bindas news

सायलीचे वडील रिक्षा चालक असून आई ग्रहणी आहे. घरात आईला तिच्या कामात मदत करत आणि शाळेतील अभ्यासावर लक्ष केंद्रित करत सायलीने हे यश मिळवले आहे. तिच्या या जिद्दी आणि मेहनतीच्या वृत्तीमुळे परिसरात तिचे सर्वत्र कौतुक होत आहे.

डी. डी. कचोळे विद्यालयाचे शिक्षक आणि मुख्याध्यापक यांनी सायलीच्या या यशाबद्दल तिचे अभिनंदन केले आहे. प्रतिकूल परिस्थितीतही सायलीने मिळवलेले हे यश इतर विद्यार्थ्यांसाठी प्रेरणादायी आहे, असे मत अनेकांनी व्यक्त केले

श्रीरामपूर: तालुक्यातील बेलापूर बुद्रुक येथे लवकरच ‘गोल्डन पाम’ या भव्य वॉटर पार्कचा शुभारंभ होणार आहे. या वॉटर पार्कचे उद्घाटन गुरुवार, १५ मे २०२५ रोजी सायंकाळी ५ वाजता आयोजित करण्यात आले आहे. या कार्यक्रमाला महंत उद्धवजी महाराज मंडलिक (नेवासेकर) यांची प्रमुख उपस्थिती लाभणार आहे. तसेच, आमदार हेमंतजी ओगले, चेअरमन अशोक सहकारी साखर कारखाना भानुदाची मुरकुटे, माजी उपनगराध्यक्ष करण दादा ससाणे, सत्यशील दादा शेरकर, सचिन दादा गुजर मा. विश्वस्त साईबाबा संस्थान शिर्डी, बाबासाहेब दिघे, ह भ प डॉक्टर सुभाष महाराज कांडेकर, सौ वंदनाताई मुरकुटे, सुधीर पा. नवले, अनिल पा. नवले सुभाष पाटील नवले महेश पाटील नवले यांच्यासह अनेक मान्यवर उपस्थित राहणार आहेत. गोल्डन पाम’ वॉटर पार्क आधुनिक सोयी-सुविधांनी सज्ज असून, लहान मुलांपासून मोठ्यांपर्यंत सर्वांसाठी मनोरंजनाची पर्वणी असणार आहे. विविध वॉटर राईड्स आणि आकर्षक जलक्रीडांचा अनुभव घेण्यासाठी हा वॉटर पार्क निश्चितच एक उत्तम ठिकाण ठरेल, असा विश्वास आयोजकांनी व्यक्त केला आहे.या उद्घाटन सोहळ्याला नागरिकांनी मोठ्या संख्येने उपस्थित राहावे, असे आवाहन निमंत्रक सुधीर पा. नवले आणि सुभाष पा. नवले यांनी केले आहे.

संपर्क:

गोल्डन पाम वॉटर पार्क & रिसॉर्ट पाण्याचा टाकीजवळ, बेलापूर बु., ता. श्रीरामपूर, जि. अहमदनगर

मोबाईल: ७६२०५५८५५५, ९९२२१५५५५०, ८३७८००७९००

संपर्क:

गोल्डन पाम वॉटर पार्क & रिसॉर्ट पाण्याचा टाकीजवळ, बेलापूर बु., ता. श्रीरामपूर, जि. अहमदनगर

मोबाईल: ७६२०५५८५५५, ९९२२१५५५५०, ८३७८००७९००

शहरातील शैक्षणिक क्षेत्रात एक विश्वासार्ह आणि गुणवत्तापूर्ण शिक्षण देणारी संस्था म्हणून ओळखली जाणारी श्री शारदा इंग्लिश मीडियम स्कूल, कोपरगाव ही शाळा यंदाही १००% निकाल लावण्यात यशस्वी ठरली आहे. मार्च २०२५ मध्ये पार पडलेल्या इयत्ता दहावीच्या परीक्षेत १६८ पैकी १६८ विद्यार्थ्यांनी यश मिळवले, यामुळे पालक आणि शिक्षकांमध्ये आनंदाचे वातावरण आहे.

*निकालाचे ठळक पैलू:*

१६८ विद्यार्थ्यांपैकी १५२ विद्यार्थ्यांनी 'डिस्टिंक्शन' (७५% व त्याहून अधिक गुण) मिळवले.

१३ विद्यार्थ्यांना 'फर्स्ट क्लास' (६०% ते ७४.९९%) मिळाला.

०३ विद्यार्थ्यांनी 'सेकंड क्लास' (४५% ते ५९.९९%) मिळवून उत्तीर्णता गाठली.

