bindas news

बेलापुर  (प्रतिनिधी )- बेलापुर येथील प्रतिष्ठीत व्यापारी गौतम हिरण यांच्या अपहरणाचा तातडीने शोध घेवुन आरोपींना जेरबंद करावे व गौतम हिरण यांची सहीसलामत सुटका करावी अशी मागणी बेलापुर ग्रामस्थ व्यापारी यांच्या वातीने करण्यात आली असुन तपास योग्य दिशेने चालु आहे तपासात व्यत्यय येईल असे कृत्य करु नये असे अवाहन उपविभागीय पोलीस अधिकारी संदीप मिटके यांनी केले आहे                                            बेलापुर येथील व्यापारी गौतम हिरण यांचे सोमवार दिनांक १ मार्च रोजी सायंकाळी अज्ञात ईसमांनी अपहरण केले होते पोलीसांनी तातडीने मिंसिंगचा गुन्हा दाखल करुन तपास सुरु केला होता आज सकाळी श्रीरामपुर व बेलापुर येथील व्यापारी तसेच बेलापुर ग्रामस्थ हे बेलापुर ग्रामपंचायत कार्यालयापासुन मुक मोर्चाने बेलापुर पोलीस स्टेशनला आले तेथे सरपंच महेंद्र साळवी उपसरपंच आभिषेक खंडागळे  बेलापुर पत्रकार संघाचे सचिव देविदास देसाई  खजिनदार सुनिल मुथा व्यापारी असोसिएशनचे अध्यक्ष प्रशांत लढ्ढा भरत साळुंके जि प सदस्य शरद नवले यांनी या घटनेचा बारकाईने तपास करुन आरोपींना जेरबंद करावे व व्यापारी गौतम हिरण यांची सुखरुप सुटका करावी अशी मागणी केली या वेळी उपविभागीय पोलीस अधिकारी संदीप मिटके व पोलीस निरीक्षक संजय सानप यांनी सांगितले की पोलीसांचा सर्व बाजुंनी तपास सुरु आहे तपासासाठी वेगवेगळी पथके तयार करण्यात आलेली आहे त्यामुळे पोलीस तपासात अडथळा होईल असे कृत्य कुणी करु नये आरोपींना अटक करण्यासाठी सर्व प्रयत्न सुरु आहेत दरम्यान अप्पर पोलीस अधिक्षक दिपाली काळे व उपविभागीय पोलीस अधिकारी संदीप मिटके यांनी सकाळी बेलापुरला भेट दिल्यानंतर तपासाला गती मिळाली पोलीसांनी आगोदर मिसींगचा गुन्हा दाखल केला होता नतंर अपहरणाचा गुन्हा दाखल केला असला तरी या गुन्ह्याचा तपास तातडीने लावावा या गुन्ह्यातील आरोपीना लवाकरात लवकर अटक करुन व्यापारी गौतम हिरण यांची सुखरुप सुटका करावी अन्यथा बेलापुर ग्रामस्थ व व्यापारी आंदोलन करतील असा ईशाराही या वेळी देण्यात आला  या वेळी कांतीलाल मुथा रमन मुथा बाजार समितीचे संचालक सुधीर नवले रवि खटोड अजय डाकले प्रकाश कुर्हे रमेश लोढा अनिल नाईक  मुस्ताक शेख भूषण चेंगेडीया अभिषेक राका हीतेश धाडीवाल अजिज शेख गोपाल जोशी शरद सोमाणी गणपत मुथा अनिल पवार अशोक गवते किरण भांड रत्नेश बोरा मिथुन मुथा अभिजीत नवलखा राजेश खटोड प्रसाद खरात सचिन जोशी राहुल लखोटीया प्रशांत शहाणे रमेश अमोलीक आदिसह व्यापारी बांधव उपस्थित होते.

