bindas news

कोपरगाव (तालुका प्रतिनिधी)  कोपरगाव शहरात जब्रेश्वराचे मंदिरालगत स्वामी समर्थ मंदिराच्या समोर दोन गटात (मावसभावासोबत) झालेल्या भांडणाचा जाब विचारल्याच्या कारणावरून दोन गटात झालेल्या हाणामारीत तिघे गंभीररित्या जखमी झाले आहेत. याबाबत राहुल संजय माळी (वय-18) रा. मोहिनीराजनगर याने आरोपी योगेश गायकवाड, पाप्या पूर्ण नाव माहित नाही. महेश गायकवाड, सचिन गायकवाड, विशाल गायकवाड, शंकर मोरे, निलेश पवार सर्व रा.गांधीनगर, कोपरगाव यांच्या विरुद्ध गुन्हा दाखल केला आहे.दरम्यान, ही घटना भररस्त्यात तलवारी सारख्या हत्यारांचा वापर घडल्याने दोन्ही बाजूनी रस्ता बंद होऊन जाणार्‍या येणार्‍या प्रवाशांमध्ये काही काळ भीतीचे वातावरण पसरले होते.पोलिसांनी अशा आरोपींचा कडक कारवाई करून बंदोबस्त करावा अशी मागणी शहरवासीयांनी केली आहे.सप्टेंबर रोजी दुपारी तीनच्या सुमारास फिर्यादी राहुल माळी याचा मावस भावासोबत झालेल्या भांडणाचा जाब विचारलेच्या कारणावरून यातील आरोपींनी गैरकायद्याची मंडळी जमवून पूर्व नियोजित कट करून फिर्यादीस फोन करून बोलावून घेऊन तू आम्हाला शिवीगाळ का केली असे म्हणून आरोपी योगेश गायकवाड याने राहुल माळी याच्या डोक्यात रॉड मारून आरोपी पाप्या याने फिर्यादीच्या पोटात दगड मारून फिर्यादीला खाली पाडले त्यास सुरज कैलास आव्हाड हा सोडविण्यास गेला असता आरोपी महेश गायकवाड याने सुरज याच्या डोक्यात तलवारी सारख्या हत्याराने वार केला.त्यामुळे तो जखमी झाला. ते पाहून विठ्ठल रोहकले हा मदतीसाठी आला असता आरोपी सचिन गायकवाड याने शॉकपच्या रॉडने पायावर मारून दुखापत केली.व बाकीच्या इतरांनी लाथाबुक्यांनी मारहाण करून आरोपीनी फिर्यादी व त्याच्या साथीदारांना जीवे मारण्याची धमकी दिली आहे.याघटनेवरून कोपरगाव शहर पोलिसांनी गु.र.नं.326/2019 भादंवि.कलम.326,324,323,143,147,149,120,(ब)504,506,तसेच भारतीय हत्यार कायदा 4/25 प्रमाणे आरोपी विरुद्ध गुन्हा दाखल केला आहे.या घटनेत फिर्यादी राहुल माळी, सुरज आव्हाड,विठ्ठल लोहकरे रा.मोहिनीराजनगर हे गंभीररीत्या जखमी झाले आहेत.पुढील तपास पोलीस निरीक्षक राकेश मानगावकर यांच्या मार्गदर्शनाखाली सहाय्यक पोलीस निरीक्षक दिलीप बोरसे करीत आहेत.

बुलढाणा - 22 सप्टेंबर

 बुलढाणा जिल्ह्यातील मलकापूर तालुक्यात असलेल्या दसरखेड एमआयडीसी मधील बैंजो केमिकल कंपनी ने रासायनिक युक्त पाणी नाल्यात सोडल्याने ते पाणी रणथम येथील तलावात पोहोचल्याने तलावातील पाणी दुषित झाले असून ग्रामस्थांचे आरोग्य या पाण्यामुळे धोक्यात आले आहे ग्रामस्थांना ईजा पोहचल्या असून अनेक  जनावरे दगावली असुन या केमिकल चा परिणाम शेतीवर ही दिसत असल्याने ग्रामस्थ संतप्त झाले आहे.

