bindas news

बेलापुर  (प्रतिनिधी  )-बेलापुर ग्रामस्थ व पत्रकारांनी बेलापुर पोलीस स्टेशनमधील पोलीस कर्मचाऱ्यांसमवेत रक्षाबंधन सण साजरा करुन चांगली परंपरा जपली आहे  रक्षाबंधन सण म्हणजे बहीण भावाच्या प्रेमाचे मायेचे प्रतिक भाऊ आपल्या बहीणींच्या पाठीशी खंबीरपणे उभा राहतो त्याप्रमाणे आपण घरात निवांत झोपतो त्यावेळी पोलीसदादा रात्रभर गस्त घालत असतात आपल्या आया बहीणींची रक्षा करत असतात याची जाण ठेवुन गेल्या काही वर्षापासून पत्रकार व बेलापुर ग्रामस्थ यांनी पोलीसा समवेत रक्षाबंधन साजरा करण्याची परंपरा सुरु केली या वेळी बोलताना जि प सदस्य शरद नवले म्हणाले की सिमेवर कर्तव्य बजावणारा जवान व गावात नागरीकांचे संरक्षण करणारा पोलीस यांचे कार्य समान आहे

पोलीसांना आपल्या कर्तव्याला प्रथम प्राधान्य द्यावे लागते त्यामुळे कोणताही सण उत्सव आपल्या कुटुंबासमवेत साजरा करता येत नाही त्यामुळे पोलीसा समवेत सण साजरे करण्याची चांगली प्रथा पत्रकार देविदास देसाई  व त्यांच्या सहकाऱ्यांनी सुरु केली आहे गावात काम करताना  नागरीकांच्या मूलभुत गरजा व्यतिरिक्त महीलांना सकाळ सायंकाळी फिरण्याकरीता सुरक्षित रस्ता तरुणांना अद्ययावत जिम हुशार विद्यार्थ्यासाठी केंद्रीय लोकसेवा आयोगाच्या परीक्षासाठी मार्गदर्शन व लायब्ररी असे उपक्रम राबविणार असल्याचे जि प सदस्य शरद नवले यांनी सांगितले या वेळी सरपंच महेंद्र साळवी बेलापुर महाविद्यालयाच्या प्राचार्या डाँक्टर गुंफा कोकाटे मराठा महासंघाचे तालुकाध्यक्ष दिलीप थोरात पोलीस नाईक रामेश्वर ढोकणे आदिंनी मनोगत व्यक्त केले बेलापुर महाविद्यालयाच्या प्राचार्या डाँक्टर गुंफा कोकाटे  जे टी एस हायस्कुलच्या मुख्याध्यापक जयश्री अनभुले डाँक्टर संपदा काळे डाँक्टर स्मिता कडेकर यांनी पोलीस बांधव व उपस्थितांचे औक्षण करुन सर्वांना राख्या बांधल्या या वेळी पत्रकार सुहास शेलार दिलीप दायमा किशोर कदम महेश ओहोळ अँड .दिपक बारहाते अनिल गाढे सुभाष उंडे उपस्थित होते शेवटी उपसरपंच अभिषेक खंडागळे यांनी आभार मानले