बेलापुर  (प्रतिनिधी ): श्रीरामपुर तालुक्यातील बेलापूर येथील  प्रसिद्ध व्यापारी गौतम झुंबरलाल हिरण हे काल सोमवारी सायंकाळी सात वाजेपासुन अचानक बेपत्ता झाले. या व्यापाऱ्याचे अपहरण झाले असावे अशी शक्यता व्यक्त केली जात आहे.

बेलापुर ( प्रतिनिधी )- महाराष्ट्र शासनाकडून  राज्यातील स्थानिक स्वराज्य संस्थांमध्ये पर्यावरणाचे रक्षण व संवर्धनासाठी ‘माझी वसुंधरा’ अभियान हाती घेण्यात आले आहे. श्रीरामपूर तालुक्यातही या अभियानाला सुरुवात झाली आहे. बेलापुर येथे या अभियानाची सुरुवात करण्यात आली  तालुक्यातील निपाणी वडगाव व बेलापूर या दोन गावांचा सदर अभियानात समावेश आहे, पैकी बेलापूरगाव हे नव्याने समाविष्ट करण्यात आले आहे. पृथ्वी, वायू, जल, अग्नी, आकाश या पंचतत्त्वांच्या आधारे हे अभियान राबविले जाणार आहे, अशी माहिती श्रीरामपूर पंचायत समितीच्या गटविकास अधिकारी जालिंदर आभाळे यांनी दिली.

      यावेळी पर्यावरण रक्षण आणि संवर्धनासाठी उपस्थितांनी पर्यावरण संवर्धनाची शपथ घेतली. उपमुख्याध्यापिका श्रीमती विजया दहिवाळ यांनी शपथ वाचन केले. याप्रसंगी जिप सदस्य शरद नवले, सरपंच महेंद्र साळवी, उपसरपंच अभिषेक खंडागळे,पंचायत समिती गटविकास अधिकारी जालिंदर आभाळे, गटशिक्षणाधिकारी संजीवन दिवे,जलील जनाब, रमेश अमोलिक, ग्रामविकास अधिकारी राजेश तगरे पत्रकार सुहास शेलार, कासम शेख यांचेसह जिल्हा परिषद मराठी, उर्दू  मुला-मुलिंच्या शाळेचे शिक्षक उपस्थित होते.

अहमदनगर-करोना संसर्ग रोखण्यासाठी प्रशासनाने वेगाने पावले उचलली आहेत. नागरिकांनीही नियमांचे पालन करावे. रात्रीची संचारबंदी आधीपासूनच आहे.मात्र करोना वाढत असल्याने त्याची प्रत्यक्ष अंमलबजावणी आता आवश्यक बनली आहे. आवश्यकता पडली तर करोना प्रतिबंधासाठी निर्बंध अधिक कडक केले जातील, अशा इशारा जिल्हाधिकारी डॉ. राजेंद्र भोसले यांनी दिला आहे.करोना नियमांचे पालन करावे, असे आवाहन जिल्हाधिकारी डॉ. भोसले यांनी व्हीडिओद्वारे नागरिकांना केले आहे. नागरिकांनी लग्न व इतर सोहळ्यांसाठी असणारी निर्बंधाची मर्यादा पाळावी, कार्यक्रमाच्या ठिकाणी करोना प्रादूर्भाव रोखण्याच्या उपाययोजनांची अंमलबजावणी व्हावी, असे निर्देश प्रशासनाने दिले आहेत. बाजारपेठांसह इतर गर्दीच्या ठिकाणी करोना प्रतिबंधात्मक उपाययोजना अंमलबजावणीकडे दुर्लक्ष होत असल्यास कारवाई करण्याचे निर्देश डॉ. भोसले यांनी दिले आहेत.जिल्ह्यात सध्या रुग्ण पॉझिटिव्ह येण्याचा दर 12 टक्के आहे. त्यात आता वाढ होताना दिसते आहे. 29 जानेवारीचा आदेश 28 फेब्रुवारीपर्यंत होता. तोच आदेश 15 मार्चपर्यंत वाढविण्यात आला आहे. आवश्यकता पडली तर त्या आदेशात आणखी निर्बंध लादण्याचा विचार केला जाईल. मंदिरे सुरूच राहतील.मात्र शिर्डीप्रमाणे सर्व मंदिरात नियमांचे पालन होईल, याकडे लक्ष द्यायचे आहे. कोणत्याही मंदिरात गर्दी होणार नाही, याची दक्षता संबंधित व्यवस्थापाने घ्यायची आहे. नागरिकांनी सर्व नियमांचे पालन करीत मास्क वापरावेत.जिल्हयात सध्या 5 हजार 500 बेड उपलब्ध आहेत. व्हॉन्टीलेटर, ऑक्सिजन सिलेंडर पुरेशा प्रमाणात उपलब्ध आहेत. आयसीयू सज्ज आहेत. कोविड केअर सेंटर सज्ज ठेवण्यात आले आहेत. सोमवारी नगरमधील मंगल कार्यालयांमध्ये जावून कारवाई केली आहे. आता या पुढे मंगल कार्यालयात गर्दी दिसली तर ते सील केले जातील. पुढील काही दिवस हे सील उघडले जाणार नाही. मास्क वापरलेले दिसले नाही तर नागरिकांवरही दंडात्मक कारवाई होईल, असे जिल्हाधिकारी म्हणाले.

