Latest Post

नाशिकरोड । प्रतिनिधी-सोन्याचे दागिने तसेच विविध प्रकारच्या वस्तू खरेदी करून रोख पैसे न देता बनावट धनादेश देऊन ८ ते ९ व्यापार्‍यांना सुमारे २७ लाख रुपयांना गंडा घातल्याचा प्रकार घडला. या प्रकरणी उपनगर पोलिसांत संबंधितांविरूद्ध गुन्हा दाखल करण्यात आला आहे. प्रवीण दत्तात्रय उदावंत यांनी दिलेल्या तक्रारीनुसार, त्यांचे टागोरनगर येथे ईश्वर ज्वेलर्स नावाचे दुकान आहे. आपल्या परिचयातील महावीर एन्टरप्रायजेस सर्व्हिसचे मालक यशवंत मोरे हे संजय माहेश्वरी नावाच्या इसमाला माझ्याकडे घेऊन आले. त्यांना ३ लाख ७ हजार रुपयांचे सोने खरेदीची मागणी केली. ही रक्कम सोने खरेदीच्या वेळी देण्याचे त्यांनी सांगितले. ठरल्याप्रमाणे दि. २८ डिसेंबर रोजी संजय माहेश्वरी व मोरे हे आपल्या दुकानात आले व त्यांनी वरील रकमेचे सोने खरेदी केली.या बदल्यात रोख रकमेऐवजी त्यांनी धनादेश दिला. त्यानंतर दि. ३० डिसेंबर रोजी मोरे पुन्हा दुकानात आले व त्यांनी सांगितले की, सोने खरेदीचे पैसे ३१ रोजी देतो. धनादेश बँकेत जमा करू नका. सर्व रक्कम रोख देण्यात येतील, असे सांगितले. त्यानंतर माहेश्वरी यांना फोन केला असता तो बंद असल्याचे निदर्शनास आले.दरम्यान वसंत मोरे यांच्या दुकानात अनेक व्यक्ती आल्या व त्यांनी महावीर एन्टरप्रायजेसच्या मालकाने आमच्याकडून विविध प्रकारचे साहित्य खरेदी करून आम्हाला बनावट धनादेश दिले.त्यामुळे आमची फसवणूक झाल्याचे लक्षात आले. माहेश्वरी यांनी अनेक व्यापार्‍यांकडून साहित्य खरेदी करून सुमारे २७ लाख रुपयांची फसवणूक केली आहे. पुढील तपास वपोनि सुनील लोहकरे यांच्या मार्गदर्शनाखाली पोउनि जी.एन. जाधव हे करीत आहेत.

