bindas news

नेवासा (गौरव डेंगळे): जिल्हा क्रीडा अधिकारी कार्यालय, वर्धा येथे दिनांक ६ नोव्हेंबर ते ९ नोव्हेंबर २०२३ दरम्यान शालेय राज्यस्तरीय १४ वर्षाखालील मुला-मुलींची स्पर्धा आयोजित करण्यात आली होती. या राज्यस्तरीय स्पर्धेच्या निवड चाचणी मध्ये उत्कृष्ट प्रदर्शन करणारा नेवासा येथील सेंट मेरीज् स्कूलचा खेळाडू शौर्य प्रशांत माकोणेची महाराष्ट्र राज्य व्हॉलिबॉल संघात निवड झाली आहे. दिनांक २२ ते २६ डिसेंबर रोजी भुवनेश्वर, ओडीसा येथे होणाऱ्या राष्ट्रीय स्पर्धेत तो महाराष्ट्राचा प्रतिनिधित्व करेल. महाराष्ट्र राज्य संघात निवड झाल्याबद्दल शौर्यचे सेंट मेरीज् स्कूलचा मुख्याध्यापिका सिस्टर ज्योसी जोस, व्यवस्थापिका सिस्टर मोली,सिस्टर लीसा, सिस्टर मुक्ता, शिक्षक व शिक्षकेतर कर्मचारी यांनी अभिनंदन केले व शुभेच्छा दिल्या. शौर्यला

क्रीडा शिक्षक विष्णू खांदोडे, व्हॉलीबॉल प्रशिक्षक पापा शेख यांचे मार्गदर्शन लाभले.

सुप्रीम कोर्टाने आदेश करून सांगितले आहे की एक महिन्याच्या आत सर्व दुकानदाराने मराठी भाषा मध्ये पाट्या लावावेत अन्यथा दंडात्मक कारवाई करण्यात येईल या देशाचे श्रीरामपूर मध्ये त्वरित पालन व्हावे यासाठी श्रीरामपूर येथील प्रांताधिकारी नगरपालिका शहर पोलीस स्टेशन यांना महाराष्ट्र नवनिर्माण सेना श्रीरामपूरच्या वतीने निवेदन देण्यात आले याप्रसंगी मनसे जिल्हाध्यक्ष बाबासाहेब शिंदे मनाली की मा. राजसाहेब ठाकरे यांच्या आदेशाने संपूर्ण महाराष्ट्रामध्ये मराठी भाषा, मराठी संस्कृती टिकून राहण्यासाठी महाराष्ट्र नवनिर्माण सेनेच्या वतीने विविध स्वरुपाचे  उग्र आंदोलन करुन संपूर्ण देशाचे लक्ष वेधले होते. तर काही पदाधिकार्‍यांनी कोर्टात याचिका दाखल केली होती याची दखल घेऊन सुप्रिम कोर्टाने केंद्र व राज्य सरकारला आदेश दिले आहे की, महाराष्ट्रामध्ये प्रत्येक दुकानावर मोठ्या अक्षरात ठळकपणाने दिसेल असे मराठी भाषेत बोर्ड लावण्यात यावे या आदेशाचे संपूर्ण राज्याने तसेच प्रशासकीय अधिकार्‍यांने, सर्व दुकानदाराने पालन करावे असे आदेश असतांना आपल्या नगरपालिका हद्दीतील सर्व दुकानदारांना आपण नोटीस देवून त्यांना सुप्रिम कोर्टाच्या आदेशाचे पालन करुन दुकानावर मराठी भाषेत मराठी पाट्या लावण्याचे आदेश करावे व जे दुकानदार सुप्रिम कोर्टाचे व आपल्या आदेशाचे पालन करणार नाही अशा दुकानदारावर कडक कायदेशीर कारवाई तात्काळ करण्यात यावी. व 

आमच्या निवेदनाची दखल घेऊन येत्या ४ ते ५ दिवसांमध्ये श्रीरामपूर शहरातील सर्व दुकांनावर मराठी पाट्या न लावणार्‍या दुकानदारावर कायदेशीर कारवाई न झाल्यास आपण दुकानदारांना पाठीशी घालून आपण सुद्धा सुप्रिम कोर्टाचे आदेशाचे पालन करत नाही असे समजून आपल्यासह दुकानदारांवर कारवाई व्हावी यासाठी आपल्या कार्यालयासमोर मनसे स्टाईलने तिव्र आंदोलन करण्यात येईल. मग होणार्‍या परिणामास आपण स्वत: जबाबदार राहाल याची नोंद घेण्यात यावी. असे मनसे जिल्हाध्यक्ष बाबासाहेब शिंदे म्हणाले

