bindas news

श्रीरामपूर प्रतिनिधी-आरोपींना अटक होवून सात दिवस झाले तरी भोकर येथील अपहत दिपक बर्डेचा तपास पोलिसांकडून होवू शकला नाही. त्यामुळे पोलिसांच्या तपासाबाबत आम्हाला शंका आहे. याप्रकरणाचा तपास चांगल्या वरिष्ठ अधिकार्‍यांमार्फत करावा. असंख्य हिंदू मुलींना गायब करुन त्यांचे धर्मांतर केले जाते. आम्ही किती सहन करायचे? सहन करण्याचे काँन्ट्रॅक्ट फक्त हिंदुंनी घेतले आहे का? यापुढे हिंदुवरील अन्याय सहन केले जाणार नाही, असा इशारा आ. नितेश राणे यांनी दिला.भोकर येथील दिपक बर्डे या तरुणाचे अपहरण करुन घातपात केल्याच्या निषेधार्थ काल सकाळी आ. नितेश राणे व माजीमंत्री आ. अशोक उईके यांच्या प्रमुख उपस्थितीत जनआक्रोश मोर्चा काढण्यात आला होता. सदरचा जनआक्रोश मोर्चा खा. गोविंदराव आदिक सभागृहापासून संगमनेर रोड, शिवाजी रोडवरुन मेनरोड व अप्पर पोलीस अधिक्षक कार्यालयात नेण्यात आला आहे. या मोर्चा दरम्यान नगरपरिषदेमधील शिवाजी महाराजांच्या पुतळ्याला व रेल्वे स्टेशनजवळील डॉ. बाबासाहेब आंबेडकर यांच्या पुतळ्याला आ. राणे व आ. उईके यांच्या हस्ते पुष्पहार अर्पण करण्यात आला. या मोर्चात शहर, तालुका तसेच अन्य तालुक्यातील हिंदू बांधव मोठ्या संख्येने उपस्थित होते. दिपक बर्डेचा तपास लावा, धर्मांतर थांबवा, हिंदुवरील अन्याय सहन करणार नाही अशा घोषणा घेत हातात भगवे झेंडे घेवून हा मोर्चा काढण्यात आला होता.अप्पर पोलीस अधिक्षक कार्यालयात मोर्चा आल्यानंतर अप्पर पोलीस अधिक्षक यांच्या कार्यालयात आ. नितेश राणे, आ. अशोक उईके यांच्यासह काही कार्यकर्ते जावून त्यांनी या तपासाबाबत शंका उपस्थित करुन इतके दिवस होवूनही हा तपास का लागला नाही? आरोपी अटक होवून सात दिवस झाले तरी पोलिसांना काहीच माहिती मिळाली नाही का? अशा प्रश्‍नांची सरबत्ती केली.आ. राणे यांनी सांगितले की, आजचा मोर्चा माहित असूनही पोलीस निरीक्षक रजेवर गेला आहे. त्याचा अर्थ असा की, या आरोपींशी त्यांचा सहभाग असू शकतो. अशा अधिकार्‍यांची एसआयटी अथवा सीआयडीमार्फत चौकशी करा, अशी मागणी विधानसभेत करणार आहोत. असे त्यांनी सांगितले. महाराष्ट्रातील धर्मांतर थांबले पाहिजे, अन्यथा वेगळा मार्ग अवलंब करावा लागेल, असा इशाराही त्यांनी यावेळी दिला.

