bindas news

 बुलडाणा - 15 सप्टेंबर
रात्रीच्या दरम्यान शेतातील विहिरीत पडलेल्या बिबट्यास गावकऱ्यांच्या मदतीने वन विभागाच्या अधिकारी व कर्मचाऱ्यांनी सुखरूप बाहेर काढून जीवदान दिले आहे.
       विहिरित बिबट पडल्याची घटना आज रविवार दि.15 सप्टेंबर रोजी सकाळी 10 वाजेदरम्यान मोहना खुर्द ता. मेहकर येथे समोर आली.शंकरराव लाटे यांची मोहना खुर्द शिवारात शेती असून या शेतातील विहिरीत काल शनिवार रात्रीच्या दरम्यान एक ते दोन वर्षाचा बिबट्या पडला होता. आज सकाळी या विहिरीवर पाणी आणण्यासाठी तुषार ताकतोडे हा युवक गेला असता त्याला विहिरीत लोखंडी कडीला दोन पाय अडकून बिबट्या लटकलेला दिसून आला त्यामुळे त्याने घाबरून जात शेजारील शेतातील लोकांना याची माहिती सांगितली. त्यानंतर शेतमालक शंकरराव लाटे तसेच वनपाल एस. वाय.बोबडे यांना माहिती देण्यात आल्यानंतर उपवन संरक्षक बुलडाणा  संजय माळी, सहाय्यक वनसंरक्षक मेहकर संदीप गवारे यांच्या मार्गदर्शनाखाली वन परिक्षेत्र अधिकारी पी.आर.तोंडीलायता,वनपाल एस. वाय. बोबडे, वनरक्षक के.बी. धनगर यांनी घटनास्थळी पोहोचत गावकऱ्यांच्या मदतीने बिबट्यास विहिरीतून सुखरूप बाहेर काढले. सदर बिबट्यास विहिरीतुन बाहेर काढताच त्याने जंगलाच्या दिशेने धुम ठोकली.बिबट्या विहिरीत पडलेला असल्याची माहिती पसरताच बघ्यांची मोठी गर्दी जमली होती.

सिल्लोड ( प्रतिनिधी ) दि.14, दीनदयाळ अंत्योदय योजना , राष्ट्रीय नागरी उपजीविका अभियान अंतर्गत सिल्लोड नगर परिषद अंतर्गत शहरातील महिला बचत गटांना प्रति गट 10 हजार या प्रमाणे फिरता निधी चे वाटप माजी मंत्री अब्दुल सत्तार यांच्या हस्ते  करण्यात आले.
   
      यावेळी जिल्हा परिषदेचे उपाध्यक्ष केशवराव तायडे, नगराध्यक्षा राजश्री निकम, उपनगराध्यक्ष अब्दुल समीर,कृषी उत्पन्न बाजार समितीचे सभापती अर्जुन गाढे, उपसभापती तथा नगरपरिषदेचे गटनेता नंदकिशोर सहारे, संचालक दामुअण्णा गव्हाणे, शिवसेना तालूका प्रमुख किशोर अग्रवाल, जिल्हा परिषद सदस्या सीमा गव्हाणे , मुख्याधिकारी सय्यद रफिक, आदींची प्रमुख उपस्थिती होती.

      सिल्लोड नगर परिषदेच्या वतीने महिला बचत गटाच्या माध्यमातून सबलीकरण व सक्षमीकरणा चे काम अविरतपणे सुरू आहे. बचत गटांच्या माध्यमातून आर्थिक बचत आणि त्यातून होणारे फायदे तसेच यासाठी सरकार कडून मिळत असलेल्या सुविधांसाठी नगर परिषदेच्या वतीने महिलांमध्ये जनजागृती करण्यात येते.

दीनदयाळ अंत्योदय योजना , राष्ट्रीय नागरी उपजीविका अभियान अंतर्गत शहरातील  महिला बचत गटांना यापूर्वी 19 आणि शुक्रवार ( दि.13 ) रोजी 13 अशा एकूण 32 महिला बचत गटांना प्रति गट 10 हजार रुपये या प्रमाणे 3 लाख 20 हजार रुपयांचा फिरता निधी माजी मंत्री अब्दुल सत्तार यांच्या हस्ते वाटप करण्यात आला आहे.

    कार्यक्रमास नगरसेवक शकुंताबाई बन्सोड, शंकरराव खांडवे, आसिफ बागवान, विठ्ठल सपकाळ, शेख बाबर, सुनील दुधे,मतीन देशमुख, रातनकुमार डोभाळ, जुम्मा खा पठाण, सुधाकर पाटील, अनिस कुरेशी, प्रशांत क्षीरसागर, सत्तार हुसेन, राजू गौर, आरेफ पठाण, जितू आरके, मोईन पठाण,  मनोज झंवर, अकील वसईकर ,सांडू मिर्झा, रईस मुजावर, शेख मोहसीन, शेख सलीम , उपमुख्याधिकारी अजहर पठाण, प्रकल्प समनव्यक देवेंद्र सूर्यवंशी, समुदाय संघटक हरीश पैठणे, सुनीता श्रीखंडे ( आरके ) यांच्यासह महिला बचत गटांचे पदाधिकारी , सदस्य व महिला पुरुषांची मोठ्या संख्येने उपस्थिती होती.

