bindas news

अहमदनगर : दरोड्याच्या गुन्ह्यातील सहा वर्षापासून फरार असणा-या आरोपीसह वांबोरी घाटात वाहन चालकांना अडवून लुटमार करणारे आरोपी  पकडण्यात स्थानिक गुन्हे शाखेच्या पथकाला यश आले आहे. पकडण्यात आलेल्या आरोपींकडून अनेक गुन्हे उघडकीस येण्याची शक्यता नाकारता येत नसल्याचे स्थानिक गुन्हे शाखेकडून सांगितले जात आहे. सुरेश रणजित निकम, सतिष अरुण बर्डे, सागर शिवाजी जाधव या तिघांना पकडण्यात आले आहे.यापूर्वीच विकास बाळू हनवत, करण नवनाथ शेलार व एक अल्पवयीन साथीदार यांना ताब्यात घेण्यात आले आहेत.याबाबत समजलेली माहिती अशी की, दि. २३ एप्रिल रोजी मित्रासह गोरक्षानाथ गड, मांजरसुंबा येथे त्यांची ( एमएच१६ सीबी ३३२८) या दुचाकीवरुन वांबोरीफाटा मार्गे जात असतांना गोरक्षनाथ गडाच्या चढावर दुचाकीचा वेग कमी झाला. त्यावेळी घजालानी यांच्या समोरुन दोन व पाठीमागुन दोन असे एकूण ४ अज्ञात इसम दोन दुचाकीवरुन त्यांच्याजवळ येऊन त्याच्या मित्रास मारहाण करुन घजालानी  व त्याचा मित्राजवळील ३ मोबाईल व सोने चांदीचे दागिणे असा एकूण १ कोटी १६ लाख ५ हजार रु. किमतीचा ऐवज बळजबरीने चोरुन नेला होता. या घटनेबाबत  एमआयडीसी पोलीस ठाण्यात रितीक प्रेमचंद छजलानी (वय २० वर्ष रा. पंचशीलनगर, भिंगार) यांनी दिलेल्या फिर्यादीवरून गुरनं. २५४/२०२१ भादवि कलम ३९४, ३४ प्रमाणे दाखल करण्यात आला होता. या गुन्ह्याचा स्थानिक गुन्हे शाखेच्या पथकाने यापूर्वी आरोपी  विकास हनवत, करण शेलार व एक अल्पवयीन साथीदार यांना ताब्यात घेवून एमआयडीसी पो.स्टे. ला हजर केलेले आहे.सदरचा गुन्हा दाखल झाल्यापासून गुन्ह्यातील मुख्य आरोपी सुरेश निकम हा फरार झालेला होता. या फरार आरोपीचा स्थानिक गुन्हे शाखेचे पो.नि. अनिल कटके यांच्या पथकाच्या मदतीने शोध घेत असताना श्री कटके यांना बातमीदाराकडून माहिती मिळाली, आरोपी सुरेश निकम हा कात्रड येथे त्याचे घरी आला आहे. त्यानुसार श्री कटके यांनी त्यांच्या स्थानिक गुन्हा अन्वेषण विभागाच्या पथकाला सूचना दिल्या. पथकाने आरोपी रहात असलेल्या परिसरात सापळा लावला असता सदर आरोपीस पोलीस आल्याची चाहूल लागल्याने तो पळून जावू लागला. त्यावेळी पथकातील पोलीसानी आरोपीचा पाठलाग करुन आरोपी  सुरेश रणजित निकम यास ताब्यात घेतले. त्यास विश्वासात घेऊन सदरच्या गुन्ह्याबाबत विचारपूस केली. यावेळी त्याने उडवाउडवीची उत्तरे देवू लागला. त्यास अधिक विश्वसात घेऊन कसून व सखोल चौकशी केली असता, त्याने सदरचा गुन्हा यापूर्वी अटक करण्यात आलेले साथीदार तसेच सतिष बर्डे व सागर जाधव अशांनी मिळून केला असल्याची माहिती दिली. त्यावरुन पथकाने आरोपींचा शोध घेऊन आरोपी   सतिष अरुण बर्डे, सागर शिवाजी जाधव यांना ताब्यात घेऊन एमआयडीसी पोलीस ठाण्यात हजर केले आहे.जिल्हा पोलीस अधीक्षक मनोज पाटील, अपर पोलिस अधीक्षक सौरभकुमार अग्रवाल, नगर ग्रामीण उपविभागीय पोलीस अधिकारी अजित पाटील यांच्या मार्गदर्शनाखाली स्थानिक गुन्हे शाखेचे पो.नि. अनिल कटके यांनी दिलेल्या सूचनेनुसार स्थानिक गुन्हे शाखेच्या पथकातील सपोनि सोमनाथ दिवटे, पोसई  गणेश इंगळे, पोहेकाॅ  दत्तात्रय हिंगडे, संदीप घोडके, पोना  सुनिल चव्हाण, शंकर चौधरी, संदीप पवार, दिनेश मोरे, दिपक शिंदे, पोकॉ मच्छिन्द्र बर्डे, रविन्द्र घुंगासे, संदीप दरंदले, योगेश सातपूते, जालिंदर माने आदिंच्या पथकाने ही कारवाई केली आहे. आरोपी हे सराईत गुन्हेगार असून त्याचे विरुध्द यापुर्वी दरोडा, जबरी चोरी या सारखे खालील प्रमाणे गुन्हे दाखल असून सदर गुन्ह्यात अद्याप पावेतो फरार आहे.आरोपी सुरेश रणजित निकम याचे विरुध्द गुन्हे दाखल  असून एमआयडीसी पो.स्टे. गुरनं. २१०/२०१५ भादवि कलम ३४१, ३९४, ३९५, ३९७ (फरार) २१५/२०१५ भादवि कलम ३९४, ३९५, ३९७ (फरार),एमआयडीसी पो.स्टे.  एमआयडीसी पो.स्टे.  सोनई पो.स्टे. गुरनं. येथे दाखल आहे.आरोपी सतिष अरुण बर्डे याचे विरुध्द एमआयडीसी पो.स्टे..,राहूरी पो.स्टे. येथे विविध प्रकारचे गुन्हा दखल आहे.आरोपी सागर शिवाजी जाधव याचे विरुध्द दाखल गुन्हे एमआयडीसी पो.स्टे. ,एमआयडीसी पो.स्टे. गुरनं.,पारनेर पो.स्टे. गुरनं.  राहूरी पो.स्टे. गुन्हा दाखल केले आहे.

