमंत्री चंद्रकांत पाटील हे सोलापूर जिल्हा दौरावर आले असता,भीम आर्मीचे नेते अजय मैंदर्गीकर यांनी पालकमंत्री चंद्रकांत पाटील यांच्यावर शाई फेक करत काळे झेंडे दाखवून आक्रमक पद्धतीने निषेध नोंदवला. त्याचबरोबर भीम आर्मीचे राष्ट्रीय नेते मा.अशोक भाऊ कांबळे यांच्या नेतृत्वाखाली मुंबईत भाजप प्रवक्ते आमदार राम कदम यांच्या कार्यालयावर आक्रमकपणे आंदोलन झाले.भीम आर्मी स्टुडंट्स फेडरेशन आणि भीम आर्मीच्या आक्रमक व जहाल आंदोलनाची धास्ती घेत सरकारने खाजगीकरण व कंत्राटी भरती चा जीआर अखेर मागे घेतला. यापुढे भविष्यात राज्य सरकारने असे चुकीचे धोरण आखत तरुण, बेरोजगार व विद्यार्थ्यांच्या बाबतीत असे चुकीचे निर्णय घेतले तर भीम आर्मी स्टुडंट्स फेडरेशन आणि भीम आर्मी भारत एकता मिशन अशाच प्रकारे आक्रमकपणे आंदोलन करत सरकारला धारेवर धरेल.असे वक्तव्य यावेळी भीम आर्मी स्टुडंट्स फेडरेशनचे महाराष्ट्र प्रदेश अध्यक्ष  विद्यार्थीनायक पँथर ऋषी पोळ यांनी केले.

श्रीरामपूर (प्रतिनिधी): येथील न्यू इंग्लिश स्कूल व ज्युनिअर कॉलेजचे क्रीडा शिक्षक श्री गौरव अरविंद डेंगळे यांची ३७ व्या राष्ट्रीय क्रीडा स्पर्धेसाठी गोवा राज्य नेटबॉल संघाच्या संघ व्यवस्थापकपदी नियुक्तीचे पत्र गोवा नेटबॉल संघटनेचे सचिव प्रतिष नाईक यांनी दिले.

गोव्या राज्यात प्रथमच या स्पर्धेचे आयोजन होत असून देशातील २८ राज्य व ८ केंद्रशासित प्रदेशातून सुमारे १०,००० खेळाडू सहभागी होणार आहेत.खंडाळा या ग्रामीण भागातील क्रीडा शिक्षक श्री गौरव डेंगळे यांना गोवा राज्याच्या नेटबॉल संघाच्या संघ व्यवस्थापकपदी नियुक्ती ही आपल्या श्रीरामपूर तालुक्याकरीता अभिमानाची बाब आहे.दिनांक १९ ऑक्टोबर ते २ नोव्हेंबर दरम्यान डेंगळे हे ३७ व्या राष्ट्रीय क्रीडा स्पर्धेचा भाग असतील.डेंगळे यांनी खेलो इंडिया युथ गेम्स साठी व्हॉलीबॉल खेळाचे तांत्रिक अधिकारी म्हणून काम पाहिले आहे.दिनांक २६ ऑक्टोबर रोजी पंतप्रधान नरेंद्र मोदींच्या हस्ते फतोडा,मडगाव नेहरु स्टेडियमवर स्पर्धेचा उद्घाटन संपन्न आहे.गोवा नेटबॉल संघाच्या संघ व्यवस्थापकपदी नियुक्ती झाल्याबद्दल डेंगळे यांचे गोवा नेटबॉल संघटनेचे अध्यक्ष शुभम नार्वेकर,साईनाथ सोपटे,सचिव प्रतिष नाईक,गोवा टेनिसबॉल सचिव निलेश नाईक,श्रीरामपूर एज्युकेशन सोसायटीचे अध्यक्ष श्री राम टेकावडे,खजिनदार जन्मजय टेकावडे,श्री पार्थ दोशी,श्री राजेंद्र कोहकडे,श्री नितीन बलराज आदींनी अभिनंदन केले व शुभेच्छा दिल्या

