bindas news

मुंबई : राज्यातील ग्रामीण भागातील रस्त्यांची अवस्था सुधारण्यासाठी राष्ट्रीय आणि राज्य महामार्ग यांना जोडणाऱ्या ग्रामीण रस्त्यांचा विकास आराखडा तयार करावा, हा आराखडा तयार करताना महत्वाच्या रस्त्यांच्या कामांची प्राथमिकता निश्चित करावी अशा सूचना मुख्यमंत्री उद्धव ठाकरे यांनी दिल्या.मुख्यमंत्र्यांच्या अध्यक्षतेखाली मंगळवारी ग्रामविकास विभागाची आढावा बैठक झाली, त्यावेळी ते बोलत होते. यावेळी उद्योग मंत्री सुभाष देसाई, ग्रामविकास मंत्री हसन मुश्रीफ, राज्यमंत्री अब्दुल सत्तार आणि वरिष्ठ अधिकारी उपस्थित होते. ग्रामीण रस्त्यांच्या कंत्राटदाराला उत्तरदायी धरणारी अधिक परिणामकारक पद्धत आणण्याचे निर्देशही मुख्यमंत्र्यांनी या बैठकीत दिले.बचतगटांच्या वस्तूंना व्यापक बाजारपेठ मिळावी यासाठी प्रदर्शनांचे आयोजन आणि कायमस्वरूपी बाजारपेठ मिळेल अशी व्यवस्था विकसित करावी.बचतगटांना ई कॉमर्स प्लॅटफॉर्मवर आणण्याचा प्रयत्न करण्यात यावा व तालुकास्तरावरील सक्षम बचतगटांना शिवभोजन योजना राबविण्यासाठी प्रोत्साहित करण्यात यावे अशा सूचनाही त्यांनी दिल्या.मागास आणि आदिवासी ग्रामपंचायतींना देण्यात येणाऱ्या विशेष सहाय्यात वाढ केली जावी असे ही मुख्यमंत्री म्हणाले. आज राज्यात ४ हजार ग्रामपंचायतींना त्यांचे स्वत:चे कार्यालय नाही. त्यासाठी ७५ कोटी रुपयांचा निधी विभागाने उपलब्ध करून दिला असला तरी तो तोकडा आहे, त्यातून या सर्व ग्रामपंचायतींची कामे करणे शक्य नाही. या व यासारख्या ग्रामीण विकासाच्या योजनांना जिथे अधिक निधीची गरज आहे त्यासाठी विभागाने उपलब्ध वित्तीय तरतूदींचे नव्याने पुनर्वाटप करावे, असे मुख्यमंत्री म्हणाले.घरपोच मालमत्तापत्र देण्याची चाचपणीघरपोच सात बारा उताºयाप्रमाणे ग्रामपंचायतस्तरावर घरपोच मालमत्ता पत्र (प्रॉपर्टी कार्ड) देता येईल का याची विभागाने चाचपणी करावी, शक्य असल्यास तशी व्यवस्था विकसित करावी.ग्रामीण भागातील सत्तेचे व अधिकारांचे विकेंद्रीकरण करण्याची प्रक्रिया काहीशी संथ झाली आहे. त्यास गती देऊन स्थानिक स्वराज्य संस्थांना अधिक सक्षम करण्याची गरज असल्याचे प्रतिपादनही मुख्यमंत्र्यांनी केले.वित्त आयोगाकडून ग्रामपंचायतींना जसा थेट निधी जातो तसाच तो पंचायत समित्यांनाही मिळावा, त्यामुळे ग्रामीण विकासाला गती मिळेल असे ग्रामविकास मंत्री हसन मुश्रीफ यांनी बैठकीत सांगितले.पालकमंत्र्यांना विश्वासात घेत नसल्याची तक्रारमुख्यमंत्री ग्रामसडक योजना राबविताना पालकमंत्र्यांना विश्वासात घेतले जात नाही, अशी तक्रार राज्यमंत्री अब्दुल सत्तार यांनी आजच्या बैठकीत केली. तेव्हा या योजनांच्या प्रत्येक बैठकीस पालकमंत्र्यांना बोलवा, असे आदेश मुख्यमंत्र्यांनी दिले.