भोकर (वार्ताहर) श्रीरामपूर तालुक्यातील खोकर येथील गोरक्षनाथ मठाचे मठाधिपती भागवताचार्य सेवानाथ महाराज यांच्याविरुद्ध विनयभंगाचा गुन्हा दाखल करून ‘तुझ्या मालकीची खोली फिर्यादीला दे नाही तर तीन लाख रुपये दे अन्यथा आणखी विनयभंगाचा गुन्हा दाखल करू’ असे धमकावण्याचा प्रकार आळंदी येथे घडला. याप्रकरणी आळंदी येथील चौघांविरुद्ध आळंदी पोलिसांत दमदाटी केल्याचा व खंडणी मागितल्याचा गुन्हा दाखल करण्यात आला आहे. याप्रकरणी गोरख महाराज आहेर यांना अटक केली आहे. त्यांना न्यायालयासमोर हजर केले असता एक दिवसाची पोलीस कोठडी सुनावण्यात आली आहे. अन्य तिघांचा शोध सुरू आहे.खोकर येथील श्रीक्षेत्र गोरक्षनाथ मठाचे मठाधिपती म्हणून सेवेत असलेले भागवताचार्य सेवानाथ महाराज यांचे आध्यात्मीक शिक्षण आळंदी येथील जोग महाराज वारकरी शिक्षण संस्थेत झाले. त्यानंतर ते सहा वर्षे भंडारा डोंगरावर एकांतात राहिले. नंतर तेथून आल्यानंतर भजन, किर्तन व प्रवचन अशी अध्यात्मीक सेवा सुरू झाली. त्यातून त्यांनी आळंदी जवळील केळगाव येथे एका जोडीदारासोबत एक गुंठा जागा घेतली. त्यावर बांधकाम केले. पण काही वर्षानंतर खोकर येथील चौरंगीनाथ महाराज यांचे देहावसान झाले. त्यानंतर तुकाराम महाराज बोडखे यांचे नामकरण वै. चौरंगीनाथ महाराज यांचे उत्तराधिकारी म्हणून सेवानाथ महाराज असे नामकरण झाले तेव्हापासून महाराजांचे वास्तव्य खोकर येथे आहे.या दरम्यान त्यांचे खोलीत काही दिवस त्यांचे बंधु सोमनाथ यांचे वास्तव्य होते. परंतु शेजार्‍यांच्या त्रासाला कटाळून ते तेथून निघून आले आणि शेजार्‍यांना रान मोकळे झाले. त्यांनी महाराजांच्या खोलीत असलेले एक लाख रूपये किंमतीचे ग्रंथ, पाच पक्वाज, पाच होर्मोनियम व नित्य उपायोगाच्या वस्तू असे मिळून सुमारे तीन लाखांचा ऐवज लंपास करत खोलीचा ताबा घेतला. दरम्यानच्या काळात यातील एका महिलेने सेवानाथ महाराजांविरूद्ध दि.4 जुलै 2019 रोजी आळंदी पोलिसात विनयभंगाचा गुन्हा दाखल करून त्यांना धमकाविण्यास सुरूवात झाली.त्यानंतर दि.1 डिसेंबर रोजी सेवानाथ महाराज हे आळंदी येथे गेले असता तेथे यातील गोरख महाराज आहेर याने सर्वांसमक्ष ‘तुझ्या मालकीची रूम एका महिलेस देऊन टाक, तुला खोली द्यायची नसेल तर त्या बदल्यात आम्हाला तीन लाख रूपये देऊन टाक, मी त्या महिलेला तुझ्या विरूद्धची विनयभंगाची दाखल केलेली तक्रार मागे घेण्यास सांगतो’ असे म्हणाला.त्यावर महाराजांनी ‘मी त्या महिलेचा विनयभंग केला नसून न्यायालयात जो न्याय होईल तो मला मान्य असेल असे’ असे सुनावले. एकंदरीत ‘तुमची रूम द्या अन्यथा तीन लाख रूपये द्या’ आम्ही विनयभंगाचा गुन्हा मागे घेवू असे धमकावत महाराजांना खंडणी मागितली. याप्रकरणी आळंदी पोलिसात आळंदी येथील दोन महिला व अंबादास लक्ष्मण येल्हांडे व गोरख महाराज आहेर या चौघाविरूद्ध खंडणीचा गुन्हा दाखल करण्यात आला आहे.आळंदी पोलिसांत वरील चौघाविरूद्ध भादंवि कलम 448, 384, 506 व 34 प्रमाणे गुन्ह्याची नोंद करण्यात आली आहे. वरील पैकी गोरख महाराज आहेर यास पोलिसांनी अटक केली असून त्यास न्यायालयात हजर केले असता त्यास एक दिवसाची पोलीस कोठडी सुनावण्यात आली आहे. या प्रकरणाचा तपास पोलीस उपनिरीक्षक बापू जोंधळे करत आहेत.

श्री साईबाबा संस्‍थान विश्‍वस्‍तव्‍यवस्‍था, शिर्डीच्‍या वतीने नाताळ सुट्टी, चालू वर्षाला निरोप व नवीन वर्षाचे स्‍वागतानिमित्‍त आयोजित करण्‍यात आलेल्‍या शिर्डी महोत्‍सवाच्‍या दिनांक २३ डिसेंबर २०१९ ते दिनांक ०२ जानेवारी २०२० याकालावधीत सुमारे ८.२३ लाख साईभक्‍तांनी श्री साईबाबांच्‍या समाधीचे दर्शन घेतले तर याकालावधीत सुमारे १७.४२ कोटी रुपये देणगी प्राप्‍त झाली असल्‍याची माहिती संस्‍थानचे मुख्‍य कार्यकारी अधिकारी दीपक मुगळीकर यांनी दिली.