श्रीरामपूर प्रतिनिधी/  शिर्डी शहर व शहराच्या लगत मोठ्या प्रमाणावर हाॅटेल लाॅजिग परमीट रुम बीअर बार आहेत वाढत्या महावितरणच्या विज बीलामुळे अनेक व्यावसायिक बील भरताना मोठी दमछाक होताना दिसते मात्र काहीजण  नको झंझट म्हणून वेळेवर कधी दंडात्मक दंड भरून वीजबील भरत असताना  काहीनी वापरलेला वीज चोरीचा शाॅटकट.  नगर जिल्ह्यात जवाबदार शिवसेनेचा पदाधिकारी म्हणून काम करत असलेल्या राहता तालुक्यातील युवा नेत्यांच्या भावाच्या  परमीट रुम बीअर बारवर  अशा पध्दतीने. मोठ्या प्रमाणावर वीज चोरी होत असल्याचे निदर्शनास आल्याने महावितरणच्या नाशिक येथील पथकाने  हाॅटेल गारवा परमीट रुम बीअर बार या ठिकाणी जाऊन  मयत मालकाच्या हाॅटेल वर मीटर तपासणी केली असता  त्या  विज मीटरच्या आतील पट्टीवर पिसीबीला जाणा-या केशरी रंगाच्या वायरची जागा बदलुन कपर पट्टीवर व इतर ठिकाणी रिशाॅलडीग केलेले आढळतले तसेच  तीन वर्षांपूर्वी देखील वीज चोरीची केस झाली होती त्या नंतर सुध्दा परत तपासणी  केली. त्यात देखील तांत्रिक. छेडछाड. केल्याने त्यामुळेच मीटर पळत नसल्याने बारा महिन्यांत २१८०३युनिट रुपये ४लाख ७५६५०रुपयाची वीजचोरी केली असून बील भरण्यासाठी मुदत दिली असताना बील न भरल्याने ज्या नावावर मीटर आहे त्या मयताचे वारस उल्हास पुंजाजी काळे व काही दिवसांपूर्वी ज्या इसमाला हाॅटेल चालवण्यासाठी दिले तो प्रकाश एन शेट्टी यांच्या विरोधात शिर्डी विभागातील कनिष्ठ अभियंता रोशन संजय बागुल वय २२ रा सावळीविहीर ता राहता यांनी श्रीरामपूर ग्रामीण पोलीस स्टेशन मध्ये दिलेल्या तक्रारीवरून विद्युत कायदा कलम १३५ नुसार दोघांच्या विरोधात गुन्हा दाखल केला असुन अशा प्रकारे राहता तालुक्यातील किती व्यावसायिक विज चोरी करतात यासाठी नाशिक व नगर येथील महावितरणच्या पथकाकडून बारीकसारीक माहिती घेतली जात आहे  किरकोळ दोन चार हजारांच्या बीलासाठी महावितरणचे वायरमन वीजखंडीत करत असताना धनदांडगे व मोठे मंडळी कोणाच्या आशिर्वादाने वीज चोरी करत आहे याकडे काही सामाजिक कार्यकर्ते व संघटनांनी वरिष्ठ अधिकारी यांचे लक्ष वेधले असल्याचे एका श्रीरामपूर येथील संघटनेच्या कार्यकर्त्यांनी सांगितले

श्रीरामपुर  (प्रतिनिधी  )-  कर्तव्य बजावत असताना आपल्यासारखे समाजसेवक पाठीशी उभे असल्यावर काम करण्याचा उत्साह निश्चितच वाढतो द्विगुणीत होते त्यामुळे चांगले काम करणाऱ्याच्या पाठीशी भक्कमपणे उभे रहा असा विश्वास लोणी पोलीस स्टेशनचे पोलीस उपनिरीक्षक योगेश शिंदे यांनी व्यक्त केला   गळनिंब तालुका श्रीरामपुर येथील स्पंदन फौंउंडेशन व सिद्धेश्वर चहा समितीच्या वतीने उत्कृष्ट सेवेबद्दल लोणी पोलिस स्टेशन येथे कार्यरत असणारे पोलिस उपनिरीक्षक योगेशजी शिंदे यांचा सन्मानचिन्ह देऊन गौरव करण्यात आला त्या वेळी सत्काराला उत्तर देताना ते बोलत होते.कार्यक्रमाच्या अध्यक्षस्थानी पुणे विद्यापिठ सिनेटचे माजी सदस्य प्रा. डाँक्टर एकनाथ ढोणे हे होते तर प्रमुख अतिथी म्हणून जेष्ठ पत्रकार देविदास देसाई  हे होते

यावेळी शारदीय नवरात्र उत्सवा निमित्त मुंजाबा तरुण मिञ मंडळ यांच्या वतीने व संदिप शेरमाळे यांच्या संकलपनेतून आयोजित करण्यात आलेल्या कार्यक्रमात मास्टर धनंजय जादूगार यांचे जादूचे प्रयोग शो आयोजित करण्यात आला होता.

 यावेळी प्रमुख पाहुणे जेष्ठ पत्रकार देविदास देसाई, पुणे विद्यापीठ सिनेटचे माजी सदस्य प्रा.डॉ. एकनाथ ढोणे यांनी मनोगत व्यक्त केले. यावेळी मार्केट कमिटीचे मा. उपसभापती आण्णासाहेब शिंदे, सिध्देश्वर देवस्थान ट्रस्ट अध्यक्ष सुनिल शिंदे, पत्रकार बाळासाहेब वडीतके, सोन्याबापू जाटे,डॉ. सुनिल चिंधे, केरूनाना शिंदे, आण्णासाहेब शेरमाळे, चंद्रकांत वडीतके, सहाय्यक फौजदार लबडे, सिध्देश्वर चहा समितीचे अध्यक्ष मच्छिंद्र खेमनर, वृक्षमित्र अजित देठे, कैलास एनोर, संजय वडीतके, गणेश डोमाळे, सचिन चींधे, महेश चिंधे,संजय वडीतके,गंगाधर भोसले मुंजबा तरुण मिञ मंडळाचे सर्व सदस्य यावेळी उपस्थित होते.

