bindas news

बेलापुर (प्रतिनिधी )-आपल्या पुढील पिढीच्या भवितव्यासाठी गावात जे चुकीचे चालले आहे ते बंद पाडा संस्कृतीक परंपरा लाभलेल्या गावात आपल्या आया- बहीणींची इज्जत सुरक्षित ठेवायची असेल तर गावकरी मंडळाला विजयी करा चुकीच्या कामाबाबत आवाज उठवा नाहीतर भावी पिढी माफ करणार नाही असा खणखणीत इशारा गावकरी मंडळाचे नेते सुनिल मुथा यांनी दिला आहे  ग्रामपंचायत निवडणूकीच्या प्रचारार्थ गावकरी मंडळाच्या गणपती गल्ली केशव गोविंद मंदिर चौक शिवनेरी गल्ली आयोध्या काँलनी रामगड गायकवाड वस्ती येथे आयोजित प्रचार सभेत ते बोलत होते.आपल्या भाषणात गावकरी मंडळाचे नेते  सुनिल मुथा पुढे म्हणाले की जि प शरद नवले यांनी सत्ताधार्यांनी केलेल्या भ्रष्टाचाराचा बुरखा फाडलाच आहे पंरतु आणखी बरेच काही कारनामे पुराव्यासह माझ्या हाती आले आहे त्यांनी तोंड उघडण्याची भाषा केली मग मी पण आता तोंड उघडाच मग माझ्याकडे असलेली जादुई पोटलीच उघडतो मग त्यातुन कुणाचे काय बाहेर येईल हे सांगता येत नाही ते जर जनते समोर आणले तर जनता तुमचे कपडे.काढल्याशिवाय राहणार नाही आपल्या इज्जतीच पंचनामा होईल म्हणून माझ्याकडे  मध्यस्थ पाठविले त्यामुळे मी पण ते टाळले नाही तर ... गावातील चुकीच्या कामावर बोट ठेवण्याची जबाबदारी आपली आहे ग्रामपंचायत कारभारावर नियंत्रण ठेवले नाही तर हे पुढारी गावही विकतील तेव्हा मतदारांनो जागृक व्हा प्रत्येक कामाची माहीती विचारा सत्ताधार्यावर अंकुश ठेवा हे काम माझ्या एकट्याचे नाही कारभारावर अंकुश नसेल तर सत्ताधारी मन मानेल तसे वागतात पण ते होवु देणार नाही गावकरी मंडळाच्या कार्यकर्त्यांनी जरी चुका केल्या तरी त्यांना देखील जाब विचारण्याची दाणत आपल्यात आहे अनेक ठिकाणी गटारी झाल्या पण केवळ बिले काढुन मोकळे झाले गटारीला ढाळच नसल्यामुळे सांडपाणी जागेवरच तुंबले आहे हे लोक मला सांगतात परंतु ते काम होतानाच आपण संबधीतंना जाब विचारला पाहीजे होता सगळे ठेकेदार एकत्र होवुन सत्ता मिळविण्यासाठी धडपड करत आहे पण या वेळेस जनता मतदार हुशार झालेला आहे तुमच्या काळ्या पिशव्या व आणखी काही घेवूनही मतदार गावकरी मंडळालाच विजयी करतील यात शंकाच नाही ज्यांनी गावची मुख्य बाजारपेठ भकास करण्याचे महापाप केले त्यांना पेठेत फिरकु देवु नका ग्रामपंचायतीचे भंगार विकणारे कोण अन बोंब झाल्यावर परत आणणारे कोण हे आता जनतेला समजले आहे गावात वाढत चाललेले आतिक्रमण हा फार गंभीर प्रश्न आहे पंरतु कार्यकर्ते दुखवायचे नाही म्हणून हे गप्प आहे पेठेतुन पायी चालणेही अवघड झाले आहे सार्वजनिक बांधकाम विभागाने रस्त्यावर भिंत बांधली अन एकानेही आवाज उठविला नाही गावकरी मंडळाच्या ताब्यात सत्ता द्या मी स्वतः जावुन ती भिंत तोडेल माझ्यावर गुन्हा दाखल झाला तरी चालेल पण गावाच्या हितासाठी मी ते करेल असेही मुथा म्हणाले

