bindas news

अहमदनगर प्रतिनिधी-लोणी (ता. राहाता) येथील माजी सैनिकाची 18 लाख 39 हजार रुपयांची ऑनलाईन फसवणूक करणार्‍याला येथील सायबर पोलिसांनी मुंबई येथून ताब्यात घेत अटक केली. सलाहुद्दीन शहाबुद्दीन खान (वय 52 रा. गणेशनगर, वेल्फेअर सोसायटी, कांदिवली, मुंबई) असे अटक केलेल्या आरोपीचे नाव आहे.त्याला नगर न्यायालयासमोर हजर केले असता न्यायालयाने तीन दिवसांची पोलीस कोठडी सुनावली आहे. लोणी येथील फिर्यादी हे सैन्यातून निवृत्त झाले आहे. ते ‘वर्क फॉर्म होम’ करता येईल अशा नोकरी, उद्योगाच्या शोधात होते. ऑनलाईन साईटवर माहिती घेत असताना त्यांची फेसबुकवर एका महिलेशी ओळख झाली. तीने फिर्यादी यांना ‘शॉपिंग डॉट कॉम’ कंपनीत अधिकारी असल्याचे सांगितले व त्यांचा विश्वास संपादन केला. कंपनीचे उत्पादने खरेदी केल्यास व विकल्यास तुम्हाला भरपूर कमिशन मिळेल, असे संबंधित महिलेने सांगितले.पैसे जमा करण्यासाठी व्हॉट्सअ‍ॅपवरून एक क्यूआर कोड पाठविला. त्याद्वारे फिर्यादी यांनी संबंधित कंपनीच्या साईटवरून वस्तू खरेदी करून बँक खात्यावर वेळोवेळी 13 लाख 10 हजार रुपये पाठविले. मात्र फिर्यादी यांना वस्तू मिळाल्या नाही. 10 ते 20 लाख रुपयांचा टप्पा पूर्ण होत नसल्याने त्यांनी कंपनीकडे पैसे परत मागितले. परंतु, 10 ते 20 लाखांचा टप्पा पूर्ण केल्यानंतर रक्कम काढता येईल, असे फिर्यादीला सांगितले गेले. त्यांनी नंतर सात लाख रुपये भरताच कंपनीने बँक खाते बंद केले. ही घटना 8 ते 23 नोव्हेंबर 2021 दरम्यान घडली असल्याचे फिर्यादीत म्हटले आहे. फिर्यादी यांची एकूण 18 लाख 39 हजार 702 रुपयांची फसणूक झाली आहे.दरम्यान फिर्यादी यांनी 10 जानेवारी 2022 रोजी सायबर पोलीस ठाण्यात दिलेल्या फिर्यादीवरून अज्ञात व्यक्तीविरूध्द भादंवि कलम 419, 420, माहिती तंत्रज्ञान अधिनियम 2000 चे कलम 66 (सी) (डी) नुसार गुन्हा दाखल केला होता. पोलीस अधीक्षक मनोज पाटील, अप्पर अधीक्षक सौरभ अग्रवाल यांच्या मार्गदर्शनाखाली पोलीस निरीक्षक ज्ञानेश्वर भोसले, पोलीस उपनिरीक्षक प्रतिक कोळी, पोलीस अंमलदार योगेश गोसावी, उमेश खेडकर, दिंगबर कारखिले, मलिक्कार्जुन बनकर, राहुल हुसळे, अरूण सांगळे, वासुदेव शेलार यांच्या पथकाने तांत्रिक विश्लेषण करून आरोपी खान याला मुंबई येथून अटक केली.सहा राज्यांत गेली रक्कम सायबर पोलीस ठाण्यात गुन्हा दाखल झाल्यानंतर सायबर पोलिसांनी या गुन्ह्याचा तपास सुरू केला. तांत्रिक विश्लेषण करत असताना फसवणुकीची रक्कम सहा राज्यांतील विविध बँक खात्यात वर्ग झाल्याचे तपासात निष्पन्न झाले. त्यानुसार मुंबई येथील भारत मेटेज कार्पोरेशन, कांदिवली या खात्यावर एक लाख रूपये रक्कम वर्ग झाली होती. या बँक खातेदाराचा सायबर पोलिसांनी शोध घेण्यास सुरूवात केली. त्यानंतर सलाहुद्दीन शहाबुद्दीन खान याचे नाव समोर आले. पोलिसांनी त्याचा शोध घेत गजाआड केले.

