bindas news

पवित्र कुराण ची सुरुवातच आशा आयातीने होउन पहील्या पारा १  व पहील्या सुराहा नं.१ यामध्ये , (१)सर्व स्तुती ही फक्त अल्लाहा साठीच आहेत ,जो संबंध सृष्टीचा रब आहे. " रब " या शब्दाचा अर्थ मालक , पालनपोषण करणारे, समस्त सृष्टीची काळजी घेणारी, देखरेख करणारे,शासक व्यवस्थापक , (२) तोच एकमात्र कृपावंत,दयावंत आहे , (३)प्रलय(कयामतच्या) दिवसाचा स्वामी फक्त तोच आहे,(४) आम्ही, सर्व जण तुझीच बंदगी ( ईबादत , भक्ती ) करतो ,(५) फक्त व फक्त तुमच्या जवळच (पाशी)मदत मांगतो ,(६) आम्हाला सरळ मार्ग दाखवं ,(७)जे कोपग्रस्त झाले नाहीत, व जे मार्ग भ्रष्ट नाहीत ( अर्थात, ज्या मार्गाने तुम्ही खुश आहेत ) असा सरळ मार्ग आम्हाला दाखवां..( अल-,फातिहा १ ते ७).

पहिल्या प्रथमच पवित्र कुराण मधे ईस्लामचा स्वभाव, वैशिष्ट्ये दर्शवली आहे.  त्यामधे शांतता, स्नेहभाव, प्रेम, परोपकार आहे, वविशेष महत्त्व प्राप्त झालेत ते प्रेम, करुणा, सहानुभूती ही बांधवाप्रती व संपूर्ण सृष्टीप्रती .

या संबंध सृष्टीला मार्ग , दिशा दाखवण्यासाठी वेळोवेळी  सव्वा लाख प्रेषीत पाठवले.त्यात अंतिम प्रेषित मुहम्मद स्व यांना सृष्टीच्या मार्गदर्शनासाठी त्या बरोबरच पवित्र कुराण हे समस्त सृष्टीला "जीवन कसे जगावे " यासाठी पाठवले.

  प्रेषित मुहम्मद स्व . सांगताना की, " सर्व निर्मित  प्राणीमात्र अल्लाहा (ईश्वरा) ची लेकरे आहोत म्हणून त्यांनी निर्माण केलेल्या मानवी शी जो प्रेम करतो, त्यांच्या शी अल्लाहा (ईश्वर) प्रेम करतात ."

पवित्र कुराण म्हणते ," जो अणु-रेणू ईतके ही सत्कर्म , त्याचे ही फळ त्याला जरूर मिळेल, व जो अणु- रेणू ईतके ही दृष्ट - कर्म (वाईट कृत्ये )करील त्याला त्याचे वाईट फळ  ( त्याला चाखायला मिळेल) मिळेल."  (सुराह नं.८ अल- जिल -जलाल आ.नं.८).

  सृष्टीच्या निर्मितीनंतर चे पहिले प्रेषित हजरत अदम ( अॅडम) अलै. यांच्या पुत्र  कैन याने त्याच्याच भाउ ' अबेल ' ची हत्या केली .या जगात  घडलेल्या पहिल्या पहिल्या खुना बदल पवित्र कुराण मधे अल्लाहा  सांगतात , "  कोणाचीही हत्या न घडता पृथ्वीवर उपद्रव मागविण्या करिता ,. जो  एखाद्या ही माणसाचा खुन , हत्या करील ..तर ..समजा त्याने  संपूर्ण मानवजातीची हत्या  केली व करणारा ठरैल ..., व....जो कोणी एका मानवाचे रक्षण करील ...त्या व्यक्तीला अखिल, सर्व , मानवी जातीचे रक्षण केल्या सारखं होईल .ते श्रेय मिळेल..''"( सुराह नं.५ अल- माईदा ,आ.नं.३२ वी).

