bindas news

    गेल्या काही दिवसापुर्वीच निमगाव खैरी गावा लगतच एक शेळी देखील बिबट्या ने फस्त  केली होती. त्यानंतर दोनच दिवसांनी दुपारच्या वेळी मेंढ्या चारत असलेल्या  कळपातुन भर दुपारी मेंढी ओढत जवळच्या ऊसात घेऊन गेला होता.  ,त्यामुळे या परिसरात पिंजरा लावण्याची मागणी परिसरातील शेतकर्यांनी केली होती   त्यानुसार वनविभागाने पिंजरा लावल्याने बिबट्या पिंजऱ्यात जेरबंद झाला होता.

 वनपाल बी.एस. गाडे , वनरक्षक गोरख सुराशे, श्री लांडे व इतर कर्मचाऱ्या सह परिसरातील शेतकरी - ग्रामस्थ यांच्या प्रयत्नाने हा बिबट्या जेरबंद झाल्याने परीसरातील शेतकरी व वनविभागाने सुटकेचा श्वास सोडला होता. मात्र पुन्हा हाच बिबट्या अनेक नागरिकांना दिसल्याने नागरिकांतुन तीव्र संताप व्यक्त केला आहे वन विभागाने या बाबीची गांभीर्याने दखल घेऊन  संबधीत सर्वच जबाबदार कर्मचाऱ्यावर गुन्हा दाखल करण्याची मागणी परीसरातील नागरिक करत आहेत.

: 

*जिल्हाभर बिबट्याचे हल्ले वाढले असुन अनेक ठिकाणी बिबट्याच्या हल्यात निष्पाप लहान मुले, वृद्ध यांचे बळी गेल्याच्या घटना ताज्या असुन शासनस्तरावर योग्य निर्णय होऊन एखाद्या अभयारण्यात बिबट्यांची व्यवस्था होणे गरजेचे असुन निमगांव खैरी भागात पिंजऱ्यात अडकलेल्या बिबट्याला अवघ्या ४ कि.मी. वर असलेल्या नाऊर भागात सोडणे ही गंभीर बाब असुन या संदर्भात राज्यमंत्री तथा वन मंत्री प्राजक्त तनपुरे यांचेशी संपर्क झाला असुन जलसंधारण मंत्री शंकरराव गडाख यांचेशी संपर्क साधुन मुजोर अधिकाऱ्या वर कारवाई ची मागणी करणार असल्याचे महाराष्ट्र ग्रामिण पत्रकार संघटनेचे जिल्हाध्यक्ष 

बाळासाहेब नवगिरे*यांनी आमच्या प्रतिनिधीशी बोलताना सांगितले 

दरम्यान जाफराबाद चे सरपंच संदिप शेलार यांनी वनपाल श्री. गाडे यांच्याशी संपर्क केला असता त्यांनी बिबट्या संदर्भात उडवा उडवीचे उत्तरे देऊन तुम्हाला कुणही मंत्र्याकडे वनमंत्री, मुख्यमंत्री यांच्या सह वरिष्ठा कडे  कुठे तक्रार करायची असेल तर करा, माझी बदलीची तयारी आहे, अशी भाषा सरकारी कर्मचाऱ्याने वापरल्याने तिव्र सांताप व्यक्त होत आहे संबधित बिबट्या हा जखमी अवस्थेत होता, या बिबट्यावर प्राथमिक उपचार करणे गरजेचे असतांना तसेच त्यावर पाणी मारणे गरजेचे असुन सुद्धा या बिबट्याची कोणतीही प्राथमिक काळजी न घेता हा जखमी बिबट्या तसाच सोडून देणे, ही वनविभागाची गंभीर चुक असल्याचे यावेळी नागरिकां मधुन बोलले जात होते . तसेच हा जखमी बिबट्या कोणा वर हल्ला करण्याची शक्यता नाकारता येत नाही. या घटनेची चौकशी करण्याची मागणी नागरीकाकडून केली जात आहे

    बेलापूर : - ( प्रतिनिधी ) गेल्या अनेक दिवसांपासून बेलापूरकरांना दुषित पिण्याच्या पाण्याचा पुरवठा होत असून त्यात सुधारणा न झाल्यास पाणीपुरवठ्याच्या मुख्य टाकीवर चढून शोले स्टाईलने आंदोलन करण्याचा इशारा अशोक कारखाण्याचे संचालक अभिषेक खंडागळे यांनी 

ग्रामविकास अधिकारी राजेंद्र तगरे यांना दिलेल्या निवेदनाद्वारे दिला आहे.