कोपरगाव प्रतिनिधी-मुख्यमंत्री ग्राम सडक योजने अंतर्गत जेऊर पाटोदा ते धारणगाव जिल्हा मार्ग क्रं 8 वरती शासनाने 703 लक्ष रुपये खर्च करून वर्षभरापुर्वी हा रस्ता तयार केला. मात्र या कामास वर्ष होत नाही तेच रस्त्यावर खड्डे पडण्यास सुरुवात झाली असून धारणगाव पुलावर मोठ मोठे खड्डे पडले आहेत.मुख्यमंत्री ग्राम सडक योजने अंतर्गत जेऊर पाटोदा, चांदगव्हाण, मुर्शतपूर,धारणगाव,सोनारी, रवंदे या प्रा.जी.मा 8 वरच्या 10 किलोमीटर च्या रस्त्यास सातशे तिन लक्ष रुपये 2020 मध्ये खर्च करण्यात आले. एकाच वर्षात धारणगाव येथिल पुलाच्या नळ्या वरील स्लॅब फुटून रस्ता खचल्याने काम गुणवत्तेप्रमाणे झाले की नाही अशी शंका उपस्थित होत आहे.पंतप्रधान ग्राम सडक योजनेस मुख्यमंत्री ग्रामसडक योजना असे नाव बहाल करण्यात आले. जिल्ह्यातील मोठ्या रस्त्यांचा विकास या योजने अंतर्गत करण्यात येतो. यावर कार्यकारी अभियंता मुख्यमंत्री ग्रामसडक योजना अहमदनगर यांचे नियंत्रण असतांना एकाच वर्षांत पुलाचा स्लॅब खराब कसा होतो. हा संशोधनाचा विषय आहे. देखभाल दुरुस्ती कालावधी हा पाच वर्षे असून 21 ठिकाणी मोरीच्या कामाचा समावेश आहे. रस्त्यावर पडलेले खड्डे बुजवून वेड्या बाभळीची तात्काळ सफाई करण्याची ग्रामस्थांची मागणी.

बेलापुर  (प्रतिनिधी )-तालुका व शहरातील असणाऱ्या स्वस्त धान्य दुकानावर देखरेख करण्याकरीता शासन नियुक्त दक्षता समीती जाहीर करण्यात आली असुन या समीतीत चर्मकार समाजाचे माजी जिल्हाध्यक्ष भाऊसाहेब वाघमारे व पत्रकार चंद्रकांत झुरंगे यांचा समावेश करण्यात आला आहे                           पालकमंत्री नामदार हसन मुश्रीफ यांनी शहर व तालुका दक्षता समीतीत अशासकीय सदस्यांना मंजुरी दिली आहे श्रीरामपुर शहर दक्षता समीतीत चर्मकार समाजाचे मा .जिल्हाध्यक्ष भाऊसाहेब वाघमारे, भाऊसाहेब एडके, रणजीत जामकर, श्रीमती आशा परदेशी ,श्रीमती अर्चना पानसरे ,जिवन सुरडे,नानासाहेब बडाख ,श्रीमती तरन्नुम जहागीरदार मनोज परदेशी महेबुब शेख आदिंचा समावेश आहे तर श्रीरामपुर तालुका दक्षता समीतीत पत्रकार व समता परिषदेचे चंद्रकांत झुरगे ,संतोष मोकळ ,राहुल रणधीर , सौ शिल्पा चितेवार ,श्रीमती शारदा बनकर ,श्रीमती जयश्री जगताप ,हरदिपसींग शेठी ,श्रीमती रेखा फाजने ,विष्णूपंत खंडागळे  ,सतीश बोर्डे आदिचा समावेश आहे .या सदस्यांच्या निवडीबद्दल आमदार लहु कानडे साईबाबा संस्थानचे विश्वस्त सचिन गुजर जिल्हा बँकेचे संचालक करण ससाणे ,माजी आमदार भानुदास मुरकुटे धान्य दुकानदार संघटनेचे जिल्हाध्यक्ष देविदास देसाई  आदिंनी अभिनंदन केले आहे.

