शिर्डी। जितेश लोकचंदानी निवासी संपादक
देशात कोरोना मुळे मोठी आपत्तीजनक परिस्थिती निर्माण झाली आहे, देशभर लॉकडाऊन वाढवण्यात आला आहे, अशा परिस्थितीत अत्यावश्यक सेवा सोडून सर्व बंद आहे, दारू दुकाने व परमिटरूम, बियरबार सुद्धा बंद आहेत, मात्र काही बियरबार वाल्यांनी मोठा विनापरवाना अवैध साठा करून ठेवला असून ते दामदुपटीने विक्री करत आहेत ,
अशा बिअरशॉपी, वाईन्स, परमिटरूम यांच्यावर जिल्हा दारूबंदी व उत्पादक शुल्क अधिकारी व पोलिसांनी अधिक कडक पहारा सुरु केला आहे, यातूनच जिल्हा दारूबंदी व उत्पादन शुल्क पोलिसांनी गुप्त माहिती मिळताच निमगाव कोऱ्हाळे हद्दीतील आनंद बिअर शॉपी वर धाड टाकली व या शॉपी पाठीमागील बाजूस असलेल्या पत्र्याच्याशेड गोडाऊन मधून लाखो रुपये किमतीचे बियरचे बॉक्स होते, ते जप्त करण्यात आले, यामुळे शिर्डी व परिसरात मोठी खळबळ उडाली आहे, विशेष म्हणजे या बिअर शॉपी जवळच शिर्डी पोलीस स्टेशन आहे, मात्र या पोलिस स्टेशनला या गोष्टीची काहीही खबर नसताना जिल्हा दारूबंदी व उत्पादन शुल्क पोलिसांना मात्र ह्या गोष्टीची माहिती मिळते व हे जिल्हा दारूबंदी व उत्पादन शुल्क अधिकारी व पोलिसकर्मचारी शिर्डीत येऊन या बियर शॉपी च्या गोडाऊन मध्ये धाड टाकून अवैध साठा केलेली बियर जप्त करतात शिर्डी पोलीस स्टेशन मात्र या प्रकाराबाबत अनभिन असते, या गोष्टीबद्दल शिर्डी करांमधून मोठी उलट-सुलट चर्चा सुरू आहे, जिल्हा पोलीस कारवाई करतात मात्र शिर्डी पोलिसांना काही माहीत नाही, असे कसे होऊ शकते ।यामध्ये काहीतरी गौडबंगाल असल्याशिवाय असे होणार नाही, अशी चर्चा आता शिर्डी करांमधून होऊ लागली आहे,
सध्या या लॉकडाऊन काळात दारू दुकाने बंद आहेत, दारू विक्री करणे, यास परवानगी नाही, मात्र काही बिअरबार वाल्यांनी , वाईन्स दुकानवाल्यानी, जवळच्या गोडाउन मध्ये अवैध साठा करून बिअर, दारू या काळात दुप्पट ,तिप्पट रक्कम घेऊन विक्री केली जाते ,हे जिल्हा दारूबंदी व उत्पादन शुल्क पोलिसांना समजल्यानंतर या पोलिसांनी त्वरित कारवाई करत संशयित अशा ठिकाणी धाडी टाकल्या, त्यात या आनंद बिअर शॉपी वर धाड टाकली असता या बिअर शॉपी च्या पाठीमागील बाजूस पत्र्याच्या शेड गोडाउन मध्ये असलेल्या 24 लाख 39 हजार 72 रुपये किमतीचे किंगफिशर, कॅनोन, बडवायझर अशा विविध कंपन्यांच्या बियर व विविध कंपनीचे वाईन्स च्या छोट्या, मोठ्या।अश्या एकूण 964 बाटल्यांच्या बॉक्सचा साठा करून ठेवलेला होता , तो या गोडावूनमधून जप्त करण्यात आला, व एका ट्रकमध्ये भरून तो नगर कडे रवाना करण्यात आला, या गोडाऊन चे मालक व बिअर शॉपी चे मालक योगेश नंदकुमार कडलक यांच्यावर गुन्हा दाखल करून त्यांना अटक करण्यात आली,
मा, राहुल द्विवेदी , जिल्हाधिकारी अहमदनगर, व राज्य दारूबंदी उत्पादन शुल्क विभागीय उपायुक्त प्रसादजी सुर्वे तसेच या खात्याचे जिल्हा पोलीस अधीक्षक पराग नवलकर, कोपरगाव चे निरीक्षक घोरतळे ,निरीक्षक संजय सराफ अनिल पाटील, अजित बडदे भाऊसाहेब भोर ,निहाल शेख, राजेंद्र कदम ,विलास कंठाळे प्रवीण साळवे, पांडुरंग गदादे, आदींच्या पोलीस अधिकारी व पोलिसांच्या साह्याने या बिअर शॉपी वर धाड टाकण्यात आली व कारवाई करण्यात आली, जिल्ह्यात ही मोठी कारवाई समजली जाते ,मात्र या बिअर शॉपी पासून हाकेच्या अंतरावर असणाऱ्या शिर्डी पोलीस स्टेशनला मात्र याची काहीच माहित नव्हती याबद्दल