बेलापुर  (प्रतिनिधी  )- बेलापुर गटातुन दोन वेळा जिल्हा परिषदेत निवडून येवुन नऊ वर्षात या गावाला किती निधी दिला आगोदर याचा खूलासा करा मग आमच्या कामावर बोट ठेवा लोकांनी तुम्हाला जिरवा- जिरवी करीता निवडून दिले नाही याचे भान ठेवा असा सवाल बाजार समितीचे संचालक सुधीर नवले यांनी केला आहे जनता विकास अघाडीच्या वतीने गावात अनेक ठिकाणी काँर्नर सभा आयोजित करण्यात आल्या होत्या त्या सभेत बोलताना बाजास समितीचे संचालक व जनता विकास अघाडीचे नेते सुधीर नवले म्हणाले की  आम्ही भ्रष्टाचार केला हीच एकच कँसेट शरद नवले वाजवत आहे कामावर चर्चा करा आम्ही न केलेली कामे दिसतात त्याच बरोबर केलेली कामे पण सांगा की जनतेला स्वतः काही करायचे नाही अन आम्ही केलेल्या कामावर खोट्या तक्रारी करुन अधिकार्यावर दबाव आणून चुकीच्या कारवाया करण्यास भाग पाडण्या पलीकडे आपण केले काय हे सांगा तुम्हाला आलेल्या निधीपैकी किती निधी गावाला दिला याचा खूलासा करा लोकांनी जिल्हा परिषद सदस्य केले ते विकास कामे करण्यासाठी कुणाच्या मागे चौकशीचा ससेमीरा लावण्यासाठी नाही आपण नेमलेले दलाल लोकाकडून पैसे उकळतात हे दिसत नाही का उगीच भूई थोपटू नका विकास कामावर बोला आमचे काम बोलते आहे काम करणारा थोडा फार चुकणार आहे पण आपण जि प सदस्य असताना काहीच केले नाही दुसर्यांच्या चौकशा लावण्या पलीकडे त्यामुळेच  आता पराभव दिसु लागल्यामुळे बेताल आरोप सुरु केले असुन कोण कामाचा कोण बिन कामाचा हे जतनेला माहीत आहे कोण गोड हसातो गोड बोलतो हे ही ठाऊक आसल्यामुळे लोकही आता त्यांच्याबरोबर गोडच बोलत आहे १५तारखेनंतर सागळा खूलासा होणारच आहे मतदार सुज्ञ आहेत ते खोट्या भुलथापेला बळी पडणार नाही असेही सुधीर नवले म्हणाले.

बेलापुर  (प्रतिनिधी  )-सत्ताधार्यांना दहा वर्षाच्या कार्यकाळात शासनाचा २० कोटी रुपयाचा निधी मिळाला अन या पैशात एकही ठोस काम झाले नाही मग हा निधी गेला कुठे असा सवाल करुन गावाच्या विकासाठी गावकरी मंडळाच्या सर्व सदस्यंना निवडणूक द्या असे अवाहन गावकरी मंडळाचे नेते जि प सदस्य शरद नवले यांनी केले.गावकरी मंडळाच्या प्रचारार्थ गावात गावठाण सुभाषवाडी शेलारवाडा राजवाडा खटोड काँलनी येथे आयोजित सभेत बोलताना जि प सदस्य शरद नवले म्हणाले की गावाच्या विकासाचा एक मास्टर प्लँन आपण तयार केलेला आहे आमच्या ताब्यात आपण सत्ता दिली तर आम्ही एकदम पारदर्शी कारभार करु ग्रामपंचायतीचे सर्व कामकाज संगणका मार्फत केले जाईल दररोजच्या कामाचा हिशोब कार्यालयाच्या फलकावर लावला जाईल ग्रामस्थांना आपल्या तक्रारी करीता ग्रामपंचायत कार्यालयात येण्याची गरज नाही त्याकरीता एक टोल फ्री नंबर दिला जाईल नागरीक घर बसल्या आपली तक्रार करु शकेल अशी व्यवस्था केली जाईल मागील बोगसगीरी