प्रास्ताविक दत्तात्रय कडनोर यांनी केले सूत्रसंचालन बाबासाहेब शेरमाळे यांनी केले.स्पंदन फौउंडेशनचे संदीप शेरमाळे यांनी आभार प्रदर्शन केले

राहुरी (प्रतिनिधी): सात्रळ,राहुरी येथील नानासाहेब सहादू कडू पाटील विद्यालयातील इयत्ता नववीचा विद्यार्थी सार्थक गोविंद कडू यांची मडगाव गोवा येथे २९ ऑक्टोबर ते १ नोव्हेंबर दरम्यान होणाऱ्या निमंत्रित राष्ट्रीय टी-ट्वेंटी गोवा गोल्ड कप साठी महाराष्ट्राच्या संघात निवड करण्यात आली आहे.दिनांक २५ ते २७ दरम्यान श्रीरामपूर येथे संघाच्या सराव शिबिरामध्ये तो सहभागी होईल.कबीर चौदांते जायबंदी झाल्यामुळे त्याच्या जागी सार्थकला या स्पर्धेमध्ये घेण्याची संधी मिळाली आहे. देशभरातून या स्पर्धेसाठी १८ संघ सहभागी होणार आहे. ग्रामीण भागातील युवा खेळाडूंना या स्पर्धेमध्ये खेळण्याची मोठी संधी उपलब्ध झाली असून यातून त्यांना क्रिकेट खेळाचे चांगले कौशल्य अवगत करता येईल. निवड झाल्याबद्दल सार्थकचे सर्व स्तरातून कौतुक होत असून त्याला या स्पर्धेसाठी शुभेच्छा देण्यात येत आहेत.

श्रीरामपूर (प्रतिनिधी) : ३९ वी ऑल इंडिया रोलर रिले चॅम्पियनशिप दिनांक १७ नोव्हेंबर ते १९ नोव्हेंबर दरम्यान पणजी, गोवा आयोजित करण्यात येणार असल्याची माहिती रोलर रिले महाराष्ट्रचे सचिव श्री भिकान अंबे यांनी दिली.ऑल इंडिया रोलर रिले चॅम्पियनशिप साठी अहमदनगर जिल्ह्यातील खेळाडूंची निवड चाचणी शुक्रवार दि २० ऑक्टोबर रोजी सकाळी ९:०० वा न्यू इंग्लिश स्कूल व ज्युनियर कॉलेज, श्रीरामपूर येथे आयोजित करण्यात येणार आहे.या निवड चाचणीसाठी वय वर्ष १०,१२,१४,१६,१८,२० व खुल्या गटातील खेळाडू सहभागी होऊ शकतात. या स्पीड स्केटिंग स्पर्धेसाठी १०० मीटर,२०० मीटर,३०० मीटर व रिले स्पर्धेमध्ये खेळाडू सहभागी होऊ शकतात. निवड झालेल्या खेळाडूना स्केटिंग स्किन सूट दिला जाईल.निवड चाचणीसाठी येणाऱ्या खेळाडूंनी श्री नितीन गायधने,नितीन बलराज,दिपक रणपिसे,श्री प्रसाद लबडे आदींशी संपर्क साधावा.

श्रीरामपूर (प्रतिनिधी): टाकळीभान,श्रीरामपूर येथील यश पवन काथेड मडगाव गोवा येथे २९ ऑक्टोबर ते १ नोव्हेंबर दरम्यान होणाऱ्या निमंत्रित राष्ट्रीय टी-ट्वेंटी गोवा गोल्ड कप साठी महाराष्ट्राच्या संघात निवड झाल्याबद्दल त्याचा सत्कार महाराष्ट्र राज्याचे महसूल मंत्री नामदार श्री राधाकृष्ण विखे पाटील यांच्या हस्ते करण्यात आला.यश श्रीरामपूर येथील न्यू इंग्लिश स्कूल व ज्युनियर कॉलेज मध्ये इयत्ता दहावीच्या वर्गामध्ये शिक्षण  घेत आहे.इयत्ता ६ वी पासून यशने लेदर क्रिकेट खेळायला सुरुवात केली.ऑफ स्प्रिंग गोलंदाजी व मधल्या फळीतील संयमी फलंदाजीसाठी तो प्रसिद्ध आहे.निमंत्रित क्रिकेट स्पर्धेसाठी निवड झाल्याबद्दल यशचे सर्वत्र कौतुक होत आहे. त्याला प्रशिक्षक नितीन बलराज, नितीन गायधने आदींचे मार्गदर्शन लाभले.

