Latest Post

बेलापुर  (प्रतिनिधी  )-बेलापुर ग्रामपंचायत निवडणूकीचा बिगुल वाजल्या नंतर गावात बैठकीना ऊत आला आहे दिवसा बरोबर सायंकाळच्या  बैठकाही सुरु झाल्या आहेत त्यामुळे गल्ली गल्लीत आपला सदस्य कोण यावर मंथन सुरु आहे.बेलापुर ग्रामपंचायतीची निवडणूक १५ जानेवारी रोजी होत असुन सहा प्रभाग मधुन १७ जागेकरीता ही निवडणूक होणार आहे या निवडणूकीत जुना- नवा हा नविनच वाद उफाळून येणार असुन पक्ष श्रेष्ठीपुढे ही मोठी डोके दुखी ठरणार आहे अनेक तरुण कार्यकर्ते निवडणूक लढविण्याच्या तयारीत आहेत या निवडणूकीत जि प सदस्य शरद नवले व बाजार समितीचे संचालक सुधीर नवले यांचा समोरा समोर सामना होण्याची दाट शक्यता आहे सुधीर नवले यांनी श्रीरामपुर येथील एका नेत्याच्या उपस्थितीत जनता अघाडीचे नेते रविंद्र  खटोड काँग्रेसचे नेते अरुण पा नाईक यांची एकत्रीत बैठक होवुन जागा वाटपाबाबत निर्णय झाला असला तरी सरपंच  पदाबाबत अजुनही एकमत झालेले नाही जि प सदस्य शरद नवले हे अशोकचे संचालक अभिषेक खंडागळे तसेच भाजपाच्या कार्याकर्त्यांना बरोबर घेवुन निवडणूक लढविण्याच्या तयारीत आहे सुधीर नवले यांच्याकडे ईच्छूकांचा भरणा अधिक असुन माजी सदस्य पुन्हा निवडणूक लढविण्याच्या तयारीत आहेत तर नविन पिढीला हे मान्य नाही मागील निवडणूकीत पदे मिळविलेल्या सदस्यांनी मार्गदर्शकाची भूमिका बजवावी असे नविन पिढीचे मत आहे परंतु जुनी मंडळी पुन्हा गुडघ्याला बाशिंग बाधुन तयार आहे या वादातुनच तिसरी अघाडी होण्याची दाट शक्यता आहे ही निवडणूक लढविताना एक गट मागील केलेल्या कामाचे भांडवल करुन जनतेकडे मते मागणार आहे तर दुसरा गट त्यांनी केलेल्या चुकीच्या कामाचा लेखा-जोखा जनतेसमोर मांडून मते मागणार आहे तर तिसरी होणारी अघाडी हे सर्व कसे चुकीचे आहे हे जनतेला पटवुन मतांची मागणी करणार आहे या निवडणूकीत सुनिल मुथा भाजपाचे प्रफुल्ल डावरे आजय डाकले काँग्रेसचे निष्ठावंत कार्यकर्ते परंतु कायम डावललेले कैलास चायल  गोपाल जोशी भास्करराव खंडागळे यांची भुमीका महत्वाची ठरणार आहे

