bindas news

बेलापुर  प्रतिनिधी  - कर्नाटकातील एका महाविद्यालयाने हिजाब काढण्यास नकार देणार्‍या सहा विद्यार्थिनींना प्रवेशबंदी केली होती. मात्र  हिजाब घालूनच आम्ही महाविद्यालयात येऊ, अशी भूमिका या विद्यार्थिनींनी डिसेंबरच्या शेवटच्या आठवड्यापासून घेतली आहे. त्या प्रकरणावरुन सध्या कर्नाटक सह देशभरात वादंग निर्माण झाला आहे.या बाबीचे समर्थनकरुन आंदोलन मोर्चे काढणाऱ्या विरोधात कडक कारवाई करण्यात यावी अशी मागणी हिंदुत्ववादी संघटनांच्या वतीने उपविभागीय अधिकारी अनिल पवार यांच्याकडे करण्यात आली आहे , या बाबत हिंदुत्ववादी संघनांच्या वतीने उपविभागीय अधिकारी अनिल पवार यांना दिलेल्या निवेदनात पुढे म्हटले आहे की विद्यार्थ्यांनी समानता, अखंडता आणि कायदा आणि सुव्यवस्थेवर परिणाम होणार नाही असे कपडे परिधान करावेत. शाळा, कॉलेज, विद्यापीठ येथे शिक्षण घेणारे सर्व समान पातळी वर असावीत म्हणून  ठरावीक गणवेश नेमून देतात, सर्व विद्यार्थ्यांनी त्याचे पालन करावे असे निर्देश असतात. परंतु कर्नाटक मधील एका कॉलेजात काही विद्यार्थिनींनी आम्हाला हिजाब घालून वर्गात बसण्याची मागणी केली, त्यांची मागणी नामंजूर करताच याला काहींनी धार्मिक वळण देत दोन समाजात तेढ निर्माण होईल अशाप्रकारे हे प्रकरण उचलून धरले. तसेच त्यावरून प्रचंड गदारोळ माजवण्यात आला, त्याला प्रत्युत्तर म्हणून हिंदुत्ववादी विद्यार्थ्यांनी भगवे उपरणे घालून कॉलेजमध्ये विरोध दर्शवला, परंतु सामाजिक एकोप्यास बाधा आणण्याच्या दुष्ट हेतूने, सदर प्रकरण चुकीच्या पद्धतीने सोशल मीडिया व इतर माध्यमातून प्रसारित केले. त्याचा परिणाम म्हणून महाराष्ट्रातही अनेक शहरांमध्ये या प्रकाराला धार्मिकतेचा रंग देण्याचा प्रयत्न झाला .काही शहरामध्ये पहिले हिजाब फिर किताब अशा प्रकारचे बॅनर बाजी केली गेली .तर काही ठिकाणी ,  मोर्चे काढले गेले  वास्तविक पाहता हे प्रकरण कर्नाटक राज्यातल्या एका कॉलेज पुरते मर्यादित होते, परंतु त्यास देशव्यापी प्रश्न बनवले गेले. अशा देशद्रोही प्रवृत्तींना वेळीच रोखण्याची गरज आहे. नाही तर उद्या शिक्षणासारख्या पवित्र क्षेत्रामध्ये धार्मिक वाद वाढीस लागतील. सर्वसाधारणपणे शैक्षणिक संस्थांमध्ये सर्व विद्यार्थी शिक्षणासाठी येतात तिथे कुठल्याही जातीत व धर्मात भेदभाव केला जात नाही,अशा घटनामुळे भविष्यात शैक्षणिक सह इतर क्षेत्रात सुद्धा याचे विपरित परिणाम दिसून येतील, त्यामुळे आमची प्रशासनास या निवेदनाद्वारे विनंती करण्यात येत आहे की कर्नाटक प्रमाणे महाराष्ट्रात व देशात हा वाद विकोपास जाऊ नये यासाठी शासनाने व प्रशासनाने योग्य असा निर्णय घेऊन, त्याची त्वरित सक्तीची अंमलबजावणी करावी. 