        ईस्लाम धर्माने देशात, समाजात कोणत्याही प्रकारची हिंसक कारवाया करण्यासाठी मुळीच परवानगी दिलेली नाही व देत ही नाहीत. पृथ्वीवर मानवी कल्याणासाठी व सुखरूप राहावं म्हणून या जगात अल्लाहा सुधारणा घडवून आणण्यासाठी पवित्र कुराण मधे स्पष्ट शब्दात आदेश देतात की, "  पृथ्वीवर  तिच्यामधे सुधारणा घडवून आणा व सुधारणा घडवून आणल्या नंतर पृथ्वीवर उपद्रव ,कलह माजवू नका , आणि भयमुक्त आशेने अल्लाहा (ईश्वर) ची प्रार्थना करीत राहा . अल्लाहा चे वरदान ,कृपा ,कायम सत्कर्मे करणाऱ्यांसाठी उपलब्ध आहेत."  ( सुराह अल -आराफ आ.नं.५६ ).

वरील सर्व पवित्र कुराण व प्रेषित मुहम्मद स्व यांच्या सांगण्यावरून हे लक्षात येते की जे जे लोकं आपल्या दृष्ट प्रवृत्ती ने , दृष्ट विचाराने ,वागण्याने , पृथ्वीवर जाणूनबुजून कलह , उपद्रव ,विष पसरविण्याचे काम , प्रयत्न करतात त्यांच्या साठी एक प्रकारची तंबीच आहे.व जे जे खरोखरच पुण्यं च , समाजातील सर्वच थरातील लोकांच्या कल्याणासाठी झटतात त्यांच्यासाठी एक वरदान च आहे.

   ईस्लाम ने कोणत्याही जाती धर्माचा कधीच केव्हाही तिरस्कार केला नाही .ईतर कोणत्याही बाबतीत बळजबरी करण्याची कधीच परवानगी दिली नाहीत.याबाबत ..

पवित्र कुराण म्हणते की, " धर्माच्या बाबतीत कोणत्याही प्रकारची जोर जबरदस्ती नाही.."(सुराह नं. २ अल- बकराह आ.नं.२५६).

                         हे सत्य आहे की ईस्लाम अत्याचाराविरोधात, असत्या विरोधी , अन्यायाविरुद्ध , जे जे लोकं नाहक त्रास देतात त्याविरोधात,  स्रीयां वर जेथे जेथे अत्याचार  किंवा त्यांच्या चारित्र्यावर हनन होत असेल तर , स्त्रियांच्या रक्षणा साठी आवाज उठवतो .. जेथे जेथे काही चुकीचे होत असेल आशा ठिकाणी आवाज उठवण्यासाठी परवानगी देतो .

             परंतु , सर्व आक्रमकांना , विरोधकांना , शक्य तो  संयमाने ,नेमेस्त पणे ,शांतीने उत्तर द्यायचे आव्हान करतो .

याबाबत पवित्र कुराण म्हणतात की," तुम्हाला जर बदला घेण्याचा असेल तर ,जितक्या प्रमाणात तुमच्या वर  करण्यात आला ,आगदी  तेवढ्याच प्रमाणात ...पण , परंतु ...जर संयम राखाल तर तुमच्यासाठी ते अधिक चांगले होईल ...जर शांतते कडे त्यांचा कल असेल तर तुम्ही ही शांततेकडेच झुका .." , सुराह नं. २ अल - बकराह आ.नं.८१).

यासर्व पवित्र कुरआन व प्रेषित मुहम्मद स्व यांच्या  आदर्शवत शिकवणीनुसार व जीवन चरित्रानुसार  हे निर्विवाद सत्य व सिध्द  होते की ईस्लाम कधीच केव्हाही जातीयवाद विद्वेष व दहशतवादी कारवाया करण्यासाठी कधीच उत्तेजन देत नाहीत . ईस्लाम चा कायम शांततेकडे कल ,झुकाव राहीलेला आहेत....

डॉ सलीम सिकंदर शेख  बैतुशशिफा हॉस्पिटल श्रीरामपूर ९२७१६४००१४

     #" तोच सृष्टीचा निर्माता ,रब (पालनकर्ता) आहे  , तोच एक मात्र कृपावंत ,आणि दयावंत आहे ." (  पारा नं.१ सुरह नं.१  अल -फातिहा आ.नं.१,२)

     #" तोच चिरंतरजीवी असून ,तमाम सृष्टीचा भार त्यानेच सांभाळलेला आहे , पृथ्वी व आकाशाचा स्वामी (रब) तोच आहे " ( सु..नं.२ आ.नं.२५९).