यावर्षी एकाही विद्यार्थ्याचा अपयश नोंदवले गेले नाही.

*गुणवंत विद्यार्थ्यांचे नाव व यश:*

1. मिस. पारिख हरिश्री किरण – ९८.८०% (शाळेतील प्रथम)

2. मिस. साळुंखे कृष्णाप्रिया वासुदेव – ९७.६०% (शाळेतील द्वितीय)

3. मिस. गाडेकर स्नेहा शैलेश – ९७.२०% (शाळेतील तृतीय)

*गुणवर्गवारी:*

९०% पेक्षा अधिक: ५१ विद्यार्थी

८०% ते ८९.९९%: ७१ विद्यार्थी

७०% ते ७९.९९%: ३६ विद्यार्थी

६०% ते ६९.९९%: ७ विद्यार्थी

४५% ते ५९.९९%: ३ विद्यार्थी

*शाळेच्या यशामागील घटक:*

या यशामागे केवळ विद्यार्थ्यांचे परिश्रमच नव्हे तर शिक्षकांचे सातत्यपूर्ण मार्गदर्शन, शाळेतील अभ्यासकेंद्रित वातावरण, तांत्रिक साधनांचा प्रभावी वापर आणि पालकांचा सतत पाठिंबा हे घटक कारणीभूत आहेत. शाळेच्या अभ्यासक्रमाबरोबरच विद्यार्थ्यांना वैयक्तिक मार्गदर्शन, वेळोवेळी टेस्ट सिरीज, रेमेडियल क्लासेस आणि मानसिक आरोग्याचे प्रशिक्षणही दिले गेले.

*मुख्याध्यापकांचे मत:*

मुख्याध्यापक श्री के एल वाकचौरे यांनी सांगितले की, “आमची शाळा केवळ निकालासाठी नाही तर विद्यार्थी घडवण्यासाठी प्रयत्नशील आहे. आमचे शिक्षक फक्त शिक्षण न देता प्रेरणा देतात, आणि याचाच हा निकाल पुरावा आहे.”

 *भावी वाटचालीसाठी शुभेच्छा:*

या विद्यार्थ्यांनी विविध शाखांमध्ये प्रवेश घेण्यास सुरुवात केली असून, त्यांना डॉक्टर, इंजिनिअर, वैज्ञानिक, प्रशासकीय अधिकारी अशा विविध क्षेत्रांत यशस्वी होण्यासाठी शाळेच्या वतीने शुभेच्छा दिल्या गेल्या.

श्रीराम जन्म भूमीचे गोविंददेवगिरी महाराज तथा किशोरजी व्यास महाराज यांच्या हस्ते महेश दायमा यांना सन्मानीत करण्यात आले होते. त्या यशानंतर महेश दायमा हे उद्या मंगळवार दि. १३ मे रोजी बेलापूर येथे आपल्या मुळ गावी येत असून त्यांच्या यशाबद्दल भव्य अशी मिरवणूक काढून सत्कार समारंभ आयोजित केला आहे.

उद्या मंगळवारी दुपारी ४ वाजता होणाऱ्या मिरवणूक व सत्कार सोहळ्यास मोठ्या संख्येने उपस्थित रहावे असे आवाहन बेलापूर ग्रमस्थ, गावकरी मंडळ, सकल राजस्थानी समाजाने केले आहे.

वाढदिवसानिमित्त सकाळी बेलापूर येथील छत्रपती शिवाजी महाराज यांच्या पुतळ्याजवळ विशेष कार्यक्रम आयोजित करण्यात आला होता. यावेळी दैनिक जय बाबाचे कार्यकारी संपादक श्री. मनोजजी आगे यांच्या हस्ते छत्रपती शिवाजी महाराजांच्या मूर्तीस पुष्पहार अर्पण करून अभिवादन करण्यात आले.

यानंतर, ग्रामपंचायत बेलापूर येथे श्री. मनोजजी आगे यांचा सत्कार समारंभ आयोजित करण्यात आला होता. यावेळी उपस्थित मान्यवरांनी श्री. आगे यांना वाढदिवसाच्या शुभेच्छा देऊन त्यांच्या कार्याचा गौरव केला.

