bindas news

रुग्ण सापडलेला भाग कडेकोट बंद करा,जिल्हाधिकारी : सर्व नियमांची कडक अंमलबजावणी करावी.

श्रीरामपुरातील प्रभाग दोनमधील वाढती करोना रुग्णसंख्या पाहता परिस्थितीचा आढावा घेण्यासाठी जिल्हाधिकारी राहुल द्विवेदी व जिल्हा पोलीस अधीक्षक अखिलेशकुमार यांनी श्रीरामपूरला भेट दिली. यावेळी जिल्हाधिकारी यांनी ज्या भागात करोनाचे रुग्ण सापडतात तो भाग कडेकोट बंद करून सर्व नियमांची कडक अंमलबजावणी करावी व जास्तीत जास्त लोकांची आरोग्य तपासणी करावी अशा सूचना स्थानिक प्रशासनाला दिल्या आहेत.श्रीरामपुरात दिवसेंदिवस करोना रुग्णांची संख्या वाढतच चालली आहे. त्यातच प्रभाग दोनमधील ज्या भागात रुग्ण सापडतात तो भाग अत्यंत अरुंद व सोशल डिस्टन्सिंग पाळण्यास अवघड असा आहे.त्यामुळे सर्व परिस्थितीचा आढावा घेण्यासाठी जिल्हाधिकारी राहुल द्विवेदी व जिल्हा पोलीस अधीक्षक अखिलेशकुमार यांनी मंगळवारी श्रीरामपूरला भेट दिली. त्यांनी प्रभाग दोन, डेडीकेटेड कोव्हिड सेंटर (सेंट लुक रुग्णालय), कोव्हिड केअर सेंटर व ग्रामीण रुग्णालयाला प्रत्यक्ष भेट देऊन परिस्थितीचा आढावा घेऊन सूचना दिल्या.यावेळी त्यांच्यासोबत प्रांताधिकारी अनिल पवार, अतिरीक्त पोलीस अधीक्षक डॉ. दिपाली काळे, पोलीस उपअधीक्षक राहुल मदने, तहसीलदार प्रशांत पाटील, पोलीस निरीक्षक श्रीहरी बहीरट, मसुद खान, श्रीरामपूर नगरपालिकेचे मुख्याधिकारी समीर शेख आदींसह अनेक मान्यवर उपस्थित होते.यावेळी जिल्हाधिकारी यांनी प्रभाग दोनमधील प्रतिबंधीत क्षेत्रातील प्रत्येक गल्ली पत्रे लावून बंद करावी, या भागातून कोणीही बाहेर जाणार नाही व या भागात कोणीही आत जाणार नाही याची कडक अमंलबजावणी करावी. या भागातील सर्व दुकाने कडेकोट बंद राहतील याची दक्षता घ्यावी. या भागातील लोकांना किराणा किंवा इतर अत्यावश्यक सेवा पुरविण्यासाठी नगरपालिकेने नियोजन करावे.ज्या क्षेत्रात करोनाचे रुग्ण सापडतात त्या भागातील लोकांची आरोग्य विभागाने आरोग्य तपासणी करावी. गरज वाटल्यास स्त्राव घेऊन तपासणीसाठी पाठवावेत. यावेळी तपासणीसाठी कीट अपूर्ण असल्याचे आरोग्य अधिकार्‍यांनी सांगितले. त्यावर श्रीरामपूरसाठी दररोज शंभर किट उपलब्ध करून दिले जातील, अशी ग्वाही त्यांनी यावेळी दिली.

(अहमदनगर) दि. ०१/०७/२०२० रोजी फिर्यादी श्री सुदर्शन विष्णु बडे, वय २४,रा. लोणी, ता शिरूर कासार,

जि. बीड हे मालवाहु ट्रक घेवुन जात असतांना नगर सोलापुर हायवे, पाटेगाव, शिवार ता कर्जत येथे पल्सर

मोटार सायकलवर आलेले तीन इसमांनी ट्रक समोर मोटार सायकल आडवी लावुन शस्त्राचा धाक दाखवुन

४५०००/- रु किमतीचा मुददेमाल त्यात एक मोबाईल व रोख रक्कम बळजबरीने चोरुन नेली. त्याबाबत फिर्यादी

यांनी कर्जत पो.स्टे येथे दिलेल्या फिर्याद वरुन कर्जत पो.स्टे. गु.र.नं. ४६२/२०२० भादवी कलम ३९४,३९७

