bindas news

बेलापुर  (प्रतिनिधी  )-गँस गळतीमुळे स्फोट होवुन गंभीर जखमी झालेल्या शेलार कुटुंबातील नमश्री या मुलीचा उपचार सुरु असताना  आज सकाळी दुर्दैवी मृत्यू झाला आहे. बेलापुर येथील गाढे गल्लीत राहणारे  शशिकांत अशोक शेलार यांच्या घरात गँस गळतीमुळे मोठा स्फोट झाला होता त्यात घरातील चौघेही गंभीर भाजले होते त्यांना प्रथम कामगार हाँस्पीटल व नंतर प्रवरा नगर येथे हलविण्यात आले होते यातील शशिकांत शेलार यांची मुलगी नमश्री वय वर्ष ९
हीचे उपचार सुरु असतानाच आज सकाळी निधन झाले तिच्यावर शेलार स्मशानभुमित अंत्यसंस्कार करण्यात येणार आहे शेलार कुटुंबीयातील तिघावर अजुनही प्रवरानगर येथील दवाखान्यात उपचार सुरु असुन या कुटुंबाला आर्थिक मदतीची गरज आहे तरी आपण या कुटुंबाला आर्थिक सहाय्य करावे असे अवाहन पत्रकार देविदास देसाई यांनी केले असुन आपण मोबाईल नंबर 7020049484 या नंबरवर फोन पे किंवा गुगल पे वर  मदत पाठवावी असे अवाहन पत्रकार देविदास देसाई यांनी केले आहे.

श्रीरामपूर : शहरातील बेलापूर रोड परिसरात अशोक थिएटर मागील भाग व मुळा-प्रवराच्या अलिकडचा भाग साडेतीन गल्ली म्हणून अशा उपहासात्मक नावाने चर्चिला जात होता. या भागाला कोणतेही नाव नव्हते. याच भागात जागृत असे दक्षिणमुखी हनुमान मंदिर आहे. त्यामुळे या भागातील नागरिकांची बजरंगबलीवर श्रद्धा असल्याने या भागाला बजरंगनगर नाव द्यावे, अशी सर्व हनुमान भक्तांची इच्छा होती. त्यामुळे श्रीरामपूर नगरपालिकेत परिसरातील नागरिकांनी बजरंगनगर नाव देण्याची मागणी केली. त्याला श्रीरामपूर नगरपालिकेच्या सर्वसाधारण समेत बहुमताने मंजुरी देण्यात आली. ही कामगिरी लोकनियुक्त मा. नगराध्यक्ष अनुराधाताई आदिक व समर्थन देणाऱ्या १७ नगरसेवकांनी केली. पालिकेने अधिकृत बजरंगनगर नामकरण मंजूर केल्यानंतर बजरंगनगर भागातील हनुमान भक्तांची मागणी व नागरिकांची इच्छा पूर्ण झाल्याने काल बजरंगनगर नाव फलकाचे कर्तव्यदक्ष ठरलेल्या लोकनियुक्त मा. नगराध्यक्ष अनुराधाताई आदिक यांच्या हस्ते फित कापून अनावरण करण्यात आले. यावेळी ज्येष्ठ नगरसेवक रविंद्र गुलाटी, नगरसेवक राजेंद्र पवार, नगरसेवक राजेश अलघ, तसेच माजी नगरसेवक यांच्यासह 'दै. जयबाबा'चे संपादक अ‍ॅड. बाळासाहेब आगे, कार्यकारी संपादक मनोजकुमार आगे हिंद सेवा मंडळाचे संजय जोशी, अल्तमेश पटेल, अ‍ॅड.संदीप चोरमल, अ‍ॅड. सुभाष जंगले, अ‍ॅड. कैलास आगे, बेलापूर रोड मित्रमंडळाचे अध्यक्ष चंद्रशेखर आगे, प्रशांत देशमुख, प्रशांत भोसले, सागर शेळके, लोकेश बोरा, योगेश बोराडे, पिंटू चव्हाण,मनोज शेळके, शरीफ शेख, रंगनाथ वाव्हळ, किशोर कुन्हे, सुनील परदेशी, संतोष घावटे, अशोक अस्वले, शार्दुल (बच्चन), धनगे, लतिफ शेख आदीसह परिसरातील भाविक नागरिक उपस्थित होते.यावेळी बजरंगनगर दक्षिणमुखी हनुमान रस्ता, पूर्णवादनगर रस्ता लक्ष्मीमाता मंदिर रस्ता अशा फलकांचे अनावरण करण्यात आले. नगराध्यक्षा अनुराधाताई आदिक व उपस्थित नगरसेवकांचा भागातील नागरिकांचा पुष्पगुच्छ देवून सत्कार करण्यात आला. कार्यक्रमाचे योगायोगाने ज्येष्ठ नगरसेवक रविंद्र गुलाटी यांचा वाढदिवस होता. त्यांनाही मंडळाच्या वतीने शुभेच्छा देण्यात आल्या. कोविडचे नियम पाळून व गर्दी न करता हा कार्यक्रम करण्यात आला.