संगमनेर प्रतिनिधी- हिजाबच्या धार्मिक हक्कासाठी व अल्पसंख्याक समुदायावर होणारे सांप्रदायिक अतिक्रमण रोखण्यासाठी मुस्लिम स्वयंसेवक संघाच्या वतीने राष्ट्रीय अल्पसंख्याक आयोग, मा. प्रधानमंत्री, भारत सरकार, कर्नाटक राज्य अल्पसंख्याक आयोग, मा. मुख्यमंत्री, कर्नाटक राज्य यांना मा. तहसिलदार, संगमनेर यांचे मार्फत निवेदन देऊन संविधानिक मार्गाने सदर प्रश्न मार्गी लावण्याचे आवाहन करण्यात आले.

यावेळी संत ईग्नाथी चर्चचे प्रमुख धर्मगुरु फा. सतीशजी कदम, मुस्लिम धर्माचे संगमनेर शहर काझी रकीबजी सैय्यद, दार-उल-उलूम बरकात-ए- शेर-ए-नेपालचे मौलाना हाफिज रेहान रजा बरकाती, महाराष्ट्र अल्पसंख्याक ख्रिस्ती विकास परिषदेचे संस्थापक अनिलजी भोसले, वरिष्ठ आर. टी. आय. कार्यकर्ते मुझफ्फरजी शेख, न्यूज एन. एम. पी. चे मुख्य कार्यकारी संपादक शौकतजी पठाण, पत्रकार इम्रान शेख, न्यूज एन. एम. पी. चे सह संपादक जमीर शेख, मुनीर शेख, इम्रान पटेल, शहेबाज शेख, मोहसिन मनियार आणि बुरखा - हिजाब परिधान केलेल्या शबनमजी जावेद शेख, निलोफरजी सैय्यद, तैबाजी जावेद शेख, सादियाजी पठाण, सकिनाजी पठाण या महिला सामाजिक कार्यकर्त्या उपस्थित होत्या.

श्रीरामपूर : शहर पोलीस ठाण्याचे पोलीस निरीक्षक संजय सानप, यांना मिळालेल्या गोपनीय माहितीच्या आधारे,शेळके हॉस्पिटल, साईबाबा मंदिर वार्ड नंबर ६ परिसरात, एक युवक विनापरवाना बेकायदेशिर गावठी कट्टा व जिवंत काडतुस बाळगून असल्याची माहिती मिळाल्याने. यासंदर्भातील माहितीची खतीरजमा करून, कारवाईचे आदेश दिल्याने ,शहर पोलीस ठाण्याचे सहायक पोलिस निरीक्षक जीवन बोरसे, पोलीस कॉन्स्टेबल राहुल नरवडे, गोतम लगड,रमिजराजा आत्तार,गौरव दुर्गुळे आदींच्या पथकाने,८ फेब्रुवारी २०२२ रोजी दुपारी साडे १२ वाजेच्या सुमारास, मिळालेल्या माहितीतील वर्णनाशी मिळत असलेला, एक इसम संशयास्पद रित्या फिरत असतांना. कारवाईस गेलेल्या पोलिसांनी सदर युवकास ताब्यात घेतले असता. त्याने आपले नाव दिपक बबन जाधव राहणार, शेळके हॉस्पिटल मागे असे सांगितले असून. पोलिसांनी त्याची झडती घेतली असता. सदरच्या २१ वर्षीय युवकाच्या कमरेला लावलेला ,एक गावठी कट्टा व एक जिवंत काडतुस असा एकूण २० हजार ५०० रुपये किमतीचे मुद्देमाल पोलिसांनी आरोपीसह  ताब्यात घेतला असून. यासंदर्भात श्रीरामपूर शहर पोलीस ठाण्यात भारतीय हत्यार कायदा कलम ३/२५ प्रमाणे दाखल करण्यात आलेला आहे. सदरची कारवाई पोलीस अधीक्षक मनोज पाटील, अप्पर पोलीस अधीक्षक श्रीमती स्वाती भोर मॅडम, उपविभागीय पोलीस अधिकारी संदीप मिटके यांच्या मार्गदर्शनाखाली पोलीस निरीक्षक संजय सानप, सपोनि जिवन बोरसे, पोना पंकज गोसावी,पोना बिरप्पा करमल, पोको राहुल नरवडे, पोकॉ गीतम लगड, पोकॉ रमिज़ आत्तार, पोकॉ/ल गौरव दुर्गुळे, पोकों महेश पवार आदींनी केली.