प्रमाणे गुन्हा दाखल करण्यात आला होता.सदर गुन्हयाचा पोनि/दिलीप पवार, स्थानिक गुन्हे शाखा, अहमदनगर हे त्यांचे पथकातील अधिकारी कर्मचारी यांचे मदतीने समांतर तपास करत असतांना पो.नि. दिलीप पवार यांना गोपनिय माहिती मिळाली कि, सदर गुन्हा हा शाहुराज बाबासाहेब कोकरे, रा. घाटापिंपरी, ता आष्टी जि. बीड याने त्याचे साथीदारासह केला असुन तो दिघी गावचे शिवारात ता कर्जत येथे लपुन बसला असल्याची गोपनिय माहिती मिळाल्याने पथकातील पोसई/गणेश इंगळे, पोहेकॉ दत्ता गव्हाणे, बाळासाहेब मुळीक,पोना रविंद्र कर्डीले, सचिन अडबल, दिपक शिंदे, पोकॉरणजीत जाधव, प्रकाश वाघ, रोहीत मिसाळ, मेघराज कोल्हे, चापोहेकॉ/संभाजी कोतकर अश्यांनी मिळुन दिघी ता कर्जत येथे जावुन मिळालेल्या बातमीनुसार आरोपीचा शोध घेवुन आरोपी नामे १) शाहुराज बाबासाहेब कोकरे, बब २०, रा. घाटापिंपरी, ता आष्टी जि. बीड यास ताब्यात घेवुन त्याचेकडे सदर गुन्हया बाबत विचारपुस करता त्याने सदरचा गुन्हा हा साथीदार नामे २)गणेश बाळासाहेब महारनोवर, रा. दिघी, ता कर्जत, जि. अ.नगर ३) योगेश देबराव गोयेकर, रा. गोयेकरबाडा, ता कर्जत, जि. अ.नगर, (फरार) ४) नाथा शिरगिरे,रा. जामखेड,(फरार) अश्यांनी मिळुन दि. ०१/०७/२०२० रोजी रात्री एका साथीदारास त्याचेकडी २२० पल्सर मोटार सायकलवर पाळत ठेवण्यासाठी नगर ते सोलापुर रोडवर पाटेगाव शिवार ता कर्जत येथे थांबवुन आम्ही तीघे आमचेकडील पल्सर मोटार सायकल २२० हिचे वर पाटेगाव स्पीड ब्रेकर जवळ जावुन एका ट्रक चालकास आडवुन त्याचेकडुन मोबाईल व रोख रक्कम बळजबरीने चोरुन नेल्याचे सांगुन गुन्हयातील गेला मुददेमाल एक १५,०००/- रु किमतीचा रेडमी कंपनीचा मोबाईल व गुन्हयात वापरलेली काळे लाल रंगाची ५०,०००/- रु किमतीची पल्सर जागीच जप्त करुन गुन्हयातील इतर आरोपींचा शोध घेता आरोपी नामे गणेश बाळासाहेब महारनोवर, २० रा. दिघी, ता कर्जत, जि. अ.नगर यास ताब्यात घेवुन सदर गुन्हयात वापरलेली पल्सर मोटार सायकल बाबत विचारपुस करता ती मी व माझा साथीदार नामे २) योगेश देवराव गोयेकर, रा. गोयेकरवाडा, ता.कर्जत, जि. अ.नगर, असे आम्ही मिदनकरवाडी, चाकन, ता खेड जि. पुणे येथुन चोरी केली असल्याचे सांगितले.क्र. १ व २ यांना अधिक विचारपुस करता त्यांनी वरील साथीदारांचे सहाय्याने दि. १०/०६/२०२० रोजी पाटेगाव चे शिवारात वळणावर ता कर्जत येथुन सॅनिटायझर घेवुन जाणारा ट्रक अडवुन चालकास मारहाण करुन ट्रक लुटुन नेला परंतु जातेगाव शिवारात पोलीस चेक पोस्ट असल्याने व पोलीस वाहनांची चेकींग करत असल्याने आम्ही सदर ट्रक सोडुन पळुन गेलो असे सांगितल्याने सदर बाबत कर्जत पो.स्टे. येथे खात्री करता सदर बाबत कर्जत पो.स्टे. गु.र.नं. १ ४१६/२०२० भादवी कलम ३९४,३४ प्रमाणे दाखल आहे. गुन्हयातील इतर आरोपींचा शोध घेता मिळुन आले नाही आरोपी क्र. १ व २ यांना मुददेमालासह कर्जत पो.स्टे. चे ताब्यात देण्यात आले असून पुढील तपास कर्जत पो.स्टे.करीत आहे.सदरची कारवाई मा. श्री. अखिलेश कुमार सिंह, पोलीस अधीक्षक, अहमदनगर, मा.

दिनांक 07/07/2020 रोजी सहाय्यक पोलीस निरीक्षक ज्ञानेश्वर थोरात तसेच पोहेकॉ/1596 गावडे,

पोना/2022 माने, पोकॉ/316 थोरात असे सोनई पोलीस ठाणे येथे हजर असतांना सपोनि ज्ञानेश्वर थोरात यांना गुप्त बातमीदारामार्फत गोपनीय माहिती मिळाली की, MIDC परीसर, झापवाडी शिवार, ता. नेवासा येथे एक इसम एका पांढ-या रंगाच्या कारमध्ये सुगंधी लाकडे (चंदन) भरीत आहे. अशी गोपनिय माहिती मिळाली.सदर माहीती ठाणेदार श्री.जनार्दन सोनवणे यांना देवुन मिळालेल्या गोपनिय माहिती प्रमाणे सपोनि ज्ञानेश्वर थोरात यांचे सापळा पथक सकाळी 07.00 वा MIDC परीसरात पोहोचले तेव्हा एक इसम सुगंधी चंदनाचे लाकडे एका पांढ-या रंगाच्या मारुती सुझुकी कंपनीची स्वीफ्ट डीझायर कारमध्ये भरत असतांना मिळुन आला. पोलीस स्टाफच्या मदतीने त्यास ताब्यात घेवुन त्यास त्याचे नाव-गाव विचारले असता त्याने त्याचे नाव आण्णा लक्ष्मण गायकवाड वय 36 वर्षे रा. घोडेगाव ता. नेवासा असे सांगीतले. नमुद इसम हा मारुती सुझुकी कंपनीची स्वीफ्ट डीझायर गाडी क्रमांक MH 16 BH 3789 मधुन सुगंधी चंदनाचे लाकडे भरत होता. आण्णा लक्ष्मण गायकवाड यास ताब्यात घेवुन लाकडी सुगंधी चंदन बाळगणे,वाहतुक करणे,विक्री करणे बाबत, सदर चंदन कोठुन आणले,कोठे घेवुन जाणार आहे या बाबत इसम नामे आण्णा लक्ष्मण गायकवाड यास विचारपुस केली असता त्याने कोणत्याही प्रकारचे समर्पक उत्तर दिले नाही. तसेच कोणत्याही प्रकारचा परवाना असले बाबत उत्तर दिले नाही. तेव्हा पोलीसांची व पंचांची खात्री झाली की, सदरचे सुगंधी लाकडी चंदन इसम नामे आण्णा लक्ष्मण गायकवाड याने बेकायदेशीरपणे बाळगले असुन चोरट्या पध्दतीने त्याची वाहतुक करुन अवैध प्रकारे विक्री करण्याच्या उद्देशाने जवळ बाळगले असुन कोणत्यातरी अज्ञात ठिकाणी सदर सुगंधी चंदनाची विल्हेवाट लावण्याच्या उद्देशाने वरील वर्णनाच्या कारमध्ये भरताना मिळुन आला आहे. आण्णा लक्ष्मण गायकवाड याचेकडे पुढीलप्रमाणे माल मिळुन आला आहे..1) 2,53,000/- रु चे साळलेले सुगंधी लाकडे चंदनचे लहाण - मोठे एकुण 115 कि.ग्रॅ. वजनाचे एकुण सहा प्लॅस्टीकच्या गोणीत भरलेले. किंमत अंदाजे 2) 5,00,000/- रु किंची एक मारुती सुझुकी कंपनीची स्वीफ्ट डीझायर कार क्रमांक MH 16 BH 3789 तीचा चेसीस क्रमांक MA3EJKDIS00747116 इंजीन क्रमांक K12MN1601591 असलेली असा एकुण 7,53,000/- रु किंमतीचा मुद्देमाल सदरची प्रशंसनीय कारवाई मा.पोलीस अधिक्षक सो अहमदनगर श्री.अखिलेशकुमार सिंह,मा.अपर पोलीस अधिक्षक श्रीरामपुर दिपाली काळे मॅडम,मा,अपर पोलीस अधिक्षक अहमदनगर श्री सागर पाटील साहेब,मा.उपविभागीय पोलीस अधिकारी सो शेवगाव श्री मंदार जावळे ,मा.ठाणेदार श्री.जनार्दन सोनवणे यांच्या मार्गदर्शनाखाली सहाय्क पोलीस निरीक्षक ज्ञानेश्वर थोरात,पोहेकॉ दत्तात्रय गावडे,पोहेकॉ संजय चव्हाण पोना किरण गायकवाड,पोना शिवाजी माने,पोकॉ विठ्ठल थोरात,पोकॉ मोरे,पोकॉ वाघमोडे यांनी केली.

