Latest Post

शिर्डी प्रतिनिधि श्री साईबाबा संस्थान विश्वस्तव्यवस्था, शिर्डीच्या वतीने गुरूस्थान मंदिरासमोर पेटविण्यात आलेल्‍या होळीचे पूजन संस्थानचे मुख्‍य कार्यकारी अधिकारी अरुण डोंगरे व त्‍यांच्‍या सुविद्य पत्‍नी सौ.अंजली डोंगरे यांच्‍या शुभहस्‍ते करण्‍यात आले. याप्रसंगी संस्‍थानचे उप मुख्‍य कार्यकारी अधिकारी रविंद्र ठाकरे, सौ.वैशाली ठाकरे, प्र.मंदिर प्रमुख रमेश चौधरी, मंदिर कर्मचारी व साईभक्‍त मोठ्या संख्‍येने उपस्थित होते.

श्रीरामपूर (प्रतिनिधी )-नगर जिल्ह्यातील बेलापूर रेल्वे स्टेशनचे पोलीस उप निरीक्षक मिनीचंद मिना यांनी राहत्या घरी गळफास घेऊन आत्महात्या केली. मीना हे राजस्थान मधील अलवर या गावात रहिवासी होते.मिना सध्या ते  रेल्वे स्टेशन समोरील महात्मा फुले हौसिंग सोसायटी मध्ये भाड्याच्या बंगल्यात दोन वर्षापासून एकटेच राहत होते. त्यांची पत्नी व 15 वर्षाची मुलगी गावी राहतात.  काल रात्री 1 वाजेपर्यत मीना हे  मित्रासोबत गप्पा मारत होते. सकाळी आठ वाजता मिना यांना उठविण्यासाठी कर्मचारी गेले होते. दरवाजा उघडला  नसल्याने ते परत गेले. ऑफिसला का आले नाही म्हणून पुन्हा दोन कर्मचारी घरी गेले. दरवाजा वाजविला. पण दरवाजा उघडला नाही म्हणून मागील बाजूच्या खिडकीतून पाहिले असता, मिना हे गळफास घेतलेल्या आवस्थेत दिसले. तातडीने पोलिसांना कळविले. पोलिसांनी दरवाजा तोडला. पोलिसांनी घटनेचा पंचनामा केला. त्यांचे पार्थिव अलवर येथे पाठविण्यात आले.  मीना हे चांगले अधिकारी होते. त्यांच्या आत्महत्येचे कारण अद्याप कळालेले नाही. 

राहुरी : शिकार करण्यासाठी निघालेला बिबट्या विहिरीत पडला़ वनखात्याने पिंजरा लावून रविवारी (९ मार्च) रात्री ११ वाजता बिबट्याला पिंज-यात जेरबंद करण्यात यश  मिळविले. उसाचे क्षेत्र कमी झाल्याने राहुरी तालुक्यात बिबट्यांची लपवण व पोटासाठी धडपड सुरू आहे. रविवारी रात्री बिबट्या कात्रड येथील ज्ञानदेव तांबे व रंगनाथ घुगरकर यांच्या शेतातील विहिरीत पडला़ ३० फूट खोलीच्या विहिरीत बिबट्या पडल्यानंतर वनखात्याच्या कर्मचाºयांनी घटनास्थळी जाऊन बिबट्यासाठी विहिरीवर पिंजरा लावला़ विहिरीत पाणी नसल्याने बिबट्याला मुका मार लागला़ बिबट्या विहिरीत पडल्याची माहिती उपसरपंच शरद दांगट यांनी वनविभागाला दिली़ वनविभागाचे कर्मचारी गोरक्षनाथा लोंढे, महादू पोकळे, लक्ष्मण किनकर, ताराचंद गायकवाड यांनी विहिरीवर पिंजरा लावला़ विहिरीत पडलेला बिबट्याला मुका मार लागल्याने तो बेशुध्द पडला होता़ ग्रामस्थांनी बिबट्याला शुध्दीवर आणण्यासाठी त्याच्या अंगावर पाणी टाकले़ त्यानंतर बिबट्या शुध्दीवर आला़ बिबट्या जेरबंद करण्यासाठी पोलीस पाटील आदिनाथ घुगरकर, रायभान घुगरकर, रावसाहेब तांबे, रंगनाथ घुगरकर, धनंजय पटारे, शिवाजी तांबे, माधव घुगरकर आदींनी सहकार्य केले़ सर्वत्र शांतता झाल्यानंतर विहिरीत टाकलेल्या शिडीवर चढून बिबट्यावर आला़ विहिरीवर आलेल्या पिंजºयात बिबट्या जेरबंद झाला़ बिबट्याला पाहण्यासाठी ग्रामस्थांनी कात्रड येथे गर्दी केली होती़