बेलापूर ( वार्ताहर ) श्रीरामपुर तालुक्यातील उक्कलगाव ग्रामपंचायतीची निवडणूक प्रक्रिया सुरु झाली असुन वाकण वस्ती वरील ग्रामस्थांनी परिसरात विकासाकामे न झाल्याच्या निषेधार्थ निवडणूकीवर बहिष्कार टाकण्याचा निर्णय घेतला असुन या बाबतचे निवेदन तहसीलदार प्रांताधिकारी जिल्हाधिकारी यांना पाठविण्यात आले आहे    ग्रा.प च्या व जिल्हा परिषद व पंचायत समितीच्या येणाऱ्या सर्वच निवडणूकीवर उक्कलगाव (ता.श्रीरामपूर )येथील वाकण वस्ती वरील समस्त गावकऱ्यांनी बहिष्कार टाकण्याचा निर्णय घेतला आहे .कोणतेही विकास काम न झाल्याने गावकऱ्यांनी ग्रामपंचायत निवडणुकीवर बहिष्कार टाकण्याचा निर्णय घेतला आहे. सोमवारी सकाळी श्रीरामपूरचे प्रांतधिकारी किरण सांवत यांना ग्रामस्थांनी दिले आहे.त्या निवेदनात ग्रामस्थांनी  म्हटले आहे की,इजिमा २१ ते वाकण वस्ती रोडचे रस्त्याचे साधारणता २० वर्षापूर्वी खडीकरणाचे काम झाले.त्यानंतर अनेक वर्ष उलटले तरी अद्यापही ग्रा.प व जिल्हा परिषदेच्या सदस्याच्या माध्यमातून रस्त्याचा विकास झाला नाही.त्यामुळे रस्त्याचे काम न झाल्यामुळे  ग्रामस्थांनी आक्रमक भूमिका घेतली.या रस्त्यावरून शाळकरी मुलांबरोबर शेतकऱ्यांना ये जा करावी लागते पावसाळ्यात तर चालाणेही अवघड होवुन जाते या रस्त्यावर अनेक वेळा अपघात घडलेले आहेत परंतु रस्त्याच्या दुरावस्थेमुळे  वैद्यकीय सेवाही वेळेवर मिळत नाही. ग्रामपंचायत,आमदार, खासदारांना निवेदन देवून देखील कोणतीही कारवाई झालेली नसल्याने ग्रामस्थ आता आक्रमक झाले आहे.विकास कामांपासून वंचित राहिल्याने वाकणवस्ती रोडवरील ग्रामस्थांनी ग्रा.प निवडणूकीवर बहिष्कार टाकला.यावेळी दिलेल्या निवेदनात ग्रामस्थांच्या सह्या केल्या आहे. 

  कोणतीही विकासाची गंगा वाकणवस्ती येथे आणली.फक्त एकच उदाहरण द्या,यापुढे येणाऱ्या निवडणूकीवर बहिष्कार असल्याचे या निर्णयावर ठाम राहणार आहे.असे ग्रामस्थांनी  सांगितले.   

 वाकण वस्ती ते दिपक किसन थोरात यांच्या वस्तीपर्यंत तसेच गोरख बाबुराव थोरात यांच्या वस्तीकडे जाणाऱ्या पाणी पुरवठ्याची पाईप लाईन झाल्या आहे.मात्र एकदाही पाणी मिळेल नाही.आम्हीही गांवकरी आहे बरं का? असा प्रश्न ग्रामस्थांनी या वेळी उपस्थित केला.या निवेदनावर संजय थोरात गोरख थोरात दिपक थोरात आदिंच्या सह्या आहेत

.

.......

प्रतिनिधी: ठाणे ग्रामीण मधील पडघा पो.स्टे च्या हद्दीमध्ये दि.13/10/2023 रोजी रात्री 09:30 सुमारास मैदे गावाजवळ ता.भिवंडी येथे आरोपी नामे सुरज देवराम ढोकरे याने फिर्यादी अजिम अस्लम सय्यद  आणि त्याचा आतेभाऊ फिरोज रफिक शेख यांच्यावर जीवे ठार मारण्याचा उद्देशाने अजिम यांच्यावर 6 आणि फिरोज यांच्यावर 2 गोळ्या सरकारी ग्लॉक 19 Made in USA या पिस्तूलातुन झाडल्या. त्याबाबत पडघा पो.स्टे गुर.नं 533/23 भारतीय दंड संहिता 307, भारतीय हत्यार कायदा 3/25  गुन्हा दाखल करण्यात आला होता. आज दि. 15/10 /2023 रोजी सदर गुन्ह्यातील आरोपी हा अहमदनगरकडून नाशिकच्या दिशेने जात असल्याबद्दल माहिती पोलिस उप अधिक्षक संदिप मिटके यांना मिळाली. त्यांनी तांत्रिक विश्लेषण आणि सीसीटीव्ही फुटेज वरून आरोपीला ताब्यात घेण्याकरिता  तीन पथके तयार करून कोल्हार येथे नाकाबंदी लावण्यात आली आणि आरोपीस गुन्ह्यात वापरलेल्या ग्लॉक 19 पिस्तलसह कोल्हार बस स्टँडवरून मोठ्या शिताफीने ताब्यात घेण्यात आले .सदर आरोपी हा मुंबई पोलीस दलात नायगाव पोलीस मुख्यालय QRT मध्ये आर्मरर या पदावर कार्यरत आहे. आरोपीस पुढील तपास कामी ठाणे ग्रामीण पोलिसांच्या ताब्यात देण्यात आले आहे.