बेलापुर (प्रतिनिधी  )-श्रीरामपुर तालुक्यात सर्वात मोठे गाव म्हणून ओळखल्या जाणाऱ्या बेलापुर गावाने विना पोलीस बंदोबस्तात गणेश विसर्जन मिरवणूक शांततेत पार पाडुन एक नवा इतिहास रचला असुन सन २००७ नंतर दुसऱ्यांदा असा उपक्रम राबविण्यात आला आहे              स्वातंत्र्याचा अमृत महोत्सव व बेलापुर ग्रामपंचायतीचा शतक महोत्सवाचे औचित्य साधुन बेलापुर  ग्रामस्थांनी पोलीस संरक्षणात नाही तर गाव संरक्षणात गणेश विसर्जन मिरवणूक पार पाडण्याचा निर्णय घेतला तसे आश्वासन सर्व ग्रामस्थांनी शंतता कमीटीच्या बैठकीत पोलीस अधीकाऱ्यांना दिले होते त्या करीता पुर्व तयारी म्हणून बेलापुर पोलीस स्टेशन येथे दोन दिवस आगोदर सर्व गणेश मंडळ प्रमुख व नेते मंडळीच्या उपस्थितीत बैठक घेण्यात आली होती त्या बैठकीतही

विना पोलीस बंदोबस्तात गणेश विसर्जन करण्याच्या निर्णयावर ग्रामस्थ ठाम राहीले .त्यामुळे बेलापुर पोलीस स्टेशनचे हवालदार अतुल लोटके यांनी सर्व ग्रामस्थ व गणेश मंडळे आपल्या निर्णयावर ठाम असल्याचे वरीष्ठांना कळवीले तरीही खबरदारी म्हणून  नेहमीप्रमाणे तीन पोलीस कर्मचारी बेलापुरातील मुख्य जाम मस्जिदसमोर बंदोबस्तासाठी आले असता मुस्लिम समाजाचे कार्यकर्ते मोहसीन सय्यद यांनी पत्रकार देविदास देसाई यांना कळविले की आपण आपल्या संरक्षणात गणेश विसर्जन मिरवणूक करणार आहोत परंतू या ठिकाणी पोलीस आलेले आहेत पत्रकार देसाई यांनी तातडीने पोलीस निरीक्षक हर्षवर्धन गवळी यांचेशी सांपर्क साधला व तेथुन पोलीस बंदोबस्त हटविण्याची विनंती केली त्यानंतर तातडीने सर्व पोलीस पोलीस स्टेशनला गेले.सकाळी जे.टी. एस.हायस्कुल च्या गणेशाची विसर्जन मिरवणुक संपन्न झाली.शाळेच्या विद्यार्थ्यांच्या लेझीम पथकाने सर्वांचे लक्ष वेधले.सायंकाळी साडेचार वाजता गणेश विसर्जन मिरवणूकीस सुरुवात झाली बेलापुरातील मुख्य झेंडा चौकात सर्वात प्रथम मेहेत्रे वस्ती येथील गणराज मित्र मंडळाची मिरवणूक आली या मंडळाने झेंडा चौकाला वळसा घालुन नगररोडनेच मिरवणूक नेली त्यानंतर छत्रपती तरुण मंडळाची मिरवणूक आली झेंडा चौकात आल्यानंतर श्री छत्रपती शिवाजी महाराजांची आरती करण्यात आली या आरतीसाठी सर्व ग्रामस्थ जमा झाले होते त्यांनतर हिंदु संघटक विर सावरकर मित्र मंडळाचा गणपती होता त्या पाठोपाठ श्रीराम हेल्थ क्लब ,लक्ष्मी नारायण नगर मित्र मंडळाचा गणपती ,सर्वात शेवटी रामराज्य मित्र मंडळाचा गणपती होता  झेंडा चौकात मिरवणूक आल्यानंतर मा  जिं प सदस्य शरद नवले सरपंच महेंद्र साळवी उपसरपंच अभिषेक खंडागळे बेलापुर सेवा संस्थेचे चेअरमन सुधीर नवले कै मुरलीधर खटोड पतसंस्थेचे