अहमदनगर : खंडकरी शेतक-याचे येथील कूळ कायदा विभागात आलेले प्रकरण मार्गी लावून देण्यासाठी ५० हजार रुपयांची लाच मागणा-या लिपिकास नगरच्या लाचलुचपत प्रतिबंधक विभागाने सोमवारी (९ मार्च) सकाळी साडेअकरा वाजता अटक केली. सुनील बाबूराव फापाळे (वय ४८) असे अटक केलेल्या लिपिकाचे नाव आहे.फापाळे हा जिल्हाधिकारी कार्यालयातील कूळ कायदा शाखेत अव्वल कारकून म्हणून कार्यरत आहे. श्रीरामपूर येथील खंडकरी शेतकºयाचे प्रकरण कायदेशीर मान्यतेसाठी कूळ कायदा शाखेत वर्ग झाले होते. या प्रकरणाची पुढील प्रक्रिया करण्यासाठी फापाळे यांनी सदर शेतकºयाकडे लाच मागितली होती. याबाबत शेतक-याने लाचलुचपत प्रतिबंधक विभागाकडे तक्रार केली होती. दरम्यान, सोमवारी सकाळी लाचलुचपत प्रतिबंधक विभागाचे अधीक्षक हरिष खेडकर यांच्या मार्गदर्शनाखाली अधिकारी, कर्मचा-यांनी सापळा लावून लाच मागणा-या लिपिकास पकडले. याबाबत कोतवाली पोलीस ठाण्यात गुन्हा दाखल करण्याचे काम सुरू आहे.