याप्रसंगी मनसे जिल्हाध्यक्ष बाबासाहेब शिंदे, डॉक्टर संजय नवथर जिल्हा सचिव,

उपजिल्हाध्यक्ष विलास पाटणी, तालुकाध्यक्ष गणेश दिवसे,शहराध्यक्ष सतिश कुदळे,बबन वाकडे तालुका संघटक,भास्कर सरोदे तालुका सचिव,अमोल साबणे तालुका सरचिटणीस, कुणाल सूर्यवंशी विद्यार्थी सेना तालुकाध्यक्ष, यश जराड विद्यार्थी सेना शहर अध्यक्ष,निलेश सोनवणे शहर संघटक, नितीन जाधव शहर सरचिटणीस, अभिजीत खैरे तालुका उपाध्यक्ष, शहर उपाध्यक्ष अंकुश कुमावत,सचिन कदम,

लखन खुरे,  संतोष धुमाळ, बाळासाहेब ढाकणे, संदीप विशंभर, मारुती शिंदे, सुनील करपे, चेतन दिवटे, सुमित गोसावी, ज्ञानेश्वर काळे, महेश पवार, विकी परदेशी, मच्छिंद्र हिंगमिरे,आधी पदाधिकारी कार्यकर्ते मोठ्या संख्येने उपस्थित होते

बेलापुर (प्रतिनिधी  )-श्रीरामपुर कृषी उत्पन्न बाजार समीतीचे सचिव म्हणून किशोर काळे यांना हजर करुन घेण्याच्या पणन मंत्रालयाच्या आदेशास मा .उच्च न्यायालय औरंगाबाद खंडपिठाने स्थगीती दिली असुन उच्चन्यायालयाच्या निकालामुळे बाजार समीतीच्या सचिव पदी साहेबराव वाबळे हेच राहणार असल्यावर शिक्का मोर्तब झाला आहे .            श्रीरामपुर कृषी उत्पन्न बाजार समीतीच्या पेट्रोल पंपावरुन पेट्रोल व डिझेल उधारीवर देण्यात आले होते तसेच काही पैसे उधारीवर देण्यात आलेले होते या बाबत सचिव किशोर काळे यांची चौकशी झाली होती .त्या चौकशी अहवालात अनेक आरोप काळे यांच्यावर ठेवण्यात आले होते तसेच  लेखा परिक्षणातही २९ लाख रुपयांचे पेट्रोल व डिझेल उधारीवर दिल्याचे ताशेरे ओढण्यात आले होते या कामी सचीव काळे यांना जबाबदार धारण्यात आले होते चौकशी अहवालात सचिव काळे यांच्या सांगण्यावरुनच उधारीवर पेट्रोल व डिझेल दिल्याचे कर्मचाऱ्यांनी सांगितले होते त्यामुळे किळे यांना पदनवत करुन सचिव पदाचा पदभार साहेबराव वाबळे यांच्याकडे देण्यात आला होता .त्या विरोधात काळे यांनी उपविभागीय सह निबंधक नाशीक यांच्याकडे अपील केले होते त्याचा निकाल काळे यांच्या बाजुने लागला त्या बाबत बावळे यांनी पणन मंत्रालयात अपील दाखल केले .पणन मंत्रालयानेही  काळे यांच्या बाजुने निकाल दिला .त्यानंतर काळे हे सचिव पदाचा पदभार घेण्यासाठी श्रीरामपुर कृषी  बाजार समीतीच्या कार्यालयात आले त्या वेळी त्यांचा अर्ज दाखल करुन घेतला कारण त्यांना दाखल करुन घेण्याचे अधीकार सभापतींना होते .त्या वेळी राजकीय दबावाचा वापर करण्यात आला .सचिव पदाचा चार्ज घेण्यासाठी डी डी आर व ऐ आर यांना पाठवीण्यात आले ,त्या वेळी आपल्या अर्जावर बैठकीत निर्णय घेवु असे सांगण्यात आले .त्यामुळे काळे व त्याचा जोडीदार निघुन गेले .मात्र राजकीय दबावाचा वापर करुन साहेबराव वाबळे व ईतरावर खोटा गुन्हा दाखल करण्यात आला .साहेबराव वाबळे यांनी पणन मंत्रालयाच्या निर्णयाविरोधात मा. उच्च न्यायालय औरंगाबाद खंडपीठात धाव घेतली .या बाबतची सुनावणी न्यायमूर्ती शैलेश ब्रम्हे यांच्यासमोर झाली .त्या वेळी पणन मंत्रालयाने दिलेल्या आदेशास न्यायमूर्ती शैलैश ब्रम्हे यांनी स्थगीती दिली असुन काळे यांच्यावरील चौकशी अहवालातील गंभीर दोष कायम ठेवण्यात आले आहे ,त्यामुळे साहेबराव वाबळे हेच बाजार समीतीच्या सचिव पदी कायम राहाणार आहे यावर शिक्का मोर्तब झाला साहेबराव वाबळे यांच्या वतीने अँड राहुल कर्पे यांनी काम पाहीले त्यांना अँड योगेश शिंदे यांनी सहकार्य केले ,सरकारी वकील म्हणून अँड .एस डी घायळ यांनी काम पाहीले .तर काळे यांच्या वतीने अँड ए डी शिंदे अँड अश्विन होन यांनी काम पाहीले