श्री.मुगळीकर म्‍हणाले, नाताळ सुट्टी, चालू वर्षाला निरोप व नवीन वर्षाचे स्‍वागतानिमित्‍त दिनांक २३ डिसेंबर २०१९ ते दिनांक ०२ जानेवारी २०२० याकाळात आयोजित करण्‍यात आलेल्‍या शिर्डी महोत्‍सवाच्‍या कालावधीत दानपेटीतून ९,५४,९९,६७०/- रुपये, देणगी काउंटरव्‍दारे ३,४६,९३,०९१/- रुपये, डेबीट क्रेडीट कार्डव्‍दारे १,३८,२७,४६४/- रुपये, ऑनलाईन देणगीव्‍दारे ७३,२९,५९०/- रुपये, चेक/डिडीव्‍दारे १,५०,८६,१९९/- रुपये, मनी ऑडरव्‍दारे ४,६४,५९२/- रुपये व परदेशी चलनाव्‍दारे २४,३६,४६३/- रुपये अशी एकुण १६,९३,३७,३७०६९/- रुपये देणगी रक्‍कम स्‍वरुपात प्राप्‍त झालेली आहे. तसेच सोने १२१३.६८० ग्रॅम (रुपये ४२,३,५२२/-) व चांदी १७२२३ ग्रॅम (रुपये ५,८०,७६४/-) देणगी प्राप्‍त झालेली आहे.

याशिवाय याकाळात शिर्डी महोत्‍सवाच्‍या कालावधीत ०८ लाख २३ हजार ३७९ साईभक्‍तांनी साईदर्शनाचा लाभ घेतला. यामध्‍ये टाइम बेस (बायोमेट्रीक), जनसंपर्क कार्यालय व ऑनलाईन या सेवांचा समावेश असून ऑनलाईन व सशुल्‍क दर्शन/आरती पासेसव्‍दारे ४,०८,६९,४००/- रुपये प्राप्‍त झालेले आहे. तसेच याकालावधीत श्री साईप्रसादालयात ८,११,५८६ साईभक्‍तांनी प्रसाद भोजनाचा लाभ घेतला व १,४७,१०२ साईभक्‍तांनी अन्‍नपाकीटांचा लाभ घेतला. याबरोबरच ७,०८,७९४ लाडु प्रसाद पाकीटांची विक्री करण्‍यात आली असून याव्‍दारे १,७७,१९,८५०/- रुपये प्राप्‍त झाले आहे. तर ८,९७,००० मोफत बुंदी प्रसाद पाकीटांचे दर्शनरांगेतून साईभक्‍तांना वाटप करण्‍यात आले.तसेच याकालावधीत साईआश्रम भक्‍तनिवास, व्‍दारावती भक्‍तनिवास, साईधर्मशाळा, श्री साईबाबा भक्‍तनिवास्‍थान (५०० रुम) व साईप्रसाद निवास आदी निवास्‍थानांव्‍दारे १,७१,८५५ साईभक्‍तांची निवासाची व्‍यवस्‍था करण्‍यात आली. तर अतिरिक्‍त निवास व्‍यवस्‍थेसाठी उभारण्‍यात आलेल्‍या मंडपात २८,०९५ अशी एकुण १,९९,९५० साईभक्‍तांची निवासाची व्‍यवस्‍था करण्‍यात आलेली होती असे श्री.मुगळीकर यांनी सांगितले.

