शिर्डी व परिसरातील अवैध धंद्यांवर जिल्हा गुन्हे अन्वेषण शाखेचे छापे, वरिष्ठ पोलिस अधिकाऱ्यांनी घातले लक्ष.
(शिर्डी प्रतिनिधी)-श्री साईबाबामुळे अांतरराष्ट्रीय तीर्थक्षेत्र असलेल्या शिर्डीत दारू विक्रीला बंदी असतांना शिर्डी व परिसरात अवैधरित्या दारू विक्री मोठ्या प्रमाणात सुरू असल्याने कालच दि,२ मे रोजी जिल्हाधिकारी अहमदनगर यांनी पोलीस अधीक्षक व गुन्हा अन्वेषण विभागाला शिर्डी व परिसरातील अवैध दारूधंदे त्वरित बंद करण्याचे आदेश दिल्याने या विभागामार्फत शिर्डी व परिसरात विविध ठिकाणी छापे टाकण्यात येत आहे, वरिष्ठपोलीस अधिकारी अवैध दारू धंद्याकडे विशेष लक्ष देत असताना मात्र स्थानिक शिर्डी पोलीस स्टेशनचे पोलीस अधिकारी व कर्मचारी काय करतात ।असा प्रश्न आता नागरिक उपस्थित करीत आहेत, त्यामुळे एकीकडे जिल्ह्यातील वरिष्ठ पोलीस अधिकाऱ्यांचे अभिनंदन होत असताना शिर्डीत मात्र कार्यक्षम व कर्तव्यदक्ष पोलिस अधिका्रयाची नेमणूक करावी ,अशी मागणी आता होऊ लागली आहे.शिर्डी व परिसरात अवैध दारूधंदे व अवैध व्यवसाय यासंदर्भातचे वृत्त बिनधास्त न्यूज व जंनमत चॅनलला नुकतेच प्रसिद्ध झाले होते व यासंदर्भात दारू बंदी व उत्पादन शुल्क मंत्री ना, दिलीप वळसे पाटील व इतर संबंधित मंत्र्यांना तसे निवेदन देण्यात आले होते, याचा परिणाम म्हणून ही वरीष्ट पातळीवरून शिर्डीत कारवाई झाल्याचे बोलले जात आहे,
सन 1985 ला श्री साईबाबा संस्थानने शासनाकडे अर्ज करून शिर्डीत संपूर्ण दारूबंदी करण्याची मागणी केली होती, त्या अनुषंगाने शिर्डी येथे तेव्हापासून दारू विक्रीला बंदी करण्यात आली आहे, शिर्डीत कोणताही दारू विक्रीचा परवाना दिला जात नाही किंवा दारू विक्रीला परवानगी नाही, असे असताना शिर्डीत सर्रासपणे अवैधरित्या दारू विक्री ठीक ठिकाणी होत आहे , गल्लीबोळात ,काही हॉटेलमध्येही दारूविक्री होत असते, त्यामुळे शिर्डीत येणारे साईभक्त व येथील नागरिकांना मोठा त्रास सहन करावा लागतो, शिर्डी परिसरातही मोठ्या प्रमाणात अवैध दारू धंदे सुरू आहेत, मात्र शिर्डी पोलिसांचे याकडे लक्ष नाही, किंवा आर्थिक देवाण घेवाणातून या अवैध दारूविक्री धंद्याकडे जाणीवपूर्वक दुर्लक्ष केले जाते की काय। अशी शंका शिर्डीकरांना येत आहे, अनेकदा शिर्डी व परिसरातील अवैधधंद्याविषयी निवेदने व उपोषणे झाली, वरिष्ठांच्या आदेशानुसार स्थानिक पोलिसांकडून तेवढ्यापुरती तेवढी थातूर मातूर कारवाई होते ,नंतर मात्र जैसे थी परिस्थिती राहते, असे अनेकदा घडले आहे, कालच दि,२ मे रोजी अहमदनगरचे जिल्हाधिकारी राहुल द्विवेदी यांनी कार्यालयीन आदेश 19( अ) 210 / 20 20 अन्वये कोरोना (covid-19) चा प्रादुर्भाव रोखण्यासाठी राज्यात साथरोग नियंत्रण कायदा व आपत्ती व्यवस्थापन कायद्यानुसार त्या अनुषंगाने जिल्हा स्थानिक गुन्हा अन्वेषण विभागाचे पोलीस निरीक्षक दिलीप पवार यांना शिर्डी व परिसरातील अवैध दारू धंद्यांवर छापा टाकण्याचे आदेश दिले , त्यानुसार पोलीस अधीक्षक अखिलेशकुमार सिंह यांच्या मार्गदर्शनाखाली जिल्हा स्थानिक गुन्हे अन्वेषण विभागाने सहाय्यक फौजदार मोहन लक्ष्मण गाजरे पोहे बाळासाहेब किसन मुळीक पो को एमसी खर्डे सुमेधा वाघमारे,शेलार ,गोरे ,आदि पोलिसांच्या साह्याने शिर्डी परिसरातील अवैध दारू विक्री धंद्यांवर छापे टाकले ,त्यामध्ये सावळीवीर सोनेवाडी रस्त्यालगत एका भिंतीच्या आडोशाला अवैद्य दारूविक्री करणाऱ्या सोनी विनोद जाधव या महिलेच्या घरी सुमारे तीन हजार रुपयाची तीस लिटर हातभट्टीची दारू सापडली, त्यावरून या महिले विरोधात भादवि कलम 188 (2) 269 271 तसेच साथरोग नियंत्रण कायदा 1897 चे कलम 234 तसेच महाराष्ट्र प्रोव्हिजन ॲक्ट कलम (ई )प्रमाणे गुन्हा दाखल करण्यात आला आहे, अश्या अनेक हातभट्ट्या व अवैध दारू विक्री शिर्डी व परिसरातील अनेक ठिकाणी सुरू आहेत, मात्र त्यांना या छाप्याच्या अगोदरच छाप्याची खबर कळत असल्याने या पाठीमागे कोण आहे ।याची चौकशी होणे गरजेचे आहे, वरिष्ठ पोलीस अधिकारी थेट शिर्डीत येवून अवैध धंद्यांवर कारवाई करतात, मात्र या धंदेवाल्यांना त्या अगोदरच कोण खबर देतो, ,याची गुप्तपणे चौकशी होणे गरजेचे आहे.शिर्डी हे आंतरराष्ट्रीय तिर्थक्षेत्र असताना शिर्डी पोलीस स्टेशनला प्रभारी चार्ज साध्या सहाय्यक पोलीस निरीक्षक यांच्याकडे आहे ,येथे कर्तव्यदक्ष, कार्यक्षम असे पोलिस निरीक्षक नेमण्याची मागणी आता शिर्डी करांकडून होत आहे, वरिष्ठ अधिकाऱ्यांचे कौतुक होत असतांना शिर्डीतील पोलीसावर शिर्डी व परिसरातील नागरिक तीव्र नाराजी व्यक्त करीत आहेत, जिल्हाधिकारी ,पोलीस अधीक्षक, यांनी शिर्डी व परिसरात अजूनही विशेष लक्ष देऊन या परिसरात चालणारे अवैध दारूधंदे व इतर अवैध व्यवसाय, लॉजमध्ये चालणारे वेश्याव्यवसायावर आळा घालण्यासाठी प्रयत्न करावेत, तसेच शिर्डीसाठी कार्यक्षम ,कर्तव्यदक्ष असे पोलीस निरीक्षक ,पोलीस अधिकारी नेमावेत ,अशी मागणी आता शिर्डी व परिसरातील नागरिकांकडून होत आहे.