बेलापूर :(प्रतिनिधी  )-श्रीरामपुर तालुक्यातील उक्कलगाव ग्रामपंचायतीच्या उपसरपंच पदी नितीन आबासाहेब थोरात यांची निवड झाली असुन श्रीरामपुर तालुक्यात प्रथमच समसमान मते मिळाल्यास सरपंचाना आणखी एक मत देण्याच्या निर्णयाची उक्कलगावात अंमलबजावणी झाली असुन सरपंचाच्या मतामुळे नितीन थोरात यांच्या गळ्यात उपसरपंच पदाची माळ पडली आहे .जिल्हाधिकाऱ्यांच्या २३ नोव्हेंबर रोजी प्राप्त आदेशानुसार  तालुक्यातील उक्कलगाव  ग्रामपंचायत उपसरपंचपदीची मतदान प्रक्रिया पार पडली असून उक्कलगाव ग्रामपंचायत कार्यालयात गुरूवारी सकाळी अकरा वाजेपासूनच कोण होणार उपसरपंच ? याची उत्कंठा शिगेला पोहोचली होती  दोन्ही गटाकडे समसमान सदस्य असल्यामुळे दोघांनीही अतिशय खबरदारी घेतली मत बाद होवु नये मत फुटु नये या करीता सर्व नेते मंडळी सावध होती मात्र असे काहीच झाले नाही सर्व सदस्यांनी आपापल्या गटालाच मतदान केले  दुपारी अडीच वाजेपर्यंत  

मतदान प्रक्रिया  सुरू झाली.यामध्ये मतदान प्रक्रियेमध्ये चार उमेदवारी अर्ज दाखल करण्यात आले.यामध्ये सत्ताधारी गटामधून नितीन आबासाहेब थोरात व शरद नानासाहेब थोरात या दोघांनी अर्ज दाखल केले.विरोधी गटामधून अँड. पुरूषोत्तम पंढरीनाथ थोरात यांनी दोन अर्ज दाखल केले.दुपारी एक वाजेच्या दरम्यान दोन्ही गटाकडून एक - एक अर्ज माघारी घेतले गेले. त्या नंतर उपसरपंच पदासाठी दोनच अर्ज शिल्लक राहिल्याने मतदान घेण्यात आले.दोन्ही गटाला ८-८ समसमान मते पडली.त्यामुळे सरपंचाने मिळालेल्या अधीकाराचा वापर करुन निर्णायक एक मत सत्ताधारी गटाला दिल्याने नुतन उपसरपंचपदी नितीन आबासाहेब थोरात यांचा निवडीचा मार्ग मोकळा झाला.निवडणूक प्रक्रिया सरपंच रविना शिंदे यांच्या अध्यक्षतेखाली पार पडली.निवडणूक अधिकारी म्हणून गटविकास अधिकारी उस्मान शेख यांनी काम पाहिले तर ग्रामविकास अधिकारी रमेश निबे व समीर मणियार यांनी त्यांना सहाय्य  केली.बेलापूरचे पोलीस हेड कॉन्स्टेबल संपत बडे पोलीस हरीश पानसंबळ यांनी बंदोबस्त ठेवला.उपसरपंचपदासाठी नितिन थोरात यांची निवड झाल्याने गुलाल उधळून फाटक्याची आतिषबाजी करण्यात आली .सध्या उपसरपंच म्हणून निवडून आलेले नितीन आबासाहेब थोरात हे मागील पंचवार्षिक निवडणूकीत लोकनियुक्त सरपंच राहीलेले होते .या वेळी सदस्य शरद नानासाहेब थोरात ,ललीता लक्ष्मण  थोरात सीमा रावसाहेब तांबे जयश्री रविंद्र थोरात मंदा बन्सी पारखे अंजली रमेश थोरात यांच्यासह मंडळाचे नेते अशोक कारखान्याचे माजी चेअरमन व विद्यमान संचालक रावसाहेब हरी थोरात पंचायत समीतीचे मा सभापती आबासाहेब गणपत थोरात  सोपानराव वेणूनाथ जगधने काँ.आण्णासाहेब लक्ष्मण थोरात  शहाबापु कर्डीले सुरेश जगधने रावसाहेब काशिनाथ थोरात निवृत्ती थोरात भगवान दादा थोरात किशोर दत्तात्रय थोरात कारभारी जाधव आदिसह समस्त ग्रामस्थ उपस्थित होते. 