बेलापुर  (प्रतिनिधी  )-- जैन भजन गंगा म्यूजीकल गृप मध्य प्रदेश यांच्या वतीने आयोजित करण्यात आलेल्या अखिल  भारतीय आँनलाईन गायन स्पर्धेत डाँ .रविंद्र गंगवाल यांना स्विट व्हाँईस अँवार्डने गौरविण्यात आले   आहे.मध्य प्रदेश मधील जैन भजन गंगा म्यूजिकल गृप छिंदवाडा यांच्या वतीने गीत गाता चल २०२०  या अखिल भारतीय आँनलाईन गायन स्पर्धेचे आयोजन करण्यात आले होते अनेक स्पर्धकांनी या स्पर्धेत आँनलाईन सहभाग नोंदविला होता या स्पर्धेत बेलापुर येथील वैद्यकीय क्षेत्रात उल्लेखनीय कार्य करणारे बेलापुर डाँक्टर असोसिएशनचे माजी अध्यक्ष  डाँ, रविंद्र गंगवाल यांनी जेबीजी स्विट व्हाईस अँवार्ड मिळविले या स्पर्धेचे परिक्षक म्हणून डायरेक्टर व गायक राजेश जैन अंतरराष्ट्रीय गायक डाँ. गौरव व दिपक्षीखा  जैन साधना मंदावत इंदोर फिल्म प्रोड्युसर राजेंद्र बैद जयपुर गायक सारीका जैन छिंदवाडा यांनी काम पाहीले या पूर्वीही डाँ, गंगवाल यांनी विविध स्पर्धेत सहभाग घेवुन पहीला दुसरा असे बक्षिस मिळविलेले आहेत डाँ, रविंद्र गंगवाल यांनी आपला वैद्यकीय व्यवसाय सांभाळून अनेक छंद जोपासले आहेत  त्यांना लिखाण व वाचनाची मोठी आवड आहे त्यांच्या यशाबद्दल बेलापुर पत्रकार संघाचे अध्यक्ष भास्कर खंडागळे सचिव देविदास देसाई  ज्ञानेश गवले नवनाथ कुताळ दिलीप दायमा जि प सदस्य शरद नवले अशोक कारखान्याचे संचालक अभिषेक खंडागळे कै मुरलीधर खटोड पतसंस्थेचे चेअरमन रविंद्र खटोड बाजार समितिचे संचालक सुधीर नवले बेलापुर मेडिकल  असोसिएशनचे अध्यक्ष  डॉ  अविनाश गायकवाड़  कैलास चायल यांनीही अभिनंदन  केले आहे


बेलापुर  ( देविदास देसाई  )- श्रीरामपुर तालुक्यातील ५२ ग्रामपंचायतीचा निवडणूक कार्यक्रम जाहीर झाला असुन सोमवार दिनांक  १४ डिसेंबर रोजी निघणारी सरपंच  पदाची सोडत स्थगित करण्यात आली आहे  आता ग्रामपंचायत निवडणूक मतदाना नंतर सरपंच पदाच आरक्षण  निघणार असल्यामुळे निवडणूकीला आता खरंच रंगत चढणार आहे. राज्य निवडणूक आयोगाचे सचिव किरण कुरुंदकर यांनी जारी केलेल्या आदेशात निवडणूक कार्यक्रम जाहीर केल्याचे नमुद केले असुन निवडणूक नोटीस प्रसिध्द करण्याचा दिनांक १५ डिसेंबर  २०२० आहे तर नामनिर्देशन पत्र मागविण्याचा व सादर करण्याचा दिनांक २३ डिसेंबर २०२० ते ३० डिसेंबर  २०२० नामनिर्देशन पत्र छाननी करण्याचा दिनांक ४ जानेवारी  ३ वाजेपर्यंत  निवडणूक चिन्ह नेमून देण्याचा तसेच अंतिमरित्या निवडणूक लढविणार्या उमेद्वारांची यादी प्रसिध्द करण्याचा दिनांक ४ जानेवारी २०२१ ३ वाजे नंतर  मतदान दिनांक १५ जानेवारी २०२१ सकाळी ७.३० ते ५.३० मतमोजणी दिनांक  १८ जानेवारी  २०२१ जिल्हाधिकारी कार्यालयामार्फत निवडणूकीच्या निकालाची अधिसुचना प्रसिध्द करण्याचा दिनांक २१ जानेवारी २०२१ असा जाहीर करण्यात आला आहे १४ जानेवारी रोजी सरपंच पदाची आरक्षण सोडत होती परंतु  नविन आदेशानुसार आता निवडणूक निकाला नंतर सरपंच पदाचे आरक्षण सोडत काढण्यात येणार आहे तसे आदेश महसुल कार्यालया मार्फत जारी करण्यात आले आहे महसुल कार्यालयाच्या वतीने दिलेल्या आदेशात म्हटले आहे की ज्या ग्रामपंचायत सरपंच  पदाचे आरक्षण सोडत बाकी आसल्यास सरद कार्यक्रम हा सांदर्भिय राज्य निवडणूक आयोगाच्या माहे एप्रिल २०२०ते डिसेंबर २०२० या कालावधीत मुदत संपणार्या व ते नव्याने स्थापित होणार्या ग्रामपंचायतीच्या घोषित निवडणूक कार्याक्रमाच्या  मतदाना नंतर  म्हणजे १५ जानेवारी २०२१ नंतर आरक्षण सोडत कार्यक्रम राबविण्यात यावा असे त्या आदेशात म्हटले आहे.

