bindas news

बेलापूर /(प्रतिनिधी)-  येथील दुकानासमोर पडलेली एक तोळ्याची अंगठी बेलापूर येथील मिठाई व्यापारी एकनाथ नागले यांनी प्रामाणिकपणे ग्राहकास परत केली असून नागले यांच्या प्रामाणिकपणाबद्दल  सर्वत्र कौतुक होत आहे.                    याबाबत माहिती अशी की बेलापूर खुर्द येथील अमोल रामनाथ पुजारी यांचे नातेवाईक संतोष दामू शिंदे व सुनील नामदेव शिंदे राहणार संगमनेर हे काही कामानिमित्त बेलापूर येथे आले होते आपले काम आटोपल्यानंतर ते बेलापूर येथील एकनाथ नागले यांच्या श्री बालाजी स्विट गोडीशेव रेवडी या दुकानात गेले त्यावेळी त्यांच्या पत्नी सौ शैलाबाई नागले या दुकानात होत्या संतोष व सुनील शिंदे यांनी नागले यांच्या दुकानात गोडीशेव व रेवडी फरसाण विकत घेतली. घेतलेल्या मालाचे पैसे देण्याकरता त्यांनी खिशातून पैसे काढले त्याच वेळेस त्यांच्या खिशात असलेले अंगठी देखील खाली पडली ही बाब त्यांच्या लक्षात आली नाही. पैसे देऊन ते निघून गेले. त्यानंतर  सौ शैलाबाई नागले यांना त्यांच्या दुकानासमोर एक अंगठी पडलेली दिसली त्यांनी ती उचलून पती एकनाथ नागले यांच्याकडे दिली. ती अंगठी सोन्याची असल्याचे नागले यांच्या लक्षात आले व आपल्या दुकानावर नुकतेच आलेले ग्राहक यांचीच ती पडली असावी अशी शंका त्यांना आली व काही तासाने शिंदे बंधु देखील या ठिकाणी येऊन अंगठीची विचारपूस करू लागले. ते प्रचंड घाबरलेल्या अवस्थेत होते. त्यावेळी नागले यांनी त्यांना सांगितले की काळजी करू नका तुमची अंगठी येथेच पडली होती आणि ती व्यवस्थित आहे त्यानंतर त्यांनी याबाबत बेलापूर पोलीस स्टेशनचे सहाय्यक पोलीस उपनिरीक्षक सुधीर हापसे यांना कल्पना दिली त्यानंतर सहाय्यक पोलीस उपनिरीक्षक सुधीर हापसे यांच्या हस्ते ती एक तोळ्याची सोन्याची अंगठी मूळ मालक संतोष दामू शिंदे  यांना देण्यात आली. बेलापूर येथील प्रसिद्ध हलवाई श्री एकनाथ नागले व त्यांच्या पत्नी सौ शैलाबाई नागले यांनी दाखविलेल्या प्रामाणिकपणाबद्दल त्यांचे सर्वत्र कौतुक होत आहे

