bindas news

अहमदनगर  प्रतिनिधी-रुग्णांच्या नातेवाईकांना शोधून त्यांना रेमेडिसीवीयर हे इंजेक्शन जास्त भावाने विकणाऱ्या डोक्यातील टोळीचा नगरच्या स्थानिक गुन्हे शाखेने पर्दाफाश केला आहे. साखळी पद्धतीने होत असलेल्या रेमेडिसीवीयर इंजेक्शनचा काळाबाजार पोलिसांनी उघड केला आहे. या कारवाईत विविध गावातील आरोपी स्थानिक गुन्हे शाखेने अटक केली.त्यांच्याकडून सहा इंजेक्शन जप्त करण्यात आले आहेत.याबाबत स्थानिक गुन्हे शाखेने दिलेल्या माहितीनुसार नेवासा तालुक्यातील वडाळा बहिरोबा येथे एक व्यक्ती रेमेडिसीवीयर हे इंजेक्शन जास्त भावाने विकत असल्याची माहिती मिळाल्यानंतर स्थानिक गुन्हे शाखेच्या आणि औषध प्रशासन विभाग आणि एकत्रित येऊन सापळा रचला. यामध्ये वडाळा बहिरोबा येथे रामहरी बाळासाहेब घोडेचोर राहणार देसवडे आणि आनंद पुंजाराम खोटे राहणार भातकुडगाव तालुका शेवगाव या दोघांना पोलिसांनी ताब्यात घेतले. त्यांच्याकडून दोन रेमेडिसीवीयर इंजेक्शन जप्त करण्यात आले.दोघांना ताब्यात घेतल्यानंतर पोलिसांनी या रेमेडिसीवीयर इंजेक्शन कोठून आणले याची चौकशी केली असता शेवगाव आणि नेवासा तालुक्यातील आणखी काही व्यक्तींचा सहभाग असल्याचे निदर्शनास आले. पोलिसांनी केलेल्या तपासात देवटाकळी येथील एक कांगोणी रोड खरवंडी तालुका नेवासा येथील एक जण अशा दोघांना ताब्यात घेतले.या सर्वांनी वडाळा बहिरोबा येथील राकेश हेमंत मंडल यांच्याकडून हे रेमेडिसीवीयर इंजेक्शन घेतल्याचे स्पष्ट झाले.त्याच्या शोध घेतला असता त्याची गाडी सियाझ नेवासा फाटा येथे आढळून आली.आणि तो फरार झाला.त्याच्या गाडीतील डॅश बोर्ड मधून एक रेमेडिसीवीयर जप्त करण्यात आले.पोलिसांनी चार जणांना अटक केली असून एक जण फरार आहे.अटक केलेल्या आरोपी मध्ये रामहरी बाळासाहेब घोडेचोर राहणार देसवडे तालुका नेवासा, आनंद कुंजाराम थोटे राहणार भातकुडगाव तालुका शेवगाव,पंकज गोरक्षनाथ खरड देव टाकळी ,सागर तुकाराम हंडे कान्गुनी रोड खरवंडी तालुका नेवासा यांचा समावेश आहे.आरोपी राकेश हेमंत मंडल हा फरार आहे.या सर्व आरोपी विरुद्ध औषध निरीक्षक अशोक तुकाराम राठोड यांच्या फिर्यादी नुसार शनिशिंगणापूर पोलीस ठाण्यात गुन्हा दाखल करण्यात आला आहे हे सर्व आरोपी एकमेकाच्या संपर्कात होते आणि गरजू नातेवाईकांचा शोध घ्यायचा आणि त्या व्यक्तीला जास्त पैशाने रेमेडिसीवीयर इंजेक्शनचा पुरवठा करायचा अशा पद्धतीची ही टोळी काम करत होती.ही कारवाई पोलीस अधीक्षक मनोज पाटील यांच्या मार्गदर्शनाखाली स्थानिक गुन्हे शाखेने केले आहे.