.......

बेलापुर  (प्रतिनिधी  )- बेलापुर गावाची वर्षभर साफ सफाई करणारे सफाई कर्मचारी तसेच गावात गेल्या अनेक वर्षापासून वास्तव्यास असणारे लोह कारागीर बांधव तसेच शंभुक वसतीगृह श्रीरामपुर श्री साई विठ्ठल अनाथाश्रम बेलापुर यांना दिपावली निमित्त समिंद्रा फौंडेशन यांच्या वतीने फराळ वाटपाचा कार्यक्रम संपन्न झाला .                                 या वेळी बोलताना समिंद्रा फौंडेशनचे अध्यक्ष सदाशिव थोरात म्हणाले की फौंडेशनच्या वतीने अनेक सामाजिक उपक्रम राबविण्यात आले असुन शालेय मुलांना वह्या पुस्तके शालेय बँग कपडे त्याचबरोबर अनाथांना व गरजुंना कपडे जिवनावश्यक वस्तूचे वाटप करण्यात येते नगर जिल्ह्यासह बिड सांगली सोलापुर येथेही फौंडेशनच्या वतीने मदतकार्य करण्यात आलेले आहे .या वेळी फौंडेशनचे उपाध्यक्ष व आदर्श राष्ट्रपती शिक्षक  पुरस्कार विजेते बबन तागड पत्रकार देविदास देसाई  अजिज शेख शरद पुजारी शफीक आतार शिंदे, तोरणे आदिसह बेलापुर ग्रामपंचायत कर्मचारी घिसाडी बांधव मोठ्या संख्येने उपस्थित होते,या वेळी बेलापुर ग्रामपंचायत २७ सफाई कर्मचारी तसेच लोह कारागीर बांधव, साई विठ्ठल अनाथ आश्रम, शंभुक वसतीगृह श्रीरामपुर आदि ठिकाणी फराळाचे वाटप करण्यात आले .

नेवासा (प्रतिनिधी): नेवासा तालुक्यातील नामांकित मुकिंडपुर परिसर बहुउद्देशीय ग्राम विकास संस्थेचे रोजलँड इंग्लिश मीडियम सीबीएससी स्कूलच्या मुख्याध्यापकपदी श्रीरामपूरच्या हेमंत सोलंकी यांची नियुक्ती करण्यात आली आहे.मागील ३३ वर्षापासून श्रीरामपुर तालुक्यातील डहाणूकर इंग्लिश मीडियम स्कूल,न्यू इंग्लिश स्कूल या ठिकाणी त्यांनी ज्ञानदानाच अलौकिक कार्य केले आहे.विविध संघटनेकडून श्री सोलंकी यांना आदर्श शिक्षक पुरस्कार देखील प्राप्त झाले आहे. विद्यार्थ्यांच्या सर्वांगीण विकासासाठी ते सातत्याने प्रयत्नशील असतात.त्यांच्या मार्गदर्शनाखाली श्रीरामपुर तालुक्यातील अनेक विद्यार्थी डॉक्टर,इंजिनिअर,वैज्ञानिक, वकील,व्यावसायिक तसेच शैक्षणिक क्षेत्रात देखील काम करत आहेत.श्री सोलंकी यांचे मुख्याध्यापकपदी नियुक्ती झाल्याबद्दल त्यांचे मुकिंडपुर परिसर बहुउद्देशीय ग्राम विकास संस्थेचे संस्थापक अध्यक्ष श्री भाऊसाहेब अंबाडे,सदस्य श्री दिपक अंबाडे,अजित अंबाडे, निकिता अंबाडे,रूपाली अंबाडे, पी पी एस स्कूलचे प्राचार्य डॉ बी बी अंबाडे,शारदा स्कूलचे प्राचार्य श्री के एल वाकचौरे,सौ कणकम दोशी,प्राचार्या सौ जयश्री पोडघन,डॉ योगेश पुंड तसेच शिक्षण क्षेत्रातील विविध शिक्षक सहकाऱ्यांनी अभिनंदन केले व शुभेच्छा दिल्या.