बेलापुर   ( प्रतिनिधी  )- श्रीरामपुर तालुक्यातील ग्रामपंचायत निवडणूकीचे पडघम वाजण्यास सुरुवात झाली असुन सोमवार दिनांक १४ डिसेंबर रोजी सकाळी अकरा वाजता सरपंच पदाच्या आरक्षणाची सोडत निघणार असल्यामुळे तालुक्यातील राजकारण ढवळून निघणार आहे. श्रीरामपुर तालुक्यातील मुदत संपलेल्या ५२ ग्रामपंचायत निवडणूक कार्यक्रम लवकरच जाहीर होणार असुन गावोगाव मोर्चे बांधणीस सुरुवात झाली आहे मतदार याद्यांच्या हरकती पार पडल्या नतर आता सोमवारी तहसील कार्यालय नविन प्रशासकीय इमारत या ठिकाणी सकाळी अकरा वाजता सरपंच पदाचे आरक्षण सोडत काढण्यात येणार असल्याची माहीती तहसीलदार प्रशांत पाटील यांनी दिली आहे या सोडती नंतर उपविभागीय अधिकारी अनिल पवार यांच्या उपस्थितीत ५० टक्के महीला आरक्षण सोडत काढण्यात येणार आहे त्यामुळे जि प सदस्य  पचांयत समिती  सदस्य ग्रामपंचायत सदस्य ग्रामस्थ आदिंनी सोमवारी उपस्थित रहावे असे अवाहन तहसील कार्यालयाच्या वतीने करण्यात आलेले आहे                                ग्रामपंचायत निवडणूकामुळे ग्रामीण भागात प्रभाग निहाय उमेदवार निवडण्यासाठी बैठका सुरु झाल्या आहेत कुणी कुणा सोबत युती करावी हे ही तपासुन पाहीले जात आहे मागील काही काळात घडलेल्या राजकीय  नाट्यमय घडामोडीमुळे आता ग्रामीण भागातही कार्यकर्ते आपापल्या सोयी नुसार निवडणूक लढविण्यास ईच्छूक आहेत आता तरुण कार्यकर्ते निवडणूक लढण्यास तयार आहेत.

बेलापुर  (प्रतिनिधी  )- शेती असलेल्या क्षेत्रात  परवाना न घेता  बांधकाम करणार्यावर लवकरच कारवाईचा बडगा उगारला जाणार आहे. बेलापुर शहरा लगत असलेल्या श्रीरामपुर बेलापुर रस्त्यावर नुकतीच उपविभागीय अधिकारी अनिल पवार व तहसीलदार प्रशांत पाटील यांनी पहाणी केल्यानंतर मंडलाधिकारी व कामगार तलाठी  यांना तशा सुचना देण्यात आलेल्या आहेत                                           अहमदनगर येथील बैठक आटोपुन परतत असताना उपविभागीय अधिकारी अनिल पवार व तहसीलदार प्रशांत पाटील यांनी बेलापुर श्रीरामपुर रस्त्यावर असणार्या व्यवसायीकांची माहीती घेतली त्या करीता त्यांनी आपले सरकारी वाहन दुरच ठेवुन या सर्व भागाची पायीच पहाणी केली त्या वेळी अनेक ठिकाणी बिन शेती न करता तसेच बांधकामाची परवानगी न घेता बांधकाम केल्याचे आढळून आले त्यांनी तातडीने मंडलाधिकारी बाबासाहेब गोसावी व कामगार तलाठी कैलास खाडे यांना सुचना देवुन अशा प्रकारे बिन शेती नसलेल्या  व विना परवाना बांधकाम करणार्या व्यवसायीकांवर दंडात्मक कारवाई करण्याच्या सुचना दिल्या असे विना परवानगी बिन शेती व अनाधिकृत बांधकाम  आसणार्या व्यवसायीकांचा शोध घेवुन दंडात्मक कार्यवाही करण्याच्या नोटीसा बजावण्यात येणार असल्याचे मंडलाधिकारी बाबासाहेब गोसावी  व कामगार तलाठी कैलास खाडे  यांनी सांगीतले महसुलच्या या कारवाईमुळे व्यवसायीकामध्ये खळबळ उडाली आहे लाँक डाऊन काळात व्यवसाय बंद असणार्या व्यापार्यांना हा मोठा भूर्दंडबसणार आहे