नाशिक - नाशिक जिल्ह्याचे पालकमंत्री छगन भुजबळ सोमवारी करोना पॉझिटीव्ह असल्याचे स्पष्ट झाल्यानंतर मनपा वैद्यकिय विभागाकडुन भुजबळ फार्म येथील ६० जणांचे स्वॅब घेत ते चाचणीसाठी पाठविले होते..यापैकी पालकमंत्र्यांच्या स्टाफ पैकी 11 जण पॉझिटीव्ह असल्याचा अहवाल आज प्राप्त झाला आहे. या सर्वावर तातडीने उपचार सुरू करण्यात आले आहे. दरम्यान शहरात करोनाचा प्रादुर्भाव रोकण्यासाठी महापालिकेकडुन तातडीने 5 ठिकाणी आरटीपीसीआर चाचण्याचे केंद्र सुरू करण्यात आले आहे.नाशिक महापालिका क्षेत्रात गेल्या काही दिवसापासुन करोना बाधीतांचा आकडा वाढत असतांना सोमवारी (दि.22) रोजी बाधीतांचा आकडा कमी झाल्याचे समोर आली आहे. मात्र शहरात समारंभ, कार्यक्रम, लग्न याठिकाणी होणारी गर्दी लक्षात घेता करोनाचा संसर्ग वाढण्याची भिती कायम आहे. यातच पालकमंत्री छनग भुजबळ यांनी रविवारी (दि.21) रोजी शहरात अनेक कार्यक्रम व बैठकांना हजेरी लावल्यानंतर ते करोना बाधीत झाले होते.भुजबळ यांच्या संपर्कात आलेल्यांनी चाचणी करावी असे आवाहन त्यांनी केले होते. या पार्श्वभूमीवर मनपाच्या वैद्यकिय पथकाने भुजबळ फार्मवर जाऊन भुजबळ यांचे कुटुंबिय, स्टॉफ, त्यांच्या संपर्कातील कार्यकर्ते, बदोबस्तांतील पोलीस अशा संपर्कातील 60 जणांची यादी तयार करीत त्यांचे स्वॅबचे नमुने घेतले. या सर्व नमुन्याचा अहवाल महापालिकेला प्राप्त झाला असुन यातील 11 जण करोना बाधीत असल्याचे समोर आले आहे.या बाधीत बहुतांशी जण हे पालकमंत्री यांच्या निवासस्थानावरील स्टाफ पैकी आहे. यात चालक, अंगरक्षक यांचा समावेश असुन त्यांच्यावर मुंबईत उपचार सुरु असुन उर्वरित 9 जणावर घरीच उपचार सुरु करण्यात आले आहे.