श्रीरामपूर (प्रतिनिधी) आम्ही तुम्हांला प्रत्येक वेळी मदत करू. इथं तुमचाच झेंडा वर राहू द्या. पूर्वी आमची हीच भूमिका होती आताही तिच आहे आणि पुढेही तीच राहील, असे प्रतिपादन महसूलमंत्री बाळासाहेब थोरात यांनी करण ससाणे आणि श्रीरामपूरकर यांचा संदर्भ देत केले. स्व. जयंतराव ससाणे यांच्या द्वितीय पुण्यस्मरणानिमित्त कृतज्ञता पुरस्कार सोहळ्यात ते बोलत होते. यावेळी व्यासपीठावर खा. सदाशिव लोखंडे, आ. लहु कानडे, आ. डॉ. सुधीर तांबे, उपनगराध्यक्ष करण ससाणे उपस्थित होते. यावेळी प्रगतशील शेतकरी भारत जगधने उक्कलगाव, महिला क्षेत्रात कार्य करणार्‍या अंबिका पतसंस्थेच्या संस्थापिका सौ. सुशिलाताई नवले, उद्योग क्षेत्रात श्री इम्पेक्सचे अभिजीत कुदळे व राजेंद्र भोंगळे यांना पुरस्कार प्रदान करण्यात आला. तर विशेष प्राविण्य मिळविल्याबद्दल डॉ. कु. गौरी शेळके व डॉ. कु. कल्याणी जगरवाल यांचाही विशेष सन्मान करण्यात आला. करण ससाणे यांना उद्देशून आपल्या भाषणात ना. बाळासाहेब थोरात म्हणाले, तुमचा संसार तुम्हीच करा. आम्हांला श्रीरामपुरात येऊन राज्य करायचं नाही. मात्र आम्ही तुम्हांला प्रत्येक वेळी मदत करू. इथं तुमचाच झेंडा वर राहू द्या. पूर्वी आमची हीच भूमिका होती आताही तिच आहे आणि पुढेही तीच राहील. पाहुण्यांनी मदत करायची असते संसारामध्ये हस्तक्षेप करायचा नसतो. स्व. जयंतराव ससाणे यांनी आपल्या कर्तृत्वाने जनसामान्यांच्या मनात घर केले होते. काम करण्याचे त्यांचे एक वेगळे वैशिष्ट्ये होते. ते गेल्याने तालुक्यासह जिल्ह्याचे मोठे नुकसान झाले आहे. मात्र उपनगराध्यक्ष करण ससाणे हे सर्वांना बरोबर घेऊन संघटना टिकून ठेवण्याचे काम करत असून तुमचा प्रभाव करणच्या नेतृत्वाने पुढे जाईल, असा विश्‍वास त्यांनी व्यक्त केला. तर केलेले काम लपवून न ठेवता दुसर्‍याला सांगण्याचे मोठेपण स्व. ससाणे यांच्यात होते. वेळप्रसंगी लोणी व संगमनेरकरांना सांभाळायचे कामही त्यांनी केल्याचा उल्लेखही ना. थोरात यांनी केला. खा. सदाशिव लोखंडे म्हणाले, स्व. जयंतराव ससाणे यांची काम करण्याची पध्दत आदर्शवत होती. सर्वांना बरोबर घेऊन त्यांनी श्रीरामपूर शहर व तालुक्याचा विकास साधला. आ.डॉ. सुधीर तांबे म्हणाले, स्व. जयंतराव ससाणे यांनी अथक परिश्रमातून श्रीरामपूरचा विकास साधला. सामान्यांविषयी त्यांना तळमळ होती. साईबाबा संस्थानच्या अध्यक्षपदाच्या माध्यमातून त्यांनी मोठा विकास केला. धडाडीचा व कल्पकता असलेला नेता आपल्यातून निघून गेला हे आपले दुर्देव आहे.आ. लहु कानडे म्हणाले, कुठलाही राजकीय वारसा नसताना सर्व पदे स्व. जयंतराव ससाणे यांनी भूषविली. शहराचा चेहरामोहरा बदलला. तर स्व. ससाणे यांनी आपल्या कर्तबगारीने नाव सर्वदूर पसरविले. सचिन गुजर म्हणाले, चिरकाल लोकांच्या मनात राहिल असे काम व्हावे या संकल्पनेतून पुरस्कार वितरण सोहळा आयोजित केला आहे. द्वेषाच्या, अडवाअडवीच्या राजकारणापलिकडे चांगले काम व्हावे, ही संकल्पना स्व. ससाणे यांनी साकारली. दूरदृष्टी, प्रचंड सहनशिलता असलेले ते व्यक्तिमत्व होते. करण ससाणे म्हणाले, प्रामाणिक हेतू ठेवून काम केले पाहिजे, या स्व. जयंतराव ससाणे यांच्या शिकवणीप्रमाणे आमचे प्रामाणिक काम सुरु आहे. श्रीरामपूरच्या जडणघडणीत ज्यांनी योगदान दिले त्यांचा सन्मान करणे गरजेचे आहे. कार्यक्रमास माजी नगराध्यक्ष संजय फंड, माजी नगराध्यक्षा राजश्रीताई ससाणे, सौ. दिपालीताई ससाणे, माजी नगराध्यक्ष अनिल कांबळे, काँग्रेसचे शहर अध्यक्ष संजय छल्लारे, ज्येष्ठ नेते जी.के. बकाल पाटील, माजी जि.प. सदस्य बाबासाहेब दिघे, माजी सभापती इंद्रभान थोरात, पं.स. सदस्य अरुण पाटील नाईक, डॉ. वंदनाताई मुरकुटे, अशिष धनवटे, नगरसेवक श्रीनिवास बिहाणी, नगरसेवक मुजफ्फर शेख यांच्यासह कार्यकर्ते मोठ्या संख्येने उपस्थित होते. आभार सुभाष तोरणे यांनी मानले.