बेलापूर (प्रतिनिधी )--सत्यमेव जयते ग्रुपच्या वतीने विष्णुपंत डावरे यांच्या सौजन्याने हनुमान मंदिर बेलापूर त्याचबरोबर श्री हरिहर केशव गोविंद भगवान मंदिर व तलाठी कार्यालय बेलापूर खुर्द या ठिकाणी तीन बाक भेट देण्यात आले.                               बेलापूर खुर्द येथील कामगार तलाठी श्रीमती कातोरे मॅडम यांनी सामाजिक कार्यकर्ते विष्णुपंत डावरे यांच्याकडे खंत व्यक्त केली होती की तलाठी कार्यालयात आपल्या कामाकरिता शेतकरी येतात परंतु येथे बसण्याची गैरसोय होत आहे त्यांनी व्यक्त केलेली खंत लक्षात घेता विष्णुपंत डावरे यांनी तात्काळ त्या ठिकाणी बाकडे देण्याचा निर्णय घेतला त्यानुसार त्यांनी बेलापूर खुर्द तलाठी कार्यालयात एक ,श्री हरिहर केशव गोविंद भगवान मंदिर येथे एक व रामगड येथील हनुमान मंदिर या ठिकाणी एक असे तीन बाकडे भेट दिले. त्याचा लोकार्पण सोहळा नुकताच सत्यमेव जयते ग्रुपच्या सर्व सदस्यांच्या समवेत करण्यात आला .यावेळी विष्णुपंत डावरे यांनी मनोगत  व्यक्त करताना सांगितले की आपल्याजवळ जे आहे त्याच्यातील थोडाफार जरी वाटा आपण समाजाकरता दिला तर फार मोठे समाजकार्य होऊ शकते यावेळी पत्रकार देविदास देसाई म्हणाले की आपल्याकडे नुसती संपत्ती असून चालत नाही त्यातील थोडे फार समाजाकरता देण्याची दानत पण असावी लागते आज डावरे यांनी तीन ठिकाणी नागरिकांना तसेच भाविकांना बसण्याची गैरसोय होऊ नये याकरिता बाकडे भेट दिले त्याबद्दल त्यांचा सत्यमेव जयते ग्रुपच्या वतीने सत्कार करण्यात आला या वेळी बाजार समितीचे उपसभापती अभिषेक खंडागळे ,संजय भो़ंडगे , बाबूलाल पठाण, राधेश्याम आंबीलवादे ,महेश ओहोळ, महेश कुऱ्हे ,दिलीप आमोलिक, जाकीर शेख, सचिन कणसे, बाबासाहेब काळे, इरफान जहागीरदार, सलीम शेख ,निजाम शेख, विलास नागले, इब्राहिम शेख राकेश खैरनार किरण गागरे विशाल आंबेकर आदी सह सत्यमेव जयते ग्रुपचे सदस्य उपस्थित होते

बेलापूर (प्रतिनिधी )-श्रीरामपूर येथील पत्रकार सलीम पठाण यांना झालेल्या मारहाणीचा बेलापूर व परिसरातील पत्रकारांनी तिव्र शब्दात निषेध करून मारहाण करणाऱ्यांना कठोर शासन व्हावे अशी मागणी केली आहे.                  श्रीरामपूर शहरातील पत्रकार सलीम पठाण यांना काही व्यक्तींनी जबर मारहाण केली या घटनेचा बेलापूर व  परिसरातील पत्रकारांनी तीव्र शब्दात निषेध केला असून आरोपींना तात्काळ अटक करून कडक शासन व्हावे अशी मागणी पत्रकारांनी केली आहे याबाबतचे निवेदन बेलापूर पोलीस स्टेशन येथे देण्यात आले बेलापूर पोलीस स्टेशनचे हवलदार बाळासाहेब कोळपे यांनी  निवेदन स्वीकारले यावेळी पत्रकार देविदास देसाई,असलम बिनसाद मारोतराव राशिनकर, प्राध्यापक ज्ञानेश गवले, महेश मोहोळ, दिलीप दायमा,सुहास शेलार, शरद थोरात ,भरत थोरात  आदी पत्रकार उपस्थित होते

२२ संघांचा सहभाग,दोन दिवस स्पर्धा,आंतरराष्ट्रीय स्तरावर उत्कृष्ट कामगिरी करणाऱ्या तीन मुलींचा सन्मान!!!धनकवडी(गौरव डेंगळे): जागतिक महिला दिनाचे औचित साधून धनकवडी येथील प्रियदर्शनी विद्या मंदिरच्या भव्य प्रांगणात ए बी एस फ स्पोर्ट क्लब व ऐश्वर्या स्पोर्ट फाउंडेशन यांच्या संयुक्त विद्यमाने नुकत्याच पार पडलेल्या १४ वर्षांखालील मुलांच्या व मुलींच्या निमंत्रित व्हॉलीबॉल स्पर्धेत मुलांच्या गटात ए बी एस एफ तर मुलींच्या गटात मिलेनियम स्कूलने चिंतामणी चषक पटकावला, 

स्पर्धेत मुलांमध्ये निमंत्रित १२ संघ व मुलीं मध्ये निमंत्रित १० संघां नी सहभाग घेतला होता. स्पर्धेचे उद्घाटन प्रियदर्शिनी विद्यालया च्या मुख्याध्यापिका राजश्री दिघे व रूपाली मालुसरे यांच्या हस्ते करण्यात आले, लिघ स्वरूपाच्या स्पर्धेत दोन दिवसांमध्ये ४८ सामने झाले झाले. 