भ्रष्टाचाराला आमच्याकडे थारा नसेल पिण्याचे पाणी रस्ते गटारी नागरीकांचे आरोग्य या कामास प्राधान्य दिले जाईल एवढा मोठा निधी आला असताना त्याचा वापर सत्ताधार्यांनी केवळ खिसे भरण्यासाठी केला अन मी कामाला आडवे येतो असा कांगावा केला मी आडवे आलो पण चुकीच्या कामाला गावात चाललेल्या चुकीच्या कामावर बोट ठेवले बोगस बिले काढणार्या विरुध्द आवाज उठविली यांना पैसे खायला अडचण होवु लागल्यामुळे माझ्या नावाने ओरडायला लागले दोनदा सरपंच पद भोगलेली व्यक्ती चुकीच्या कामामुळे अपात्र ठरविली गेली काहींनी तर संबध नसतानाही ग्रामपंचायत ठेकेदारीवर चालवायला घेतली अन कुणीही विरोध केला नाही मन मानेल तसे काम करुन बोगस बिले काढली चुकीचे कामकाज चाललेले असतानाही कुणीही विरोध केला नाही  आमच्या सदस्यांनी त्यास विरोध केला गावाचा निधी स्वतःच्या फायद्याकरीता वापरला दुसरीकडील रस्ता आपल्या काँम्प्लेच्या फायद्याकरीता बस स्टँडच्या मागे करुन घेतला झाडे तोडली चुकीच्या कामांना विरोध केल्यामुळे त्यांनी माझा धसका घेतला आहे स्वतःच्या काँम्प्लेक्ससाठी ४० फुटाचा रस्ता करुन घेतला अन ९  लाख रुपयाचे बिल काढले असे चुकीचे काम करणारांना मतदानाच्या माध्यमातून जाब विचारण्याची वेळ आलेली आहे गावकरी मंडळाच्या ताब्यात सत्ता द्या निधी आणण्याचे काम माझे आहे असेही जि प सदस्य शरद नवले म्हणाले.

बेलापुर (प्रतिनिधी  )-गावाच्या विकासासाठी गावकरी मंडळाच्या ताब्यात सत्ता द्या गावकरी मंडळाच्या कारभारावर नियंत्रण ठेवुन  विकास कामे करुन घेण्याची जबाबदारी माझी आहे असे विधान गावकरी मंडळाचे नेते सुनिल मुथा यांनी केले गावकरी मंडळाच्या प्रचारार्थ खटोड काँलनी येथे आयोजित प्रचार सभेत ते बोलत होते     आपल्या भाषणात मुथा पुढे म्हणाले की आपला स्वाभिमान गहान ठेवु नका आज पैशाच्या जोरावर तुमची मते विकत घेतली जातील परंतु पाच वर्षे तुम्ही विकास कामावर बोलुच शकणार नाही कुणी काम घेवुन गेले तर ते लगेच पैसे घेवुन मतदान केले हे म्हणतील त्यामुळे आपला मतदानाचा हक्क न घाबरता आपली

सदसद विवेक बुध्दी जागी ठेवुन मतदान करा समोरच्या पार्टीने काही दिले तरी ते घ्या पण मतदान गावकरी मंडळालाच करा या निवडणूकीत मोठ्या प्रमाणात पैशाची उधळपट्टी होणार असली तरी तो पैसा सत्तेतुनच मिळविलेला आहे तो गावाचा म्हणजे आपलाच पैसा आहे पैसा त्यांचा घ्या पण मतदान गावकरी मंडळाला करा मी आजपर्यत गावाच्या विकासासाठी भाडणे करत आलेलो आहे हे सर्वांनी पाहीले आहे मग ते अतिक्रमण असो रस्त्याचे काम असो की भंगार चोरीचे प्रकरण असो चुकणाराला जाब विचारण्याची आपल्यात दानत आहे दहा वर्ष सत्ता भोगली म्हणून काहींना वाटत असेल की आम्ही गावचे मालक झालो तर तो समज काढुन टाका कै मुरलीशेठ खटोड यांनी २२ वर्ष गाव गाडा हाकला पण कुणाची त्यांच्या कारभारावर बोट ठेवण्याची ताकद झाली नाही अन आज काय चालले आहे हे सर्व आपल्या समोर आहे या भागातील फार वर्षापासुनचा प्रलंबीत असलेला गटारीचा प्रश्न तातडीने सोडविला जाईल या बाबत संबधीत सोमाणी कुटुंबीयांशी चर्चा झालेली आहे अन मार्गही निघालेला आहे त्यामुळे गावकरी मंडळाचे सर्व उमेदवार तरुण तडफदार असुन ते निश्चितच गावचा चेहरा मोहरा बदलुन टाकतील असेही मुथा म्हणाले.