श्रीरामपूर प्रतिनिधी-श्रीरामपूर ते वाकडी जाणारे रोडवर यशवंतबाबा चौकी जवळ, खंडाळा शिवारातून घरी जात असलेल्या इसमास त्याची मोटारसायकल, रोख रक्कम असा ऐवज घेवून पोबारा करणार्‍या दोघा चोरट्यांना श्रीरामपूर शहर पोलिसांनी जेरबंद केले आहे. पोलिसांनी त्यांच्याकडून मोबाईल, मोटारसायकल व रोख रक्कम 37 हजार 500 रुपये हस्तगत केले आहेत.कोपरगाव तालुक्यातील दोदेवाडी येथील नानासाहेब लक्ष्मण नेहे व त्यांचे चुलत भाऊ ज्ञानदेव राघुजी नेहे हे दोघे त्यांचे मोटार सायकलवरुन श्रीरामपूर ते वाकडी जाणारे रोडवर यशवंत बाबा चौकी जवळ, खंडाळा शिवारातून घरी जात असतांना त्यांच्या पाठीमागून पल्सर मोटार सायकलवरुन तीन इसम आले व त्यांनी त्यांचे मोटार सायकलला गाडी आडवी लावून चाकूचा धाक दाखवून त्यांचे जवळील दोन मोबाईल, रोख रक्कम व मोटारसायकल जबरीने ओढुन चोरुन नेली. याप्रकरणी श्रीरामपुर शहर पोलीस ठाण्यात गुन्हा दाखल करण्यात आला.याप्रकरणी तपासाची गती पोलिसांनी वाढविली असता सदरचा गुन्हा श्रीरामपूर मधील विशाल भारत बोरुडे रा. वॉर्ड नं. 3 नॉर्दन बॅच श्रीरामपूर व खंड्या उर्फ विजय राजेंद्र वाकोडे रा. वार्ड नं.3 बाजारतळ श्रीरामपूर यांनी केल्याची माहिती पोलीस निरीक्षक संजय सानप यांना गुप्त बातमीदारामार्फत बातमी मिळाल्याने पोलीस निरीक्षक संजय सानप स्वतः व डी. बी.पथकाचे पोलीस नाईक रघुवीर कारखेले, पंकज गोसावी, राहुल नरवडे, पोलीस कॉन्स्टेबल गौतम लगड, पोलीस कॉन्स्टेबल रमिज आत्तार 7 जानेवारी 2022 रोजी 17.30 वा. सुमारास बाजारतळ वार्ड नं.3 श्रीरामपूर येथून गुन्ह्यातील चोरीस गेलेला होन्डा शाईन कंपनीची मोटार सायकल, दोन मोबाईल व रोख रक्कम 37 हजार 500 रुपये अशा मुद्देमालासह ताब्यात घेवून त्यांना अटक करण्यात आलेली आहे. सदर गुन्ह्याचा तपास सहाय्यक पोलीस निरीक्षक जीवन बोरसे हे करित आहेत.

बेलापुर  (प्रतिनिधी  )-श्रीरामपुर तालुक्यात ७०% लसीकरण पुर्ण झाले असुन उर्वरीत नागरीकांनी लसीकरण करुन घ्यावे लसीकरण न करणाऱ्या नागरीकावर दंडात्मक कारवाई करण्यात येणार असल्याची माहीती प्रांताधिकारी अनिल पवार यांनी दिली आहे                                                बेलापुर ऐनतपुर येथे केवळ ६०% लसीकरण झाले असुन माझे गाव शंभर टक्के लसीकरण ही योजना बेलापुर गावात राबविण्याचा निर्णय जि प सदस्य शरद नवले सरपंच महेंद्र साळवी उपसरपंच अभिषेक खंडागळे यांनी घेतला असुन या मोहीमेंतर्गत जामा मस्जिद बेलापुर येथे लसीकरण मोहीम राबविण्यात आली त्या वेळी बोलताना प्रांताधिकारी अनिल पवार म्हणाले की ज्या नागरीकांनी अजुनही लस घेतली नाही त्यांनी तातडीने लस घ्यावी सर्व व्यापारी बांधवांनी लस घ्यावी तसेच लस घेतल्याचे प्रमाणपत्र दर्शनी भागात लावणे बंधनकारक आहे तसेच व्यापारी बांधवानी आपल्या दुकानात आलेल्या ग्राहकाने लस घेतली की नाही याची खातरजमा करावी विना लस घेणाऱ्या ग्राहाकावर देखील दंडात्मक कारवाई केली जाणार असुन सर्व नागरीकांनी लसीकरण करुन घ्यावे कोरोनाचे सर्व नियम पाळा मास्कचा वापर करा शासकीय नियमाचे, निर्बंधाचे पालन करा कोरोनाचा फैलाव होवु नये यासाठी सर्वांनी खबरदारी घ्यावी असे अवाहनही प्रांताधिकारी पवार यांनी केले आहे .जि प सदस्य शरद नवले म्हणाले की माझे गाव शंभर टक्के लसीकरण ही मोहीम गावभर वाड्यावस्त्यावर राबविली जाणार असुन गाव शंभर टक्के लसीकरण करुन घेण्यासाठी गावपातळीवर विशेष मोहीम राबविण्यात येणार आहे त्याचाच भाग म्हणून आज जामा मस्जिद येथे लसीकरण कार्यक्रम आयोजित करण्यात आला होता .या लसीकरणात १२० नागरीकांना लस देण्यात आली या वेळी तहसीलदार प्रशांत पाटील, सरपंच महेंद्र साळवी, उपसरपंच अभिषेक खंडागळे  , जेष्ठ पत्रकार देविदास देसाई, दिलीप दायमा, किशोर कदम,  मोहसीन सय्यद ,शफीक बागवान, मुश्ताक शेख, मुनीर बागवान, जीना शेख, रफीक शेख, सुलतान सय्यद ,बाबा सय्यद, सुरज बडे ,चेतन गांधी ,राजु श्रीगोड, अयाज सय्यद  , जब्बार अत्तार, मुश्ताक शेख ,शफ़ीक़ बागवान, अजिज शेख ,प्रभाकर ताके, आदिसह नागरीक उपस्थित होते लसीकरण मोहीम यशस्वीतेसाठी डाँक्टर देविदास चोखर डाँक्टर शंशाक जैन सिस्टर सुनिता गायकवाड  संगीता कसबे यांनी विशेष परिश्रम घेतले.

