bindas news

नाशिक  प्रतिनिधी-जिल्हा परिषदेच्या बांधकाम विभाग एकचे कार्यकारी अभियंता सुरेंद्र कंकरेज यांनी विधानसभेचे प्रभारी अध्यक्ष नरहरी झिरवाळ  यांची फाईल अडवणे झेडपीच्या अंगलट आले आहे. याप्रकरणी अध्यक्ष झिरवाळ यांनी थेट मंत्रालयात बैठक बोलवली आहे.बांधकाम विभाग एकचे कार्यकारी अभियंता कंकरेज कार्यालयात येत नाहीत, फाईली काढत नाही, पंचायत समितीत बसून कामकाज करतात, सदस्यांसह लोकप्रतिनिधींचे मोबाईल घेत नाही अशा तक्रारी अभियंत्याविरोधात सुरू आहेत. यातच एका ठेकेदाराची अन् विभाग एकच्या कार्यकारी अभियंता यांच्यात जोरदार खडाजंगी झाली. यातच विधानसभा अध्यक्षांच्या मतदारसंघातील फाईलीही कार्यकारी अभियंत्यांने अडविल्यात.या फाईली काढण्यासाठी स्वतः झिरवाळ यांनी कार्यकारी अभियंता यांना सूचना केल्या. मात्र, त्यांच्या आदेशालाही त्यांनी केराची टोपली दाखवली. त्यामुळे विधानसभा अध्यक्ष झिरवाळ यांनी थेट मंत्रालयात कार्यकारी अभियंत्यांविरोधात तक्रार केली. या तक्रारींची दखल घेत, मंत्रालयात तातडीने सोमवारी बैठक लावण्यात आली आहे. दिंडोरी व पेठ तालुक्यातील विविध विकास योजनांचा आढावा बैठकीत होणार असला तरी, कार्यकारी अभियंत्यांच्या तक्रारींवरूनच ही बैठक होत असल्याचे बोलले जात आहे.सीईओंकडून झाडाझडती जिल्हा परिषदेच्या बांधकाम विभागाच्या कार्यकारी अभियंते व कार्यरत कर्मचार्‍यांबाबत ठेकेदारांकडून सातत्याने केल्या जात असलेल्या तक्रारींची मुख्य कार्यकारी अधिकारी लीना बनसोड यांनी दखल घेत दोन्ही कार्यकारी अभियंत्यांची चांगलीच झाडाझडती घेतल्याचे वृत्त आहे. कामकाजाबाबत नागरिकांच्या तक्रारी येता कामा नये, अन्यथा कारवाई करण्याची तंबीही त्यांनी दिली असल्याची चर्चा आहे.अजूनही वेळ गेलेली नसल्याने कामकाजात सुधारणा करा, अन्यथा कारवाईला सामोरे जावे लागेल, असे सांगतानाच तसे झाले नाही तर बांधकाम विभागाची प्रत्येक फाईल तपासावी लागेल, असा सज्जड दमही त्यांना भरला. यावर अभियंत्यांनी आपली बाजू मांडण्याचा प्रयत्न केला असता बांधकाम विभागाच्या कामांमध्ये अतिरिक्त मुख्य कार्यकारी अधिकार्‍यांनाही लक्ष घालण्याची सूचना बनसोड यांनी केल्याचे समजते.