बेलापूर  (प्रतिनिधी  )- जुलै आँगस्ट महीन्यात होवु घातलेल्या बेलापूर ग्रामपंचायतीच्या निवडणूकीचे प्रभाग निहाय आरक्षण काढण्यात आले असुन आरक्षणात दोन्ही नवलेचा प्रभागात सर्वसाधारण व्यक्ती करीता आरक्षण निघाले असुन अरुण पा नाईक यांचा प्रभागही शाबुत राहीला आहे माजी सरपंच भरत साळुंके  तसेच उपसरपंच रविंद्र खटोड यांना नेहमीचा प्रभाग सोडुन दुसर्याच प्रभागातुन निवडणूक लढवावी लागणार आहे    बेलापूर  ग्रामपंचायत निवडणूकीचे प्रभाग निहाय आरक्षण या प्रमाणे प्रभाग १ सदस्य संंख्या तीन ओ बी सी स्री  सर्व साधारण स्री सर्व साधारण व्यक्ती प्रभाग क्रमांक २ सदस्य संख्या तीन अनु .जाती स्री  सर्व साधारण स्री ना मा प्र व्यक्ती प्रभाग क्रमांक तीन सदस्य सख्या दोन ना. मा ,प्र ,स्री सर्वसाधारण व्यक्ती प्रभाग क्रमांक चार सदस्य संख्या तीन अनु ,जमाती स्री ना मा प्र स्री  सर्वसाधारण व्यक्ती प्रभाग क्रमांक पाच सदस्य संख्या तीन अनु ,जाती स्री ना मा प्र व्यक्ती सर्व साधारण व्यक्ती प्रभाग क्रमांक सहा सदस्य  संख्या तीन सर्व साधारण स्री अनु जाती व्यक्ती सर्वसाधारण व्यक्ती अशा पध्दतीने  सोडत काढण्यात आली असुन यावर सात फेब्रुवारी पर्यत हरकती घेण्याची मुदत देण्यात आलेली आहे या वेळी मंडलाधीकारी गोसावी कामगार तलाठी कैलास खाडे ग्रामविकास अधीकारी संग्राम चांडे यांच्यासह जि प सदस्य शरद नवले बाजार समितीचे संचालक सुधीर नवले पंचायत समिती सदस्य  आरुण पा नाईक भरत साळुंके  रविंद्र खटोड अशोकचे संचालक अभिषेक खंडागळे जावेद शेख भास्कर बंगाळ अय्याज सय्यद जाकीर शेख अजिज शेख सागर खरात रमेश आमोलीक अरविंद साळवी महेंद्र साळवी रफीक शेख जिना शेख अनिल नाईक प्रकाश जाजु चंद्रकांत नाईक कलेश सातभाई आदिसह ग्रामस्थ उपस्थित  होते.

वडाळा महादेव  [वार्ताहर ]  श्रीरामपूर येथील श्रीकृष्ण मंदिर, महानुभाव आश्रम चे संचालक श्रीदत्तराज बाबाजी शास्त्री  यांनी महानुभाव पंथाच्या विविध मागण्यासाठी माननीय राज्यपाल श्री कोशीयारी यांची नुकतीच भेट घेतली यावेळी श्रीदत्त जन्मस्थान बद्रिकाश्रम (गोपेश्वर चमोली, उत्तराखंड) आणि महानुभाव पंथासाठी  प्रशासनाकडुन वेळोवेळी मदत मिळावी तसेच  धर्माचा प्रचार व प्रसार व्हावा यासाठी शासनाकडून मदत मिळावी यासाठी श्रीरामपूर येथील श्रीदत्त राज बाबाजी यांनी अनेक प्रश्न उपस्थित केले  प्रसंगी माननीय राज्यपाल श्री कोशीयारी यांनी  महानुभाव पंथाचे तत्त्वज्ञान आचार प्रणाली दिनचर्या यांच्याविषयी माहिती घेऊन  आदरभाव व्यक्त केला व  शासनाकडून नक्कीच मदत करण्यात येईल  असे आश्वासन देण्यात आले आपल्यासारख्या थोर संताचे दर्शन होणे तसेच धर्मग्रंथ व तत्वज्ञान श्रवण करण्याचे भाग्य लाभल्याचे मत माननीय राज्यपाल श्री  कोशीयारी यांनी व्यक्त  प्रसंगी श्री दत्तराज बाबाजी यांच्या शुभहस्ते माननीय राज्यपाल श्री कोशीयारी यांचा  सन्मान करण्यात आला प्रसंगी श्री दिपकराज बाबाजी श्री निलेशदादा  उपस्थित होते.

बेलापूर (प्रतिनिधी) श्रीरामपूर तालूक्यातील गळनिंब येथील तीन वर्षाची बालिका कु.ज्ञानेश्वरी नामदेव मारकड हिच्यावर तीन दिवसापूर्वी झालेल्या बिबट्याच्या हल्याने परीसरात बिबट्याची दहशत पसरल्याने अहमदनगर वनविभागाचे रेड्डी  यांच्या मार्गदर्शनाखाली वनरक्षक देवखिळे यांच्या सुचनेनुसार गळनिंब,कुरणपूर,फत्याबाद,मांडवे,कडित येथे तातडीने अतिरीक्त कर्मचार्‍यांसह दक्षता पथक,ट्रॅप कॅमेरा ठिकठिकाणी पिंजरे लावून यंत्रणा सज्ज करण्यात आली आहे. असे असले तरी परिसरातील ग्रामस्थ अद्यापही भेदरलेल्या परिस्थितीत आहेत त्या बिबट्याच्या तोंडाला मानवाचे रक्त लागल्यामुळे पुन्हा आणखी एखाद्यावर हल्ला होण्याच्या धा स्तीने शेतकरी शेतात जाण्यास घाबरता आहे तर शेतमजुर देखील  धास्तावले आहे कोपरगाव वनपरीक्षेत्र अधिकारी एस एम जाधव वनपाल बी एस गाढे पी एस निकम आर एस धनवडे एस एम लांडे थोरात व्ही के पवार सुरासे  .हे स्वत: सर्व घडामोडींवर लक्ष ठेवून ठाण मांडून आहे.

    यावेळी गावातील तरूणांच्या मदतीने वन अधीकारी परिस्थीतीवर लक्ष ठेवुन आहेत विज वितरण कंपनीचे पथक देखील  परीसरात सतर्क असुन त्यामुळे विज चोरी करणारांचे धाबे दणाणले आहे.