सैलानी येथे पुरात वाहत असलेल्या बीड येथील वेडसर इसमाचे धाडसी युवकांनी वाचवले प्राण.
बुलडाणा - 17 ऑगस्ट
बुलडाणा तालुक्यातील सैलानी परिसरात रात्रीपासून जोरदार पाऊस पडत असल्याने इतिहासात पहिल्यांदा येथील नदी-नाले पाट सोडून वाहत होते. अनेक घरात सैलानी येथे हे पाणी शिरले होते तर दुपारी चार वाजेच्या सुमारास सैलानी येथील बाग जाली परिसरात एक वेडसर इसम शाहनवाज कुरेशी वय 35 वर्ष राहणार बीड हा नाल्यातील पुराच्या पाण्यात वाहून गेला त्याला एका ठिकाणी पुलावर काही लोकांनी पकडण्याचा प्रयत्न केला परंतु पाण्याचा प्रवाह जोरात असल्याने त्याला वाचण्यास अपयश आले. जवळपास पाचशे मीटर पुढे शेख अफसर मुजावर यांच्या म्युझियम जवळ एका एंगलला पकडन्यास त्याला यश आले. ही गोष्ट काही लोकांच्या लक्षात आली परिसरात भरपूर पाणी होता चार ते पाच फुटापर्यंत पाणी असल्याने त्याला वाचवँयाची हिम्मत शेख शोएब शेख अफसर मुजावर, शेख अरबाज शेख अफसर मुजावर, शेख हारून शेख सुल्तान ,कैलाश चव्हाण व सुदामा गवारे या पाच लोकांनी दाखवली व रस्सी बांधून ते पाण्यात पोहोचले व पाण्यात पडलेल्या या इसमाला वाचवून बाहेर आणले. अशा प्रकारे या युवकांनी एका वेडसर इसमाला वाहत जात असताना वाचवले आहे. या धाडसी युवकांचे पंचायत समिती सदस्य शेख चांद मुजावर सह ग्रामस्थाननी कौतुक केले आहे.