*सदरची कारवाई राकेश ओला पोलीस अधीक्षक, स्वाती भोर मॅडम अप्पर पोलीस अधीक्षक श्रीरामपूर यांच्या मार्गदर्शनाखाली Dysp संदीप मिटके , API युवराज आठरे, PSI योगेश शिंदे,ASI बाबासाहेब लबडे,HC दिनेश चव्हाण,HC सुरेश पवार, HC एकनाथ सांगळे,HC भाऊसाहेब आव्हाड,PN रवींद्र मेढे,PN निलेश धाधवड ,PN अशोक शिंदे,PN श्याम जाधव,PC दिनेश कांबळे,PC अमोल फटांगरे चालक HC वर्पे व चालक PC ज्ञानेश्वर गांगुर्डे, होम हारदे, होम अभिजित साळवे, होम विशाल राऊत, होम गणेश साळुंके यांनी केली आहे.*

संगमनेर प्रतिनिधी-संगमनेर येथे आज मोठ्या थाटामाटात युवा क्रांती फाउंडेशन अंतर्गत पोलीस मित्र ग्राहक व पत्रकार संरक्षण माहिती संघटना ही सदैव सर्वसामान्य गोरगरीब जनतेचे मूलभूत हक्काचे प्रश्न घेऊन शासन दरबारी प्रश्न मांडणारी संस्था असून या संस्थेमध्ये नव्याने रुजू झालेले सर्व पदाधिकारी व सदस्य यांचा श्री राजेश कोटकर (उत्तर महाराष्ट्र सह-संपर्क प्रमुख) यांच्या हस्ते नवीन ओळखपत्र व सभासत्व तसेच ट्रॅकसुट यांचे मोठ्या प्रमाणात वाटप करण्यात आले हा कार्यक्रम सौभाग्य मंगल कार्यालय जवळ कार्यक्रमाच्या उपस्थिती वेळेस युवा क्रांती पोलीस मित्र संघटनेचे संगमनेर तालुक्यातील श्री राजेश कोटकर उत्तर महाराष्ट्र सहसंपर्कप्रमुख तसेच कैलास नवले उपाध्यक्ष नवनाथ तळपे तुषार नवले हंबीरराव लांडगे संगमनेर कार्याध्यक्ष श्री रोहिदास गुंजाळ (महाराज) तसेच अहमदनगर जिल्हा महिला कार्याध्यक्ष वैशाली फटांगरे संगमनेर महिला अध्यक्ष स्वीटी विदुर ,ज्योती कोरडे व अन्य  सर्व सदस्य अध्यक्ष उपाध्यक्ष पदाधिकारी तसेच श्रीरामपूर श्रीरामपूर तालुका अध्यक्ष ज्योती टाके बाबासाहेब वाघ महिला आघाडीच्या आरती महाडिक राहता तालुक्यातील पदाधिकारी राहता तालुका उपाध्यक्ष सचिन चोळके सदस्य हे यावेळेस उपस्थित होते यावेळी जनतेच्या मूलभूत हक्क व प्रश्नांसाठी युवा क्रांतीस फाउंडेशन नेहमी पाठीशी राहील अशा आश्वासन  उत्तर महाराष्ट्र संपर्कप्रमुख राजेश कोटकर यांनी दिले आहे

कोपरगाव(गौरव डेंगळे):शालेय विद्यार्थ्यांच्या अंगी असलेल्या विविध कलागुणांना वाव मिळावा तसेच रोजच्या धकाधकीच्या व धावपळीच्या जीवनात काही उसंतीचे क्षण मिळावेत  व आपल्या अंगी असलेले कलागुण सादर करता यावे या उदात्त हेतूने सोमैया विद्याविहार संचलित,श्री शारदा इंग्लिश मिडीयम स्कूल कोपरगाव मध्ये पूज्य पद्मभूषण श्री करमसी भाई सोमैया भव्य दांडिया स्पर्धेचे आयोजन करण्यात आलेले आहे.शारदीय नवरात्रोत्सवाच्या आयोजनाचे हे दुसरे पुष्प असून ही स्पर्धा दिनांक १६ व १७ ऑक्टोबर २०२३ रोजी घेण्यात येणार आहे.सदर स्पर्धा ही शालेय गट व खुला गट अशा दोन गटांमध्ये विभागण्यात आलेली आहे. शालेय गटामध्ये शालेय स्तरावरील विद्यार्थ्यांचे संघ सहभागी होऊ शकतात.सदर स्पर्धा दिनांक १६ऑक्टोबर २०२३ रोजी घेण्यात येणार असून या स्पर्धेसाठी प्रवेश शुल्क २०० रुपये आहे.बालकलाकारांचा उत्साह द्विगुणित व्हावा यासाठी 

*प्रथम बक्षीस-७०००/-*

*द्वितीय बक्षीस-५०००/-*

*तृतीय बक्षीस-३०००/-*

*प्रथम उत्तेजनार्थ बक्षीस-१०००/-*

*द्वितीय उत्तेजनार्थ बक्षीस-१०००/-* अशाप्रकारे बक्षीसांचे स्वरूप ठेवण्यात आलेले आहे.

