बुलढाणा जिल्ह्यात आणखी 4 कोरोना पॉझिटिव्ह, जिल्ह्यात कोरोना बाधीतांची संख्या पोहोचली 21 वर.

बुलडाणा - 14 एप्रिल

आज जिल्हा प्रशासनाला प्राप्त स्वेब नमुन्यात पॉझिटिव्ह आलेल्या रुग्णां मध्ये 3 रुग्ण हे मलकापूरचे असून ते यापूर्वी सापडलेल्या कोरोनाबाधित रुग्णाच्या संपर्कातील आहेत.

तर एक रुग्ण हा बुलडाणा येथील असून तो दिल्ली वरून परतलेला असल्याची माहिती आहे.बुलडाणा जिल्ह्यातील आधीच्या कोरोना बाधित रुग्णाच्या निकट संपर्कातील 4 व्यक्तीचा रिपोर्ट पॉझिटिव्ह आला आहे. जिल्ह्यात आता कोरोना बाधित रुग्णांची संख्या 21 झाली आहे, अशी माहिती जिल्हाधिकारी सुमन रावत चंद्रा यांनी दिली आहे.

       मागील 4 दिवसांपासून जवळपास 50 रिपोर्ट प्रलंबीत होते ते सर्व निगेटिव्ह आले होते. परंतु परवा आणि काल जे स्वॅब नव्याने पाठविले होते, त्यांचा रिपोर्ट प्राप्त झाला आहे. मलकापूरच्या एकुण स्वॅबपैकी नगराध्यक्ष अ‍ॅड. हरीष रावळ कोरोना निगेटिव्ह निघालेले आहेत. शिवाय मलकपूरच्या कोरोना रुग्णाला तपासणार डॉक्टरसुद्धा निगेटिव्ह आहेत.परंतु संबंधीत कोरोना संसर्गीताच्या कुटूंबातील तीन जण पॉझिटीव्ह निघाल्याची माहिती आहे. तर बुलडाणा शहरात कोरोना संसर्गीताची एकाने वाढ झाली आहे. संबंधीत नवीन कोरोना रुग्ण जौहर नगर येथील रहिवाशी असून त्याचा पहिला रिपोर्ट निगेटिव्ह आला होता पण दुसरा रिपोर्ट पॉझिटिव्ह आहे.एकूण रुग्ण संख्या 21 वर पोचल्याने बुलडाणा जिल्हा रेड झोन ठरत असून मलकापूरसाठीही ही धोक्याची घंटा आहे. एकट्या मलकापूरमध्ये एकुण चार रुग्ण झाले आहेत.आता बुलडाणा एकुण 6 (एक मृत), मलकापूर 4, शेगांव 3, चिखली 3, खामगांव ग्रामीण (चितोडा) 2, देऊळगांवराजा 2 आणि सिंदखेडराजा 1 असे एकुण 21 जण जिल्ह्यात कोरोना बाधित.