आळेफाटा प्रतिनिधी- जुन्नर येथे परप्रांतीय मजुराचा खून करून पसार झालेल्या खुनाच्या आरोपीने अहमदनगर मध्ये आसरा घेतला होता. तब्बल एक वर्षांनी आरोपीला दारूच्या अड्ड्यावर जेरबंद करण्यात आळेफाटा पोलिसांना यश आले आहे. सुधीर चंपालाल जाधव (वय 38) असे आरोपीचे नाव आहे. एमआयडीसी परिसरातून त्याला ताब्यात घेण्यात आले आहे.याबाबत आळेफाटा पोलिसांनी दिलेली अधिकची माहिती अशी की, आळे (ता.जुन्नर) गावाच्या हद्दीत 3 मार्च 2021 रोजी मोहनसिंग ननहकसिंग (वय 40, रा. आणे ता.जुन्नर व मुळ गाव मुरमा थाना मेदीनीनगर सतबरवा पलामु राज्य झारखंड) याच्या डोक्यात अज्ञात व्यक्तीने सिमेंटचा ब्लॉक ने मारहाण करून गंभीर जखमी करत ठार केले होते. याबाबत आळेफाटा पोलिसांनी अज्ञात व्यक्तीच्या विरुद्ध खुनाचा गुन्हा दाखल केला होता. गुन्हाचा तपास पोलिसांनी सुरु केला असता संशयित आरोपी सुधीर चंपालाल जाधव (वय 38, राहणार विळद जि. अहमदनगर मुळ गाव आरंडगाव, ता.संगमनेर) हा गुन्हा घडल्यापासुन आळेफाटा परिसरातून एक वर्षांपासून गायब झाला होता. त्याच्या गावी दहा ते बारा वेळा पोलिसांनी तपास केला असता मिळून आला नाही.दरम्यान संशयित आरोपी अहमदनगर जिल्ह्यातील एम.आय.डी.सी ठिकाणी लपून रहात असल्याची माहिती गुप्त खबर्‍यांकडुन मिळाल्यानंतर पोलिसांनी वेषांतर करून जवळपास चार दिवस या ठिकाणी शोध घेतला असता आरोपी दारू पिण्यासाठी एम.आय.डी.सी. परीसरातील देशी दारूच्या दुकानावर आल्यानंतर त्याला चौकशीसाठी ताब्यात घेतल्याने त्याने केलेल्या गुन्ह्याची कबुली दिली. आळेफाटा पोलिसांनी त्याला ताब्यात घेत अटक केली.पुणे ग्रामीण पोलीस अधीक्षक डॉ. अभिनव देशमुख यांच्या मार्गदर्शनाखाली पोलीस निरीक्षक प्रमोद क्षीरसागर यांनी दिलेल्या सूचनांनुसार पोलीस हवालदार विनोद गायकवाड, भिमा लोंढे, लहानु बांगर, अमित वाळुंजे यांनी ही कामगिरी केली.

 

श्रीरामपूर प्रतिनिधी-अहमदनगर व नाशिक जिल्ह्यातील महिलांच्या गळ्यातील सोन्याचे दागिने धूमस्टाईलने ओढून मोटार सायकलवरुन पोबारा करणारी सराईत गुन्हेगारांच्या टोळीतील दोघांना काल अहमदनगर येथील स्थानिक गुन्हे अन्वेषण शाखेच्या पथकाने जेरबंद केले. पोलिसांनी त्यांच्याकडून 7 लाख 65 हजार रुपये किंमतीचा मुद्देमाल जप्त केला आहे. टोळीतील दोेघे पसार असून पोलीस त्यांचा शोध घेत आहेत.अहमदनगर व नाशिक जिल्ह्यात महिलांच्या गळ्यातील सोन्याचे दागिने बळजबरीने ओरबाडून मोटार सायकलवरुन पळून जाणार्‍या गुन्हेगारांच्या शोधाच्या सूचना स्थानिक गुन्हे अन्वेषण शाखेला पोलीस अधीक्षक मनोज पाटील यांनी दिल्या होत्या. त्यानुसार गुन्हे शाखेने तपास सुरु केला. त्यांना मिळालेल्या माहितीनुसार श्रीरामपूर तालुक्यातील अशोकनगर येथील विशाल बालाजी भोसले हा त्याचे साथीदारांनी चैन स्नॅचिंग करून चोरलेले सोन्याचे दागिने श्रीरामपूर येथे सोनाराकडे मोडण्यासाठी येणार आहे, अशी खबर मिळाली. त्यानुसार सापळा लावून त्यास श्रीरामपूर येथील महात्मा गांधी पुतळ्याजवळच ताब्यात घेतले.त्याची अंगझडती घेतली असता एका लाल रंगाच्या कापडी पिशवीत सोन्याचे दागिने व दोन सोन्याच्या लगड आढळल्या. त्याबाबत अधिक चौकशी केली असता त्याने सदरचे सोने श्रीरामपूर तालुक्यातील वडाळा महादेव येथील संदीप दादाहरी काळे, नाशिक जिल्ह्यातील पळसे येथील लहू बबलु काळे व श्रीरामपूर तालुक्यातील वडाळा महादेव येथील योगेश सिताराम पाटेकर यांचे असल्याचे सांगीतले. अहमदनगर शहर, संगमनेर व नाशिक येथे महिलांच्या गळ्यातील सोन्याचे दागिने ओढून चोरून आणलेले सोने असल्याचेही त्याने कबुल केले. दागिने मोडीसाठी घेऊन जात असल्याचे विशाल भोसले याने पोलिसांना सांगितले.अहमदनगर जिल्हा व नाशिक जिल्ह्यातील गुन्हे अभिलेख तपासले असता आरोपींवर एकूण 7 गुन्हे दाखल आहेत. या टोळीनेच हे गुन्हे केल्याचे तपासात निष्पन्न झाले आहे. त्यात भिंगार, कोतवाली, संगमनेर तालुका, संगमनेर शहर, श्रीरामपूर तालुका, नाशिक शहर पोलीस आयुक्तालय, आडगाव, नाशिक आदी ठिकाणी गुन्हे दाखल आहेत.टोळीचा सुत्रधार व त्याच्या साथीदारांचा शोध घेत असताना संदीप दादाहरी काळे यास वडाळा महादेव परिसरात पाठलाग करून त्यास ताब्यात घेण्यात आले.विशाल बालाजी भोसले व संदीप दादाहरी काळे या दोन्ही आरोपींची चौकशी केली असता त्यांनी साथीदार लहू बबलू काळे (पसार) रा. पळसे कारखाना, ता. जि. नाशिक व योगेश सिताराम पाटेकर (पसार) रा. वडाळा महादेव, ता. श्रीरामपूर यांच्यासोबत मिळून हे गुन्हे केल्याचे सांगितले.सदरची कारवाई पोलीस अधीक्षक मनोज पाटील, अहमदनगर अप्पर पोलीस अधीक्षक सौरभकुमार अग्रवाल, श्रीरामपूर अपर पोलीस अधीक्षक स्वाती भोर, उपविभागीय पोलीस अधिकारी अनिल कातकडे, श्रीरामपूरचे उपविभागीय पोलीस अधिकारी संदीप मिटके, संगमनेरचे उपविभागीय पोलीस अधिकारी राहुल मदने यांच्या मार्गदर्शनाखाली स्थानिक गुन्हे शाखेचे सहाय्यक पोलीस निरीक्षक सोमनाथ दिवटे, पोलीस हेड कॉन्स्टेबल विजय वेठेकर, भाऊसाहेब काळे, विश्वास बेरड, संदीप पवार, भाऊसाहेब कुरुंद, पो.ना. शंकर चौधरी, रविकिरण सोनटक्के, देवेंद्र शेलार, पोलीस कॉन्स्टेबल सागर ससाणे, रोहित यमुल, आकाश काळे, योगेश सातपुते व चालक पोलीस हेड कॉन्स्टेबल चंद्रकांत कुसळकर यांनी ही कामगिरी बजावली.