        गेल्या चार दिवसापासून या परिसरात संततधार पाऊस सुरू असल्याने बैंजो केमिकलने सोडलेले रासायनिक युक्त पाणी येथील तलावात पोहोचले या केमीकलने पाण्यात दुर्गंधी आली असून या पाण्यामुळे ग्रामस्थांना अँलर्जी,खाजेचे प्रकार, उलट्या,सुरू झाल्या असुन  याच परिसरातील तीन म्हशी, एक गाय,अठरा बकऱ्या, एक बैलजोडी दगावल्याने शेतकरी तथा ग्रामस्थ संतप्त झाले आहे या तलावातील पाणी पुढे पूर्णा नदी पात्रात जात असल्याने त्या ठिकाणी 22 गाव पाणीपुरवठा प्रादेशिक योजना असून दुर्गंधीयुक्त पाणी या योजनेच्या जँकवेल मध्ये गेल्यास दसरखेड, विवरा, तांदुळवाडी, तालसवाडा, धरणगाव, कुंड बु!!, कुंड खुर्द,रणथम, शिवनी, निंबोळी, तिघ्रा,भानगुरा, दुधलगाव, रणगांव, वाघोळा, नवीन दुधलगाव,चिंचोल, देवधाबा,गोराड, हिंगणा काजी, भालेगाव ,खडकी, चिखली आधी गावातील ग्रामस्थांचे आरोग्य सुद्धा धोक्यात येणार असल्याची शंका उपस्थित झाल्याने रणथम येथील सरपंच जयदीप पाटील,उपसरपंच उल्हास डमाळे,सुभाष राव पाटील, निना मेंहेंगे,चिखलीचे सरपंच राजेश कांडेलकर,आदींसमवेत ग्रामस्थांनी बैंजो कंपनीला जाब विचारण्यासाठी धडक दिली.यावेळी भाजपा नेते शिवचंद्र तायडे,हेमंतसिंह राजपूत, सुनिल रायपुरे शेतकऱ्यांची बाजू मांडली.या रसायनिक युक्त पाण्याची तात्काळ विल्हेवाट न लावल्यास ग्रामस्थांनी कंपनी पेटवून देण्याचा ईशारा दिल्याने एकच खळबळ उडाली आहे.

प्रतिनिधी, सिल्लोड-उपविभागीय पोलीस अधिकारी सुदर्शन मुंढे यांच्या पथकाला गुप्त खबऱ्या मार्फत मिळालेल्या माहितीनुसार डोंगरगाव(ता. सिल्लोड)येथे एका पत्र्याच्या शेडमध्ये गोवंशाची कत्तल होत असल्याची माहिती मिळाली या माहिती आधारे उपवभिगागीय अधिकारी व त्यांच्या पथकाने रविवारी(दि.22)रोजी सकाळी साडे सहावाजेच्या सुमारास छापा मारून एका पत्र्याच्या शेडमध्ये गोवंशाची कत्तल करतांना तीन जणांना रंगेहात पकडले त्यांच्या ताब्यातून 1 लाख 20 हजार रुपयांचे सहा क्विंटल गोमांस 45 हजार रुपये किंमतीचे 5 जीवंत गोवंश असा एकूण 1 लाख 66 हजार रुपये किंमतीचा मुद्दे माल जप्त करून तीन आरोपीना अटक करण्यात आली आहे. या आरोपींच्या विरोधात सिल्लोड ग्रामीण पोलीस ठाण्यात गोवंश कत्तल कायदा अधिनियमन कायद्याद्वारे गुन्हा दाखल करण्यात आला आहे. या धडाकेबाज  कारवाईने अवैध गोमांसाची तस्करी करणाऱ्याचे धाबे दणाणले आहे.

         या प्रकरणी पोलिसांनी दिलेली माहिती अशी की, उपविभागीय अधिकारी सुर्दशन मुंढे आपल्या पथकासह गस्तीवर असतांना त्यांना एका गुप्त खबऱ्याने माहिती दिली की, डोंगरगाव(सिल्लोड)येथे एका पत्र्याच्या शेडमध्ये गोवंशाची कत्तल चालू आहे.त्या माहितीच्या आधारे ते त्यांचे पथक व सिल्लोड शहर पोलीस ठाण्याचे फौजदार रविवारी सकाळी साडेसहा वाजेच्या सुमारास डोंगरागात गेले असता त्यांनी पत्र्याच्या शेडमध्ये सुरु असलेल्या कत्तलखान्यावर छापा मारला असता तेथे गोवंशाची कत्तल चालु असल्याचे आढळून आले.आरोपी अन्सार सलीम कुरेशी(वय53),शेख युनुस शेख बुडन(38)शेख अख्तर शेख हबीब(25)यांना रंगेहात ताब्यात घेऊन त्यांनी विक्रीच्या उद्देशाने कत्तल केलेले सहा क्विंटल गोमांस व कतलीच्या इराद्याने आणलेली पाच जीवंत गोवंश ताब्यात घेतली. त्यांनंतर  पशुवैद्यकीय अधिकारी यांनी गोवंश मांसाचा पंचनामा करून या मांसाचे नमुने तपासणीसाठी पाठविले.त्यांनतर पंचाच्या समक्ष डम्पिंग ग्राऊंडवर खड्डा खोदुन हे मांस नष्ट करण्यात आले. जीवंत जनावरांना पळशी येथील गोशाळेत रवाना करण्यात आले आहे.ही कारवाई  उपविभागीय पोलीस अधिकारी सुदर्शन मुंढे, शहर पोलीस ठाण्याचे