विद्यालयात चमकणार अखंडित सौर ऊर्जा श्रीरामपूर येथील रयत शिक्षण संस्थेचे डी डी काचोळे माध्यमिक विद्यालय तथा जनता हायस्कूल श्रीरामपूर या ठिकाणी विद्यालयाच्या स्थापनेपासून ते 2015 सालापर्यंत म्हणजेच 70 वर्षानंतर माजी विद्यार्थ्यांचा महामेळावा  सकाळी दहा ते पाच या वेळेत अतिशय मंगलमय व भावनिक वातावरणात जल्लोषात संपन्न झाला. कार्यक्रमाचे अध्यक्ष विद्यालयाचे माजी विद्यार्थी हरीश जाधव अतिरिक्त कमिशनर मुंबई महानगरपालिका हे होते तर कार्यक्रमाच्या उद्घाटक मीनाताई जगधने यांच्या हस्ते कार्यक्रमाचे उद्घाटन दीप प्रज्वलन करून तसेच कर्मवीर भाऊराव पाटील यांचे प्रतिमेला पुष्पहार अर्पण करून करण्यात आले. याप्रसंगी विद्यालयाचे माजी विद्यार्थी राजेंद्र वाघ उद्योजक, सुरेश जाधव अभियंता मुंबई, सुनील हिवाळे शास्त्रज्ञ भारत सरकार, किसन कानडे अभियंता, केशव बुळे सरपंच सातेवाडी, माजी मुख्याध्यापक रघुवीर बैरागी, त्रिदल संघटनेचे अध्यक्ष मेजर कृष्णा सरदार, माजी विद्यार्थी संघटनेचे अध्यक्ष किशोर गदिया,योगेश वाघचौरे उपाध्यक्ष, पोपटराव शेळके सचिव यांच्यासह अनेक मान्यवर उपस्थित होते. या मेळाव्यासाठी आजी-माजी शिक्षक व मुख्याध्यापक, माजी विद्यार्थिनी, माजी विद्यार्थी व विद्यार्थी असे सुमारे 1100 लोक उपस्थित होते.

शालेय परिपाठानंतर मान्यवरांचे स्वागत सुरेल अशा स्वागत गीताने करण्यात आले. अध्यक्षीय भाषणामध्ये हरीश जाधव म्हणाले की मी आज भारत देशातील क्रमांक एक च्या महानगरपालिकेमध्ये उच्च पदावर काम करण्याची संधी मला केवळ याच विद्यायामुळे मिळाली. याच विद्यालयाने मला मोठे ध्येय गाठण्यासाठी बळ दिले.

याप्रसंगी विद्यालयाचे माजी विद्यार्थी व प्रसिद्ध उद्योजक राजेंद्र वाघ यांनी विद्यालयाच्या भौतिक सुविधा विकासकामांसाठी दोन लाख रुपये रोख मदत केली व विद्यालयास वीज समस्या कायमस्वरूपी दूर करून सौर ऊर्जा प्रकल्प विद्यालयासाठी मंजूर केला.

कार्यक्रमाचे उद्घाटक मीनाताई जगधने याप्रसंगी माजी विद्यार्थ्यांना उद्देशून म्हणाल्या की माजी विद्यार्थी व शिक्षक यांचे ऋणानुबंधांचे गुरु शिष्य चे नाते हे अतूट असते. कितीही  वर्षानंतर विद्यार्थी शिक्षकाला भेटला तरी तोच आदर विद्यार्थी शिक्षकाला देतो व आपल्या शिक्षकाच्या प्रती ऋणनिर्देश व्यक्त करतो. तसेच शाळा म्हणजे विद्यार्थ्यांच्या जीवनातील दुसरी आईच असते. शालेय प्रांगणात आल्यानंतर विद्यार्थ्याला आपल्या आईच्या सहवासात आल्याचा आनंद मिळत असतो.

यानंतर नाट्य कलाकार अजय घोगरे , आदित्य नगरकर कासिम सय्यद यांनी अतिशय उत्कृष्ट अशी गुरु शिष्य वरील नाटिका शाळा व विद्यार्थी यांच्यामधील भावनिक नाते नाटकेद्वारे सर्वांसमोर सादर केले.

मधल्या सुट्टीनंतर वर्ग अध्ययन व अध्यापनाचा आनंद माजी विद्यार्थी व शिक्षकांनी मनसोक्त लुटला याबरोबरच विद्यार्थी परिचय करून देण्यात आला

 माजी विद्यार्थी मेळाव्यामध्ये विद्यालयाच्या भौतिक सुविधांमध्ये वाढ होण्याच्या उद्देशाने माजी विद्यार्थी हरीश जाधव, सुरेश जाधव, सुशीलाताई नवले, दिगंबर गिरी, अक्षय भराड, सुभाष बोर्डे, किसन कानडे, संदीप बागुल, पोपटराव शेळके, शशिकांत येलम, योगेश जगदाळे, संग्राम कापरे, राजेंद्र वाघ, केशव बुळे, शकील शेख, चंद्रकांत गावंडे, पोपटराव शेळके, अंशुमन वाकचौरे, राजेंद्र अडसूळ, प्रदीप सुपारे, सुनील हिवाळे, त्रिवेदी विश्रमसागर, बजरंग वाकळे, अमर चाऊस यांनी सढळ हाताने मदत केली.