       निवेदनात पुढे म्हटले आहे की, सध्या साथीचे रोग चालू आहे. त्यातच एक ते दिड महिन्यापासून गावात पिण्यासाठी दुषित पाण्याचा पुरवठा होत आहे. त्यामुळे नागरिकांच्या आरोग्याचा प्रश्न निर्माण होऊ शकतो. पाणीसाठा मुबलक असताना , ऐन दिवाळीतही नागरिकांना अशाच दुषित पाण्याचा पुरवठा केला गेला. पाणी मुबलक असताना जारचे पाणी विकत घेऊन पिण्याची वेळ ग्रामस्थांवर आली आहे. गावाला पाणीपुरवठा करणाऱ्या तळ्याचे व इतर श्रोतांच्या  पाण्याचे नमुने तपासणीसाठी पाठवावे व त्वरित पाणीपुरवठा सुधरावा अशी मागणीही यावेळी करण्यात आली.

     वेळोवेळी सांगूनही यात सुधारणा होत नसल्याने पुढील आठ दिवसात पाणी पुरवठ्यात सुधारणा न झाल्यास ग्रामस्थांसह मुख्य पाण्याच्या टाकीवर चढून सामुदायिक शोले स्टाईल आंदोलन करण्यात येईल असा इशारा अभिषेक खंडागळे यांनी निवेदनाद्वारे दिला आहे. सदर निवेनावर भास्कर बंगाळ , प्रसाद खरात , शांतवन अमोलिक , महेश कुऱ्हे , दादासाहेब कुताळ आदिंच्या सह्या आहेत.

*बेलापुर येथील पोलीस चौकीत  स्थानिक लोकप्रतिनिधी, पत्रकार, व्यापारी, सामाजिक कार्यकर्ते यांच्याशी  नोपाणी यांनी मुक्त संवाद साधला त्यावेळी ते बोलत होते.*

*ते पुढे म्हणाले की,छोट्या छोट्या तक्रारीकडे दुर्लक्ष केल्यामुळेच मोठमोठे गुन्हे घडतात त्यामुळे पोलिसात आलेल्या सर्व तक्रारी गांभीर्याने नोंदविण्यात याव्यात अशा सूचना सर्व संबंधितांना देण्यात आल्या आहेत. त्यामुळे भविष्यातील मोठी गुन्हेगारी रोखता येईल. लोकांनी पोलिसांशी संबंधित कोणत्याही तक्रारी असल्यास बिनधास्पतणे आपणाशी भ्रमणध्वनी क्रमांक 8459864520 वर संपर्क साधावा त्याची तातडीने दखल घेऊन कार्यवाही करण्यात येईल.वाळू मटका जुगार वा अन्य काही अवैध व्यवसाय सुरु असल्यास पोलीस स्टेशनशी अथवा माझ्याशी संपर्क करावा असेही नोपाणी यांनी स्पष्ट केले.पोलीस उपनिरीक्षक दत्तात्रय उजे यावेळी उपस्थित होते.*

यावेळी झालेल्या चर्चेत माजी सरपंच भरत साळुंके यांनी झेंडा चौकात ट्रॅफिक पोलीस नियुक्त करण्याची मागणी केली. तसेच अन्य काही मुद्द्यांवर झालेल्या चर्चेत सर्वश्री.टॅक्सी असोसिएशनचे जिल्हाध्यक्ष सुनील मुथा,पत्रकार देविदास देसाई, प्रा. ज्ञानेश गवले, नवनाथ कुताळ,बाजार समितीचे संचालक सुधीर नवले,अशोक कारखाना संचालक अभिषेक खंडागळे, अशोक गवते,अशोक पवार, अजय डाकले, तंटामुक्ती अध्यक्ष प्रकाश कु-हे ,पोलीस पाटील अशोक प्रधान, ,अकबर सय्यद आदींनी सहभाग नोंदविला.*