श्रीरामपूर  प्रतिनिधी -7 व्या वर्ल्ड फुनाकोशी राज्यस्तरीय कराटे स्पर्धेत मार्गदर्शक सेन्सई संजय पवार सर, मुख्य प्रशिक्षक सेन्सई अशोक शिंदे सर आणि संघर्ष स्पोर्ट्स फाउंडेशन महाराष्ट्र टीम ने मिळवला प्रथम क्रमांक, सर्व विद्यार्थी व प्रशिक्षकावर  सर्वत्र अभिनंदनाचा वर्षाव होत आहे. या स्पर्धा काता आणि कुमीते या दोन प्रकारात घेण्यात आल्या होत्या. बाळासाहेब भागवत सर यांनी ब्राम्हणवाडा, अकोला तालुका, जि अहमदनगर या ठिकाणी आयोजित करण्यात आल्या होत्या, पुणतांबा आणि परिसरातून एकूण 35 खेळाडू सहभागी होऊन, उत्कृष्ट
खेळाचे प्रदर्शन करीत प्रथम क्रमांकाच्या चषकावर गावाचे नाव कोरले, सेन्सई अशोक शिंदे सर गेल्या सात वर्षापासून पुणतांबा आणि आजूबाजूच्या परिसरात कराटे प्रशिक्षण वर्ग उत्कृष्ट पणे घेत असून अनेक राज्य, राष्ट्रीय स्पर्धेत त्यांनी खेळाडू घडविले आहेत. यश मिळविले आहे, त्यांच्या प्रशिक्षनातून अनेक विद्यार्थी यशस्वीहोत आहेत, अशोक शिंदे सर यांच्याकडे आजही एक हजार. विद्यार्थी कराटे प्रशिक्षण घेत आहेत, शिंदे सर स्वतः च  अंतर राष्ट्रीय खेळाडू असून (गोल्ड मेडलिस्ट )मार्शल आर्ट खेळाच्या सात प्रकारात ते नॅशनल गोल्ड मेडलिस्ट आहेत, राष्ट्रीय पंच, उत्कृष्ट जिल्हा, संघटक,महाराष्ट्र कोच, अशा अनेक जबाबदाऱ्या ते मोठ्या सीताफिने पार पाडत आहेत,काता व कुमिते(फाईट)अशा दोन खेळांच्या प्रकारा मध्ये  अहमदनगर जिल्ह्याला 50 सुवर्ण पदक 17 रौप्य 13 कांस्य आसे एकूण 80 पदकाची कमाई अहमदनगर  जिल्ह्याने केली असून.चॅम्पियन ऑफ चॅम्पियन ची ट्रॉफी वर  अहमदनगर जिल्ह्याचे नाव कोरले आहे व महाराष्ट्रात प्रथम क्रमांक मिळून यश
संपादन केले आहे. विद्यार्थी व विद्यार्थिनी  वय वर्ष 5,6 आणि 7 मधील मुले व मुली सुरज निपटे - सुवर्ण  ,रौप्य . अस्मी शिंदे सुवर्ण, कांस्य वय वर्ष 8 आणि 9 मधील मुले व मुली कल्याणी बेंडकुळे रौप्य,कांस्य ,धनश्री वैराळ सुवर्ण ,रौप्य.रद्रा काळे  रौप्य,कांस्य . मैथिली गोडसे रौप्य,कांस्य.अबुजर शेख रौप्य,कांस्य .श्रद्धा फोपसे कांस्य,कांस्य.वय वर्ष 12आणि 13 मधील मुले व मुली रुद्रा उकांडे सुवर्ण ,सुवर्ण.तृप्ती वाघ कांस्य ,कांस्य . अंजली पवार सुवर्ण, सुवर्ण. साई गाडेकर रौप्य,सुवर्ण .शिवम घोगरे सुवर्ण ,रौप्य .कृष्णा तांबे सुवर्ण, रौप्य.निखिल दिवटे कांस्य , कांस्य. श्रेया दिवटे रौप्य ,रौप्य. साईशा दिवटे सुवर्ण ,कांस्य .साक्षी शेटे कांस्य , कांस्य.साक्षी आमले सुवर्ण , सुवर्ण वेदांत शेजूळ रौप्य ,सुवर्ण .अदिती धुळगंड सुवर्ण , रौप्य.ऋतुजा भागडे सुवर्ण,कांस्य. सायली वैराळ रौप्य , कांस्य. श्रुतिका काळे सुवर्ण ,कांस्य.अलिषा ओहोळ रौप्य ,रौप्य.आयान शेख कांस्य ,सुवर्ण.वय वर्ष 14आणि 15मधील मुले व मुली आदित्य बनकर कांस्य ,रौप्य. अदिराज फोपसे रौप्य , कांस्य.कृष्णा फोपसे रौप्य, कांस्य.प्रसन्न फोपसे रौप्य ,रौप्य.नम्रता जेजुरकर रौप्य ,कांस्य.समृध्दी जेजुरकर सुवर्ण, रौप्य.तनुजा प्रधान रौप्य,रौप्य.वय वर्ष 16आणि 17 मधील मुले व मुली साई शिंदे सुवर्ण , रौप्य. अचूत थोरात सुवर्ण, रौप्य .चेतना  गुडेकर सुवर्ण ,कांस्य .श्रावणी शेजुळ सुवर्ण ,रौप्य.अनुजा चौधरी रौप्य,रौप्य. तसेच आदित्य माळी या विद्यार्थ्याला बेस्ट फायटर प्रमाणपत्र व सन्मान चिन्ह मिळाले. प्रशिक्षक म्हणून सार्थक शिंदे सन्मान चिन्ह मिळाले. तसेच प्रशिक्षक ओम लोकने ईशा निपटे वैष्णव सोनवणे श्रावणी शेजुळ रेश्मा शिंदे इत्यादींचे मार्गदर्शन लाभले. विद्यार्थ्यांनी  यश संपादन करून चॅम्पियन ऑफ चॅम्पियन ची ट्रॉफी वर  अहमदनगर जिल्ह्याचे नाव कोरले आहे व महाराष्ट्रात प्रथम क्रमांक पटकावला आहे . या विद्यार्थ्यांचे आजूबाजूच्या गावांमध्ये कौतुकचा वर्षाव होत आहे. तसेच  पालकांनी ही अभिनंदन व शुभेच्छा दिल्या. अशोक शिंदे सर यांचा गौरव करण्यात आला.