सिल्लोड (  प्रतिनिधी ) दि.13, गरिबांना आरोग्याच्या मोफत सुविधा मिळाव्यात यासाठी सरकारने आयुष्यमान भारत ही योजना आणली आहे. मोठ्या लोकांना आजार झाल्यास त्यांना सर्वकाही शक्य होते. मात्र गरिबांना जर मोठा आजार झाला तर त्यांच्याकडे उपचारासाठी पैसा नसतो. 2011 च्या आर्थिक निकषावर हा लाभ देण्यात येणार असून आयुष्यमान भारत चे कार्ड दाखविल्यास मोठ्या दवाखान्यात त्यांच्यावर उपचार होणार असल्याने आयुष्यमान भारत ही गरिबांसाठी खऱ्या अर्थाने जीवनदायी योजना ठरत असल्याचे प्रतिपादन माजी मंत्री अब्दुल सत्तार यांनी केले.
  सिल्लोड नगर परिषदेच्या वतीने शहरातील लाभार्थ्यांना आयुष्यामान भारत योजनेच्या ई - कार्ड चे माजी मंत्री अब्दुल सत्तार यांच्याहस्ते वाटप करण्यात आले. याप्रसंगी अब्दुल सत्तार बोलत होते.

यावेळी जिल्हा परिषदेचे उपाध्यक्ष केशवराव तायडे,नगराध्यक्षा राजश्री निकम , उपनगराध्यक्ष अब्दुल समीर, शिवसेना उपजिल्हा प्रमुख रघुनाथ चव्हाण, तालूका प्रमुख किशोर अग्रवाल, कृषी उत्पन्न बाजार समितीचे सभापती अर्जुन गाढे, उपसभापती तथा न.प. चे गतनेते नंदकिशोर सहारे, माजी जि. प. सदस्य देविदास लोखंडे, जिल्हा नियोजन समिती सदस्य सुदर्शन अग्रवाल आदींची प्रमुख उपस्थिती होती.


पूढे बोलताना अब्दुल सत्तार म्हणाले की, या योजनेच्या फॉर्म साठी सरकारने 50 रुपये नाममात्र शुल्क आकारले होते. यामध्ये सिल्लोड नगर परिषदेने 20 रुपये शुल्क भरणार असून लाभार्त्यांना केवळ 30 रुपये शुल्क भरायचे आहे.
  या योजनेसाठी सरकारने आपला विमा भरला असल्याने लाभार्त्यांना मोफत उपचार मिळणार आहे. एकूण 1250 उपचारांचा या योजनेत समावेश करण्यात आला आहे. तसेच लहान मुलांना जर कर्करोग झाला असेल तर त्याचा ही उपचार या योजनेत होईल आणि जर ज्येष्ठ नागरिकांचे गुढगे - पाय दुखत असेल तर गरज भासल्यास सांधे प्रत्यारोपण शस्त्रक्रिया या योजनेत होणार असल्याचे अब्दुल सत्तार यांनी स्पष्ठ केले.

   नगर परिषदेच्या बाबतीत बोलत आतांना अब्दुल सत्तार म्हणाले की , शहरात विविध ठिकाणी गरिबांना घेरे बांधून देण्यासाठी नगर परिषदेने जागा आरक्षित केली आहे . प्रधान मंत्री आवास योजनेच्या माध्यमातून प्रत्येक बे घरांना आम्ही घरे देणार असल्याचे सांगितले. खडकपूर्णा  पाणी पुरवठा योजनेचे काम प्रगती पथावर असून लवकरच ही योजना कार्यान्वित होईल. ही योजना कार्यान्वित होताच शहरात भूमिगत गटारी आणि शहराच्या परिसरात औद्योगिक क्षेत्र निर्मितीला चालना मिळणार असल्याचे अब्दुल सत्तार यांनी स्पष्ठ केले.

कार्यक्रमाचे प्रास्ताविक बाजार समितीचे उपसभापती तथा नगर परिषदेतील गटनेते नंदकिशोर सहारे यांनी केले. प्रकल्प समनव्यक देवेंद्र सूर्यवंशी यांनी सूत्र संचालन केले तर मुख्याधिकारी सय्यद रफिक यांनी उपस्थितांचे आभार मानले.

कार्यक्रमास बाजार समितीचे संचालक नरसिंग चव्हाण , सतिष ताठे, दामुअन्न गव्हाणे, सुरेश आहेर, युवा सेना शहर प्रमुख शिवा टोम्पे, रवी रासने, दशरथ बर्डे, श्रवण गिरी, जिल्हा परिषद सदस्या सीमा गव्हाणे, अजंठा सरपंच दुर्गाबाई पवार, पंचायत समितीच्या माजी सभापती रेखा जगताप ,  स्वाती जवखेडे, पंचायत समिती सदस्य शेख सलीम, आसिफ देशमुख, धर्यशील तायडे, शांतीलाल बसय्ये, सरपंच रवि काळे, राम कटारिया, नगरसेवक शंकरराव खांडवे, आसिफ बागवान, विठ्ठल सपकाळ, शेख बाबर, सुनील दुधे,मतीन देशमुख, रातनकुमार डोभाळ, जुम्मा खा पठाण, सुधाकर पाटील, अनिस कुरेशी, प्रशांत क्षीरसागर, सत्तार हुसेन, राजू गौर, आरेफ पठाण, जितू आरके, मोईन पठाण,  मनोज झंवर, अकील वसईकर , शिवा गौर, सुभाष करवंदे, भास्कर आहेर,आदींसह महिला बचत गटाच्या पदाधिकारी, योजनेचे लाभार्थी व महिला पुरुषांची मोठ्या संख्येने उपस्थिती होती.