मुलांच्या गटात फुरसुंगी येथील शिवमुद्रा संघ व धनकवडीतील एबीएसएफ संघात अंतिम सामना झाला या सामन्यांमध्ये एबीएसएफ हा संघ २-० असा सरळ सेट मध्ये विजय मिळवला तर मुलींच्या संघामध्ये मिलेनियम संघाने २-० नी सामना जिंकला 

या स्पर्धेमध्ये वेदांत म्हमाणे, राजवीर भोसले तर मुलींमध्ये अकोला कोंडे, सिद्धी सनस, अमृता सिंग उत्कृष्ट खेळ करून वैयक्तिक पारितोषिक प्राप्त केले. गौरव येरावार सर्वोत्तम खेळाडू तर मुलींमध्ये देवकी राऊत हिने सर्वोत्तम खेळाडूचा बहुमान मिळविला. 

आंतरराष्ट्रीय खेळाडूंच्या हस्ते मैदानाचे पूजन करण्यात आले, सोबत अप्पा रेणूसे, शिवछत्रपती पुरस्कार विजेते भाऊ मोरे, पुणे जिल्हा व्हॉलीबॉल संघटनेचे अध्यक्ष उदय कड, पोलीस निरीक्षक शहाजी पवार, सेंट्रल रेल्वे प्रशिक्षक अभय कुलकर्णी, इन्कमटॅक्स प्रशिक्षक अनुराग नाईक, प्रा. निलेश जगताप, विलास घोगरे, नगरसेवक युवराज रेणुसे, दिनेश जगताप, विलासराव भणगे,गौरव डेंगळे, मयूर संचेती उपस्थित होते.

स्पर्धेचे बक्षीस वितरण ए बी एस एफ क्लबचे मार्गदर्शक रुस्तम हिंद.महाराष्ट्र केसरी पै. अमोल बुचडे व  भारती विद्यापीठचे क्रीडा संचालक डॉ. नेताजी जाधव यांचे हस्ते पार पडला. स्पर्धा यशस्वी पार पाडण्यासाठी ए बी एस फ क्लबचे मार्गदर्शक डॉ संतोष पवार, मनोज तोडकर, संदीप भोसले, रोहित मालगावकर व ए बी एस एफ क्लब चे सर्व आजी-माजी राष्ट्रीय खेळाडू यांनी नियोजन केले.

*चौकट* - जागतिक महिला दिनानिमित्त तीन आंतरराष्ट्रीय खेळाडू सलोनी जाधव, श्रुती गोडसे, श्रेया बोरस्कर यांचा चिंतामणी ज्ञानपीठाचे संस्थापक अध्यक्ष आप्पा रेणुसे यांच्या हस्ते यथोचित सन्मान करण्यात आला.

