bindas news

बेलापूर (प्रतिनिधी )- जिल्हा परिषद सदस्य शरद नवले सरपंच महेंद्र साळवी उपसरपंच अभिषेक खंडागळे यांच्या पाठपुराव्यामुळे सार्वजनिक बांधकाम विभागाने बंद करण्यात आलेला रस्ता पूर्ववत सुरु करण्यास परवानगी दिली असुन मान्यवरांच्या उपस्थितीत ही भिंत तोडण्यास सुरुवात करण्यात आली आहे          काही दिवसापूर्वी सार्वजनिक बांधकाम विभागाने नाव घाटाकडे जाणारा रस्ता बंद करुन त्या ठिकाणी भिंत घातली होती त्या वेळी तत्कालीन  पदाधिकार्यांनी विरोध करणे गरजेचे होते तसे न झाल्यामुळे शेकडो वर्षाची परंपरा असणारा वहीवाटीचा रस्ता बांधकाम विभागाच्या आडमुठेपणामुळे बंद करण्यात आला होता हा रस्ता बंद झाल्यामुळे बेलापुर गावातील बाजारपेठ ओस पडली होती त्यामुळे नुकत्याच झालेल्या निवडणूकीत गावकरी मंडळाने ही भिंत पाडून रस्ता पूर्ववत सुरु करण्याचे अश्वासन व्यापारी वर्गाला दिले होते . त्या अश्वासनाच्या पूर्तीसाठी जि प सदस्य शरद नवले यांनी पालकमंत्री नामदार हसन मुश्रीफ यांच्या कडे पाठपुरावा केला ग्रामस्थांची मागणी योग्य असल्यामुळे पालकमंत्री हसन मुश्रीफ यांनी सार्वजनिक बांधकाम विभागाला या प्रकरणी योग्य तो मार्ग काढण्याची सुचना केली त्यानुसार बांधकाम विभागाने त्या ठिकाणी गेट बसविण्याच्या अटीवर रस्ता खुला करण्यास परवानगी दिली.त्यामुळे हा रस्ता खुला होणार असल्यामुळे व्यापारी बंधूंनी समाधान व्यक्त केले आहे. तसेच गावकरी मंडळाने निवडणूकित गावकऱ्यांना दिलेल्या अश्वासनाची वचनपूर्ती केली असल्याने नागरिकांनीगावकरी मंडळाला धन्यवाद दिले आहेत. यावेळी गावकरी मंडळाचे नेते सुनील मुथा,जि प सदस्य  शरद नवले,प्रवासी संघटनेचे रणजीत श्रीगोड,सरपंच महेंद्र साळवी,उपसरपंच अभिषेक खंडागळे,अजय डाकले, भास्कर बंगाळ,अशोक गवते,भाजपाचे प्रफुल्ल डावरे, पुरुषोत्तम भराटे, व्यापारी असोसिएशनचे अध्यक्ष प्रशांत लड्डा,किराणा मर्चंडचे अध्यक्ष शांतीलाल हिरण,यादव काळे,सचिन कोठारी  प्रवीण लुक्कड,मुस्ताक शेख, रमेश अमोलिक,प्रभात कु-हे,गणेश बंगाळ,

मोहसीन सय्यद, रमेश काळे, अकबर सय्यद, शफिक आतार,  दिपक क्षत्रिय,अनिल गाढे, रफिक शेख,सुमित बोरुडे, मनीष मुथा, सचिन अमोलिक, नितीन शर्मा,अक्षय दहिवाळ,विशाल आंबेकर,महेश कु-हे,दिलीप अमोलिक,सोमनाथ जावरे, जाकिर हसन शेख, शैलेश राठी, विलास कु-हे, शाहरुख आतार आदी उपस्थित होते.