बेलापुर  (प्रतिनिधी  )-रुग्णांची ताताडीने तपासणी करुन पाँजिटीव्ह रुग्णांना विलगीकरण कक्षात ठेवावे घरी कुणालाही ठेवु नका अशा सुचना महसुल उपायुक्त गोरक्षनाथ गाडीलकर यांनी बेलापुर प्राथमिक आरोग्य केंद्रातील वैद्यकीय अधिकार्यांना दिल्या                              महसुल उपायुक्त गोरक्षनाथ गाडीलकर यांनी बेलापुर प्राथमिक आरोग्य केंद्र तसेच बेलापुर येथील मराठी शाळेत सुरु असलेल्या  तसेच संस्कृती मंगल कार्यालयात सुरु असलेल्या वरद गजानन कोवीड केअर सेंटरला गाडीलकर यांनी भेट दिली त्या वेळी त्यांच्या सोबत उपविभागीय अधिकारी अनिल पवार तहसीलदार प्रशांत पाटील गटविकास अधिकारी संजय दिघे आरोग्याधिकारी डाँक्टर मोहन शिंदे  हे होते  लसीकरण किती झाले तसेच कोरोणा लसीकराण तपासणी या बाबत काही अडचणी आहेत का याची चौकशी गाडीलकर यांनी केली या वेळी डाँक्टर देविदास चोखर यांनी उपलब्ध लस देण्यात आलेले ढोस रँपीड टेस्ट गाव व कार्यक्षेत्रात असणारी रुग्ण संख्या केले जाणारे उपचार बरे होणारे रुग्ण या बाबत सविस्तर माहीती दिली या वेळी जि प सदस्य शरद नवले आरोग्य समुदाय आधिकारी डाँक्टर जैन डाँक्टर तेलोरे डाँक्टर मंजुश्री जाधव ममता धिवर प्रशांत गायकवाड संतोष शेलार गणेश अहीले ग्रेटा कदम पत्रकार देविदास देसाई पोलीस पाटील अशोक प्रधान महेश कुर्हे  उपस्थित होते प्राथमिक आरोग्य केंद्राला भेट देण्या आगोदर महसुल उपायुक्त गोरक्षनाथ गाडीलकर उपविभागीय अधिकारी प्रशांत पाटील गटविकास अधिकारी संजय दिघे तालुका आरोग्याधिकारी डाँक्टर मोहन शिंदे यांनी बेलापुर येथे सुरु असलेल्या दोन्ही कोवीड सेंटरला भेटी दिल्या या कोवीड सेंटरमधील अनेक रुग्ण बरे होवुन घरी सुखरुप गेले असल्याची माहीती दोन्ही कोवीड सेंटर मधुन दिल्यामुळे गाडीलकर यांनी समाधान व्यक्त केले.

श्रीरामपूर (प्रतिनिधी)-करोना तपासणी केलेल्या किटची विल्हेवाट न लावता अज्ञात व्यक्तीने ते साहित्य प्रवरा नदीच्या काठावर टाकून दिल्याप्रकरणाची काल जिल्हाधिकार्‍यांनी दखल घेत तहसीलदारांना चौकशी करुन गुन्हा दाखल करण्याचे आदेश दिले. त्याप्रमाणे श्रीरामपूर शहर पोलीस ठाण्यात अज्ञात व्यक्तीविरुध्द गुन्हा दाखल करण्यात आला आहे.येथील प्रवरा नदी पात्रालगत मोठ्या प्रमाणात करोना तपासणीत वापर केलेले किट त्यात सलाईन, हातमोजे, रँपीड टेस्टसाठी वापरण्यात येणारे साहीत्य, मास्क, सिरींज आदि वापरलेले साहीत्य उघड्यावर टाकून दिल्याचे आढळून आले आहे.

एका प्लॅस्टिकच्या पिशवीतील हे साहित्य परिसरात अस्ताव्यस्त विखुरलेले होते. वास्तविक हे साहीत्य नष्ट करणे आवश्यक असताना अज्ञात व्यक्तीने बेजबाबदारपणे ते प्रवरा नदी काठावर टाकून दिले. त्यानंतर या प्रकरणाची माहिती जिल्हाधिकारी डॉ. राजेंद्र भोसले यांच्यापर्यंत पोहोचली.त्यांनी तातडीने या प्रकरणाची दखल घेत श्रीरामपूरचे तहसीलदार प्रशांत पाटील यांंना घटनास्थळी जावून चौकशी करुन गुन्हा दाखल करण्याचे आदेश दिले. त्यानुसार तहसीलदार प्रशांत पाटील यांनी डॉ. देविदास चोखर, कामगार तलाठी कैलास खाडे, जि. प. सदस्य शरद नवले, प्रा. अशोक बडधे, देविदास देसाई, सुनील बारहाते, अनिल गाढे, अशोक शेलार, बेलापूर खुर्दचे ग्रामसेवक सी. डी. तुंबारे, पोलीस हवालदार अतुल लोटके, पोलीस नाईक गणेश भिंगारदे, संतोष शेलार यांनी घटनास्थळी भेट दिली.यावेळी याठिकाणी आणखी एका प्लॅस्टिकच्या पिशवीत असेच साहित्य आढळून आले. या साहित्याचा पंचनामा करुन वैद्यकीय अधिकार्‍यांना गुन्हा दाखल करण्याचे आदेश दिले. त्यानुसार डॉ. देविदास चोखर यांनी श्रीरामपूर शहर पोलीस ठाण्यात फिर्याद दाखल केली असून पोलिसांनी अज्ञात व्यक्तीविरुध्द गुन्हा दाखल केला.