बेलापूर( प्रतिनिधी )--बेलापूर पोलीस स्टेशनचे पोलीस कॉन्स्टेबल संपत बडे यांना बेस्ट कॉप ऑफ दी मंथ या पुरस्काराने सन्मानित करण्यात आले असून त्यांनी केलेल्या विशेष कामगिरीबद्दल त्यांना या पुरस्काराने सन्मानित करण्यात आले आहे .                   श्रीरामपूर शहरातील वार्ड नंबर सात येथील प्रमोद लक्ष्मण जोशी यांच्या मालकीच्या मेडिकल दुकानांमधून अज्ञात चोरट्यांनी कामगार दुपारच्या वेळेस जेवण करण्याकरीता  गेले असता मेडिकलचे शटर उघडून ड्रॉवरचे लॉक तोडून त्यात असणारी रुपये एक लाख तीस हजार ही रक्कम अज्ञात इसमाने चोरून नेली होती .  याबाबत श्रीरामपूर शहर पोलीस स्टेशनला गुन्हा दाखल करण्यात आला होता सदर गुन्ह्यात तांत्रिक विश्लेषण करून व गुप्त बातमीदारामार्फत शोध घेऊन आरोपी विकास लक्ष्मण थोरात राहणार उक्कलगाव तालुका श्रीरामपूर यास सीताफीने ताब्यात घेऊन त्याच्याकडून चोरीस गेलेल्या रकमेपैकी 83 हजार रुपये रोख हस्तगत केले. त्याचबरोबर नशेच्या गोळ्या व औषध विक्री करण्यासाठी आलेला आरोपी जावेद शिराज शेख यास ताब्यात घेऊन तपास करत असताना आरोपी जावेद शेख हा पोलिसांच्या हाताला झटका देऊन पसार झाला होता या आरोपीचा शोध घेऊन त्या आरोपीस 24 तासाच्या आत पुन्हा अटक करण्यात आली या दोन्ही गुन्ह्यांमध्ये बेलापूर पोलीस स्टेशनचे पोलीस कॉन्स्टेबल संपत बडे यांनी अतिशय मोलाची कामगिरी बजावली त्यामुळे पोलीस दलाची प्रतिमा उंचावली त्याबद्दल नाशिक परिक्षेत्र विभागाचे विशेष पोलीस महानिरीक्षक दत्तात्रय कराळे जिल्हा पोलीस अधीक्षक राकेश ओला अप्पर पोलीस अधीक्षक वैभव कलुबर्मे यांच्या मार्गदर्शनाखाली उपविभागीय पोलीस अधिकारी बसवराज शिवपुजे यांनी पोलीस कॉन्स्टेबल संपत बडे यांना बेस्ट कॉप ऑफ द मंथ या पुरस्काराने सन्मानित केले आहे त्यांच्या विशेष कार्याबद्दल श्रीरामपूर शहर पोलीस स्टेशनचे पोलीस निरीक्षक नितीन देशमुख व श्रीरामपूर शहर पोलीस स्टेशन चा सर्व स्टाफ त्याचबरोबर माझी जि प सदस्य शरद नवले पत्रकार देविदास देसाई कृषी उत्पन्न बाजार समितीचे उपसभापती अभिषेक खंडागळे तिरंगा न्यूज संपादक अस्लम बिनसाद पत्रकार दिलीप दायमा व्यापारी असोसिएशनचे अध्यक्ष प्रशांत लड्डा आदींनी बडे याचे अभिनंदन केले आहे

बेलापूर( प्रतिनिधी)- क्रांतीज्योती सावित्रीबाई फुले यांची पुण्यतिथी बेलापुरात मोठ्या उत्साहात साजरी झाली संत सावता महाराज मंदिर बेलापूर ग्रामपंचायत बेलापूर विविध कार्यकारी सेवा संस्था बेलापूर या ठिकाणी त्यांच्या प्रतिमेस पुष्पहार अर्पण करण्यात आला.      क्रांतीज्योती सावित्रीबाई फुले यांची पुण्यतिथी बेलापुरात मोठ्या उत्साहात साजरी करण्यात आली संत सावता महाराज मंदिर ग्रामपंचायत बेलापूर बुद्रुक विविध कार्यकारी सेवा संस्था बेलापूर या ठिकाणी त्यांच्या प्रतिमेस पुष्पहार अर्पण करण्यात आला यावेळी बाजार समितीचे उपसभापती अभिषेक खंडागळे, पत्रकार देविदास देसाई, समता परिषदचे जिल्हा सरचिटणीस प्रकाश  कुऱ्हे, जालिंदर कुऱ्हे, सावता मंडळाचे अध्यक्ष विलास मेहेत्रे, बेलापूर सेवा संस्थेचे चेअरमन राजेंद्र सातभाई, माजी चेअरमन कलेश सातभाई, तुकाराम  मेहेत्रे, सुहास शेलार, संदीप कुऱ्हे, सोमनाथ शिरसाठ, मधुकर अनाप, प्रभात कुऱ्हे ,महेश कुऱ्हे, पुंडलिक लगे, वारुळे सर, शिवाजी पाटील वाबळे, बाळासाहेब लगे, सोसायटीचे व्यवस्थापक खंडागळेआदी उपस्थित होते