*कुप्रसिद्ध नयन तांदळे टोळीला Dysp संदीप मिटकेंचा झटका,*

सुपा पोलिस ठाण्यात दाखल असलेल्या मोक्काच्या गुन्ह्यातील कुख्यात नयन तांदळे टोळी यांनी आणखी गुन्हे केल्याचे निष्पन्न झाले  आहे. मोक्काच्या  गुन्ह्याचा तपास करीत असताना Dysp संदीप मिटके यांच्या निदर्शनास आले की, नयन तांदळे व त्याचे साथीदार यांनी चोरी आणि बनावट पोलीस ओळखपत्र बनवण्याचा गुन्हा केलाआहे त्यावरून तोफखाना पोलीस स्टेशनला गुन्हा दाखल करून नयन तांदळे टोळीस मोठा झटका दिला आहे.

*श्रीरामपुरातील सुरक्षा रामभरोसे!*

श्रीरामपुर  (प्रतिनिधी  )-श्रीरामपूर शहरातील  अजब प्रकार माहिती अधिकारात उघडकीस आला असुन श्रीरामपूर शहरात अनेक ठिकाणी  चक्क सी सी टी व्ही कँमेरे  बंद असल्याचे पत्र श्रीरामपूर पोलीस स्टेशनच्या अधिकार्यांनी माहिती अधिकारात मागविलेल्या कार्यकर्त्याला लेखी दिले असल्याने श्रीरामपूर शहराची सुरक्षा राम भरोसे असल्याचे दिसून येत आहे       या बाबत मिळालेली माहीती  अशी कि श्रीरामपूर शहरातील तिरंगा न्युज चे संपादक असलम बिनसाद यांनी दिनांक २६ एप्रिल २०२१ रोजी शहर पोलीस स्टेशनला माहिती अधिकारात माहिती मागितली होती कि दिनांक २३ एप्रिल २०२१ रोजीची छ.शिवाजी चौकातील सायंकाळच्या दरम्यानची सी सी टी वि फुटेज मीळण्यास विनंती केली होती त्यावर शहर पोलीस स्टेशनने असलम बिनसाद यांना पोलीस स्टेशनच्या लेटर पॅडवर दिनांक २१ मे २०२१ रोजी लिखित पत्र  दिले कि आमच्या पोलीस स्टेशनचे  डी व्ही आर यात वरील तारखेस तांत्रिक अडचण  आल्याने  सी सी टी वि फुटेज ची रेकॉर्डिंग उपलब्ध होऊ शकली नाही म्हणून आपणास सी सी टी वि ची रेकॉर्डिंग देण्यात आली नाही असा उल्लेख शहर पोलीस स्टेशने केला आहे यावरून स्पष्ट होते कि हे सी सी टी वि कॅमेरे हे फक्त शोभेचे बाहुले आहे की काय ? पोलिसांनी जनतेची दिशाभूल करण्यासाठी लावले असल्याने शहराची सुरक्षा राम भरोसे आहे असे म्हणण्याची पाळी आली आहे दिलेल्या माहिती अधिकारात असे उत्तर शहर पोलीस स्टेशन कडून अपेक्षित नव्हते कारण कि शहरात गजबजल्या ठिकाणीच जर सी सी टी वि बंद आहेत तर  पोलिसांना हे माहित  बंद असलेले सी सी टि व्ही सुरु करण्याची तसदी का घेतली नाही  आहेत कदाचित कँमेरे चालूही असतील परतु काही माहीती उघड होवु नये  म्हणून तर अश्या प्रकारचे पत्र देऊन माहिती अधिकारी कार्यकर्त्यांची दिशाभूल केली की काय अशी शंका येत आहे   ह्या माहिती आधीकारात पाठविलेल्या  प्रथम अपीलीय अधिकारी पोलीस उप विभागीय अधिकारी यांच्या कडे अपील दाखल करणार असल्याचे  असलम बिनसाद यांनी प्रसार माध्यम यांना सांगितले .