खुला गटातील स्पर्धा दिनांक १७ ऑक्टोंबर २०२३ रोजी घेण्यात येणार असून या गटात सहभाग घेऊ इच्छिणाऱ्यांसाठी प्रवेश शुल्क ३०० रुपये आहे. या गटासाठी आयोजकांच्या वतीने भरघोस रकमेच्या बक्षिसांचे आयोजन करण्यात आलेले आहे. सदर गटासाठी बक्षिसांचे स्वरूप पुढीलप्रमाणे राहील.

*प्रथम बक्षीस-२५,०००/-*

*द्वितीय बक्षीस-१५,०००/-*

*तृतीय बक्षीस-१०,०००/-*

*प्रथम उत्तेजनार्थ बक्षीस-५०००/-*

*द्वितीय उत्तेजनार्थ बक्षीस-५०००/-*

आपणा सर्व रसिक कलाकारांना एक व्यासपीठ उपलब्ध करून देण्याचा हा आमचा छोटासा प्रयत्न..तरी आपण सर्वांनी या स्पर्धेला भरघोस प्रतिसाद देऊन आपली नाव नोंदणी दिनांक *१२ ऑक्टोंबर २०२३* पर्यंत पूर्ण करावी.

*स्पर्धेसाठी नियम व अटी*

१)सहभागी संघामध्ये कमीत कमी १६ स्पर्धक असावे.

२) प्रत्येक संघाला आपले नृत्य सादर करण्यासाठी 'आठ ते दहा' मिनिटांचा अवधी देण्यात येईल.

३)सदर स्पर्धा ही दांडिया स्पर्धा असल्याकारणाने गुणांकनासाठी दांडिया नृत्यालाच प्राधान्य देण्यात येईल.

४)आयोजकांनी दिलेल्या नियोजित वेळेतच आपला प्रवेश निश्चित करावा.

५) सर्व स्पर्धकांनी स्पर्धेच्या ठिकाणी सायंकाळी ठीक ५.३० वाजता उपस्थित राहावे, स्पर्धा वेळेवर चालू होईल याची सर्वांनी नोंद घ्यावी.

६)सदर स्पर्धा श्री शारदा इंग्लिश मिडीयम स्कूल,कोपरगाव या ठिकाणी आयोजित करण्यात येणार आहे.प्रवेश निश्चितीसाठी संपर्क सौ.शुभांगी अमृतकर(9423038831) यांच्याशी संपर्क साधावा.

श्रीरामपूर (गौरव डेंगळे): अहमदनगर जिल्हा क्रीडा कार्यालय,श्रीरामपूर क्रीडा समिती व कै रघुनाथ कृष्णाजी पाटील अवताडे महाविद्यालय माळेवाडी

येथे तालुकास्तरीय शालेय कबड्डी स्पर्धा संपन्न झालेल्या.१४ वर्ष वयोगटातील मुलीच्या कबड्डी स्पर्धात हरेगाव येथील संत तेरेसा गर्ल्स हायस्कूल संघ विजेता ठरला आहे.

या १४ वर्ष वयोगटातील मुलीनी कबड्डी स्पर्धेत उत्कृष्ट कामगिरी करत उपांत्य फेरीचे लढतील जे टी येस, बेलापूर  तर अंतिम सामन्यात श्रीरामपूर एज्युकेशन सोसायटी संघाचा पराभव करून विजेतेपद पटकावले. जिल्हास्तरीय कबड्डी स्पर्धेसाठी सदर संघ श्रीरामपूर तालुक्याचे प्रतिनिधित्व करेल. विजयी संघाचे खेळाडू श्रुती कारले (कर्णधार), शर्वरी बोर्डे, श्रावणी कहार, आर्या कळसाईत, गीतांजली बडाख, गायत्री गायके, पूर्वा बांद्रे, नव्यानी पंडित, अतिथी देहाडे, कार्तिकी गायके, साक्षी बावस्कर, शिफा शेख, अनुष्का देहाडे, समृद्धी कदम.विजयी संघाचे संत तेरेसा गर्ल्स हायस्कूलच्या प्राचार्या सिस्टर ज्योती,शाळेचे सर्व शिक्षक-शिक्षकेत्तर कर्मचाऱ्यांनी अभिनंदन केले व स्पर्धेसाठी शुभेच्छा दिल्या. यशस्वी संघाला श्रीरामपूरचे क्रीडारत्न नितीन बलराज यांचे मार्गदर्शन लाभले.

श्रीरामपूर (प्रतिनिधी): टी ट्वेंटी क्रिकेट असोसिएशन ऑफ इंडिया यांच्या वतीने दिनांक २९ ऑक्टोबर ते १ नोव्हेंबर दरम्यान होणाऱ्या निमंत्रित क्रिकेट स्पर्धेसाठी महाराष्ट्र संघाची घोषणा करण्यात आली.या स्पर्धेसाठी महाराष्ट्र संघाच्या कर्णधारपदी न्यू इंग्लिश स्कूल व ज्युनिअर कॉलेजचा खेळाडू प्रेम शिंदे याची निवड करण्यात आली तर उपकर्णधारपदी केंब्रिज इंटरनॅशनल हायस्कूलच्या खेळाडू मितांश चोथानी याची निवड करण्यात आली.