अहमदनगर प्रतिनिधी - सहा गावठी कट्टे व 12 जिवंत काडतुसेसह संगमनेरच्या दोन तरूणांना स्थानिक गुन्हे शाखेच्या पोलिसांनी कोल्हार (ता. राहाता) येथे पकडले. ऋषिकेश बाळासाहेब घारे (वय 21 रा. पारेगाव बु. ता. संगमनेर), समाधान बाळासाहेब सांगळे (वय 27 रा. चिंचोली गुरव ता. संगमनेर) अशी पकडलेल्या तरूणांची नावे आहेत. त्यांच्याकडून एक लाख 86 हजार 100 रूपयांचे सहा गावठी कट्टे, 12 काडतुसे जप्त करण्यात आली असून त्यांच्याविरूध्द लोणी पोलीस ठाण्यात गुन्हा दाखल करण्यात आला आहे. पोलीस हवालदार मनोहर गोसावी यांनी फिर्याद दिली आहे.कोल्हार येथील नगर-मनमाड रोडवर हॉटेल जनता जवळ ऋषिकेश घारे व त्याचा साथीदार गावठी कट्टे विक्रीसाठी घेवुन येणार असल्याची माहिती

स्थानिक गुन्हे शाखेचे पोलीस निरीक्षक अनिल कटके यांना मिळाली होती. त्यांंनी सहायक पोलीस निरीक्षक सोमनाथ दिवटे, पोलीस अंमलदार मनोहर गोसावी, दत्तात्रय गव्हाणे, भाऊसाहेब कुरुंद, संदीप घोडके, विश्वास बेरड, ज्ञानेश्वर शिंदे, विजय ठोंबरे, शंकर चौधरी, रविकिरण सोनटक्के, दीपक शिंदे, लक्ष्मण खोकले, सागर ससाणे, रवींद्र घुंगासे, आकाश काळे, योगेश सातपुते, संभाजी कोतकर यांच्या पथकाला कारवाई करण्याच्या सूचना केल्या.पथकाने कोल्हार येथील नगर-मनमाड रोडवर हॉटेल जनता जवळ सापळा लावला. दोन तरूण पायी येताना दिसताच त्यांना पथकाने पकडले. त्यांची पंचासमक्ष झडती घेतली असता ऋषिकेश घारेच्या कंबरेला पँटचे बेल्टमध्ये खोसलेला एक गावठी कट्टा पोलिसांना मिळून आला. समाधान सांगळे याच्या पाठीवर असलेल्या काळे रंगाच्या पिशवीची (सॅक) पोलिसांनी झडती घेतली असता त्यामध्ये पाच गावठी कट्टे व 12 जिवंत काडतुसे मिळून आली. पोलिसांनी सर्व कट्टे, काडतुसे जप्त करत दोघांना अटक केली.अटक करण्यात आलेला आरोपी सांगळेविरूध्द संगमनेर शहर, संगमनेर तालुका, शिर्डी पोलीस ठाण्यात दरोडा टाकणे, जबरी चोरी करणे, दुखापत करणे आदी स्वरूपाचे पाच गुन्हे दाखल आहेत. पोलीस अधीक्षक मनोज पाटील, अप्पर अधीक्षक सौरभ कुमार अग्रवाल, अप्पर अधीक्षक (श्रीरामपूर) स्वाती भोर, पोलीस उपअधीक्षक संजय सातव (शिर्डी) यांच्या मार्गदर्शनाखाली स्थानिक गुन्हे शाखेच्या पोलिसांनी ही कारवाई केली.

