bindas news

श्रीरामपूर (प्रतिनिधी) येथील गोंधवणी रोडवरील दशमेश चौकामध्ये दररोज भरणारा रस्त्यावरील भाजीपाला बाजार हा मोठ्या अपघातास निमंत्रण ठरण्याची शक्यता असल्याने सदर बाजार दुसरीकडे हलविण्याची मागणी या परिसरातील नागरिकांनी केली आहे . गेल्या काही दिवसापासून दशमेश चौकामध्ये भाजीपाल्याचा व्यवसाय करणाऱ्या शेतकरी व दुकानदारांनी आपली दुकाने थाटण्यात सुरुवात केली आहे . सुरुवातीला एक दोन असणारी दुकाने आता मोठ्या संख्येने वाढली असून चौकाच्या चार ही बाजूला सदर दुकानदार भररस्त्यावर बसतात .या संपूर्ण परिसरामध्ये भाजीमंडई नसल्याने व कोरोनामुळे नगरपालिकेने देखील येथे भाजी विकण्यास परवानगी दिली आहे . मात्र आता ही परवानगी जनतेसाठी डोकेदुखी ठरली आहे . राज्य मार्ग असलेला हा रस्ता वैजापूर, कोपरगाव, पुणतांबा,
खैरी निमगाव, गोंधवणी इत्यादी भागात जातो . त्यामुळे या रस्त्यावर सतत वाहतूक असते .या चौकातील चारही दिशांना  वाहनांची वर्दळ सतत सुरू असते . कॉलेज रोड, प्रांत व तहसील कार्यालय तसेच शहरातील मुख्य बाजारपेठेत या चौकातून जावे लागते .पंजाबी कॉलनीतून येणारी वाहने तसेच काजी बाबा रोड वरून येणारी वाहने यांची देखील येथे सतत वर्दळ असते .भाजीपाला विकणारे दुकानदार रस्त्याच्या एकदम कडेला खूप पुढे येऊन बसतात . त्यामुळे चौकांमध्ये वळणाऱ्या गाड्यांसाठी सुद्धा मोठी अडचण निर्माण होत आहे . त्यातच भर म्हणून चौकामध्ये नगरपालिकेच्या बोरचे पाणी भरण्यासाठी सातत्याने पाण्याच्या गाड्या उभ्या असतात . त्यामुळे येथे पाण्यामुळे सतत रस्ता ओला असतो . या भागातील दुकानदार, बँकांचे एटीएममध्ये येणाऱ्या ग्राहकांना भाजी बाजारातील लोकांचा त्रास सहन करावा लागत आहे. रस्त्यावरील ही दुकाने वेळीच दखल न घेतल्यास मोठ्या अपघाताला निमंत्रण देणारी ठरू शकतात. तरी येथील भाजीबाजार हा मागच्या बाजूला खालच्या  काजी बाबा रोडवर हलविल्यास लोकांची सोय होईल आणि अपघाताचा धोका टळेल. तरी याबाबत नगरपालिकेने तातडीने दखल घेण्याची मागणी या परिसरातील दुकानदारांनी केली आहे .

बुलडाणा - 11 ऑक्टोबरबु

लडाणा येथून जवळ असलेल्या ज्ञानगंगा अभयारण्यातील खामगांव रेंज मध्ये कार्यरत एका 54 वर्षीय वनमजूराने विष प्राशन केले होते व उपचारा दरम्यान रात्री त्यांचा मृत्यु झाल्याने वन्यजीव विभागात एकच खळबळ उडाली आहे.

      अरुण सरकटे रा.कोथळी ता.मोताळा असे मृतक वनमजूराचे नाव असून त्यांनी 4 ऑक्टोबरला कार्यालयीन त्रासाला कंटाळून जंगलाताच विष प्राशन केल्याची दबक्या आवाजात वन्यजीव विभागात जोरदार चर्चा सुरु आहे. बुलडाणा येथील एका खाजगी रुग्णालयात उपचारा साठी अरुण सरकटे यांना ॲडमिट करण्यात आले जिथे उपचार सुरु असताना 10 ऑक्टोंबरच्या रात्री त्यांचा मृत्यु झाला आहे.त्यांच्यावर बुलडाणा जिल्हा सामान्य रुग्णालयात शवविच्छेदन करण्यात आले. मृतकाला वन्यजीव विभागाच्या काही लोकांकडून त्रास दिलय जात असल्याची चर्चा आज दिवसभर नातेवाईक व गांवकऱ्यात सुरु होती.या बाबत बुलडाणा शहर ठाण्यात आकस्मिक मृत्युची नोंद घेण्यात आली आहे.

    या बाबत वन्यजीव विभाग खामगांव रेंजचे आरएफओ विकास धंदर यांच्याशी संपर्क साधुन घटने बद्दल विचारले असता त्यांनी सांगितले की,या घटनेबाबत पत्रा द्वारे वरिष्ठाना कळविले असून मी इथे अशातच जॉइंट झालो,या मागे घरगुती कारण आहे व जे कोणी दोषी असेल त्याला सोडणार नसल्याचे ही धंदर म्हणाले.

🔹कांग्रेस अल्पसंख्यांक विभागाची बैठक संपन्नबु

लडाणा - 11 ऑक्टोबर

सर्वसमाजाला सोबत घेऊन काँग्रेस पक्षाने आपली धर्मनिरपेक्षता कायम ठेवली असून बुलडाणा जिल्ह्यात काँग्रेस पक्षाला मजबूत करणार,असा विश्वास अल्पसंख्यक काँग्रेस जिल्हाध्यक्ष अ‍ॅड.जावेद कुरेशी यांनी व्यक्त केला आहे.ते जिल्हा काँग्रेस अल्पसंख्यांक विभागाची 11 ऑक्टोबर रोजी बुलडाणा येथील बचत भवन मध्ये दुपारी 12 वाजता आयोजित बैठकीला संबोधित करीत होते. या बैठकीला जिल्हाभरातून अल्पसंख्याक समाजाचे पदाधिकारी व कार्यकर्ते मोठ्या संख्येने उपस्थित होते.

       बकार्यक्रमाचे अध्यक्षस्थानी काँग्रेसचे ज्येष्ठ नेते हाजी रशीदखान जमादार होते तर प्रमुख उपस्थिती मध्ये हाजी मुजम्मिल खान, बाबू जमादार, मोईन काजी, जाकीर कुरेशी ,इरफान पठाण, जमीर भाई, डॉक्टर सलीम, फिरोज खान, डॉ अनीस खान,अजगर  टेलर, असलम शेख , रियाज ठेकेदार, इम्रान खान, वाजीद पत्रकार ,जाकीर मेमन ,युसुफ खान,मनोहरराव पाटील, फिरोज खान ,जावेद शेख,अमीन टेलर,महेबुब भाई ,रऊफ सेठ ,जलील पहेलवान शकील कुरेशी, सादीक शेख उपस्थित होते.

       बैठकीत नवनियुक्त जिल्हाअध्यक्ष अ‍ॅड.जावेद कुरेशी यांनी अल्पसंख्यक संघटन जिल्हाभरात मजबुत करण्यासाठी तालुका ,शहर स्थरावर निरीक्षक लवकरच जाहीर करण्यात येईल या सोबतच प्रधानमंत्री स्वनिधी कर्ज योजना त्वरीत वाटप व्हावी या करीता जिल्ह्यायतील प्रत्येक तालुका स्थरावर अल्पसंख्यक विभागाकडुन निवेदन देण्यात यावे असे सूचित केले . अध्यक्षीय भाषणात हाजी रशीदखान जमादार यांनी अल्पसंख्याक समाजातील नवयुवकांनी काँग्रेस पक्षाची जुळुन आमचे नेते मुकुल वासनिक यांचे हात बळकट करावे असे आवाहन केले. कार्यक्रमाचे सूत्रसंचालन अ‍ॅड.राज शेख यांनी तर आभारप्रदर्षन तारीक नदीम यांनी केले.

श्रीरामपूर - ग्रामिण भागातील समस्थ ग्रामस्थांच्या समस्यांना समजून घेणे तथा त्यांच्या आडीआडचणींना शासन दरबारी पाठपूरावा करण्याकामी योग्य मार्गदर्शन करणे यासोबतच निरपेक्षतेने आपली शासकीय सेवा करणे आणि शासनाच्या सेवेला केवळ शासकीय सेवाच न समजता भक्ती म्हणून त्यात स्वतःस वाहून घेणे असे असे परोपकारी व्यक्तीमत्व असलेले तालूक्यातील सरला गोवर्धनपूर येथील आदर्श ग्रामसेवक श्री.रुबाब पटेल यांची श्रीरामपूर तालुका जिल्हा परिषद कर्मचारी महासंघाच्या तालुकाध्यक्षपदी एकमताने निवड झाल्याने जि.प.कर्मचार्यांबरोबर त्यांच्या मित्र परीवारांकडून देखील त्यांचयावर अभिनंदनाचा वर्षाव होत आहे,

 आज शुक्रवार दिनांक 08/10/2020रोजी पंचायत समिती श्रीरामपूर येथे महाराष्ट्र राज्य ग्रामसेवक संघटनेचे राज्याध्यक्ष मा.श्री.एकनाथराव ढाकणे यांचे हस्ते व अहमदनगर जिल्हा परिषद कर्मचारी महासंघाचे जिल्हाध्यक्ष श्री. सुनीलजी नांगरे यांचे प्रमुख उपस्थितीत श्रीरामपूर तालुका जिल्हा परिषद कर्मचारी महासंघ तालुका कार्यकारिणीची निवड करण्यात आली.त्यात सरला, गोवर्धनपूर ता.श्रीरामपूर येथील ग्रामसेवक श्री.रुबाब पटेल यांची श्रीरामपूर तालुका जिल्हा परिषद कर्मचारी महासंघाच्या तालुकाध्यक्षपदी एकमताने निवड करण्यात आली,

या निवडीबद्दल ग्रामसेवक रुबाब पटेल यांचा ग्रामसेवक संघटनेचे राज्याध्यक्ष मा.एकनाथराव ढाकणे यांच्याहस्ते सत्कार करण्यात आला तथा त्यांनी श्री.पटेल यांच्या पुढील कार्यास हार्दिक शुभेच्छाही दिल्या.