या कार्यक्रमांना जिल्हा परिषद सदस्य शरद नवले, बाजार समितीचे उपसभापती अभिषेक खंडागळे, बेलापूर पत्रकार संघाचे सचिव देविदास, रेल्वे सल्लागार समितीचे सदस्य पुरुषोत्तम भराटे, दैनिक जय बाबाचे प्रतिनिधी दिलीप दायमा, पत्रकार सुहास शेलार, बाबा शेख, मर्चन्ट असोसिएशनचे अध्यक्ष प्रशांत लड्डा, अरुणोदय पतसंस्थेचे संचालक संजय गोरे, गावकरी संस्थेचे संचालक प्रवीण बाठीया, माजी ग्रामपंचायत सदस्य अनिल पवार, विजय कटारीया, महेश कुऱ्हे यांच्यासह विविध क्षेत्रांतील प्रतिष्ठित नागरिक मोठ्या संख्येने उपस्थित होते.

उपस्थित मान्यवरांनी श्री. मनोजजी आगे यांच्या सामाजिक आणि पत्रकारिता क्षेत्रातील योगदानाबद्दल त्यांचे कौतुक केले व त्यांना भावी कार्यासाठी शुभेच्छा दिल्या.

या शाळेतील आपेक्षा भगत,साईशा जोरी आणि भार्वी थोरात यांनी उत्तम कामगिरी करत प्रथमच ब्लॅक बेल्ट प्राप्त केला. तर हर्ष लंगोटे याने दुसऱ्या डिग्रीचा ब्लॅक बेल्ट (2nd Dan) मिळवून सर्वांचे लक्ष वेधून घेतले.सरस ठोळे,आदर्श भगत, धनश्री सोनवणे, अनन्या पुनकर व शिवकन्या घोरपडे यांनी ब्लॅक बेल्ट कॅम्पमध्ये सहभागी होऊन प्रात्यक्षिकांद्वारे कराटेच्या तंत्रांची प्रगती साधली.

या विद्यार्थ्यांना मार्गदर्शन करणाऱ्या प्रशिक्षिका वर्षा देठे यांचा 'बेस्ट इन्स्ट्रक्टर' म्हणून सन्मान करण्यात आला.त्यांनी दीर्घ काळापासून शिस्तबद्ध प्रशिक्षण देऊन विद्यार्थ्यांमध्ये आत्मविश्वास,नेतृत्वगुण आणि आत्मसंरक्षण कौशल्य विकसित केले आहे.त्यांच्या योगदानाचे सर्व स्तरातून कौतुक करण्यात येत आहे.यशस्वी विद्यार्थ्यांचे  शाळेचे प्राचार्य श्री. के. एल. वाकचौरे, उपप्राचार्या सौ. शुभांगी अमृतकर, शिक्षिका प्रज्ञा पहाडे,पल्लवी ससाने, नथाली फर्नांडिस यांच्यासह सर्व शिक्षक व शिक्षकेतर कर्मचारी यांनी विद्यार्थ्यांचे अभिनंदन करून त्यांना पुढील वाटचालीसाठी शुभेच्छा दिल्या.

या परीक्षा व शिबिराचे आयोजन शिहान सुदर्शन पांढरे यांच्या मार्गदर्शनाखाली करण्यात आले. त्यांनी विद्यार्थ्यांमध्ये कराटेचे शारीरिक व मानसिक महत्व पटवून दिले. शिबिरात काता (तांत्रिक हालचाली), कुमिटे (लढाईचे तंत्र), ब्रेकिंग टेक्निक्स, डिसिप्लिन, शारीरिक तंदुरुस्ती आणि कराटेचे मूलभूत तत्त्वज्ञान यावर विशेष भर देण्यात आला.

या यशामुळे श्री शारदा इंग्लिश मिडियम स्कूलचा गौरव वाढला असून,पालक व शाळा व्यवस्थापनाकडून विद्यार्थ्यांचे व प्रशिक्षिकेचे मनःपूर्वक अभिनंदन करण्यात येत आहे.

  सनातन संस्थेचे डॉ आठवले यांच्या जन्मोत्सवाच्या निमित्ताने पाठविलेल्या संदेशात स्वामी गोविंददेव गीरीजी महाराज यांनी पुढे म्हटले आहे की, ‘सनातन संस्थेच्या माध्यमातून गेल्या २५ वर्षांपूर्वी सुरू केलेल्या कार्याची फलश्रुती म्हणून आज हजारोंच्या संख्येने कार्यकर्ते निष्काम भावनेने व स्वयंशिस्तीने सनातन धर्माचा प्रसार करत आहेत. या कार्यकर्त्यांनी स्वतःच्या जीवनाचा स्वाध्याययज्ञ, सेवायज्ञ आणि लोकजागरणयज्ञ सुरू केला आहे. हे कार्य अत्यंत विलक्षण आहे आणि त्यातूनच सनातन राष्ट्राच्या अभ्युदयाचा मार्ग उजळणार आहे.