*यावेळी सर्वश्री व्यापारी संघाचे अध्यक्ष प्रशांत लड्डा व शांतीलाल हिरण ,प्रसाद खरात ,पत्रकार दिलीप दायमा, सुहास शेलार,अशोक शेलार, किशोर कदम आदी उपस्थित होते.*

*बेलापुर पत्रकार संघ ,ग्रामस्थ व विविध संघटनांच्या वतीने यावेळी नोपाणी यांचा सत्कार करण्यात आला. यावेळी पोलीस हवालदार अतुल लोटके, पो. नाईक. रामेश्वर ढोकणे,पोलीस काँन्स्टेबल पोपट भोईटे, हरिश पानसंबळ, निखिल तमनर,साईनाथ राशीनकर आदींनी या कार्यक्रमाचे नियोजन केले होते.

श्रीरामपूर तालुक्यातील एकलहरे कार्यक्षेत्रातील आठवाडी शिवारात गुलाबाच्या बागे लगत असलेल्या पत्र्याच्या शेड मध्ये पोलीस यंत्रणेने प्रथमतः 54 लाखांचा  गुटखा  जप्त केला पुन्हा दोन दिवसानंतर याच भागातील एका बंद खोलीत दहा अकरा लाखाचा गुटखा असल्याची माहिती तत्कालीन पोलीस निरीक्षक श्रीहरी बहिरट यांना मिळाली होती. पोलीस पथकाने या बंद खोलीतुन 11 लाख 66 हजारांचा गुटखा सुगंधी तंबाखू पुन्हा जप्त केली.

परिसरात दोन वेगवेगळे छापे पडले पहिल्या ठिकाणी जो अवैध गुटखा सापडला त्या ठिकाणच्या मालकाचा शोध पोलीस यंत्रणेला एका आठवड्यानंतर लागला तर दुसऱ्या छापा ठिकाणच्या मालकाचा शोध अर्धा महिना लोटूनही लागत नव्हता मात्र काल पोलिसांनी  ताब्यात घेतलेल्या अन्सार आजम शेख हाच गुटखा प्रकरणाचा स्थानिक गुटखा किंग असल्याचे समजले आहे.

गुटखा छापा  ठिकाणी  गेल्या सहा महिन्यापासून गुटखा साठवून करून स्थानिक किरकोळ व्यापाऱ्यांना दिला जात असे, सदर गुटखा कनेक्शन संगमनेर मधून असल्याचे समजते , हा गुटखा  कोल्हार मार्गे याठिकाणी येत होता,  ताब्यात घेतलेल्या अन्सार आजम शेख मुळे आता अस्सल आरोपी समोर येण्याची दाट शक्यता निर्माण झाली आहे एकलहरेचे अस्सल गुटखा किंग पर्यंत अप्पर पोलीस अधीक्षक दीपाली काळे यांना यश आले असल्याची चर्चा  परिसरात सुरू आहे

स्थानिक सूत्रांनी दिलेल्या माहितीनुसार ज्या ठिकाणी अर्ध्या कोटींहून अधिक गुटखा जप्त झाला, त्या ठिकाणच्या मालक, चालकांपर्यन्त  पोलीस प्रशासन  पोहचलेले असल्याचे दिसून येत आहे. 