या स्नेह मिळाव्यासाठी जेवणाची सर्व अतिशय चांगली सोय संयोजकांनी केली होती. दिवसभर दोन वेळा नाष्टा, चार वेळा चहा, स्वादिष्ट व रुचकर भोजन याची व्यवस्था करण्यात आली होती. याप्रसंगी गुरुजनांचा यथोचित सन्मान करण्यात आला तसेच सर्वांनी आपल्या मनोगतातून जुन्या आठवणींना, शालेय जीवनातील आठवणी यांना उजाळा मिळाला.

कार्यक्रमादरम्यान ज्या शिक्षकांनी व माजी विद्यार्थिनी जगाचा निरोप घेतला अशा सर्वांना भावपूर्ण आदरांजली अर्पण करण्यात आली उपस्थित शिक्षकांचा सन्मान चिन्ह देऊन यथोचित सत्कार करण्यात आला मिळाल्याबद्दल उपस्थित शिक्षकांनी समाधान व्यक्त केले. कार्यक्रमाचे अतिशय सुंदर असे सूत्रसंचालन संयोजन समितीचे कार्यध्यक्ष एडवोकेट जमीन बागवान यांनी केले तर उपस्थितांचे आभार विद्यालयाचे मुख्याध्यापक सुनील साळवे यांनी मानले.

हा मेळावा यशस्वीरित्या पार पाडण्यासाठी संयोजन समितीचे अध्यक्ष किशोर गधिया कार्याध्यक्ष जमीन बागवान सचिव पोपटराव शेळके उपाध्यक्ष योगेश वाकचौरे, सल्लागार गणेश थोरात, मार्गदर्शक मेजर कृष्ण सरदार, सुनील बोलके, भाऊसाहेब मुळे,  संजय छल्लारे, प्रकाश कुलथे, बाबासाहेब मोरगे, निलेश भालेराव, राजेंद्र करंनकाय अल्पेश झुरंगे अविनाश पठारे शेखर सौदागर सोमनाथ वाडेकर, कासिम सय्यद, अजय घोगरे आदित्य नगरकर बाबासाहेब खोसरे, बाळासाहेब हारदास, आसिफ सय्यद गणेश थोरात,समीन बागवान, मच्छिंद्र मच्छिंद्र पवार, अस्लम सय्यद तसेच डी डी काचोळे विद्यालयाचे मुख्याध्यापक सुनील साळवे व सर्व स्टाफ, श्रीरामपूर नगर परिषदेचे स्वच्छता व पाणीपुरवठा विभाग आदींनी विशेष परिश्रम घेतले

बेलापुर (प्रतिनिधी  )-आपले कर्तव्य बजावताना शहीद झालेले जवान व पोलीस बांधवांच्या प्रति कृतज्ञता व्यक्त करण्यासाठी  फ्रेंडस् फाँर ऐव्हर गृप व समस्त बेलापुर-ऐनतपूर ग्रामस्थ यांच्या संयुक्त विद्यमाने बेलापूर येथील विजय स्तंभ चौक येथे एक पणती जवानांसाठी-दीपोत्सव २०२३ हा उपक्रम राबविण्यात आला.            फ्रेंडस् फाँर ऐव्हर गृप व समस्त  ग्रामस्थ यांच्या वतीने सन २०१४ पासून दिपावली पाडव्याच्या दिवशी हा उपक्रम राबविण्यात येतो. हे या उपक्रमाचे १० वे वर्ष होते.सैन्य दलात कार्यरत असलेले मेजर दिनेश वाघ, मेजर निलेश अमोलिक, मेजर मुकुंद कुटे, माजी सैनिक देविदास देसाई, शरद देशपांडे,सुजित शेलार तसेच बेलापूर पोलीस औट पोस्ट चे रामेश्वर ढोकणे, बडे,हरीश पानसंबळ आदीच्या हस्ते छत्रपती शिवाजी महाराज पुतळ्यास पुष्पहार अर्पण करून उपक्रमासास सुरुवात करण्यात आली. या नंतर उपस्थित मान्यवर व नागरिकांच्या हस्ते पणत्या प्रज्वलीत करण्यात आल्या.भारत भारत माता की जय,वंदे मातरम, शहीद जवान अमर रहे या घोषणानी परिसर दुमदुमून गेला होता.यावेळी शहीद जवान व पोलीस बांधव यांना श्रद्धांजली अर्पण करण्यात आली.यावेळी विविध संस्थांचे पदाधिकारी, नागरिक बंधू-भगिनी मोठ्या संख्येने उपस्थित होते. सदरचा उपक्रम यशस्वी करण्यासाठी फ्रेंड्स फॉर एव्हर ग्रुप चे अभिषेक खंडागळे,अँड. मयुर साळुंके, विष्णुकांत लखोटीया, जयेंद्र खटोड, राजेश सूर्यवंशी,सुभाष शेलार,ऋतुराज नाईक,विजय कोठारी,वेणूगोपाल सोमाणी,निशिकांत लखोटिया,प्रभात कुऱ्हे,साईनाथ शिरसाठ,सुमित सोमाणी,राम कुऱ्हे,सुभाष शेलार,महंत काळे,महेश कुऱ्हे, विशाल आंबेकर, सोमनाथ साळुंके, राहुल माळवदे आदींनी परिश्रम घेतले.

बेलापुर  (प्रतिनिधी  )- बेलापुर विविध कार्यकारी सेवा संस्था ही श्रीरामपुर तालुक्यातील सर्वात मोठी  संस्था असुन संचालक मंडळाने पारदर्शी व काटकसरीने कारभार केल्यामुळे या ही वर्षी सभासदांना १५ % लांभाश व दहा किलो साखर तसेच मिठाई भेट देणे शक्य झाले असल्याची माहीती श्रीरामपुर कृषी उत्पन्न बाजार समीतीचे सभापती सुधीर नवले यांनी दिली .         दर वर्षी प्रमाणे या ही वर्षी बेलापुर  विविध कार्यकारी सेवा संस्थेच्या वतीने  ९०० सभासदांना १५% लाभांश तसेच दिवाळी भेट म्हणून १० किलो साखर व मिठाई भेट  देण्याचा कार्यक्रम नुकताच संस्थेच्या कार्यालयात संपन्न झाला त्या वेळी नवले यांनी वरील माहीती दिली . या वेळी बोलताना संस्थेचे चेअरमन शेषराव पवार म्हणाले की तालुक्यात चांगला ,स्वच्छ कारभार असणारी ही संस्था असुन विरोधकांनी सत्तेचा दुरुपयोग करुन संचालक मंडळावर अनेक आरोप केले परंतु संचालक मंडळावर केलेले आरोप हे राजकीय हेतूने करण्यात आलेले होते संस्थेचा कारभार चोख असल्यामुळे सभासदांना लाभांश देता आला असेही पवार म्हणाले या वेळी माजी सरपंच भरत साळूंके पत्रकार देविदास देसाई यांनीही मनोगत व्यक्त केले .या वेळी काँग्रेसचे तालुकाध्यक्ष अरुण पा नाईक, जनता अघाडीचे अध्यक्ष रविंद्र खटोड ,शिवाजी वाबळे, विलास मेहेत्रे ,राजेंद्र सातभाई,  व्हा चेअरमन विश्वनाथ गवते, पत्रकार अशोक गाडेकर,  प्रकाश कुर्हे ,नंदकिशोर नवले, चंद्रकांत नाईक , ज्ञानदेव वाबळे, त्रिंबक कुर्हे अयाजअली सय्यद भगवान सोनवणे ,संजय रासकर, विजय कुर्हे, अशोक कुर्हे,  किशोर नवले, पंडीतराव बोंबले ,अशोक राशिनकर, सुहास शेलार ,दिलीप दायमा ,प्रसाद खरात,  संजय नवले, अंतोन अमोलीक, आदिसह सभासद उपस्थित होते

बेलापुर  (प्रतिनिधी  )-श्रीरामपुर तालुक्यात सर्वात मोठी लोकसंख्या असलेल्या बेलापुर गावाला ऐन सणासुदीच्या काळात पाणी टंचाईचा सामना करावा लागत असुन पिण्याच्या पाण्याचे रोटेशन तातडीने सोडण्यात यावे अशी मागणी बेलापुर ग्रामपंचायत तसेच ग्रामस्थांनी केली आहे                   बेलापुर गावची लोकसंख्या जवळपास तीस हजाराच्या घरात गेली असुन गावाला पाणी पुरवठा करणारी तीनही साठवण तळी रिकामी झालेली आहेत लवकर पिण्याच्या पाण्याचे रोटेशन आले नाही तर ऐन दिवाळीच्या तोंडावर गावाला भिषण पाणी टंचाईला तोंड द्यावे लागणार आहे .बेलापुरला पाणी टंचाईचा सामना करावा लागणार हे लक्षात घेवुन गावातील सर्वपक्षीय नेतेमंडळी ग्रामपंचायत कार्यालयात जमा झाली .पाणी टंचाईचा सामना कसा करावा? या विषयावर चर्चा करण्यात आली. सरपंच महेंद्र साळवी, उपसरपंच अभिषेक खंडागळे ,बाजार समीतीचे सभापती सुधीर नवले, ग्रामपंचायत सदस्य व खटोड पतसंस्थेचे चेअरमन रविंद्र खटोड, सदस्य भरत साळूंके, रमेश अमोलीक ,मुस्ताक शेख,शफिक बागवान,गोपी दाणी,वैभव कुर्हे  शफीक बागवान, पत्रकार देविदास देसाई, ग्रामविकास अधिकारी मेघशाम गायकवाड आदिंनी सहभाग घेतला या वेळी एका तळ्यात काही प्रमाणात पाणी शिल्लक असुन ते उचलुन मुख्य फौंटनला जोडल्यास काही प्रमाणात पाणी टंचाईची समस्या टाळता येईल असा निष्कर्ष चर्चेअंती निघाला .त्या वेळी सदस्य रविंद्र खटोड यांनी आपल्या कडील साडेसात एच पी ची मोटार तसेच जनरेटर देण्याचे मान्य केले बाजार समीतीचे सभापती सुधीर नवले यांनीही आपल्या कडील दहा एच पी ची मोटार देण्याचे कबुल केले. गावाला भेडसावणाऱ्या पाणी टंचाईचा सामना करण्यासाठी सत्ताधारी विरोधक एकत्र आले व पाणी टंचाईवर उपाय शोधला. या बद्दल पत्रकार देविदास देसाई यांनी सर्वांचे आभार मानले.बैठकीत ठरलेल्या उपाय योजने नुसार उपसरपंच अभिषेक खंडागळे, ग्रामपंचायत सदस्य रमेश अमोलीक, मुस्ताक शेख यांनी ग्रामपंचायतीच्या आरोग्य व पाणीपुरवठा कर्मचाऱ्यांच्या मदतीने कार्यवाहीला सुरुवात केली.काँग्रेसचे तालुकाध्यक्ष अरुण पा .नाईक यांनी आमदार लहु कानडे यांच्याशी संपर्क करुन रोटेशन सोडण्याकरीता प्रयत्न करावेत अशी विनंती केली.                                   [ या वेळी बाजार समीतीचे सभापती सुधीर नवले यांनी उपसरपंचाची खुर्ची रिकामी असल्याचे सांगितले त्यावर उपसरपंच अभिषेक खंडागळे म्हणाले की येथील खुर्ची रिकामी आहे तसेच बाजार समीतीच्या उपसभापतीचीही खुर्ची मोकळीच आहे यावर एकच हशा पिकला ]

राहुरी प्रतिनिधी,मिनाष पटेकर-गेल्या तीन दिवसांपासून राहुरी येथील तहसील कार्यालया समोर मराठा समाजाच्या वतीने आरक्षणासाठी साखळी उपोषण सुरु आहे. या उपोषणास पाठिंबा म्हणून आज आरपीआय आठवले गट, तालूका वकिल संघटना तसेच महाराष्ट्र केसरी पैलवान गुलाब बर्डे मित्र मंडळ आदिवासी संघटनेच्या वतीने पाठिंबा देऊन निवेदन दिले. 

          आरपीआय च्या वतीने दिलेल्या निवेदनात म्हटले आहे कि, मनोज जरांगे पाटील यांनी पुढाकार घेऊन राज्यातील मराठा समाजाला आरक्षण मिळावे यासाठी मोठे आंदोलन उभे केले. मराठा समाजाला आरक्षण मिळण्यासाठी निजामकालीन पुरावे सापडले आहेत. राज्य शासन मराठा समाजाला आरक्षण देण्याचे केवळ आश्वासन देत आहे. त्यामुळे सध्या आरक्षणासाठी तीव्र आंदोलने सुरु आहेत. मराठा आरक्षणचा मुद्दा न्यायालयात सक्षमपणे मांडणे गरजेचे आहे. खासदारांनी मराठा आरक्षणाचा मुद्या केंद्र शासनामध्ये प्रभावीपणे मांडुन आरक्षण मिळण्यासाठी प्रयत्नशील असणे गरजेचे आहे. मराठा समाजाला आरक्षण मिळावे, या मागणीसाठी आरपीआय मराठा समाजाच्या पाठिशी खंबीरपणे उभा आहे. असे निवेदनात म्हटले आहे. यावेळी आरपीआय जिल्हाध्यक्ष सुरेंद्र थोरात व तालूकाध्यक्ष विलास साळवे यांनी आपले मनोगत व्यक्त करून उपोषणाला पाठिंबा दिला. 

         तसेच राहुरी येथील वकिल संघटनेच्या वतीने उपोषणाला पाठिंबा देऊन मराठा आंदोलकांवर गुन्हे दाखल झाल्यास विनामुल्य खटला चालवीण्याचे आश्वासन वकिल संघटेच्या वतीने देण्यात आले. तसेच महाराष्ट्र केसरी पैलवान गुलाब बर्डे मित्र मंडळ व आदिवासी संघटनेच्या वतीने मराठा आंदोलनास पाठिंबा व्यक्त करण्यात आला. यावेळी महाराष्ट्र केसरी पैलवान गुलाब बर्डे, डाॅ. नारायण माळी आदिंसह कार्यकर्ते उपस्थित होते.