चेअरमन रविंद्र खटोड,माजी सरपंच भरत साळुंके,गावकरी पतसंस्थेचे चेअरमन साहेबराव वाबळे,हाजी ईस्माईल शेख,विलास मेहेत्रे,चंद्रकांत नाईक, मोहसीन सय्यद,बाबुलाल पठाण,ग्रामपंचायत सदस्य मुस्ताक शेख,रमेश अमोलिक,मोहसीन ख्वाजा शेख अजिज शेख, पुरुषोत्तम भराटे,पोलिस पाटील अशोक प्रधान,शिवाजी वाबळे,पत्रकार देविदास देसाई दिलीप दायमा किशोर कदम,महेश कु-हे,दादासाहेब कुताळ,विशाल आंबेकर,सचिन वाघ,अमोल गाडे आदि मान्यवरांच्या हस्ते   गणपती बाप्पाची पुजा करुन पुष्पहार अर्पण करण्यात आले. मिरवणूकीचे वैशिष्ट्य म्हणून प्रत्येक मंडळाने स्वतंत्र वाद्य लावले होते सर्व मंडळाची मिरवणूक वाजत गाजत बेलापुरच्या मुख्य जामा मस्जिद समोर आली असता मुस्लिम बांधवांच्या वतीने सर्व मंडळाच्या गणपती बाप्पांना पुष्पहार अर्पण करण्यात आले .दोन वर्षानंतर गणेशोत्सव साजरा करण्यास मिळाल्यामुळे सर्व  मंडळांच्या कार्यकर्त्यांनी मनसोक्त आंनद लुटला सर्व मंडळांनी वाजत गाजत रात्री दहा वाजता छत्रपती तरुण मंडळाच्या गणपतीचे विसर्जन झाले त्या पाठोपाठ सर्व मंडळांनी शांततेत गणेश विसर्जन केले कसलाही पोलीस बंदोबस्त न घेता गावाच्या संरक्षणात शांततेत मिरवणूक पार पाडण्याचा मान नगर जिल्ह्यात बेलापुर गावाने सर्व प्रथम मिळवीला .या पुर्वी सन २००७ मध्येही असाच उपक्रम राबविण्यात आला होता त्यानंतर सर्व ग्रामस्थ व मंडळाचे कार्यकर्ते या सर्वांच्या सहकार्यातुन गाव संरक्षणात कसलीही वादावादी न होता आनंदात गणपती बाप्पाचे विसर्जन करण्यात आले. मुस्लिम बांधवांनी देखील ग्रामस्थांच्या अवाहनाला प्रतिसाद देत मिरवणूक शांततेत पार पाडण्याकामी विशेष सहकार्य केले . अप्पर पोलीस अधिक्षक स्वाती भोर उपविभागीय पोलीस अधिकारी संदीप मिटके, पोलीस निरीक्षक हर्षवर्धन गवळी यांनी ग्रामस्थांचे तसेच सर्व गणेश मंडळाचे आभार मानले आहे .गणेश विसर्जन झाल्यानंतर सर्व मंडळाचे आभार व्यक्त करण्यात आले या वेळी मा जि प सदस्य शरद नवले पत्रकार देविदास देसाई पोलीस निरीक्षक हर्षवर्धन गवळी सरपंच महेंद्र साळवी उपसरपंच अभिषेक खंडागळे तंटामुक्ती अध्यक्ष प्रफुल्ल डावरे विष्णूपंत डावरे हाजी ईस्माईल शेख मोहसीन सय्यद भाजपाचे प्रफुल्ल डावरे आदिनी सर्व गणेश मंडळांना धन्यवाद दिले तसेच गावाकरीता आपले मतभेद बाजुला ठेवुन अशाच प्रकारे एक राहण्याचेही अवाहन करण्यात आले.बेलापुर ग्रामपंचायतीच्या आरोग्य विभाग कामगारांनी निर्माल्य गोळा करण्याचे काम केले तसेच ग्रामपंचायतीच्या वतीने विसर्जन स्थळी लाईट व सुरक्षा कठडे लावण्यात आले होते. त्याचप्रमाणाने पोहणारे तरुण देखील सज्ज ठेवण्यात आले होते.