    या महोत्सवात विविध राष्ट्रनिष्ठ नेते, धर्माचार्य, कार्यकर्ते आणि सनातनप्रेमी एकत्र येऊन विचारमंथन करणार आहेत. या मंथनातून केवळ नवनीत नव्हे, तर अमृत उदयाला येईल आणि याच अमृतकलशातून सनातन राष्ट्राला नवतेज प्राप्त होईल. आज भारताला समर्थ राष्ट्र बनवायचे असेल, तर सनातन धर्माच्या मूलभूत तत्त्वांची आवश्यकता आहे. भारताच्या सामर्थ्यावरच जगात समता, बंधुता आणि खरी स्वतंत्रता टिकू शकते. म्हणूनच हे कार्य एखाद्या व्यक्तीचे किंवा एखाद्या संस्थेचे नसून, धर्माचे आणि राष्ट्राचे कार्य आहे.

    त्यामुळे सर्व धर्मप्रेमी, राष्ट्रनिष्ठ कार्यकर्त्यांनी, नेत्यांनी, धर्मगुरूंनी आणि सामान्य भक्तांनी या महोत्सवात सहभागी होऊन आपल्या श्रद्धेचे आणि सेवाभावाचे योगदान द्यावे.  भारताच्या सुंदर, समृद्ध भविष्यासाठी हा महोत्सव एक सुवर्णसंधी आहे. या महामंथनातून मिळणाऱ्या तेजाने भारत गगनभरारी घेईल आणि सनातन धर्माचा दिव्य प्रकाश संपूर्ण जगात पसरेल. म्हणून आपण सर्वांनी एकत्र येऊन या दिव्य कार्यात सहभागी होऊ  आणि भारताला त्याच्या सनातन तेजाने पुन्हा उभे करूया, असेही आवाहन त्यांनी शेवटी केले आहे.

पटण्याच्या पाटलिपुत्र स्पोर्ट्स कॉम्प्लेक्समध्ये उद्घाटन सोहळा मोठ्या जल्लोषात पार पडला. या सोहळ्यात पारंपरिक सांस्कृतिक कार्यक्रम, सर्व राज्यांच्या खेळाडूंची मिरवणूक आणि प्रमुख नेत्यांचे प्रेरणादायी भाषण झाले. बिहारचे मुख्यमंत्री आणि केंद्रीय क्रीडा मंत्री यांच्या उपस्थितीत खेळांना अधिकृत सुरुवात झाली.

पहिल्या दिवसाचे ठळक घडामोडी:

अॅथलेटिक्स (धावण्याचे प्रकार): धावण्याच्या प्राथमिक फेऱ्यांना सुरुवात झाली असून महाराष्ट्राच्या धावपटूंनी सुरुवातीलाच चांगली कामगिरी केली. हरियाणा आणि केरळच्या खेळाडूंनी मध्यम अंतराच्या शर्यतींमध्ये वर्चस्व दाखवले.

कुस्ती: हरियाणाने अपेक्षेप्रमाणे कुस्तीत वर्चस्व राखत मुलांच्या ६० किलो फ्रीस्टाईल प्रकारात पहिले सुवर्णपदक पटकावले.

नेमबाजी आणि तिरंदाजी: पंजाब आणि उत्तर प्रदेशच्या नेमबाजांनी अचूकतेचं दर्शन घडवलं. ईशान्य भारतातील तिरंदाजांनी उत्कृष्ट स्थैर्य व नियंत्रण दाखवलं.

जलतरण: कर्नाटकच्या जलतरणपटूंनी पहिल्याच दिवशी दोन विक्रम मोडून स्पर्धेची रंगत वाढवली. मुलांच्या १०० मीटर फ्रीस्टाईल आणि मुलींच्या २०० मीटर बटरफ्लाय प्रकारात नवे विक्रम नोंदले गेले.

पहिल्या दिवशी खेळाडूंनी दिलेल्या उत्स्फूर्त प्रतिसादामुळे स्पर्धेची उंची अधिकच वाढली आहे. पुढील काही दिवसांत ५००० हून अधिक खेळाडू विविध क्रीडा प्रकारांमध्ये आपली चमक दाखवणार असून, नवे तारे उदयास येतील अशी अपेक्षा आहे.