श्रीरामपूर (प्रतिनिधी)- सध्या सर्वत्रच कोरोनाने हाहाकार माजवला आहे, सुरक्षितेचा उपाय म्हणून जिल्हाभरात लॉकडाऊन लावण्यात आले आहे, शासनाच्या आदेशान्वये दुचाकीवर एकाच प्रवाशात अत्यावश्यक कामांसाठी परवानगी देण्यात आलेली आहे,अशा प्रकारे शासनस्तरावरून कोरोनास प्रतिबंध घालण्याच्या विविध उपाययोजना चालु आहे,हे खरोखरच स्तूतीजन्य व रास्त असलेतरी,आता प्रत्येकाच्या घरी काही चारचाकी वाहन नक्कीच नाही,किंबाहूना दुचाकीही नाही,मात्र परीवारातील कोणी सदस्य आजारी असल्यास अक्षरशः शेजाऱ्यांकडून तात्पुर्ती दुचाकी घेऊन का होईना जर संबंधित रुग्णांस रुग्णालयात नेण्याचा प्रयत्न केल्यास अथवा घेऊन गेल्यास आपल्या प्राणांची पर्वा न करता केवळ जनमानसासाठी भररस्त्यावर उभा पोलिस दादा आपल्या काठीने दुचाकीची खोपडी फोडतो,

इंडिगेटर तोडतो त्यावर दोनशे रुपयांचा दंड फाडतो,मात्र काहीही बोलायास गेलो की चक्क दुचाकी पोलिस स्टेशनला ओढतो, स्वतः:च दुखत असल्याने रुग्णांना दुचाकीवर बसवून रुग्णालयात जाता येईना, आणि दुसऱ्यांना देखील त्यांना दुचाकीवर बसवून रुग्णालयात नेता येईना,अशा पद्धतीने जनसामान्यांना मोठ्या संतापाचा सामना करावा लागत आहे,काही ठिकाणी तर एकट्या दुचाकी चालकास कुठलीही विचारपूस न करता दुचाकी दिसताच लांबुनच काही पोलिस दादा काठी फेकुन मारण्याचे यशस्वी प्रयोग करत आहेत,यामध्ये रुग्णांसह दुचाकीस्वारास खाली कोसळून गंभीर दुखापतीस सामोरे जावे लागत आहे,नुकतेच एक प्रकरण  मागेही असेच घडले आहे, ज्यात एका धार्मिक स्थळाचा सेवेकरी धार्मिक स्थळाचा अश्व (घोडा) घेऊन चालला होता,त्यास पोलिसदादांकरवी इतकी अमानूष मारहाण करण्यात आली की हात फॅक्चर होऊन थेड रुग्णालयात दाखल व्हावे लागले,अशाप्रकारे कोरोना प्रतिबंधक उपाययोजनांच्या नावाखाली श्रीरामपूर शहरात पोलिसदादांकरवी लोकांना मारहाण आणि जबरदस्तीने दंड पावती फाडण्याचे कामे सध्या मोठ्या प्रमाणात होत आहेत, यावर ज्यांचे नियंत्रण असावे असे वरीष्ठ पोलिस अधिकारी देखील यावर काहीच बोलण्यास तयार नाही, यामुळे सदरील प्रकरणी त्यांचाही अशा गैरप्रकारांना छुपा पाठिंबाच असल्याचे दिसून येत आहे.