     # "  समस्त सृष्टीचा स्वामी ( रब) तोच आहे , प्रतिष्ठा प्राप्त करणारा ही तोच (रब) आहे व अपमानित करणारा ही तोच आहे  " ( सु.नं.३ आ.नं.२६-२७)

     # "  आकाशातील चंद्र सुर्य तारे सर्व काही त्याचेच आहे ,तोच जी्न व मृत्यू देणारा आहे "( सु. नं.१०, आ.नं.५५-५६).

       #"  पृथ्वी व आकाशातील गुप्त सत्यांचे ज्ञान फक्त त्यालाच आहे ,तो सर्व ज्ञानी आहे ,तो सर्व काही करु शकतो "( सु. नं. १६,आ.नं. ७७)

     #" सृष्टीच्या प्रत्येक वस्तूला तिचे स्वरूप प्रदान करणारा व तिला मार्ग दाखविणारा तोच आहे ". (सु.नं.२०,आ.नं.५०).

      #" मागिल व पुढील सर्व समई तोच आहे , चिरंजीवी व चिरस्थानी तोच आहे ." ( सु. नं. २० आ.नं.११०-१११).

         -- " तोच सर्वोत्तम उपजिविका देणारा आहै , सर्वत्र आहे ." ( सु. नं. २२ आ.नं.५८ व ६६).

     #" तोच असण्याला नष्ट करतो , सत्याला खरे करून दाखवतो , लोकांची निराशा झाल्यानंतर ही पाउस पाडतो " ( सु.नं..४२ आ.नं.२४ व ३१).

   #" तोच जबरदस्त व बुद्धीमान आहे , तोच आद्य ही आहेत व  अंतिम ही तोच राहाणार आहे  , तोच प्रकट ही आहे व तोच अप्रकटही , व. तोच मनातील रहस्ये ही जाणणारा ,"( सु.नं.५७ आ.नं.१ ते ६).

    #"तोच वाली व दाता आहे , तोच मृतांना जिवंत करणारा (कयामतच्या दिवशी) आहेत ." (सु. नं.४२ आ.नं.९).

      #" कोणीही त्याचा पुत्र नाही व त्याच्या बादशहीत कोणीही त्याचा भागिदार नाही ." ( सु. नं.१७ आ.नं.१११).

       # " तोच क्षमा करणारा ही आहे व कठोरातील कठोर शिक्षा देणारा ही तोच आहे ." ( सु. नं.१३ आ.नं.६)

       # " तरी ही तो - निरपेक्ष आहे , कोणीही त्याची संतती नाही व तो ही कुणाची संतती नाही ." पारा नं ३० सु.नं ११२ सुरह -ईखलास आ.नं.१ ते ४).