अहिल्यानगर( प्रतिनिधी):---  महाराष्ट्र अंधश्रद्धा निर्मूलन समितीच्या अहिल्यानगर जिल्हाध्यक्ष सेवानिवृत्त 

 सहाय्यक पोलीस आयुक्त बाबासाहेब बुधवंत,उपाध्यक्ष पदी प्रसिद्ध कर्करोग तज्ञ डॉ.प्रकाश गरुड तर कार्याध्यक्ष पदी विष्णू गायकवाड यांची निवड झाली आहे.

महाराष्ट्र अंधश्रद्धा निर्मूलन समितीच्या अहिल्यानगर जिल्ह्यातील सर्व शाखांचे कार्यकर्ते पदाधिकारी यांचा जिल्हा प्रेरणा मेळावा  रविवार दि.४ मे रोजी सकाळी १० वाजता नगर येथील शार्दुल नर्सरी,नालेगाव येथे  संपन्न झाला. 

समितीचे राज्य कार्यवाह कॉ.बाबा आरगडे, राज्य प्रधान सचिव डॉ.ठकसेन गोराणे, राज्य सरचिटणीस अड.रंजना गवांदे या राज्य निरीक्षकांच्या उपस्थितीत पुढील दोन वर्षांकरिता अहिल्यानगर  जिल्हा कार्यकारिणी

निवडण्यात आली.

*नवीन जिल्हा कार्यकारिणी अशी....*

श्री.बाबासाहेब  बुधवंत (जिल्हा अध्यक्ष),डॉ.प्रकाश गरुड व  श्री. प्रमोद भारुळे (जिल्हा उपाध्यक्ष),श्री.विष्णू गायकवाड (जिल्हा कार्याध्यक्ष), श्री.विनायक सापा व श्री.देवदत्त साळवे (जिल्हा प्रधान सचिव), अड.अभय राजे (कायदेशीर सल्लागार), श्री.सुखदेव फुलारी (सोशल मीडिया विभाग जिल्हा कार्यवाह),  श्री.शशिकांत गायकवाड (बुवाबाजी संघर्ष विभाग जिल्हा कार्यवाह), श्री.कारभारी गायकवाड (जात पंचायत मुठमाती अभियान विभाग जिल्हा कार्यवाह),

श्री.दीपक शिरसाठ (संविधान जागर विभाग जिल्हा कार्यवाह), श्री.बी.के.चव्हाण (विविध उपक्रम विभाग जिल्हा कार्यवाह),प्राचार्य अशोक गवांदे (निधी संकलन विभाग जिल्हा कार्यवाह),श्रीमती छाया बंगाळ

(महिला सहभाग विभाग जिल्हा कार्यवाह)

यावेळी अशोक सब्बन,कॉ.आप्पासाहेब वाबळे,कॉ.भारत आरगडे, अनिता सापा, प्रा. किसन शेवाळे, अरविंद गाडेकर, काशिनाथ गुंजाळ, हरिभाऊ उगले, विनायक ताकपेरे, शशिकांत जाधव, भावना भारुळे, शब्बीरभाई पठाण, रामचंद्र जाधव, संजय शिरोळे, एड. अभय राजे, शुभम पात्रकंठी, दीपक शिरसाठ, अड. राहुल बुधवंत यांचे सह  जिल्ह्यातील अकारा शाखाचे पदाधिकारी यावेळी उपस्थित होते.

निरीक्षक कॉ.बाबा आरगडे, डॉ.ठकसेन गोराणे, अड.रंजना गवांदे नवनिर्वाचित अध्यक्ष बाबासाहेब बुधवंत,उपाध्यक्ष डॉ. प्रकाश गरुड,कार्याध्यक्ष विष्णू गायकवाड, अशोक सब्बन  यांनी मार्गदर्शन करून संघटना वाढीकरिता सर्व कार्यकर्त्यांनी एकदिलाने काम करावे, शाखांच्या नियमित साप्ताहिक शाखा बैठका घ्याव्यात, समाजातील सर्व स्तरातील कार्यकर्ते शाखेत जाणिवपूर्वक जोडून घ्यावेत, महिला व युवांना जोडून घेऊन पुढील दोन महिन्यांत प्रत्येक शाखेचे शाखा कार्यकर्ता व शिक्षक प्रशिक्षण शिबीर आयोजित करावेत, शाळा- महाविद्यालयात व्याख्यानांचे आयोजन करावे,सर्वांनी अंनिप या मासिकाचे वर्गणीदार व्हावे, आँनलाईन सभासद नोंदणी केलेल्या सभासदांना त्या त्या ठिकाणी जोडून घ्यावे असे आवाहन केले.

शशिकांत गायकवाड यांनी आभार मानले.

हम होंगे कामयाब  या गीताने प्रेरणा मेळाव्याचा समारोप झाला