अहमदनगर - कर्जत तालुक्यातील माहीजळगाव येथे दरोडा टाकणारी टोळी दोन दिवसात जेरबंद केली तसेच गुन्ह्यातील 20 लाख 40 हजार 500 रुपयांचा मुद्देमाल जप्त करण्याची महत्वपूर्ण कारवाई स्थानिक गुन्हे शाखा व कर्जत पोलिस पथकांनी संयुक्त कारवाई केली आहे.एवन हैवान काळे (वय 30, रा. चिखली ता. आष्टी जि. बीड), मनीषा एवन काळे (वय 35), रेखा जनार्दन काळे (रा. माहीजळगाव ता. कर्जत जि. अहमदनगर), कांचन एवन काळे (रा. चिखली ता.आष्टी जि. बीड) आणि एक अल्पवयीन यांना पोलिसांनी ताब्यात घेतले आहे.याबाबत समजलेली माहिती अशी की, माहिजळगाव ( ता. कर्जत) येथे दि.5 मे रोजी दरोडा व घरफोडी चोरी झाल्याचा कर्जत पोलिस ठाण्यात दाखल गुन्हा हा एवन काळे (रा. चिखली जि. बीड) याने व त्याचे साथीदार यांनी मिळून केल्याची माहिती खबऱ्यामार्फत पोलिसांना मिळाली. पोलिसांनी आरोपींची पूर्ण माहिती घेऊन स्थानिक गुन्हे शाखा पथक व कर्जत पोलिसांनी सापळा लावून आरोपीचा पाठलाग करून त्याना पकडले. या दरम्यान आरोपींच्या घराची तपासणी केली असता, चोरी गेलेला मुद्देमाल मिळून आला. गुन्ह्यातील चोरीस गेलेले दागिने व इतर चोरीतील सोन्याचे दागिने असा एकूण 30 तोळे 15 लाख रुपयांचे जप्त करण्यात आले. तसेच आरोपीच्या घरातून एक रामपुरी चाकू, लोखंडी खटवणी, 30 हजार रुपये किमतीचे तीन मोबाईल, पाच लाख रुपये किमतीचे स्कार्पिओ (एमएच 17, एजे 3598) व रोख रक्कम असा एकूण 20 लाख 40 हजार 500 रुपये किमतीचे दागिने व इतर मुद्देमाल जप्त करण्यात आला.जिल्हा पोलीस अधीक्षक मनोज पाटील, अप्पर पोलीस अधीक्षक सौरभकुमार अग्रवाल, कर्जत उपविभागीय पोलिस अधिकारी अण्णासाहेब जाधव यांच्या मार्गदर्शनाखाली स्थानिक गुन्हे शाखेचे पो. नि. अनिल कटके व कर्जत पोनि चंद्रशेखर यादव यांनी दिलेल्या सूचनेनुसार स्थानिक गुन्हे शाखेच्या शाखेचे सपोनि सोमनाथ दिवटे, पोसई गणेश इंगळे, पोहेकॉ दत्तात्रेय हिंगडे, विश्वास बेरड, बबन मखरे, पोना सचिन आडबल, पोहेकाॅ सुनील चव्हाण, पोना सुरेश माळी, विशाल दळवी, दिनेश मोरे, शंकर चौधरी, पोकाॅ राहुल सोळुंके, सागर ससाणे, रवींद्र घुंगासे, रंणजीत जाधव , सागर सुलाने, संदीप चव्हाण, प्रकाश वाघ, आकाश काळे, चापोहेकाँ संभाजी कोतकर, चंद्रकांत कुसळकर, कर्जत विभागीय कार्यालयाचे अंकुश ढवळे तसेच कर्जत पोलीस ठाण्याचे सपोनि सुरेश माने, पोउनि अमरजित मोरे, पोहेकाॅ प्रबोध हंचे, पोकाॅ सुनील खैरे, श्याम जाधव, महादेव कोहक, रवींद्र वाघ, जितेंद्र सरोदे, गणेश आघाव, मपोकाॅ कोमल गोफणे आदींच्या पथकाने ही संयुक्त कारवाई केली.