धुळे (प्रतिनिधी)- शहर वाहतूक शाखेने कारवाई करून जप्त केलेल्या कर्णकर्णश आवाज करणार्‍या सायलेन्सरसह दादा, मामा, नावाच्या नावांच्या  32 नंबर प्लेटांवर व हॉर्नवर आज संतोषी माता चौकात रोडरोलर  फिरविला.पोलिस अधीक्षकांच्या  आदेशाने ही कार्यवाही करण्यात आली शहरातील अनेक बुलेट दुचाकी धारकांनी कंपनीने दिलेल्या सायलेन्सर ऐवजी कर्कश आवाज करणारे मॉडीफाईड सायलेन्सर बसवुन शहरात ध्वनी प्रदुषण करतात. अशा एकुण 29 बुलेट धारकांवर मोटर वाहन कायद्यान्वये  कारवाई करुन त्यांचे मॉडीफाईड सायलेन्सर  शहर वाहतुक शाखेत येथे जमा करण्यात आले होते. तसेच काही दुचाकी चालक नियमाप्रमाणे वाहनास नंबर प्लेट न लावता फॅन्सी नंबर प्लेट (दादा,अण्णा, मामा, काका) अनाधिकृत 32 नंबर प्लेट वाहन चालकांवर कारवाई करुन त्यादेखील जमा करण्यात आल्या आहेत.सर्वोच्च न्यायालयाच्या  आदेशा प्रमाणे ध्वनी प्रदुषण करणारे कर्कश (म्युझिकल) हॉर्न वापरणारे 7 वाहन धारकांवर कारवाई करुन ते म्युझिकल हॉर्न ही जमा करण्यात आले आहेत. असे एकुण जप्त करण्यात आलेले 29 मॉडीफाईड सायलेन्सर, 32 फॅन्सी नंबर प्लेट, 7 म्युझिकल हॉर्नवर पोलीस अधिक्षकांच्या आदेशान्वये आज सकाळी संतोषीमाता चौक रोड रोलर फिरवुन नाश करण्यात आले आहेत.ही विशेष मोहिम पोलीस अधिक्षक चिन्मय पंडीत  अप्पर पोलीस अधिक्षक प्रशांत बच्छाव उप विभागीय पोलीस अधिकारी दिनकर पिंगळे यांच्या मार्गदर्शनाखाली शहर वाहतुक शाखेचे पोलीस निरीक्षक धिरज महाजन, सपोनि संगीता राऊत, उपनिरीक्षक रामदास जाधव व शहर वाहतुक शाखेचे सर्व पोलीस अंमलदार यांनी राबविली होती.54 लाखांचा दंड वसूल जानेवारी 2021 ते माहे जुलै 2021 अखेरपर्यंत शहर वाहतुक शाखेतर्फे मोटर वाहन कायद्याचे उल्लंघन करणार्‍या 33 हजार 200 वाहन चालकांवर मो.व्हि.अ‍ॅक्ट प्रमाणे कारवाई करुन 54 लाख 94 हजार रोख तडजोड शुल्क वसुल करण्यात आले असुन 53 लाख 77 हजार 700 रूपये इतके तडजोड शुल्क अपडेत आहे. अपडेट तडजोड शुल्क वसुलीसाठी वाहन धारकांना नोटीसा पाठविण्यात आल्या आहेत. तसेच यापुढे देखील जे वाहन चालक मोटर वाहन कायद्याचे उल्लंघन करतील त्यांच्यावर नियमाप्रमाणे कायदेशीर कारवाई यापुढे देखील करण्यात येणार आहे. तरी कोणीही मोटर वाहन कायद्याचे उल्लंघन करु नये, अन्यथा वरप्रमाणे कारवाई करण्यात येईल, असा इशाराही वाहतूक शाखेने दिला आहे.

नगर शहरामध्ये मोहरम सण मोठ्या उत्साहाने साजरा करण्यात आला काल कत्तलीची रात्र पडल्यानंतर आज मोहरम विसर्जन पार पडले यावर्षी मोहर्रम बडे बारा इमाम सावरी उचलण्याचा मान Dysp संदिप मिटके व निसार जाहंगिरदार यांना देण्यात आला.

यावेळी Dy.s.p.संदीप मिटके, pi गडकरी, pi न्याहळदे , निशार जाहंगिरदार , फरहान जहागीरदार, राजु जहागीरदार , अमीर जागीरदार, आरिफ मुजावर, शकील मुजावर इत्यादी मुस्लिम बांधव हजर होते.

सदरची कारवाई मा. श्री. मनोज पाटील  पोलीस अधीक्षक, अपर पोलीस अधीक्षक मा. डॉ. दिपाली काळे,  यांचे मार्गदर्शनाखाली DySP   संदीप मिटके, pi सानप , psi अतुल बोरसे , पो. हे. कॉ. सुरेश औटी, पो. कॉ. नितीन शिरसाठ  पो. कॉ. सुनील दिघे आदींनी केली.