बेलापूर  ( प्रतिनिधी )- क्रांती ज्योती  सावित्रीबाई फुले जयंती ठिकठिकाणी साजरी करण्यात आली बेलापूरच्या मुख्य चौकात विविध मान्यवरांच्या हस्ते प्रतिमा पुजन करण्यात आले सावता महाराज मंदिरातआशोक कारखान्याचे संचालक आभिषेक खंडागळे यांच्या हस्ते तर बेलापूर ग्रामपंचायतीच्या वतीने पत्रकार देविदास देसाई यांच्या हस्ते प्रतिमा पुजन करण्यात आले बेलापूर विविध कार्यकारी संस्थेतही चेअरमन नाईक  वा व्हा चेअरमन सातभाई याच्या हस्ते प्रतिमा पुजन करण्यात आले बेलापूर  मराठी शाळा बेलापूर मुलींची शाळा जि प उर्दू  शाळा महाविद्याल येथेही सावित्रीबाई जयंती साजरी करण्यात आली या वेळी जि प .सदस्य शरद नवले बाजार समितीचे संचालक सुधीर नवले खटोड पतसंस्थेचे चेअरमन उपसरपंच रविंद्र खटोड प्रकाश कुर्हे पत्रकार देविदास देसाई प्रा .ज्ञानेश गवले दिलीप दायमा   महेश कुर्हे  गोरख कुर्हे संजय शिरसाठ महाराज दादासाहेब कुताळ जालींदर कुर्हे प्रशांत लढ्ढा अशोक कारखान्याचे संचालक अभिषेक खंडागळे महेश ओहोळ दत्ता कुर्हे आदित्य शेटे सोमनाथ शिरसाठ संदीप कुर्हे साईनाथ शिरसाठ वैभव कुर्हे बबलु कुर्हे.

बेलापूर  ( प्रतिनिधी  )- क्रांती ज्योती सावित्रीबाई फुले यांच्या जयंतीचे औचित्य साधून कै .मुरलीधर खटोड पतसंस्थेच्या वतीने महीलांच्या हस्ते संस्थेच्या दिनदर्शिकेचे प्रकाशन तसेच महाराष्ट्र पोलीस स्थापना दिनाचे औचित्य साधुन बेलापूर पोलीस स्टेशनच्या पोलीसाचा सन्मान करण्यात आला  या कार्यक्रमाच्या अध्यक्षस्थानी सौ कल्याणी काळे  होत्या या वेळी समाजकार्य करणार्या महीलांचा पतसंस्थेच्या वतीने सन्मान करण्यात आला या वेळी बाजार समितीचे संचालक सुधीर नवले पत्रकार  देविदास देसाई  प्रा .गुंफा कोकाटे प्रा .ज्ञानेश गवले सौ कल्याणी काळे आदिंनी मनोगत व्यक्त केले या वेळी सौ अंजली खटोड निशा खटोड कृपा दायमा प्रिया चंगेडीया सरपंच राधाताई बोंबले सौ शिंदे नंदाताई पवार  लढ्ढा भाभी जिजाबाई घुले कौसाबाई जाधव शैलाबाई भांड सुशिला भगत नंदाताई पवार संगीता बाठीया हवालदार अतुल लोटके पोलीस नाईक गणेश भिंगारदे  काँ पोपट भोईटे बाळासाहेब गुजाळ निखील तमनर पतसंस्थेचे चेअरमन रविंद्र खटोड अँड सुभाष साळुंके विलासा मेहेत्रे बाजार समितीचे संचालक सुधीर नवले जाधव दिवाकर कोळसे अरविंद शहाणे शेखर डावरेअनिल डाकले गणेश लढ्ढा गोरख कुर्हे पप्पु कुलथे  दिलीप दायमा आदि उपस्थित  होते कार्यक्रमाचे प्रास्ताविक   गणेश लढ्ढा यांनी केले सूत्रसंचलन अभिजीत राका यानी केले तर रविंद्र खटोड यांनी आभार मानले.