श्रीरामपूर तालुक्यातील विकास पुरुष म्हणून ओळखले जाणारे, साईबाबा संस्थानचे माजी अध्यक्ष, माजी आमदार स्वर्गीय जयंतराव ससाणे यांच्या मातोश्री, श्रीमती रत्नमाला मुरलीधर ससाणे यांचे दुपारी १२ : ३० वाजेच्या सुमारास, वृद्धापकाळाने निधन झालय, निधना वेळी त्यांचे वय ८५ वर्ष होते, जयंतराव ससाणे यांच्या सामाजिक राजकीय वाटचालीत, स्वर्गीय रत्नमाला ससाणे यांचा मोलाचा वाटा होता, त्या सुनील ससाणे यांच्या मातोश्री व उपनगराध्यक्ष करण जयंत ससाणे, यांच्या आजी होत्या. आपल्या मनमिळावू स्वभाव तसेच प्रत्येकाशी त्याचे वैयक्तिक संबंध होते, श्रीमती रत्नमाला मुरलीधर ससाणे यांच्या जाण्याने, तालुक्यात शोककळा पसरली असून, त्यांच्या अंत्यदर्शनासाठी अनेक सामाजिक, राजकीय क्षेत्रातील मान्यवर सुयोग मंगल कार्यालय याठिकाणी आले होते, सायंकाळी श्रीरामपूर येथील अमरधाम या ठिकाणी , श्रीमती रत्नमाला मुरलीधर ससाणे यांच्या पार्थिवावर अंत्यसंस्कार करण्यात आले. त्यांच्या पश्चात १ मुलगा ,३ सुना, ४ नातवंड, असा मोठा परिवार आहे.

बेलापुर  (प्रतिनिधी  )- बेलापुर ग्रामपंचायतीचे साडे तीन लाख रुपयाचे सामान चोरीस गेले असुन या गंभीर घटनेस आठ दिवस उलटून गेले तरी तेरी भी चुप मेरी भी चुप असाच काहीसा प्रकार या घटने बाबत घडलेला आहे. या बाबत मिळालेली माहीती अशी की बेलापुर गावाला पाणी पुरवठा करणार्या पाण्याच्या टाकीवर ग्रामपंचायतीच्या मालकीचे लोखंड पडलेले होते तसेच तेथे पाणी शुध्द करण्यासाठी वापरण्यात येणारे टि सी एल पावडर तुरटी आदी सामान पडलेले होते या ठिकाणी देखरेखीसाठी  एका कर्मचार्याची  देखील नेमणूक केली जाते या शिवाय या ठिकाणी सि सि टी व्ही कँमेर्याचा देखील वाँच असतो असे असताना ग्रामपंचायतीच्या मालकीचे साडे तीन लाख रुपये किमतीचे सामान चोरी जाणे म्हणजे विश्वास न बसणारी गोष्ट आहे परंतु  हे घडले आहे अन त्या घटनेस आज आठ दिवस झालेले असुन त्या बाबत ग्रामसेवक राजेंद्र  तगरे यांचेशी संपर्क साधला असता त्यांनी बेलापुर पोलीसाकडे तक्रार दिली असल्याचे सांगितले तीन साडे तिन लाख रुपयाचे भंगार व इतर साहीत्य चोरीस गेल्याच्या वृत्तास त्यांनी दुजोरा दिला   या बाबत बेलापुर पोलीस स्टेशनशी संपर्क साधला असता हवालदार अतुल लोटके व पोलीस नाईक रामेश्वर ढोकणे यांनी सकाळी फोन आल्याच्या वृत्तास दुजोरा दिला या बाबत सखोल माहीती घेतली असता कुंपणच शेत खात असल्याचे बोलले जात असुन गावातील गटबाजीचा फायदा उठवुन काहींनी हा उद्योग केलेला असल्याची चर्चा आहे हे करत असताना त्या महाभागांनी आपले कारनामे कँमेर्यात बंद होवु नये म्हणून आगोदर सि सि टी व्ही  कँमेर्याच्या केबल जाळल्याची चर्चाही चालु आहे  बेलापुर ग्रामपचायतीत प्रशासक असुन गावात मोठ्या प्रमाणात गटबाजी आहे त्यातच ग्रामपंचायत निवडणुका तोंडावर आल्यामुळे नेते मंडळीही माहीत असताना गप्प आहे या चोरी बाबत बेलापुर पोलीसांनी तपास करुन त्यातील खरे गुन्हेगार समोर आणावे अशी मागणीही ग्रामस्थांच्या वतीने करण्यात आलेली आहे.

MKRdezign

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget