bindas news

बुलडाणा - 25 एप्रिल
एकीकडे देश कोरोनाशी लढत आहे तर दूसरी कडे काही विघ्नसंतोषी सोशल मिडियाचा वापर करून समाजात तेड निर्माण करण्याची संधी साधत आहे.असेच बुलडाणा जिल्ह्यातील 3 आरोपींवर स्थानिक गुन्हे शाखा बुलडाणा यांच्या अधिपत्याखालील दहशतवाद विरोधी पथक बुलडाणा च्या सतर्कतेने विविध कलमानवय गुन्हे दाखल करण्यात आले आहे त्यात 2 आरोपी बुलडाणा शहरातील तर एक आरोपी नांदुरा येथील आहे.
       या बाबत अधिक माहिती अशी की, स्थानिक गुन्हे शाखा बुलडाणा पोलीस अधीक्षक बुलडाणा डॉ.दिलीप पाटील भुजबळ यांनी दिलेल्या आदेशान्वये पोलीस निरीक्षक महेंद्र देशमुख, स्थानिक गुन्हे शाखा बुलडाणा यांनी स्वतःच्या अधिपत्याखाली असलेल्या दहशतवाद विरोधी पथक
बुलडाणाचे पोउपनि इम्रान इनामदार, पोहेकॉ साजीद शेख, पोहेकॉ श्रीकृष्ण चांदुरकर, पोकॉ सतीश जाधव व पोकॉ विजय वारुळे यांचे सह एक विशेष पथक तयार करुन कोरोना कोविड-19 या महामारीच्या अनुशंघाने जे लोक सोशल मिडीया साईट जसे फेसबुक, व्हॉट्स अॅप, इन्स्टाग्राम, ट्वीटर, टीकटॉक इत्यादींचा वापर करुन समाजामध्ये या विषाणुबद्दल गैरसमज व भ्रम तथा जातीय द्वेष पसरविणारे पोस्ट प्रसारीत करुन अफवा पसरवितात अशा लोकांवर स्वतः सदर पथकासोबत बारीक लक्ष ठेवुन होते. या दरम्यान शासनाने केलेल्या कोरोना कोविड-19 संदर्भाने केलेल्या उपाययोजना व वेळोवेळी पारीत केलेल्या सुचनांचे उल्लंघन करुन सार्वजनिक उपद्रव करणाऱ्या अशा प्रकारची समाज विघातक पोस्ट प्रसारीत करणारे इसम नामे १) राहुल भगवान बेंडवाल, २) अंकेश मुठठे दोघे रा. बुलडाणा व ३) फिरोजखान अमानुल्ला खान रा.नांदुरा यांची गोपनीय माहिती मिळालेवरुन त्यांचा शोध घेऊन त्यांनी केलेल्या पोस्टची सखोल पडताळणी करुन सदर तिन्ही आरोपी विरुध्द कलम 188 ,295 अ ,190 भादंवि सह कलम 52 , 54 आपत्ती व्यवस्थापन अधिनियम 2005 या कलमांन्वये पो.स्टे. बुलडाणा शहर व पो.स्टे. नांदुरा येथे गुन्हे दाखल करण्यात आले आहेत. तरी जिल्ह्यातील सर्व नागरीकांना विनंती करण्यात येते की, त्यांनी सोशल मिडीयाचा वापर करतांना दक्षता बाळगावी व चुकीची माहिती देणारे पोस्ट प्रसारीत करु नये अन्यथा सूचनांचे भंग करणा-यांवर प्रचलित कायदयान्वये कार्यवाही करण्यात येईल असा इशारा एलसीबी प्रमुख महेंद्र देशमुख यांनी दिला आहे.