बेलापुर (देविदास देसाई   )-बेलापुर येथे घरात झालेला स्फोट हा गँस गळतीनेच झाला असल्याचा निष्कर्ष बाँम्ब शोधक व नाशक पथकाने काढला असुन गावात चाललेल्या वेगवेगळ्या वावड्यांना त्यामुळे पूर्णविराम मिळाला आहे अन ग्रामस्थांनी सुटकेचा निश्वास सोडला                      बेलापुर येथील शशिकांत शेलार यांच्या घरी सकाळी साडेसहा वाजता मोठा स्फोट झाला त्या स्फोटाने आजुबाजुचा परिसर दणाणून गेला शेलार यांच्या घरातील पत्र्याची छत पुर्णतः उडून गेली घरात लागलेल्या आगीत घरातील शंशिकात शेलार ज्योती शेलार त्यांचा मुलगा यश व मुलगी नमश्री गंभीर

जखमी झाले होते  त्यांना प्रथम साखर कामगार व नतंर प्रवरा नगर येथील हाँस्पीटलला हलविण्यात आले होते .त्यानंतर घटनास्थळी अप्पर पोलीस अधिक्षक दिपाली काळे उपविभागीय पोलीस अधिकारी संजय सानप यांनी भेट दिली होती  त्या नंतर ऐटीएस पथकानेही भेट देवुन पहणी केली त्या नंतर ऐ टी सी पथकानेही घटनास्थळाला भेट दिली व आसपासच्या नागरीकाकडे चर्चा केली  त्यांनतर बाँम्ब शोधक व नाशक पथक सायंकाळी चार वाजता आले सात जणांच्या पथकात जंजीरा नामक कुत्राही होता अधुनिक यंत्राच्या मदतीने सर्वत्र स्फोटक पदार्थाचा शोध घेण्यात आला तसेच जंजीरा कुत्र्यानेही सर्वत्र शोध घेतला परंतु आक्षेपार्ह किंवा संशयास्पद असे काहीच आढळले नाही. त्यामुळे हा स्फोट गँस गळतीमुळेच झाल्याच्या निष्कर्षापर्यंत सर्व जण पोहोचले आहे. दवाखान्यात उपचार घेत असलेल्या ज्योती शेलार यांनीही सांगीतले सकाळी गँस पेटविण्यासाठी लाईटरचे बटन दाबताच स्फोट झाला होता 

,त्यामुळे झालेला स्फोट हा गँस गळतीमुळेच झालेला असावा असा अंदाज आहे रात्री गँस शेगडीचे बटन चालू राहील्यामुळे गँस गळती होत राहीली व सकाळी लाईटरचे बटन दाबताच स्फोट झाला असल्याचे सर्वांचे मत झालेले आहे. बेलापुर पोलीस स्टेशनचे हवालदार अतुल लोटके पोलीस नाईक रामेश्वर ढोकणे गणेश भिंगारदे निखील तमनर पोपट भोईटे हरिष पानसंबळ हे सकाळपासून सायंकाळ पर्यत घटनेच्या ठिकाणी तळ ठोकुन होते  अखेर दिवसभर सुरु असलेल्या वेगवेगळ्या चर्चेला पुर्णविराम मिळाला असुन हा स्फोट गँस गळतीमुळेच झाला असल्याचा निष्कर्ष काढण्यात आला आहे.