सप्टेंबर महिन्यामध्ये गोव्या निमंत्रित क्रिकेट स्पर्धेची निवड चाचणी श्रीरामपूरमध्ये आयोजित करण्यात आली होती.या निवड चाचणीसाठी अहमदनगर, संगमनेर,अकोले,कोपरगाव श्रीरामपूर तसेच संभाजीनगर जिल्ह्यातून ४५ ते ५० खेळाडूंनी सहभाग घेतला होता.निवड चाचणीतून १३ खेळाडूंची निवड करण्यात आली असल्याची माहिती संघाचे प्रशिक्षक श्री नितीन बलराज यांनी दिली. निवड झालेल्या संघ १६ ते १९ वर्षाखालील स्पर्धेमध्ये सहभागी होणार आहे.या स्पर्धेमध्ये देशभरातून निमंत्रित १८ राज्यांचे संघ सहभागी होणार आहेत. निवड झालेल्या संघाचे व्यवस्थापक म्हणून श्री नितीन गायधने तर मार्गदर्शकपदी श्री बॉबी बकाल व गौरव डेंगळे यांची निवड करण्यात आली आहे.निवड झालेल्या संघाचे टी-२० क्रिकेट असोसिएशनचे सचिव श्री सद्दिक मोहम्मद,श्रीरामपूर एज्युकेशन सोसायटीचे अध्यक्ष राम टेकावडे,खजिनदार जन्मजय टेकावडे,प्राचार्या सौ जयश्री पोडघन,प्राचार्य डॉ योगेश पुंड,श्री गोकुळ खंडागळे यांनी अभिनंदन केले व शुभेच्छा दिल्या.

निवड झालेल्या संघ पुढीलप्रमाणे: १) प्रेम शिंदे (कर्णधार) २) मितांश चोथानी (उप कर्णधार) ३) यश काथेड ४) धर्मेश आदमाने ५) अर्जान शेख ६) सर्वेश व्यास ७) आकाश यादव ८) आरम डाकले ९) वरद कुंभकर्ण १०) सक्षम थापर ११) अनिमेश फेरवणी १२) रिदम बत्रा  १३) कबीर चौदांते

अहमदनगर(गौरव डेंगळे): रोलर हॉकी हा हॉकीचा एक प्रकार आहे जो कोरड्या पृष्ठभागावर चाकांच्या स्केट्सचा वापर करून खेळला जातो.हे पारंपारिक रोलर स्केट्स (क्वॉड स्केट्स) किंवा इनलाइन स्केट्ससह खेळले जाऊ शकते आणि एकतर बॉल किंवा पक वापरता येते. आज अहमदनगर येथे भारतीय रोलर स्केटिंग संघटनेचे सहसचिव श्री सतीश गायकवाड यांनी न्यू इंग्लिश स्कूल व ज्युनिअर कॉलेजच्या खेळाडूंना रोलर स्केटिंग खेळा संदर्भात प्रात्यक्षिक दाखवून माहिती दिली.

रोलर हॉकी जगभरातील जवळपास ६० देशांमध्ये खेळली जाते.संघटित रोलर हॉकीचे तीन प्रमुख प्रकार आहेत. पारंपारिक " रोलर हॉकी " (याला रिंक हॉकी, क्वाड हॉकी आणि हार्डबॉल हॉकी देखील म्हणतात) क्वाड स्केट्स, वक्र/'केन' स्टिक्स आणि बॉल वापरून खेळला जातो; हा मर्यादित संपर्काचा खेळ आहे . इनलाइन स्केट्स, आइस हॉकी स्टिक्स आणि एक पक वापरून " इनलाइन हॉकी " खेळली जाते ; शरीराच्या तपासण्यांना परवानगी नसली तरी हा एक पूर्ण-संपर्क खेळ आहे. " इनलाइन स्केटर हॉकी " ही इनलाइन हॉकीची युरोपियन आवृत्ती आहे जी पक ऐवजी बॉल वापरते. रिंक हॉकी आणि इनलाइन हॉकी आंतरराष्ट्रीय स्तरावर जागतिक स्केटद्वारे नियंत्रित केली जातात , तर इनलाइन स्केटर हॉकी द्वारे नियंत्रित केली जातेआंतरराष्ट्रीय इनलाइन स्केटर हॉकी फेडरेशन . बहुतेक व्यावसायिक हॉकी खेळ इनडोअर किंवा आउटडोअर स्पोर्ट कोर्टवर होतात (स्केटिंग पृष्ठभाग तयार करण्यासाठी वापरल्या जाणार्‍या प्लास्टिकच्या इंटरलिंकिंग टाइल्सचा एक प्रकार).अन्यथा,कोणत्याही कोरड्या पृष्ठभागाचा वापर खेळ आयोजित करण्यासाठी केला जाऊ शकतो,विशेषत: रोलर रिंक, मॅकॅडम (डामर) किंवा सिमेंट.यावेळी न्यू इंग्लिश स्कूलच्या ४० ते ४५ खेळाडूंसह, क्रीडा प्रशिक्षक श्री गौरव डेंगळे,श्री नितीन गायधने यांनी रोलर स्केटिंग मार्गदर्शन सत्राचा अनुभव घेतला.