श्रीरामपूर प्रतिनिधी-येथील एका अल्पवयीन मुलीची त्याच शाळेत शिकणाऱ्या अल्पवयीन मुलाने वर्गात जावून छेड काढल्या प्रकरणी संतप्त झालेल्या जमावाने शाळेत जाऊन धरणे आंदोलन केले.श्रीरामपूर तालुका पोलिसांच्या आश्वासनानंतर हे आंदोलन मागे घेण्यात आले, मात्र तो पर्यंत चितळी स्टेशन परिसरातील व्यापारी वर्गानी आपले दुकाने बंद ठेवून घडलेल्या घटनेचा निषेध व्यक्त केला. तसेच चितळी गाव व स्टेशन परिसरात पोलिसांच्या आशीर्वादाने फोफावलेले अवैध धंदे या घटनेला कारणीभूत ठरत असल्याचे चर्चा दिवस भर गावात रंगली होती.सविस्तर माहिती अशी की, चितळी (ता.राहाता) येथील हायस्कुल मध्ये इयत्ता नववीमध्ये शिकणारा अल्पवयीन आरोपीने दहावीत शिक्षण घेत असलेली अल्पवयीन मुलीच्या वर्गात जावून तिची छेड काढली. झालेल्या प्रकाराने ही विदयार्थी घाबरून गेली, झालेला प्रकार घरी समजल्यानंतर पीडित मुलीच्या कुटुंबाने श्रीरामपूर तालुका पोलीस ठाण्यात सदर आरोपी विरुद्ध फिर्याद दाखल केली आहे.दरम्यान या घडलेल्या घटनेचा निषेध व आरोपीने चार दिवसा पूर्वी शाळेत दुसऱ्या एका अल्पवयीन मुलीशी गैर वर्तन केले होते. त्यामुळे त्यास शाळेतून काढून टाकावे व लवकरात लवकर अटक करून कारवाई होण्याकरिता परिसरातील जळगाव, एलमवाडी, धनगरवाडी तसेच परिसरातील पालक व नागरिक मोठ्या संख्येने शाळेच्या प्रागणात जमा झाले होते. यावेळी उपस्थित ग्रामस्थांच्या वतीने पो.नि. शिंदे, सहाय्यक पो.नि.अमृत बोरसे यांनी निवेदन स्वीकारून शाळेच्या वेळेत पेट्रोलिंग करून कायमस्वरूपी पोलीस दूरक्षेत्रासाठी कर्मचारी नेमणूक करण्याचे आश्वासन दिले.

बेलापूरः(प्रतिनिधी  )-बेलापूर बुll  ग्रामपंचायतीच्या शताब्दीवर्षा निमित्त आदर्श ग्राम समितीचे सदस्य तसेच पाटोदा या राज्यातील ख्यातीप्राप्त गावाचे सरपंच भास्करराव पेरे यांचे "गाव सेवा हिच ईश्वर सेवा"या विषयावर गुरुवार(ता.८)रोजी सायं.६ वा. व्याख्यान आयोजित करण्यात आल्याची माहिती सरपंच महेन्द्र साळवी तसेच उपसरपंच अभिषेक खंडागळे यांनी दिली आहे. बेलापूर बुll ग्रामपंचायतीच्या शताब्दीपूर्ती निमित्त ग्रामापंचायतीच्या वतीने व ग्रामस्थांच्या सहकार्याने विविध उपक्रमांचे आयोजन करण्यात आले आहे.या उपक्रम अंतर्गत गुरुवार ता.८ सप्टेंबर रोजी सायं ६ वा. पाटोदा(ता.जि.औरंगाबाद )येथील राज्यातील ख्यातनाम आदर्श गावचे सरपंच भास्करराव पेरे यांच्या व्याख्यानाचे आजाद मैदान येथे आयोजन करण्यात आले आहे.                                                           श्री.भास्करराव पेरे यांना आदर्श सरपंच म्हणून  राज्य शासनाचे तसेच डाॕ.बाबासाहेब आंबेडकर  मराठवाडा विद्यापीठाचा जीवन गौरव पुरस्कार प्राप्त झाला आहे.श्री.पेरे यांनी पाटोदा गावाचा कायापालट करुन राज्यातील आदर्श गाव असा लौकिक मिळवून दिला आहे.पाटोदा गावाला केन्द्र शासनाचा निर्मल ग्राम पुरस्कार ,संत गाडगेबाबा ग्राम स्वच्छता पुरस्कार ,केन्द्र शासनाचा पंचायत राज सबलीकरण आदिसह अनेक राज्यस्तरिय पुरस्कार मिळाले आहेत.श्री.पेरे हे राज्यभर ग्रामविकासाबाबत व्याख्याने देवून जनजागृती करतात.तरी ग्रामस्थांनी श्री.भास्करराव पेरे यांचे   व्याख्यानास मोठ्या संख्येने उपस्थित राहावे असे आवाहन सरपंच श्री.साळवी,उपसरपंच श्री.खंडागळे ,ग्रामपंचायतीचे सर्व सदस्य तसेच ग्रामसेवक यांनी केले आहे.