बुलडाणा - 4 जुलै

बुलडाणा जिल्ह्यातील नांदुरा शहरात गांधी चौक जवळ गुजरी भागात आशीष नवगजे यांच्या मालकीची 3 मजली इमारत आज 4 जुलै रोजी सायंकाळी 6:30 वाजेच्या दरम्यान अचानक पडली. सुदैवाने यामध्ये कोणतीही जीवीत हाणी झाली नाही. सदर इमारत 34 वर्ष जुन असल्याचे सांगण्यात येत आहे. इमारतीच्या खालच्या बाजूस किराणा दुकान होते. तर वरच्या मजल्यावर नवगजे यांचे आई-वडील, पत्नी, मुलगी असे चार जणांचे कुटूंब याठिकाणी 34 वर्षापासून राहत होते. यासह ही इमारत क्षतीग्रस्त होण्याच्या 1 तास अगोदरच रिकामी करण्यात आली होती. त्यामुळे यामध्ये सुदैवाने जीवीत हाणी झाली नाही. सदर इमारत पडकीस आल्यामुळे उपाय योजना म्हणून पुढील धोका टाळण्यासाठी नांदुरा न.प.प्रशासनाने नवगजे यांना इमारत रिकामी करण्यासाठीची नोटीस दिली असल्याची माहिती समोर आली आहे.

🔹काम पडले लांबणीवर

🔹जिल्हाधिकाऱ्यांकडे तक्रार

🔹शासकीय भूखंडावर कोणाचा डोळा❓

बुलडाणा - 4 जुलै

विकासकामे करण्याच्या अभिवचनावर निवडून येणाऱ्या एका नगरसेविकेनेच जलकुंभाच्या निर्माण कार्यात अडसर निर्माण केल्याचा प्रकार महाराष्ट्र जीवन प्राधिकरणने जिल्हाधिकारी सुमन चंद्रा यांच्या कडे केलेल्या तक्रारीवरुन चव्हाट्यावर आला आहे. जलकुंभाच्या पूर्नभरणासाठी नगरसेविकेच्या शाळा परीसरात टाकलेला शासकीय कामाचा मुरुम उचलण्यास नगरसेविकेने विरोध केल्यामूळे आधीच संथ गतीने होणारे जलकुंभाचे काम लांबणीवर पडले आहे.

        बुलडाणा शहर व 4 गांवे पाणी पुरवठा योजना अंतर्गत शहरातील इकबाल नगर भागात 13 लक्ष लीटर क्षमतेच्या उंच पाण्याच्या टाकीच्या खोदकामास दि. 3 ऑक्टोंबर 2019 पासून सुरुवात करण्यातआली . खोदकामातून मोठ्या प्रमाणात मुरुम काढण्यात आला परंतु इतक्या मोठ्या प्रमाणात निघालेला मुरुम ठेवण्यासाठी कामाच्या ठीकाणी  जागा नसल्याने सदर मुरुम तात्पुरत्या स्वरुपात नगर सेविका आस्मा परवीन शेख याकूब यांच्या मिर्ज़ा नगर येथील शाळेसमोरील शासकीय मोकळ्या जागेत ठेवण्यात आला. जलकुंभाचे काम जमिन लेवल पर्यंत पुर्ण झाले. पुर्नभरती करण्यासाठी परत मुरुम उचलण्यास ठेकेदाराचे कामगार जेसीबी घेऊन गेले असता नगर सेविका आस्मा परविन शेख याकूब यांनी विरोध केल्यामुळे जलकुंभाच्या पुर्नभरणास व पुढील कामास विलंब होत आहे. एके प्रकारे नगरसेवीका या शासकीय कामात अडथळा आणत असल्याचे बोलल्या जात आहे. या बाबत जिल्हाधिकारी यांनी आपल्या स्तरावरुन संबंधीतांना आदेशीत करावे अशी मागणी व विनंती महाराष्ट्र जीवन प्राधिकरण, उपविभाग बुलडाणा यांनी जिल्हाधिकारी यांना दिलेल्या पात्रात केली आहे.

             तर दूसरीकडे ज्या सरकारी जागेवर सदर मुरुम गंजी मारून ठेवण्यात आला होता त्या ठीकाणी आजच्या घडीला मुरुम पांघरुन दिलेला आहे.एके प्रकारे हा शासकीय जागेवर अतिक्रमण करण्याचा प्रकार असल्याचेही बोलल्या जात आहे,सदर शासकीय जागेवर कोणाचा डोळा आहे हे परिसरातील सर्वांना माहित आहे.