बेलापूरः(प्रतिनिधी )-गावकरी मंडळाने महिलांना गावाचा कारभार करण्याची संधी दिली.पालकमंञी नाम.राधाकृष्ण विखे व माजी खा.डाॕ.सुजय विखे यांच्या नेतृत्वाखाली ग्रामपंंचायत विकासाभिमुख कारभार करीत आहे.महिलांना कतृत्वाच्या अनेक संधी उपलब्ध आहेत.या पार्श्वभूमीवर महिलांनी स्वावलंबी व आत्मनीर्भर बनून विविध क्षेञात यश मिळवावे असे आवाहन सरपंच स्वाती अमोलिक यांनी केले.                                           जागतिक महिला दिनानिमित्त ग्रामपंचायत कार्यालय येथे आयोजित विशेष महिला ग्रामसभेच्या अध्यक्षपदावरुन त्या बोलत होत्या.याप्रसंगी उपसरपंच प्रियंका कु-हे,माजी उपसरपंच तबसुम बागवान,सदस्या श्रीमती शिला पोळ,प्राथमिक  आरोग्य केन्द्राच्या वैद्यकीय अधिकारी डाॕ. अश्विनी लिप्टे,वैद्यकीय अधिकारी डाॕ.सोनल दराडे यांचेसह महिला उपस्थित होत्या.                          .                                     प्राथमिक आरोग्य केन्द्राच्या आरोग्य आधिकारी डाॕ.आश्विनी लिप्टे यांनी महिला आरोग्यविषयक सविस्तर माहिती दिली.जागतिक महिला दिनानिमित्त ग्रामपंचायत  तसेच पञकार संघाच्या वतीने सरपंच स्वाती अमोलिक,उपसरपंच प्रियंका कु-हे,सदस्य तबसुम बागवान,शिला पोळ,वैद्यकीय अधिकारी डाॕ.अश्विनी लिप्टे व डाॕ.सोनल दराडे,  जि.प.मराठी शाळेच्या मुख्याध्यापिका उदमले मॕडम, बचत गट संघाच्या अध्यक्ष आशा गायकवाड स्वच्छता कर्मचारी सगुणा तांबे त्याचबरोबर सर्पमित्र सौ राजश्री निलेश अमोलिक हिचा इलेक्ट्रॉनिक अँड प्रिंट मीडिया पत्रकार संघ महाराष्ट्र राज्य यांच्या वतीने सत्कार करण्यात आला.                                        याप्रसंगी जि.प.सदस्य शरद नवले,पञकार संघाचे अध्यक्ष भास्कर खंडागळे ,देविदास देसाई यांनी मनोगत व्यक्त करुन विविध सुचना केल्या.कार्यक्रमाचे प्रास्ताविक अभिषेक खंडागळे यांनी केले तर ग्रामविकास आधिकारी निलेश लहारे यांनी सद्यस्थितीतील कामकाजाची माहिती दिली.यावेळी तंटामुक्तीचे आध्यक्ष बाळासाहेब दाणी, इलेक्ट्रॉनिक अँड प्रिंट मीडिया पत्रकार  संपादक संघाचे संस्थापक अध्यक्ष पञकार असलम बिनसाद संजय वाहुळ राजुभाई शेख वंदना गायकवाड दिलिप दायमा,पोलिस पाटिल अशोक प्रधान,दादासाहेब कुतळ, बाबुराव पवार आदि उपस्थित होते.