बेलापुर  (प्रतिनिधी  )-कोविड लसीकरणा दरम्यान गोंधळ होवु नये म्हणून टोकण पध्दतीची सुरुवात करणाऱ्या बेलापूरात आज उपसरपंचानी वशिलेबाजी न करता नियमानुसार टोकण घेवुनच लस घेतली व समाजापुढे एक आदर्श ठेवला                                             लसीकरणा दरम्यान होणारा गोंधळ लक्षात  घेता जि प सदस्य शरद नवले यांच्या नेतृत्वाखाली सर्वांनी एकत्रित निर्णय घेवुन टोकण पध्दत सुरु केली त्यामुळे कुठलीही गडबड गोंधळ न होता लसीकरण सुरळीत पार पडू लागले आज बेलापुर प्राथमिक आरोग्य केंद्रात लसीकरण होते बेलापुरचे उपसरपंच अभिषेक  खंडागळे यांनी सर्व सामान्य नागरीकाप्रमाणे पहाटे रांगेत येवुन आपले नाव नोंदविले तसेच नंबर आल्यानंतरच नंबर प्रमाणे येवुन लस घेतली  छोटे मोठे कार्यकर्ते आपल्या पदाचा तोरा मिरवुन आपली वैयक्तिक कामे करवुन घेतात त्या सर्वांच्या डोळ्यात उपसरपंच अभिषेक खंडागळे यांनी झणझणीत अंजन घातले आहे कितीही मोठे झालात तरी आपण एक सर्व सामान्य नागरीक आहोत हे विसरता कामा नये हेच खंडागळे यांनी आपल्या कृतीतून दाखवून दिले आहे.

अहमदनगर (प्रतिनिधी)-जिल्ह्यातील चार पोलीस निरीक्षकांच्या जिल्ह्याबाहेर बदल्या. झाल्या असून त्यांच्या जागी नव्याने चार निरीक्षक (Police Inspectors) जिल्ह्यात बदलून आले आहेत. तर तीन पोलीस निरीक्षकांना मुदतवाढ  मिळाली आहे. नाशिक परिक्षेत्र स्तरावरील पोलीस निरीक्षक यांच्या बदल्याबाबते आदेश विशेष पोलीस महानिरीक्षक अश्वती दोर्जे यांनी मंगळवारी रात्री काढले.पोलीस निरीक्षक पांडुरंग पवार, दौलत जाधव, वसंत पथवे यांची नाशिक ग्रामीण तर राकेश मानगावकर यांची नंदुरबार जिल्ह्यात बदली झाली आहे. स्थानिक गुन्हे शाखेचे पोलीस निरीक्षक अनिल कटके, पोलीस निरीक्षक बाजीराव पवार व अभय परमार यांना मुदतवाढ मिळाली आहे. बदली झालेल्या चार निरीक्षकांच्या जागी जळगाव जिल्ह्यातून भिमराव नंदुरकर, नंदुरबार जिल्ह्यातून विजयसिंग राजपुत, नाशिक ग्रामीणमधून नरेंद्र भदाणे व गुलाबराव पाटील यांची जिल्ह्यात बदली झाली आहे.

जळगाव (प्रतिनिधी)-जिल्ह्यात अवैध सावकारी  विरोधात जिल्हा उपनिबंधक विभागाकडे तक्रारी प्राप्त झाल्या होत्या. त्यानुसार आठ पथक तयार करण्यात आले आहेत. आठ पैकी सहा पथकाच्या माध्यमातून सावदा, कुंभारखेडा, तासखेडा, आचेगाव याठिकाणी पोलीस बंदोबस्तात छापे टाकून घरांची झडती घेण्यात आली. दरम्यान, तपासणी करुन कागदपत्रे ताब्यात घेण्यात आली आहे.जिल्ह्यात काही ठिकाणी अवैध सावकारीबाबत तक्रारी प्राप्त झाल्यामुळे नाशिक विभागीय सहनिबंधक लाटकर आणि जिल्हाधिकारी अभिजीत राऊत यांच्या निर्देशानुसार कारवाईसाठी पथक तयार करण्यात आले. मंगळवारी सहा पथकांच्या माध्यमातून सावदा, कुंभारखेडा, तासखेडा, आचेगाव याठिकाणी पोलीस बंदोबस्तात छापे टाकून घरांची झडती घेण्यात आली. पंचासमक्ष तपासणी करुन संबंधितांकडून काही आक्षेपार्ह कागदपत्रे देखील जप्त करण्यात आले आहे. पथकाकडून अहवाल प्राप्त झाल्यानंतर पुढील कार्यवाही करण्यात येणार असल्याचे जिल्हा उपनिबंधक संतोष बिडवई यांनी सांगितले.