श्रीरामपूर प्रतिनिधी:-दि१४/०२/२०२२ रोजी श्रीरामपूर शहर पोलिस निरीक्षक संजय सानप यांना माहिती मिळाली की शिरसगाव शिवारातील ओव्हर ब्रिज जवळ इंदिरानगर जाणारे रोडवर काही संशयित इसम दरोडा टाकण्याच्या तयारीत आहेत.अशी खात्रीशीर माहिती मिळताच पोलिस निरीक्षक संजय सानप यांनी सपोनि जीवन बोरसे,पोलीस नाईक सचिन बैसाणे,पोलीस नाईक पंकज गोसावी,पोलीस कॉन्स्टेबल राहुल नरवडे,पोलीस कॉन्स्टेबल गौरव दुर्गुळे, पोलीस कॉन्स्टेबल रोंगटे यांना बातमीतील माहिती सांगून कारवाई करणे बाबत सूचना केल्या तपास पथकातील कर्मचारी व अधिकारी शिरसगाव शिवारात ओवर ब्रिज जवळ इंदिरानगर येथे गेले असता नमूद बातमीतील वर्णनाप्रमाणे पाच इसम ब्रिज जवळ इंदिरानगर जाणारे रोडवर फिरत असलेले दिसून आले.त्यावेळी तपासी अमलदार त्यांच्या दिशेने जात असताना सदर संशयित इसमांना तपास पथकाचा सुगावा लागल्याने ते पळून जाऊ लागले तपास पथकातील पोलीस अंमलदार यांनी तीन जणांना पकडले. व त्यातील दोन इसम मोटरसायकलवरून भरधाव वेगात पळून गेले त्यांचे पाठलाग करण्यात आला परंतु ते मिळून आले नाही सदर पकडलेल्या इसमांना  त्यांचे नाव गाव पत्ता विचारला असता त्यांनी त्यांचे नाव १) निसार रज्जाक शेख वय 38 वर्षे राहणार हुसेन नगर वार्ड नंबर एक श्रीरामपूर२) राजू शामराव दामोदर वय 42 वर्षे राहणार हूसेन नगर वार्ड नंबर एक श्रीरामपूर ३) तौपिक आयुब पठाण वय 27 वर्षे राहणार हुसेन नगर वार्ड नंबर एक श्रीरामपूर असे सांगितले सदर माणसांची दोन पंचांसमक्ष अंगझडती घेतली असता निसार शेख याच्या अंगझडतीत एक चाकू नायलॉन दोरी मिळून आली, राजू शामराव दामोदर याच्या अंगझडतीत पॅन्टच्या खिशात मिरचीपूड मिळून आली, तोपिक आयुब पठाण यांचे अंगझडतीत  लोखंडी कटावणी मिळून आली. वरील प्रमाणे हत्यारे व मुद्देमाल मिळून आल्याने पोलीस कॉन्स्टेबल गौरव राजेंद्र दुर्गुळे यांनी दिलेल्या फिर्यादीवरून आरोपींविरुद्ध श्रीरामपूर शहर पोलीस स्टेशन गुन्हा रजिस्टर नंबर८८/२०२२ भादविक ३९९,४०२ प्रमाणे गुन्हा दाखल करण्यात आलेला आहे. सदर आरोपी हे सराईत असून त्यांच्यावर विविध पोलीस स्टेशनमध्ये गुन्हे दाखल आहेत.सदरची कारवाई  श्री .मनोज पाटील पोलीस अधीक्षक,श्रीमती.स्वाती भोर अप्पर पोलीस अधीक्षक श्रीरामपूर,श्री.संदीप मिटके उपविभागीय पोलिस अधिकारी श्रीरामपूर विभाग, यांच्या मार्गदर्शनाखाली पोलिस निरीक्षक श्री.संजय सानप, सपोनि.जिवन बोरसे, पोलीस नाईक.पंकज गोसावी, पोलीस नाईक. बिरप्पा करमल, पोलीस नाईक.सचिन बैसाने, पोलीस नाईक.रघुवीर कारखेले, पोलीस कॉन्स्टेबल राहुल नरवडे, पोलीस कॉन्स्टेबल गौतम लगड, पोलीस कॉन्स्टेबल रमिज आत्तार ,पोलीस कॉन्स्टेबल गौरव दुर्गुळे ,पोलीस कॉन्स्टेबल महेश पवार, यांनी केली आहे.