Technology
Breaking News
[recent][newsticker]
Latest Post
महाराष्ट्रदिनी अहमदनगर जिल्ह्यातील अकरा पोलिसांना पोलिस महासंचालक पदके जाहीर।
महाराष्ट्र दिनाच्या पार्श्वभूमीवर राज्यातील चांगली कामगिरी करणाऱ्या पोलिस अधिकारी व कर्मचाऱ्यांना पोलीस महासंचालक पदके जाहीर करण्यात आली असून त्यामध्ये अहमदनगर जिल्ह्यातील अकरा पोलिस कर्मचाऱ्यांचा समावेश आहे,
दरवर्षी प्रमाणे यावर्षीही महाराष्ट्र राज्यात उत्कृष्ट कामगिरी करणाऱ्या पोलीस अधिकारी व कर्मचारी यांना पोलिस महासंचालक पदक देऊन महाराष्ट्र दिनी एक मेला गौरविण्यात येत असते, यावर्षी सुद्धा राज्यातील चांगली कामगिरी करणाऱ्या व उत्कृष्ट कर्तव्य बजावणाऱ्या आठशे पोलिस अधिकारी व कर्मचाऱ्यांना पोलीस महासंचालक पदके जाहीर झाली आहेत, महाराष्ट्र राज्याचे पोलीस महासंचालक एस ,के ,जयस्वाल यांच्या मार्गदर्शनाखाली राज्यात सर्व जिल्ह्यातील पोलिस कर्मचारी, अधिकारी यांच्या कामगिरीचा आढावा घेतला जातो ,त्यावरून राज्यातील पोलिस अधिकारी, कर्मचारी, सर्वजण आपापल्या परीने उत्कृष्ट काम करत असतातच, मात्र यामध्येही अधिक चांगले काम व उत्कृष्ट कर्तव्य बजावणाऱ्या पोलीस अधिकारी ,कर्मचाऱ्यांना पोलीस महासंचालक पदक देऊन गौरविण्यात येते व राज्यातील पोलिस अधिकारी ,कर्मचाऱ्यांचा उत्साह, जोश त्यामुळे वाढवण्याचा प्रयत्न होत असतो, सध्याच्या लॉकडाऊन परिस्थितीमध्ये पोलीस अधिकारी, कर्मचारी आपला जीव धोक्यात घालून काम करत आहेत, अहोरात्र परिश्रम घेत आहेत ,अशा सर्व पोलिसांचे सर्वत्र राज्यभरातून ,देशातून अभिनंदन होत आहे ,अशा परिस्थितीत महाराष्ट्र दिन आला आहे, एक मे या महाराष्ट्र दिनी दरवर्षी राज्यात पोलिस महासंचालक पदके जाहीर होत असतात, त्याप्रमाणे ती नुकतीच जाहीर झाली आहे, राज्यातील एकूण 800 पोलीस अधिकारी कर्मचाऱ्यांना पोलीस महासंचालक पदे जाहीर करण्यात आली आहेत, त्यापैकी अहमदनगर जिल्ह्यातील अकरा पोलीस कर्मचारी आहेत, पोलीस कर्मचाऱ्यांमध्ये सहाय्यक फौजदार काशीनाथ तुकाराम खराडे ,सहाय्यक फौजदार राजेंद्र सुपेकर, सहाय्यक फौजदार मधुकर शिंदे, सहाय्यक फौजदार अनिल गाडेकर, सहाय्यक फौजदार रवींद्र कुलकर्णी, पोलीस हेडकॉन्स्टेबल शैलेश उपासनी, पोलीस हेडकॉन्स्टेबल मन्सूर सय्यद ,पोलीस हेडकॉन्स्टेबल कैलास सोनार, सहाय्यक फौजदार अर्जुन बडे, पोलीस कॉन्स्टेबल अजित पठारे, पोलीस हेडकॉन्स्टेबल तुकाराम सोनवणे आदीना पोलीस महासंचालक पदके जाहीर झाली आहेत, या सर्वांचे राज्याचे पोलिस महासंचालक एस,के जयस्वाल, तसेच नाशिक परिक्षेत्राचे पोलीस महानिरीक्षक अहमदनगर जिल्ह्याचे पोलीस अधीक्षक अखीलेशकुमार सिंह व सर्व जिल्ह्यातील नागरिकांकडून त्यांचे विशेष अभिनंदन होत आहे.
शिर्डीत भाजीपाला फळे विक्रेत्यांकडून नियम पायदळी।। न,पं, मात्र या गोष्टीपासून जाणीवपूर्वक नामानिराळी।।
श्रीरामपूर शहरासह तालुक्यात बाहेरगावहून आलेल्या 15 जणांना होम क्वारंटाईन.