या गुटख्याच्या अवैध व्यवसायात तीन प्रमुख भागीदार असल्याचे बोलले जात आहे, हे तिघे अनुक्रमे बेलापूर, एकलहरे व संगमनेरचे आहे.  यापैकी संगमनेरचा जावई हा आपल्या बेलापूरच्या  सासऱ्यासोबत संलग्न राहून एकलहरेतील तिसऱ्या भागिदारासोबत जावई कोल्हार मार्गे गुलाबाच्या बागे लगत असलेल्या पत्र्याचा शेडमध्ये मध्यरात्री मोठमोठ्या ट्रकमधुन वहातुक करुन गुटख्याच्या साठवणूक  करीत होता  एकलहरेतील भागीदार आपल्या तीन भावांच्या मदतीने रातोरात  श्रीरामपूर शहरासह संपूर्ण तालुक्यातील गुटखा वितरणाचे काम करीत असे, 

ज्या ठिकाणी गुटखा साठवून अवैध व्यवसाय चालू होता, त्याच्या लगत गुलाबाचा बाग असल्याने गाडीच्या आतील भागात गुटख्याच्या गोण्या व बाहेरील बाजूस गुलाबाचे फुले भरून वाहतूक होत असल्याचे  परिसरात बोलले जात आहे.एकलहरे गुटखा कनेक्शन दुरवर पसरले असुन खोलवर तपास केल्यास बरेच मोठे मासे गळाला लागु शकतात या गुटखा प्रकरणात काहींनी मध्यस्थांचीही भूमिका बजावली असुन फार मोठी तडजोड झाल्याचीही आता जोर धरु लागली आहे.

काम बंद आंदोलनाच्या दुसर्या दिवशी विद्यापीठ मध्यवर्ती परिसारातील सर्व अधिकारी आणि कर्मचार्यांनी एकत्र येत मोर्चा काढला व पुर्ण विद्यापीठामध्ये घोषणा देत प्रशासकीय इमारतीसमोर सर्व कर्मचारी जमले. यावेळी या मोर्चाचे नतृत्व समन्वय संघाचे अध्यक्ष डॉ. सी.डी. देवकर, उपाध्यक्ष डॉ. उत्तम कदम, कार्याध्यक्ष डॉ. महाविरसिंग चौहान, सहसचिव डॉ. संजय कोळसे यांनी केले. यावेळी अधिष्ठाता डॉ. अशोक फरांदे आणि डॉ. सी.डी. देवकर यांनी सातवा वेतन आयोग आणि आश्वासती प्रगती योगनाचे निवेदन कुलगुरु आणि कुलसचिव यांना दिले. आंदोलनाला उत्तर देतांना कुलगुरु डॉ. के.पी. विश्वनाथा म्हणाले कर्मचार्यांच्या मागन्या रास्त आहे. राज्यात सर्व शासकीय कार्यालयांना सातवा वेतन आयोग लागु झाला असून राज्यातील कृषि विद्यापीठे याच्यातून वंचीत राहिले आहे. नुकतीच झालेल्या 48 वी कृषि संशोधन आणि विकास समिती बैठकीमध्ये सातवा वेतन आयोग आणि आश्वासीत प्रगती योजना संदर्भात मी कृषि मंत्री आणि कृषि सचिवांबरोबर याबद्दल बोललो आहे. आपल्या मागन्यांचा शासन स्तरावर विचार होणार असल्याचे ते म्हणाले. 

यावेळी उपस्थित सर्व अधिकारी आणि कर्मचारी यांनी काळ्या फिती लावून आंदोलन केले. याप्रसंगी डॉ. महाविरसिंग चौहान, डॉ. उत्तम कदम, डॉ. चांगदेव वायाळ व श्री. वराळे यांनी आपले मनोगत व्यक्त केले. यावेळी समन्वय संघाचे गणेश मेहेत्रे, मच्छिंद्र बाचकर, महेश घाडगे, जनार्धन आव्हाड, मच्छिंद्र बेल्हेकर, संजय ठाणगे, एकनाथ बांगर, बाबासाहेब अडसुरे, जनार्धन आव्हाड, व सौ. सुरेखा निमसे इ. पदाधिकारी उपस्थित होते. आजचा मोर्चा पदव्युत्तर महाविद्यालयापासून जोरदार घोषणाबाजी करत अभियांत्रिकी महाविद्यालय येथे घोषणा देवून प्रशासकीय इमारतीसमोर ठिया आंदोलन केले. या मोर्चामध्ये मध्यवर्ती परिसरातील सर्व अधिकारी व कर्मचारी सामाजीक आंतर राखत मोठ्या संख्येने उपस्थित होते.