श्रीरामपूर(प्रतिनिधी): आज दि.  04/02/2022 रोजी Dysp संदीप मिटके आणि श्रीरामपूरचे  तहसीलदार प्रशांत पाटील साहेब हे सिद्धिविनायक हनुमान मंदिर ते मार्केट यार्ड परिसरात पेट्रोलिंग करत असताना उंडे हॉस्पिटल ते साखर कामगार हॉस्पिटल चे  रोडवर एक विटकरी रंगाचा टेम्पो  चोरटी वाळू वाहतूक करताना मिळून आल्याने आरोपी शेखर सुभाष जमधडे रा बेलापूर ता.श्रीरामपूर  याचे ताब्यातून एक विटकरी रंगाचा  टेम्पो आणि दिड ब्रास वाळू असा एकूण 4,07,500/- रुपयांचा मुद्देमाल हस्तगत केला आरोपी विरुध्द पोलीस कॉन्स्टेबल नितीन शिरसाठ यांचे फिर्यादीवरून श्रीरामपूर शहर पोलीस स्टेशन जि.अहमदनगर येथे गु. क्र. 72/2022  भा द वि कलम 379,  पर्यावरण संरक्षण कायदा 3/15 प्रमाणे गुन्हा दाखल करण्यात आला आहे. पुढील तपास श्रीरामपुर शहर पोलिस करीत आहेत.सदरची कारवाई मा. श्री. मनोज पाटील  पोलीस अधीक्षक, अपर पोलीस अधीक्षक मा.  स्वाती भोर,  यांचे मार्गदर्शनाखाली Dy.s.pसंदीप मिटके,  तहसीलदार प्रशांत पाटील,स फौ. राजेंद्र  आरोळे, पोहे का सुरेश  औटी,PC नितीन शिरसाठ आदींनी केली.