बेलापूर  (प्रतिनिधी )- गुन्हेगारीवर वचक व ग्रामस्थांना संरक्षण  देण्याचे काम पोलीस खाते अहोरात्र करत असुन सिमेवर जवान अन गावात पोलीस असल्यामुळेच आपण सुरक्षित आहोत असे मत अशोक कारखान्याचे संचालक अभिषेक खंडागळे यांनी व्यक्त केले            पोलीस स्थापना दिनानिमित्त ग्रामस्थांच्या वतीने बेलापूर  पोलीसांचा सत्कार करण्यात आला त्या वेळी बोलताना खंडागळे म्हणाले की पोलीस अहोरात्र आपले काम चोख बजावतात त्याचे मनोधैर्य वाढविणे आपली जबाबदारी आहे बाजार समितीचे संचालक सुधीर नवले म्हणाले की पोलीसांच्या भरवशावर आपण बिनधास्त राहतो पोलीस आपला जिव धोक्यात घालुन आपले रक्षण करतात सण उत्सव विसरुन ऊन पावसात आपले कर्तव्य  बजावतात गुन्हेगारांचा कर्दनकाळ ठरणार्या खाकीला आपण सलामच केला पाहीजे या वेळी पत्रकार देविदास देसाई  यांनीही मनोगत व्यक्त केले  या वेळी हवालदार अतुल लोटके पोलीस नाईक गणेश भिंगारदे पोलीस पोपट भोईटे निखील तमनर बाळासाहेब गुंजाळ आदिंचा सत्कार करण्यात आला या वेळी मनोज श्रीगोड अतिष देसर्डा महेश कुर्हे दिलीप दायमा तंटामुक्तीचे अध्यक्ष प्रकाश कुर्हे वैभव कुर्हे सौरभ कापसे अभिषेक निर्मळ दादासाहेब कुताळ आदि उपस्थित  होतेस.

गळनिंब(प्रतिनिधी)श्रीरामपूर तालूक्यातील प्रवराकाठची आग्रगण्य समजली जाणारी गळनिंब विविध कार्यकारी सहकारी सोसायटीच्या चेअरमन पदी विष्णू भागवत चिंधे तर व्हा.चेअरमनपदी पंढरीनाथ भोसले यांची एकमताने निवड झाली.
  सहाय्यक निबंधक कार्यालयाचे निवडणूक निर्णय अधिकारी जे.एस.पवार यांच्या उपस्थितीत झाली. चेअरमन पदाची सुचना मावळते चेअरमन नानासाहेब वडितके यांनी मांडली तर अनुमोदन मर्केट कमिटीचे मा.उपसभापती आण्णासाहेब शिंदे यांनी दिले व्हा.चेअरमनपदाची सुचना प्रवरा बॅंकेचे संचालक व संस्थेचे जेष्ठ संचालक बापूसाहेब दादा वडितके यांनी तर अनुमोदन अवडाजी शिंदे यांनी दिले.यावेळी नुतन पदाधिकार्‍यांसह निवडणूक निर्णय अधिकारी पवार यांचा सत्कार करण्यात आला.
  यावेळी केशव चिंधे,कैलास मारकड,तबाजी जाटे,प्रकाश जाटे,दत्तात्रय कडनोर,सौ.सुनिता कुदनर,ताराबाई शिंदे,आण्णासाहेब कडनोर,आदिनाथ वडितके,राजेंद्र गवळी,प्रा.बाळासाहेब वडितके,संजय कुदनर,शिवाजी शिंदे,संदिप जाटे,उपसरपंच दशरथ चिंधे,बापूसाहेब वडितके,सतिष आचपळे,पांडूरंग चिंधे,केरूनाना शिंदे,देवराम बाचकर,रंगनाथ बाचकर,भागवत कोर्‍हाळे,सुनिल शिंदे,संजय भोसले,संजय शिंदे,संदिप शेरमाळे,मच्छिंद्र खेमनर,बाबुराव चिंधे,दत्तु जाटे,संजय बाहूले,बंडू जर्‍हाड,विठ्ठल वडितके आदि उपस्थित होते.

MKRdezign

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget