bindas news

बेलापूर (प्रतिनिधी)-समाजाशी एकरूप होवून सामाजिक बांधिलकी ठेवून कोणत्याही क्षेत्रात काम करणार्‍या व्यक्तीचा सत्कार व सन्मान केल्याने काम करणार्‍या व्यक्तीला उर्जा,प्रोत्साहन व पाठबळ मिळाल्याने समाज्याचे अधिकाधिक काम त्यांच्या हातुन घडत असते असे प्रतिपादन कृषी-उत्पन्न बाजार समितीचे मा.उपसभापती आण्णासाहेब शिंदे यांनी गळनिंब विविध कार्यकारी सेवा सोसायटीच्या वतीने आयोजित सत्कार समारंभात केले.अध्यक्षस्थानी प्रवरा सह.बॅंकेचे व्हा.चेअरमन बापूसाहेब वडितके होते. यावेळी पद्मभूषन बाळासाहेब विखे ग्रामीण शिक्षण संस्थेच्या सदस्य पदी लक्ष्मण रामजी चिंधे यांची तर कामगार तलाठी श्री.वायखिंडे यांची मंडलाधिकारी म्हणून पदोन्नती झाल्याबद्दल नवीन कामगार तलाठी म्हणून रूजू झाल्याबद्दल सौ.नाईक मॅडम,वस्तीशाळेच्या उपमुख्यध्यापिका सौ.अंत्रे मॅडम यांना आदर्श शिक्षिका पुरस्कार मिळाल्यामुळे तसेच पंचायत समितीच्या बचत गटाच्या गट प्रमुखपदी सौ.ज्योती कोर्‍हाळे,तसेच कृषी सहाय्यक श्री.पाटील साहेब,दिपक बेलकर,संतोष पारखे,संपादक व पत्रकार सेवा संघ महाराष्र्ट मुंबई श्रीरामपूर संघटकपदी पत्रकार संदिप शेरमाळे यांची निवड झाल्याने तसेच कुरणपूर विविध कार्य.सेवा संस्थेच्या व्हा.चेअरमन पदी पुंजाहरी चिंधे यांची निवड झाल्याने,विकास तुपे हे फॅशन हेअर कटींग मध्ये उत्तीर्ण झाल्याने यावेळी सत्कार कण्यात आले. यावेळी पुणे विद्यापीठचे मा.सिनेट सदस्य प्रा.डाॅ.एकनाथ ढोणे सर,आण्णासाहेब कडनोर,इंजि.सोहम चिंधे,संजय कुदनर,डाॅ.सुनिल चिंधे,आदींची भाषणे झाली.   यावेळी मुळा प्रवरा वीज संस्थेचे मा.संचालक जिजाबा वडितके, संस्थेचे चेअरमन केशव चिंधे,सोपानराव गवळी,पोपटराव हाळनोर,देवराम बाचकर,कैलास मारकड,विष्णू चिंधे,पंढरीनाथ भोसले,रामदास भोसले,केरूनाना शिंदे,तबाजी जाटे,ग्रा.पं.सदस्य संजय शिंदे,संजय बाहूले,दिपक जाटे,विष्णू कुदनर,आण्णासाहेब वडितके,प्रकाश जाटे,गणेश शिंदे,शिवाजी कोर्‍हाळे,सुरेश पिलगर,संदिप शेंडगे,मुरलिशेठ वधवानी,सागर चिंधे,संदिप कचरे,संस्थेचे सचिव हनुमान चिंधे,आदी उपस्थित होते.सुत्रसंचालन संस्थेचे व्हा.चेअरमन बापू वडितके यांनी तर आभार विष्णू चिंधे यांनी मांडले.

श्रीरामपूर (प्रतिनिधी) - पहिलेच नागरीक कोरोना महामारीने  त्रस्त झालेले आहेत त्यावर शहरातील  अस्वच्छतेमुळे संभाव्य रोगराई आणि साथीच्या आजाराची साथीचा फैलाऊ होऊ शकतो, श्रीरामपूर नगर पालिकेच्या मार्फत घन-कचरा ठेकेदारास दर महिन्याला तब्बल ३० लाख रुपये मोजले जातात, मात्र शहरातील अस्वच्छता जशीच्या तशीच आहे,मग इतकी मोठी रक्कम मोजूनही जर कोणताच काम होत नसेल तर नगर पालिकेने हा ठेका रद्द करुन इतर दुसऱ्यास द्यावा, जेणे करुन शहरातील स्वच्छतेने नागरीकांचे आरोग्य आबाधित राहील,मात्र नगर पालिका प्रशासनासह संबंधित काही नगरसेवक आणि विद्यमान नगराध्यक्षांना केवळ ठेकेदार पोसण्याचे कामे करुन जनतेच्या करापोटी वसूल करण्यात

आलेली रक्कम ठेकेदारांच्या घशात टाकायची असल्याचे दिसून येत आहे,मग यामध्ये संबंधित अधिकारी यांचा हेतुपुरस्सर दुर्लक्ष केल्याचा  संशय देखील बळावत आहे. शहरवासियांच्या ज्वलंत सामाजिक आरोग्याप्रश्नी तथा संबंधित ठेकेदाराचा ठेका रद्द करण्याच्या मागणीसाठी  समाजवादी पार्टीचे उत्तर अहमदनगर जिल्हाध्यक्ष तथा जे जे फौंडेशनचे जोएफ जमादार हे आपल्या कार्यकर्त्यांसह नगर पालिके समोर आमरण उपोषणास बसलेले आहेत,उपोषणाचा आज तीसरा दिवस असताना संबंधित नगर सेवक, नगराध्यक्षा आणि नगर पालिका प्रशासन कोणतीच ठोस भुमिका घेण्यासाठी पुढे धजावलेले नाहीत, याचाच अर्थ असा होतो की शहरातील नागरीकांच्या सामाजिक आरोग्याप्रश्नी त्यांना काही एक घेणे-देणे राहिले नाही,त्यांना केवळ ठेकेदार पोसण्यात स्वारस्य आहे, शहरातील अस्वच्छतेमुळे संभाव्य रोगराई पसरुन जरी नागरीक आजारी पडले तरी आपण मात्र सुरक्षित आहोत असा त्यांचा भास असावा,मात्र शहरातील नागरीकांच्या आरोग्याशी खेळणाऱ्या नगर पालिका प्रशासन आणि काही संधी साधू पदाधिकाऱ्यांना येणाऱ्या नगर पालिका निवडणुकीत शहरातील जागरुक नागरीक आवश्य त्यांची योग्य जागा दाखविल्याशिवाय राहणार नाही असेही यावेळी उपोषणकर्ते जोयफ जमादार यांनी सांगितले आहे,

या उपोषणास आमदार लहू कनडे, उपनगराध्यक्ष, करण ससाणे, कामगार नेते नागेशभाई सावंत, केतन खोरे,सचिन गुजर,ज्ञानेश्वर मुरकुटे, कॉंगेस शहराध्यक्ष संजय छल्लारे,मुन्ना पठान, रितेश ऐडके हनीफ पठान, विठ्ठल गोराणे,फिरोज पठान, चरन त्रिभुवन, शिवा साठे, फैय्याज बागवान, सागर दुपाटी, नगरसेवक रवि गुलाटी, नाजिर पिंजारी,प्रभाकर,जाकिर शाह, रईस शेख,कॉंगेस पक्ष,आम आदमी पार्टी,भारतीय लहुजी सेना,प्रहार जनशक्ति,R P I,भिम गर्जना सामाजिक संघटना,वंचित बहुजन आघाडी, मुसलिम ओबीसी, ऑर्गनाइजेशन,आदींनी आपला पाठिंबा दर्शविला असुन जमादार यांच्यासोबत,आसिफ तांबोळी, अय्युब पठान,ज़करिया सैय्यद, अरबाज़ कुरैशी,अमन शेख, साद पठान, शाहिद शेख, फैज़ान काज़ी, तौफीक शेख,अतीक पठान,उपोषणास बसलेले आहेत.

बेलापुर (प्रतिनिधी  )-अहमदनगर उत्तर जिल्ह्यातील श्रीरामपूर, नेवासा, शिर्डी, शेवगांव, सोनई परिसरामध्ये रात्रीचेवेळी शेतातील वस्तीवर दरोडे टाकून मारहाण करुन लुटमार करणारी सराईत गुन्हेगारांची टोळी पकडण्यात गुन्हे अन्वेषन शाखा अहमदनगर व श्रीरामपुर शहर पोलीसांना यश आले असुन ताब्यात घेतलेल्या आरोपीकडून मोठ्या प्रमाणात मुद्देमाल हस्तगत करण्यात आलेला आहे या गुन्हेगाराकडून अनेक गुन्हे उघड होण्याची दाट शक्यता आहे  आरोपीकडून २८लाखाचा मुद्देमाल जप्त.या बाबतची पोलीस सूत्राकडून मिळालेली माहीती अशी की, दि. २३सा संप्टेंबर/२०२१ रोजी रात्री  विराज उदय खंडागळे, वय-३८ वर्षे,धंदा- शेती, रा. बेलापूर बुद्रुक, ता. श्रीरामपूर हे आपल्या कुटूंबासह शेतातील बंगल्यामध्ये झोपलेले असताना अनोळखी चारचोरट्यांनी त्यांचे बंगल्याचा पाठीमागील दरवाजा तोडून घरामध्ये प्रवेश करुन लहान मुलाचे गळ्यास धारदार चाकू लावून वघरातील लोकांना जिवे मारण्याची धमकी देवून घरातील सोने चांदीचे दागिणे तसेच रोख रक्कम असा एकूण २,८२,०००/-रु.किं. चा ऐवज तसेच फिर्यादी यांचे जवळच राहणारे साक्षीदार सोमनाथ भागीरथ चिंतामणी यांचे घराचा दरवाजा तोडून त्यांनामारण्याची धमकी देवून त्यांचे घरातील २५,०००/-रु. रोख रक्कम असा एकूण ३,०७,०००/-रु. किं. चा ऐवज दरोडा टाकूनचोरुन नेला होता. सदर घटनेबाबत श्रीरामपूर शहर पो.स्टे. येथे गुरनं. १६६९/२०२१, भादवि कलम ३९४, ४५८, ३४ प्रमाणेगुन्हा दाखल करण्यात आलेला होता.सदरचा गुन्हा दाखल झाल्यानंतर तसेच यापुर्वीही श्रीरामपूर, नेवासा, शिर्डी, शेवगाव यापरिसरामध्ये अशा प्रकारचेदरोड्याचे गुन्हे घडलेले असल्याने मा. पोलीस अधिक्षक, अहमदनगर यांचे आदेशाने श्री. अनिल कटके, पोलीस निरीक्षक,स्थानिक गुन्हे शाखा, अहमदनगर यांनी गुन्ह्याचे तपासकामी स्थानिक गुन्हे शाखेचे स्वतंत्र पथक नेमून तपास करुन गुन्हेउघडकीस आणण्याबाबत सुचना दिल्या होत्या. त्या सुचनाप्रमाणे स्थानिक गुन्हे शाखेच्या पथकातील अधिकारी व अंमलदार हे गुन्ह्याचा तपास करीत असताना पोलीस निरीक्षक अनिल कटके यांना गुप्त बातमीदारामार्फत बातमी मिळाली कि, वरील नमुद गुन्हा हासलाबतपूर, ता. नेवासा येथील सराईत गुन्हेगार सचिन भोसले व त्याचे साथीदारांनी मिळून केलेला असून सचिन भोसले व त्याचा साथीदार अजय मांडवे हे चोरलेले सोन्याचे दागिण्यांची विल्हेवाट लावण्यासाठी पांढऱ्या रंगाचे स्विफ्ट कारमधून आलेलेआहेत अशी खात्रीशीर माहिती मिळाल्याने स्थानिक गुन्हे शाखेच्या पथकातील अधिकारी व अंमलदार तसेच श्रीरामपूर शहरपो.स्टे. चे अधिकारी व अंमलदार अशांनी मिळून दोन पंचासह खाजगी वाहनाने सलाबतपूर येथे जावून मिळालेल्या माहितीचेआधारे आरोपींचा शोध घेत असताना सलाबतपूर ते प्रवरा संगम जाणाऱ्या  रोडवर डॉ. योगेश वरगंटवार यांचे गोठ्याचे आडोशाला एका पांढरे रंगाचे कारजवळ दोन इसम संशईतरित्या उभे असलेले दिसले. पोलीस पथकाची खात्री झाल्याने पोलीस पथक त्यांचे दिशेने जात असतानाच त्यांना पोलीस आल्याची चाहूल लागल्याने त्यातील एक इसम बाजूस असलेल्याउसाचे शेतामध्ये पळून गेला, त्याचा शोध घेतला असता तो मिळुन आला नाही. दुसऱ्या इसमास कारसह जागीच ताब्यात घेवूनत्यास पोलीस पथकाची ओळख सांगून त्यांस त्याचे नांव, पत्ता विचारले असता त्याने त्याचे नांव, अजय अशोकमांडवे, वय- २२ वर्षे, रा. सलाबतपूर, ता. नेवासा असे असल्याचे सांगीतले. त्यास विश्वासात घेवून वरील नमुद गुन्ह्याबाबतव गुन्ह्यातील चोरलेल्या दागिण्याबाबत विचारपूस केली असता तो उडवाउडवीची उत्तरे लागल्याने दोन पंचासमक्ष त्याचेकारची झडती घेतली असता त्याचे कारमधून ४८३ ग्रॅम वजनाचे सोन्याचे दागिणे तसेच १०० ग्रॅम वजनाचे चांदीचे दागिणे त्यामध्ये राणीहार, गंठण, मणीमंगळसुत्र, कानातील मुंबर, अंगठ्या, चैन, टॉप्स, नेकलेस, डोरले, कानातील वेल, बोरमाळ तसेच चांदीचे पायातील पैजण असे वेगवेगळ्या प्रकारचे दागिणे तसेच स्विफ्ट कार व मोबाईल मिळून आल्याने ते पंचासमक्षजप्त करण्यात आले आहे.जप्त करण्यात आलेल्या दागिण्याबाबत ताब्यात घेतलेला आरोपी अजय अशोक मांडवे याचेकडे कसून चौकशी केलीअसता त्याने सदरचे दागिणे हे त्याने व त्याचे साथीदार सचिन भोसले, प्रद्युम भोसले, डिच्चन भोसले, बयंग काळे, असिफ शेख, सर्व रा. सलाबतपुर, ता. नेवासा, बाबाखान भोसले, कृष्णा भोसले, रा. गोंडेगाव, ता. नेवासा, रुकुल चव्हाण, रा. शिरुर,ता. जि. पुणे, समीर उर्फ चिंग्या सय्यद, रा. मुकीदपुर, ता. नेवासा, रामसिंग भोसले, रा, गेवराई, ता. नेवासा, योगेश युवराजकाळे, रा. बिटकेवाडी, ता. कर्जत अशांनी मिळून मागील ५ ते ६ महीन्याचे कालावधीमध्ये निपाणी वडगाव, बेलापुर,बोंबलेनगर, खोकर, ता. श्रीरामपुर, शिर्डी, चांदा, सोनई, तरवळे वस्ती, हिवरे, ता. नेवासा, निमगाव, ता. शेवगाव, भिंगार अशावेगवेगळ्या ठिकाणाहून रात्रीचे वेळेस घराचे दरवाजे तोडून घरतील लोकांना मारहाण करुन चो-या करुन चोरुन आणलेअसल्याचे सांगीतल्याने आरोपीने दिलेल्या माहितीचे आधारे साथीदार आरोपींचा शोध घेवून आरोपी नामे  प्रद्युम सुरेशभोसले, वय- १९ वर्षे, रा. सलाबतपूर, ता. नेवासा, समीर उर्फ चिंग्या राजु सय्यद, वय-२१ वर्षे, रा. मराठी शाळेजवळ,नेवासा फाटा, ता. नेवासा, रामसिंग त्रिंबक भोसले, वय-३० वर्षे, रा. सलाबतपूर, ता. नेवासा, बाळासाहेब ऊर्फवयंग सुदमल काळे, वय-३४ वर्षे, रा. गेवराई, ता. नेवासा, योगेश युवराज काळे, वय- १९ वर्षे, रा. बिटकेवाडी, ता.कर्जत यांना वेगवेगळ्या ठिकाणाहून ताब्यात घेतले.नमुद ताब्यात घेतलेल्या आरोपीकडून ४८३ ग्रॅम वजनाचे सोन्याचे दागिणे, १०० ग्रॅम वजनाचे चांदीचे दागिणे,स्विफ्ट कार, ७ मोबाईल व दोन मोटार सायकली असा एकूण २७,९२,५००/-रु. किं. चा मुद्देमाल जप्त करण्यात आलेलाआहे. ताब्यात घेतलेल्या आरोपींचे सहा साथीदार फरार असून त्यांचा शोध घेण्याचे काम चालू आहे.गुन्हे उघडकीस आलेले आहेत.