अहमदनगर : दरोड्याच्या गुन्ह्यातील सहा वर्षापासून फरार असणा-या आरोपीसह वांबोरी घाटात वाहन चालकांना अडवून लुटमार करणारे आरोपी  पकडण्यात स्थानिक गुन्हे शाखेच्या पथकाला यश आले आहे. पकडण्यात आलेल्या आरोपींकडून अनेक गुन्हे उघडकीस येण्याची शक्यता नाकारता येत नसल्याचे स्थानिक गुन्हे शाखेकडून सांगितले जात आहे. सुरेश रणजित निकम, सतिष अरुण बर्डे, सागर शिवाजी जाधव या तिघांना पकडण्यात आले आहे.यापूर्वीच विकास बाळू हनवत, करण नवनाथ शेलार व एक अल्पवयीन साथीदार यांना ताब्यात घेण्यात आले आहेत.याबाबत समजलेली माहिती अशी की, दि. २३ एप्रिल रोजी मित्रासह गोरक्षानाथ गड, मांजरसुंबा येथे त्यांची ( एमएच१६ सीबी ३३२८) या दुचाकीवरुन वांबोरीफाटा मार्गे जात असतांना गोरक्षनाथ गडाच्या चढावर दुचाकीचा वेग कमी झाला. त्यावेळी घजालानी यांच्या समोरुन दोन व पाठीमागुन दोन असे एकूण ४ अज्ञात इसम दोन दुचाकीवरुन त्यांच्याजवळ येऊन त्याच्या मित्रास मारहाण करुन घजालानी  व त्याचा मित्राजवळील ३ मोबाईल व सोने चांदीचे दागिणे असा एकूण १ कोटी १६ लाख ५ हजार रु. किमतीचा ऐवज बळजबरीने चोरुन नेला होता. या घटनेबाबत  एमआयडीसी पोलीस ठाण्यात रितीक प्रेमचंद छजलानी (वय २० वर्ष रा. पंचशीलनगर, भिंगार) यांनी दिलेल्या फिर्यादीवरून गुरनं. २५४/२०२१ भादवि कलम ३९४, ३४ प्रमाणे दाखल करण्यात आला होता. या गुन्ह्याचा स्थानिक गुन्हे शाखेच्या पथकाने यापूर्वी आरोपी  विकास हनवत, करण शेलार व एक अल्पवयीन साथीदार यांना ताब्यात घेवून एमआयडीसी पो.स्टे. ला हजर केलेले आहे.सदरचा गुन्हा दाखल झाल्यापासून गुन्ह्यातील मुख्य आरोपी सुरेश निकम हा फरार झालेला होता. या फरार आरोपीचा स्थानिक गुन्हे शाखेचे पो.नि. अनिल कटके यांच्या पथकाच्या मदतीने शोध घेत असताना श्री कटके यांना बातमीदाराकडून माहिती मिळाली, आरोपी सुरेश निकम हा कात्रड येथे त्याचे घरी आला आहे. त्यानुसार श्री कटके यांनी त्यांच्या स्थानिक गुन्हा अन्वेषण विभागाच्या पथकाला सूचना दिल्या. पथकाने आरोपी रहात असलेल्या परिसरात सापळा लावला असता सदर आरोपीस पोलीस आल्याची चाहूल लागल्याने तो पळून जावू लागला. त्यावेळी पथकातील पोलीसानी आरोपीचा पाठलाग करुन आरोपी  सुरेश रणजित निकम यास ताब्यात घेतले. त्यास विश्वासात घेऊन सदरच्या गुन्ह्याबाबत विचारपूस केली. यावेळी त्याने उडवाउडवीची उत्तरे देवू लागला. त्यास अधिक विश्वसात घेऊन कसून व सखोल चौकशी केली असता, त्याने सदरचा गुन्हा यापूर्वी अटक करण्यात आलेले साथीदार तसेच सतिष बर्डे व सागर जाधव अशांनी मिळून केला असल्याची माहिती दिली. त्यावरुन पथकाने आरोपींचा शोध घेऊन आरोपी   सतिष अरुण बर्डे, सागर शिवाजी जाधव यांना ताब्यात घेऊन एमआयडीसी पोलीस ठाण्यात हजर केले आहे.जिल्हा पोलीस अधीक्षक मनोज पाटील, अपर पोलिस अधीक्षक सौरभकुमार अग्रवाल, नगर ग्रामीण उपविभागीय पोलीस अधिकारी अजित पाटील यांच्या मार्गदर्शनाखाली स्थानिक गुन्हे शाखेचे पो.नि. अनिल कटके यांनी दिलेल्या सूचनेनुसार स्थानिक गुन्हे शाखेच्या पथकातील सपोनि सोमनाथ दिवटे, पोसई  गणेश इंगळे, पोहेकाॅ  दत्तात्रय हिंगडे, संदीप घोडके, पोना  सुनिल चव्हाण, शंकर चौधरी, संदीप पवार, दिनेश मोरे, दिपक शिंदे, पोकॉ मच्छिन्द्र बर्डे, रविन्द्र घुंगासे, संदीप दरंदले, योगेश सातपूते, जालिंदर माने आदिंच्या पथकाने ही कारवाई केली आहे. आरोपी हे सराईत गुन्हेगार असून त्याचे विरुध्द यापुर्वी दरोडा, जबरी चोरी या सारखे खालील प्रमाणे गुन्हे दाखल असून सदर गुन्ह्यात अद्याप पावेतो फरार आहे.आरोपी सुरेश रणजित निकम याचे विरुध्द गुन्हे दाखल  असून एमआयडीसी पो.स्टे. गुरनं. २१०/२०१५ भादवि कलम ३४१, ३९४, ३९५, ३९७ (फरार) २१५/२०१५ भादवि कलम ३९४, ३९५, ३९७ (फरार),एमआयडीसी पो.स्टे.  एमआयडीसी पो.स्टे.  सोनई पो.स्टे. गुरनं. येथे दाखल आहे.आरोपी सतिष अरुण बर्डे याचे विरुध्द एमआयडीसी पो.स्टे..,राहूरी पो.स्टे. येथे विविध प्रकारचे गुन्हा दखल आहे.आरोपी सागर शिवाजी जाधव याचे विरुध्द दाखल गुन्हे एमआयडीसी पो.स्टे. ,एमआयडीसी पो.स्टे. गुरनं.,पारनेर पो.स्टे. गुरनं.  राहूरी पो.स्टे. गुन्हा दाखल केले आहे.

*कुप्रसिद्ध नयन तांदळे टोळीला Dysp संदीप मिटकेंचा झटका,*

सुपा पोलिस ठाण्यात दाखल असलेल्या मोक्काच्या गुन्ह्यातील कुख्यात नयन तांदळे टोळी यांनी आणखी गुन्हे केल्याचे निष्पन्न झाले  आहे. मोक्काच्या  गुन्ह्याचा तपास करीत असताना Dysp संदीप मिटके यांच्या निदर्शनास आले की, नयन तांदळे व त्याचे साथीदार यांनी चोरी आणि बनावट पोलीस ओळखपत्र बनवण्याचा गुन्हा केलाआहे त्यावरून तोफखाना पोलीस स्टेशनला गुन्हा दाखल करून नयन तांदळे टोळीस मोठा झटका दिला आहे.

*श्रीरामपुरातील सुरक्षा रामभरोसे!*