श्रीरामपुर शहर पोलीस स्टेशन हददीत सार्वजनिक गणेश उत्सवात एकुण 112 गणेश मंडळानी सहभाग घेवुन गणेश स्थापना केली होती. सदर मंडळांना प्रोत्साहन देण्याकरीता व पोलीस प्रशासन व गणेश मंडळ यांचेत समन्वय राहुन कायदा व सुव्यवस्था अबाधित रहावी. तसेच गणेश मंडळाच्या ठिकाणी विविध सांस्कृतिक कार्यक्रम त्यांचे हातातून चांगले कार्य व्हावे करीता श्रीरामपुर शहर पोलीस स्टेशन कडुन प्रथम ०३ उत्कृष्ट मंडळ व 02 उत्तेजनार्थ तसेच एक गाव एक गणपती 3 मंडळाची निवड करुन त्यांना आकर्षक सन्मानचिन्ह व प्रमाणपत्र देण्याची संकल्पना राबविली. तसेच ज्या गणपती मंडळानी प्रशासनाची परवानगी घेणे,1. गणेश मुतीची स्थापना व विसर्जन मिरवणुकीत डीजे /डॉल्बींचा वापर न करता पारंपारीक वादयांचा वापर करणे. २. गणेश भुतीची स्थापना व विसर्जन मिरवणुकीत गुलालाचा वापर न करता फुलांच्या पाकळ्यांचा वापर करणे ३. पोलीस बंदोबस्ताशिवाय गणेश स्थापनेच्या ठिकाणी सीसीटीव्ही कॅमेरे बसविणे ४. श्री गणेशाचे जागेवर विसर्जन करणे ५. गणेशोत्सव काळात उत्कृष्ट सजावट ६. गणेशात्सव काळात पर्यावरण संगोपन, व्यसनमुक्ती व महीला सुरक्षा बाबतचे कार्यक्रम राबविणे 7. स्वंयसेवक नेमुन शिस्त पाळणारे गणेश मंडळ या निकषांचा विचार करुन मंडळाची बक्षीसासाठी निवड केली आहे. तसेच शासनाच्या घालुन दिलेल्या अटी शर्तीचे पालन करुन प्रशासनास सहकार्य केल्याबद्दल सर्व गणेश मंडळाना देखील प्रमाणपत्र दिले.

सार्वजनिक गणेश उत्सव सन २०२३ मध्ये उत्कृष्ट सार्वजनिक काम केल्याबाबत त्यांचा सन्मान सोहळा दिनांक 02/10/२०२३ रोजी सायंकाळी 06/०० वाजेच्या सुमारास श्रीरामपुर शहर पोलीस स्टेशन येथे मा. डाँ. बसवराज शिवपुजे, उपविभागीय पोलीस अधिकारी श्रीरामपुर व मा.हर्षवर्धन गवळी, पोलीस निरीक्षक श्रीरामपुर शहर पोलीस स्टेशन यांचे उपस्थितीत पार पडला असून त्याचे शुभहस्ते उत्कृष्ट काम करणा-या गणेश मंडळांना पारीतोषिक वितरण करण्यात आलेले आहेत.प्रथम क्रमांक - मानाचा गणपती आझाद मैदान वार्ड नं -5 दुसरा क्रमांक - नॉर्दन बँच वार्ड नंबर-7 तिसरा क्रमांक-जे टी एस हायस्कूल बेलापूर चौथा क्रमांक- शिवाजी रोड चा राजा वार्ड नं 3

पाचवा क्रमांक-योद्धा ग्रुप गिरमे चौक वार्ड नं-3 उत्तेजनार्थ- 1. जय भोले मित्र मंडळ 2. श्रीराम तरुण मंडळ

एक गाव एक गणपती

प्रथम क्रमांक - खंडाळा

दुसरा क्रमांक - वळदगाव तिसरा क्रमांक- ब्राह्मणगाव वेताळ

यांना सन्मानित करण्यात आलेले आहेत. सदर कार्यक्रमांस श्रीरामपुर शहर पोलीस स्टेशन हद्दीतील सर्व गावांमधील सरपंच, उपसरपंच, सर्व गणपती मंडळाचे अध्यक्ष, उपाध्यक्ष व त्यांचे सहकारी हजर राहीले आहेत. तरी सदर मंडळांनी यापुढे देखील अशाच प्रकारे शासनाचे दिलेल्या सुचना व नियमाप्रमाणे धार्मिक कार्यक्रम करुन सार्वजनिक शांतता अबाधित ठेवण्याचे काम करेल यांना पोलीस प्रशासनाकडुन अशाच प्रकारे सन्मानित करण्यात येईल बाबत आश्वाषित केले आहे.

सदरचा उपक्रम मा.पोलीस अधीक्षक श्री राकेश ओला साहेब,मा अपर पोलीस अधीक्षक श्रीमती स्वाती भोर यांचे मार्गदर्शनाखाली मा. डॉ. बसवराज शिवपुजे, उपविभागीय पोलीस अधिकारी श्रीरामपुर व मा. हर्षवर्धन गवळी, पोलीस निरीक्षक श्रीरामपुर शहर पोलीस स्टेशन यांचे उपस्थितीत राबविण्यात आला आहे.