श्रीरामपूर प्रतिनिधी - घरात भांडणे झालेचे कारणावरून महिनाभरा पासुन मिसिंग असलेली मुलगी सिम कार्ड न वापरता, कुणाकडूनही हॉटस्पॉट मागुन इन्टाग्राम वापरत होती.तसेच स्वतःच अस्तित्व लपवुन फिरत होती . अल्पवयीन मुलीच्या वास्तव्याबाबत अपर पोलीस अधिक्षक श्रीरामपुर यांचेकडील सायबर टीमच्या मदतीने तांत्रिक पुराव्या अनुषंगाने  मिळालेल्या माहितीनुसार तपासी अधिकारी API बोरसे सह पथक  पुणे येथे गेले होते तेव्हा अल्पवयीन मुलीला पोलीस आल्याचे समजलेने घाबरून ती पोलिसांना चकमा देत प्रायव्हेट लक्झरी बसने अहमदनगर कडे निघाली आसता तपास पथकाने प्रसंगावधान राखून अहमदनगर पोलीस नियंत्रण कक्ष येथे मदत मागुन, मुलीचे फोटो व तपास पथकाचे संपर्क क्रमांक नियंत्रण कक्षाचे व्हॉटसअप ग्रुप वर पाठविले त्याप्रमाणे सर्व बस स्टॉप वर लक्झरी बस वेगवेगळ्या पोलीस स्टेशन स्टाफने चेक केल्या असता. तारकपुर बसस्थानकावर तोफखाना पोलीस स्टेशनचे नाईट राऊंड अधिकारी PSI सोळंके यांना सदर मुलगी मिळुन आलेने तिला तोफखाना पोलीस स्टेशन येथे हजर केले आसता त्यांनी तात्काळ तपास पथकास माहिती दिली व तेथून श्रीरामपूर शहर पोस्टे तपास पथकाने तिला ताब्यात घेऊन श्रीरामपूर शहर पोलीस स्टेशन येथे आणले व पालकांचे ताब्यात दिले. मुलीचे आईने व इतर नातेवाईकांनी श्रीरामपूर शहर पोस्टेचे मा. पोलीस निरीक्षक संजय सानप सो यांचे व तपास पथकाचे पुष्पगुच्छ देवून आभार व्यक्त केले.या कामगिरीची श्रीरामपूर शहरातील नागरिकांना कडून संपूर्ण पोलीस टीमचे कोतुक होत आहे. सदरची कामगीरी अप्पर पोलीस अधिक्षक स्वॉती भोर मॅडमयांच्या पोलीस निरीक्षक संजय सानप यांच्या मार्गदशना खाली API बोरसे, पोना पंकज गोसावी, पो.शी. भारत तमनार, लेडीज कॉ. योगिता निकम, अप्पर पोलीस अधिक्षक श्रीरामपुर यांचेकडील सायबर टीमचे पोना फुरकान शेख.यांनी केली. 

बेलापुर  (प्रतिनिधी  )- देशावर आलेले कोरोनाचे संकट टळू दे महामारीच्या संकटातून सर्वांची मूक्तता होवू दे या करीता श्री स्वामी समर्थ केंद्राच्या वतीने देशभरात सुरु करण्यात आलेल्या लक्षचंण्डी महायज्ञ महोत्सवाची आज सांगता होत आहे. बेलापुर येथील स्वामी समर्थ केंद्राच्या वतीने देखील दिनांक २९ जानेवारी ते ४ फेब्रुवारी दरम्यान लक्षचंण्डी महायज्ञाचे आयोजन करण्यात आले होते देशातील सर्व श्री स्वामी समर्थ केंद्रात एकाच वेळी हा महोत्सव साजरा करण्यात आला होता बेलापुर येथील केंद्रातही श्री  स्वामी समर्थ गुरुपीठ त्रिंबकेश्वर पिठाधीश प पू गुरुमाऊली यांच्या अधिपत्याखाली हा मानव कल्याणाचा उपक्रम राबविण्यात आला या कावालधीत दररोज सकाळी आरती हवनयूक्त पाठ  दुपारी दुर्गासप्तशती पाठ लक्षचंण्डी महायज्ञअसा उपक्रम दररोज सुरु होता या उपक्रमात ५५ सेवेकरी महीलांनी सहभाग घेतला होता .लक्षचंण्डी महायज्ञमहोत्सव पार पाडण्यासाठी श्री  स्वामी समर्थ केंद्राच्या सेवेकऱ्यांनी विशेष परिश्रम घेतले.