आपण  सृष्टी वर तारकीक लक्ष दिले तर , निश्चितच आपण आश्चर्यचकित होत असतो , सृष्टीतील प्रत्येक कण न कण , चंद्र सुर्य ,तारे ,प्रत्येक घटना आपल्याला आश्चर्य चकीत , चमत्कारिक, अदभुत करुन सोडतात . सृष्टीच्या निर्मितीचा व सृष्टी चा सुनियोजित आराखडा ,रचना ,  पद्धती, त्यांची प्रत्येक वेळेस ची अचुकता , आप-आपल्या वेळी , त्यामधे मिली सेकंदाचा ही फरक नाही ,एवढी अचुकता , चंद्र सुर्य तारे पृथ्वी यांच्या मधे एक मिली सेंकदाचाही फरक न होता आपल्या वेळेनुसार रूतूचक्र  फिरत आहेत .येवढं अदभुत चमत्कार आज विज्ञानाच्या युगात सुद्धा आपण आश्चर्यचकीत होऊन पहात असतो. एवढ्या जगात , एवढ्या मोठ्या जनसंख्येला वेळेवर तीन वेळा पोटात अन्न , व समुद्रात जवळपास १८००० आठरा हाजार जिवजंतु आहेत ( कुरआन च्या नुसार) फक्त समुद्रात ..त्यामधे एकटा व्हेल मासा फक्त कितीतरी टन ,टन एका वेळेस खातो .. फक्त एक व्हेल मासा .असे  कोटींनी जिवजंतु जिवंत पृथ्वीवर आहेत . त्यामध्ये प्रत्येकाच्या गरजा वेगवेगळे ,  नखरे वेगवेगळे हे सर्व सिस्टिम बघून माणूस हैरान होत असतो ..पण सृष्टीच्या प्रत्येक जिवजंतु , प्राणी मात्रा , प्रत्येक आणु व रेणू ,ची साचेबद्ध रचना बनवली आहे , प्रत्येक गोष्ट शिस्तबद्ध , साचेबद्ध , काम करीत आहे, प्रत्येकाला आप -अपलं अस्तित्व -ओळख देऊन जन्माला घातलं  आहे., सृष्टीत चराचरात चैतन्य भरलेले पाहायला मिळते , प्रत्येक जिवाला एक आपलं वैयक्तिक पातळीवर वैशिष्ट्य बाहल केलेलं आहे . 

सृष्टीच्या प्रत्येक जीवजंतू जन्मापासून मृत्यूपर्यंत एक साचेबद्ध नियमितपणे नियमबद्ध जीवन जगत आहे , हे कोणीतरी चाललंय हे लक्षात घेतलं तर .

आईच्या गर्भात वाढणाऱ्या बाळाला तो जन्माला येण्याआधी त्याला उपाशी पोटी राहु नाही म्हणून येण्याआधीच दुधाची सोय पुर्ण करुन ठेवतो .किती अद्भूत आहे हे सर्व विचार केला तर.त्या बाळाला थोडं थोडं  मोठं करतो आई बाबा , समाजाच्या प्रत्येक घटकांकडून काही तरी शिकायला देतो.

जमीनीतुन एक दाणा पेरणी केल्यानंतर त्या दाण्याचे रूपांतर असंख्य संख्येने करून ते धान्य , प्रत्येक दाण्यांची विल्हेवाट लाउन , प्रत्येकाला त्याच्या भुकेच्या वेळेनुसार पोटात घालतो .किती अद्भुत आहे ना ? विचार केला तर आश्चर्य करण्याशिवाय पर्याय नाहीच नाही. 

ज्याच्या त्याच्या कर्तृत्वानुसार , कर्मानुसार तो मोठा होत जातो , ५०,६०,७०,८०-१०० जगून जग सोडून जातात , सृष्टीच्या प्रत्येक कणा - कणाला मग काही ही आसो त्याला मरण हे निश्चित  ,सत्य आहे ( कुल्यु नफसून जायकतुल मौत ), मृत्युनंतर तो कयामतच्या दिवशी जीवंत सुद्धा करणार आहे , तुम्ही या जगात केलेल्या चांगल्या- वाईट कामांचं हिशोब घेण्यासाठी..हे जीवन चक्र आहे.

           हे सर्व फक्त  अदृश्य अल्लाहा च चालवत असतो. .!!.

अल्लाहा बद्दल काही ही व्याख्या करताच येणार नाहीत , .

                       पवित्र कुरआन पारा न. १५ मधे  ,"हे पैगंबर (स्व.) सांगा की,जर सात ही समुद्र हे  माझ्या पालनकर्तयाच्या गोष्टी लिहिण्यासाठी शाई (लिहीण्याची) बनला तर ,तो समुद्राची शाई संपेल , परंतु ,पालणकरत्याच्या गोष्टी संपणार नाही, इतकेच नव्हे तर पुन्हा तितकीच शाई आम्ही आणली तरी देखिल पुरेशी ठरणार नाही ," (सुराहा अल - कहफ आ..नं.१०९) ..!!!.

लेखक -  डॉ. सलीम सिकंदर शेख

बैतुशशिफा जनरल हॉस्पिटल

श्रीरामपूर ९२७१६४००१४