शिर्डी (राजेंद्र गडकरी ) अक्षयतृतीयाला लागणाऱ्या मातीच्या करा, केळी ह्या बनवण्याचे काम दरवर्षी  मोठ्या प्रमाणात तालुक्यातील रुई व परिसरात होत असते ,मात्र सध्याच्या लॉकडॉऊन परिस्थितीमुळे करा, केळी बनवण्याचे काम कमी झाले असून यावर्षी करा केळी दिसेनासे झाले आहेत,
सध्या कोरोना मुळे देशभर लॉक डाऊन सुरू आहे, सर्व काही बंद आहे, त्यामुळे करा केळी बनवण्याचे काम ही बंद आहे ,रूईला  दरवर्षी कुंभार गल्लीमध्ये मोठ्या प्रमाणात मातीच्या करा केळी बनवण्यात येत होत्या ,तसेच माठ, रांजण या उन्हाळ्यात येथे मोठ्या प्रमाणात बनवण्यात येतात , मात्र यावर्षी कोरोना मुळे सर्व बंद आहे, कुंभार कारागीर व मजूर लॉकडाऊन चे नियम व सामाजीक दुरीचे भान ठेवत
असल्यामुळे कामावर येत नाहीत, शिवाय करा केळी माठ यांना लागणारे कच्चामाल वाहतूक बंद असल्यामुळे तेही मिळत नाही,घरातील सदस्याकंडून घरातल्याघरात करा केळी काही प्रमाणात येथे बनविण्यात येत असली तरी या करा केळीना विक्रीसाठी मार्केट सध्या उपलब्ध नाही ,सध्या लॉकडाऊन चा काळ सुरू आहे ,अत्यावश्यक  सेवा सोडून  सर्व बंद आहे , रस्ते ओस पडले आहेत,  सर्वजण आपापल्या घरात आहेत , बाहेर फिरणे गुन्हा आहे  ,त्यामुळे  कराकेळी घेण्यास कोण येणार। असा प्रश्न आहे,  याच कालावधीत अक्षय तृतीया हा सण येत आहे ,त्यामुळे करा, केळी विक्री करणे मुश्कील आहे, हा दृष्टिकोन ठेवूनच यावर्षी अगदी कमी प्रमाणात व तेही घरातल्या घरात मातीच्या करा केळी बनवण्याचे काम सुरू आहे, वही  रांजण माठ करा केळी  चुली  बनवण्याची कला  वडिलोपार्जित  करत असून  ही कला जोपासण्यासाठी  हा धंदा  परवडत नसला तरी आम्ही करत असल्याचे रूई येथील पारंपरिक हा व्यवसाय करणारे कुंभार कारागीर छबुराव हरिभाऊ वाकचौरे व सागर कुसाळकर यांनी सांगितले, तसेच शिर्डीला द्वारकामाईत व मंदिर परिसरात श्री साईबाबा हयात असताना दिवे लावण्यास सुरुवात झाली होती सुमारे1 35 वर्षांपासून ही परंपरा आजतागायत सुरु आहे, पूर्वीपासून  आम्ही शिर्डीत पणत्या दुकानदारांना  होलसेल देतो, आता मीही येथे दिवे लावण्यासाठी मातीच्या पणत्या चाकावर बनवून देतो ,सध्या कोरोनामुळे प्रथमच शिर्डीत या पणत्या विक्री बंद आहे त्यामुळे हातावर काम करणारे आम्ही कारागीर मोठ्या आर्थिक संकटात आलो आहे, शासनानेही आमच्यासारख्या कारागीर कडे लक्ष देण्याची गरज असल्याचे ते यावेळी बोलताना म्हणाले,
 करा ,केळी ही अक्षयतृतीयाला पूजनासाठी लागते, त्यामुळे  काहीजण आमच्या कडे  येऊन ही करा केळी खरेदी करत आहेत ,मात्र यावर्षी लॉक डाऊन मुळे सर्व सण-उत्सव हे शांततेच व परंपरेला फाटा देत घराघरात साजरे करण्यात येत आहेत, त्यामुळे अक्षयतृतीया ही साडेतीन मुहूर्तापैकी एक मुहूर्त असला तरीही घरातच हा सण यावर्षी साध्या पद्धतीने साजरा  होणार आहे, सध्या सर्वजण  लॉकडाऊन मुळे घरात आहे, आर्थिक अडचण होत आहे  ,तरीही लॉक डाऊन चे नियम पाळून  सोशल डिस्टंन्स ठेवून  या कोरोणा चा मुकाबला सर्वांनी करू या।।  असेही यावेळी   या कुंभार कारागीर छबुराव हरिभाऊ वाकचौरे यांनी सांगितले.