श्रीरामपूर (प्रतिनिधी)-प्रशासनाने केलेल्या आवाहनाला प्रतिसाद देत श्रीरामपूर शहर व तालुक्यातील नागरिकांनी बाहेरगावहून आलेल्या नागरिकांची माहिती प्रशासनाला द्यायला सुरुवात केली. त्यामुळे श्रीरामपूर शहरासह तालुक्यात बाहेरगावहून आलेल्या 15 जणांना होम क्वारंटाईन करण्यात आले आहे.श्रीरामपूर शहर व तालुका अद्यापही सुरक्षित आहे. मात्र, आता यापुढे बाहेरचा कोणी येता कामा नये. त्यासाठी प्रांताधिकारी अनिल पवार आणि तहसीलदार प्रशांत पाटील यांनी बाहेरगावहून आलेल्या नागरिकांची नावे कळवावी असे आवाहन करतानाच कोणी बाहेरगावहून आलेल्यांची माहिती लपविल्यास त्यांच्यावर गुन्हा दाखल करण्याचा इशारा दिला होता. या त्यांनी केलेल्या आवाहनाचा मोठा परिणाम काल दिसून आला.याबाबत तालुका आरोग्य अधिकारी मोहन शिंदे यांनी शहर व तालुक्यातून लोक बाहेरगावहून आलेल्यांची माहिती कळवत असल्याचे सांगितले. याबाबत शिंदे यांनी सांगितले की, कारेगाव येथे 4 मजूर हे बारामतीहून आले होते. त्यांच्याबाबत गावातून फोन आल्यानंतर तातडीने तेथे जावून या चारही मजुरांना होम क्वॉरंटाईन केले. त्यानंतर नोकरीसाठी पुण्याला असणारे तिघे जण लाडगाव येथे पुण्याहून आल्याचे समजताच या तिघांनाही त्यांच्याघरी होम क्वारंटाईन करण्यात आले.याशिवाय हरेगाव येथील एकवाडी येथे दोन जण नगरहून आल्याची माहिती कळविण्यात आली. त्यांनाही होम क्वॉरंटाईन करण्यात आले. त्यानंतर शहरातील सावता रोडवर व्यापारानिमित्त रत्नागिरीला गेलेले दोघेजण श्रीरामपुरात आल्याचे परिसरातील नागरिकांनी सांगितल्यानंतर त्यांना घरी जावून होम क्वॉरंटाईन करण्यात आले. तसेच बोरावके कॉलेजजवळ अतिथी कॉलनीत एकजण पुण्याहून आल्याचे सांगण्यात आल्यानंतर सदर व्यक्तीलाही होम क्वॉरंटाईन करण्यात आले.इराणी गल्लीत एका कुटूंबात 3 जण नगरहून आल्याचे सांगण्यात आले. त्याठिकाणी आरोग्य खात्याचे पथक जावून त्या तिघांनाही होम क्वॉरंटाईन करण्यात आले. तालुका आरोग्य अधिकारी मोहन शिंदे, नगरपालिकेचे डॉ. पर्हे, डॉ. मुंदडा, सहाय्यक पंडित, सुपरवायझर गायकवाड, गोजे, श्रीकांत कदम आणि ज्या पथकाने काल मध्यरात्रीपर्यंत शहर व तालुक्यात क्वॉरंटाईन करण्याचे काम केले. अजून काही तालुक्यातील व शहरातील नागरिकांनी सतर्क रहावे असे आवाहन प्रशासनाच्या वतीने करण्यात आले आहे.तालुक्यात एकही रुग्ण नाही एक परप्रांतीय व तालुक्यातील वडाळा येथील एक वृद्ध महिला संशयित आढळल्याने त्यांच्या घशाचे स्राव तपासणीसाठी पाठवण्यात आले होते. परंतु त्यांचे रिपोर्ट निगेटिव्ह आले आहेत. त्यामुळे श्रीरामपूर तालुका व परिसरात एकही करोनचा रुग्ण नाही. अशी माहिती तालुका आरोग्य अधिकारी डॉ. मोहन शिंदे यांनी दिली.
मिनी वाटर पार्क समजूण बाल गोपालांनि कालव्यात घेतले मनसोक्त आनंद.
शिर्डी उपनगरातील वृक्षे पाण्याअभावी कोमजली। मात्र न, पं, बीले काढण्याच्या मागे लागली.
नव्याने एकही करोना रुग्ण न आढळ्यास जिल्हा 10 मे नंतर ग्रीन झोनमध्ये येईल-पालकमंत्री हसन मुश्रीफ
अहमदनगर (प्रतिनिधी)- केंद्र व राज्याच्या आदेशानुसार लॉकडाऊन तीन मे रोजी उठेल की नाही याबाबत शंका आहे. मात्र, जिल्ह्यात करोनाची विद्यमान परिस्थिती पाहता आणि नव्याने एकही करोना रुग्ण न आढळ्यास जिल्हा 10 मे नंतर ग्रीन झोनमध्ये येईल. मात्र नागरिकांनी स्वत:ची काळजी घ्यावी, असे आवाहन असे पालकमंत्री हसन मुश्रीफ यांनी पत्रकार परिषदेत सांगितले. करोनावर अद्यापही लस निघालेली नाही, असेही त्यांनी यावेळी स्पष्ट केले.जिल्हाधिकारी कार्यालयातील नियोजन भवन येथे ग्रामविकास मंत्री तथा जिल्ह्याचे पालकमंत्री हसन मुश्रीफ यांनी करोना विषयी व खरीब हंगामाच्या पार्श्वभूमीवर आढवा बैठक घेतली.त्यानंतर त्यांनी प्रेसशी संवाद साधला. यावेळी पालकमंत्री मुश्रीफ म्हणाले, जिल्ह्यात जामखेड, संगमनेर तालुका वगळता इतर तालुके करोनामुक्त आहे.तसेच जिल्ह्याबाहेर अडकलेले नागरिकांना लवकरच जिल्ह्यात येता येणार आहे. मात्र, त्यांना 14 दिवस वैद्यकीय अधिकारी यांच्या निगराणीखाली ठेवले जाणार आहे. आतापर्यंत 1 हजार 453 अहवाला पुण्याच्या वैद्यकीय प्रयोग शाळेकडे पाठविण्यात आले आहे. त्यापैकी 43 करोना बाधित सापडले होते. त्यापैकी 25 रुग्ण करोना मुक्त झाले आहेत.तसेच यंदा हवामान विभागाच्या आंदाजानुसार मोठ्या प्रमाणात पाऊस होणार आहे. शेतकर्‍याना लागणारे बी-बियाणे मोठ्या प्रमाणात उपलब्ध करून देण्यात येणार असल्याचे आश्वासन त्यांनी यावेळी दिले.
MKRdezign
Powered by Blogger.