नागरिकांमध्ये उलट-सुलट चर्चा सुरू आहे ,जिल्हा दारूबंदी उत्पादनशुल्क पोलीस अधिकारी व पोलीस कर्मचारी यांचे शिर्डी व परिसरातून अभिनंदन होत आहे मात्र शिर्डी पोलिसांबद्दल शिर्डी करांच्या मनात आता वेगळी चर्चा ऐकायला मिळू लागली आहे , लॉकडाऊन देशात सुरू झाल्यापासून सर्व दारूधंदे बिअर शॉपी बंद आहेत, मात्र तरीही ही अनेक ठिकाणी रानात ,आडबाजूला काही लोक दारू ,बिअर घेऊन पार्टी करताना दिसतात, जर सर्वत्र दारूधंदे बिअर शॉपी, वाईन्स बंद आहेत, मग हे दारु, बियर या लोकांना कुठून मिळते ।हा प्रश्न मोठा असून अशा परवानगी नसतानाही साठा करून ठेवलेल्या बियर व विविध प्रकारच्या दारू च्या बाटल्या हे दारूविक्रीते, मालक दुप्पट ,तिप्पट रक्कम घेऊन लोकांना गुपचूपपणे विकतात, असा जिल्ह्यातील अनेक ठिकाणी हा प्रकार सध्या गुपचुपपणे सुरू असून त्यावर जिल्हाधिकारी व जिल्हा पोलीस अधीक्षक यांनी विशेष लक्ष घालण्याची गरज असल्याचे नागरिक बोलत आहेत,
लॉक डाऊन काळात लोकांना ताज्या भाज्या अनेक अत्यावश्यक गोष्टी मिळत नाही, तरी सर्व सामान्य माणूस कोरोणाचा मुकाबला करण्यासाठी लॉक डाऊन चे नियम पाळत घरात आहेत ,मात्र काही लोक या लॉक डाऊन चा नियम तोडून दारू, बियर गुपचुप दाम दुप्पट पैसा कमवण्यासाठी विक्री करत आहेत व काही लोक हे बिअर किंवा दारू दाम दुप्पट रक्कम देऊन आडबाजूला किंवा निवांत स्थळी ,आड बाजूला जाऊ पर्टी करतात, हे चुकीचे असून यावर यावर आता अधिक लक्ष देणे गरजेचे आहे, जिल्हा दारूबंदी व व उत्पादन शुल्क पोलिसांनी अधिकाऱ्यांनी जिल्ह्याभर अशी मोहीम सुरू केली आहे शिर्डीत या जिल्हा पोलिसांनी आनंद बिअर शॉपीवर धाड टाकून हे सिद्ध केले आहे हे मात्र हाकेच्या अंतरावर असणारे शिर्डी पोलीस स्टेशन व येथील पोलिस अधिकारी कर्मचारी यांना या गोष्टीबद्दल किंवा या प्रकाराबद्दल काहीच माहित नाही, हे विशेष आहे ,यात काहीतरी गौडबंगाल असल्याचे शिर्डीकर बोलताहेत ,इतर वेळी असे प्रकार सर्रास सुरूच असतात, मात्र सध्या देश तर भयानक परिस्थितीतून जात असताना व लॉकडाऊनची परिस्थिती येथे असताना हे सर्व नियम पायदळी तुडवून जर असा प्रकार येथे होत असेल तर मग शिर्डी पोलीस काय करत आहेत, असा सवाल शिर्डी करांमधून आता उपस्थित होत आहे,
चौकट
शिर्डी व परिसरात विविध कंपन्यांचे गुटखा अवैधरित्या साठा करून काही व्यापा-यांनी ठेवला असून या गुटखा विक्रेते व व्यापारी यांचीही पोलिसांनी गुप्त माहिती काढून शोध लावून या अवैध गुटखा साठा करणाऱ्या होलसेल व किरकोळ गुटखा व्यापारी यावर धाडी टाकाव्या व कडक कारवाई करावी,
राज्यात गुटखा बंदी असताना येथे गुटखा विकला जातो, सध्या तर लॉक डाऊन आहे, इतर राज्यातून चोरून येणारा गुटखा बंद आहे, मात्र अवैध करून ठेवलेला त्यांचा साठा अद्यापही जिल्ह्यात अनेक ठिकाणी आहे, त्यामुळेच तिप्पट ,चार पट रक्कम घेऊन विविध कंपन्यांचे गुटखे येथे विकले जातात ,गुपचूपपणे या गुटख्याची विक्री होत आहे, शिर्डी परिसरातही चुपचाप पणे गुटके मिळतात, हे गुटखे कुठून आले व यांचा साठा कोठे आहे ।कोण होलसेल विक्रेते आहे यांची गुप्त माहिती काढून धाडी टाकून अशांवर कडक कारवाई होणे गरजेचे आहे ,असे आता शिर्डी करांमधून बोलले जात आहे व जिल्हा पोलीस अधीक्षक अखिलेश कुमार हे कर्तव्यदक्ष पोलीस अधिकारी आहेत ते नक्कीच या गोष्टीकडे लक्ष देतील असे शिर्डीकर यांचे मत आहे,