बेलापूर  ( प्रतिनिधी  )-जनसेवा या नावाप्रमाणेच बेलापूर गावात सेवा देणार्या जनसेवा पतसंस्थेने नागरीकांना मोफत झुणका भाकर केंद्र त्याच बरोबर पाणपोई सुरु करुन इतरा समोर एक वेगळा आदर्श ठेवला असल्याचे मत सेवा निवृत्त शिक्षक लक्ष्मणराव डोखे यांनी व्यक्त केले जनसेवा पतसंस्थेच्या वतीने बस स्थानक परिसरात दर वर्षी प्रमाणे या ही वर्षी पाणपोई सुरु करण्यात आली त्या पाणपोईचे उद्घाटन डोखे यांच्या हस्ते झाले त्या वेळी ते बोलत होते या वेळी बोलताना पतसंस्थेचे चेअरमन सुवालाल लुक्कड म्हणाले की बस स्थानक परिसरात प्रवासी विद्यार्थी विद्यार्थीनीची पिण्याच्या पाण्याची गैरसोय लक्षात घेता पतसंस्थेचे पाणपोई सुरु करण्याचा निर्णय घेतला असुन सर्वांच्या सहकार्याने पतसंस्थेचे कामकाजही प्रगती पथावर आहे असेही ते म्हणाले  या वेळी प्रवासी संघटनेचे रणजीत श्रीगोड हिंद सेवा मंडळाचे संजय जोशी व्हा .चेअरमन सुभाष राठी प्रकाश कोठारी प्रविण लुंक्कड अमात लुंक्कड योगेश कोठारी दिपक वैष्णव सचिन कोठारी बन्सी तागड विजय कटारीया बस डेपो व्यवस्थापक बागुल कचरु वाबळे पतसंस्थेचे सेवकवृंद उपस्थित  होते


शिरसगाव[वार्ताहर]या शिक्षण घेणाऱ्या मुलीना त्यांच्या पायावर आर्थिकदृष्ट्या,स्वावलंबी केल्याशिवाय आम्ही त्यांचे लग्न करणार नाही पहिले करिअर करणार असे त्यांच्या मात्यानी महिला दिनी वचनद्यावे.धैर्यशील बनावे,महात्मा फुले यांनी सागितल्याप्रमाणे शिक्षण हे वाघिणीचे दुध आहे.जो पिणार तो गुरगुरणार,त्याप्रमाणे महिलांनी वागावे.महिला,मुलीची छेड काढल्यास महिलांनी प्रतिकार करून चोप द्यावा. आंतरराष्ट्रीय विचार करता आज महिलांगृहिणीना हाउसवाईफ ऐवजी होम मेकर दर्जा दिला जातो ते आपल्याला माहित नाही.महिला व लहान मुलींवर अत्याचार वाढत आहेत. त्यासाठी अहमदनगर येथे जलद न्यायालय होत आहे.महिलांनी स्वाभिमान बाळगावा,मला मुलगा अथवा मुलीला जन्म द्यायचा,तो माझा हक्क आहे.मला स्त्रीभ्रूण हत्या करायची नाही असे ठाम सांगावे.स्त्री पुरुष समानता मानावी.आपला लढा पुरुषविरोधी नसून स्त्री पुरुष विषमता मानणाऱ्या मानसिकतेच्या विरोधी आहे.ती आपण झुगारली पाहिजे.संत तेरेजा शैक्षणिक संकुलात जागतिक महिला दिन प्रसंगी डॉ दिपाली काळे यांनी प्रतिपादन केले.डॉ काळे यांचा यावेळी सत्कार करण्यात आला.बालकानी स्वागत सांस्कृतिक गीतांनी केले.त्यावेळी डॉ काळे यांच्या हस्ते सर्व महिला शिक्षिकांचा गुलाबपुष्प देऊन सत्कार करण्यात आला.त्यावेळी महिला माता संख्या पाहून महिला दिनाचा विजय आहे असे गौरविले.शिक्षण विस्तार अधिकारी श्रीमती उज्वला गायकवाड यांनी मातापित्यांनी बालसंस्कार कसे करावे,मुलांना सुसंस्कृत करावे,आदी सखोल मार्गदर्शन केले.कुटुंबप्रमुख महिला असताना सकस आहार व आरोग्याचे महत्व उंदीरगाव आरोग्य अधीक्षक श्रीमती रितू लखोटिया यांनी सांगितले.शिक्षणामध्ये पालक विद्यार्थी संवाद महत्वाचा असतो असे प्राचार्य डॉमनिक यांनी सांगितले.यावेळी प्रमुख धर्मगुरू पायस,रिचर्ड,सरपंच अस्मिता नवगिरे,प्राचार्य डॉमनिक,मुख्याध्यापक बी जी पारधे,पर्यवेक्षक पवार,शिंगाडे,आरोग्य अधिकारी बिरगळ,आरोग्य सेविका ज्योती त्रिभुवन,उबाळे,श्रीमती रणनवरे,आदी मोठ्या संख्येने महिला उपस्थित होत्या.सूत्र संचालन श्रीमती रिटा खेडेकर,यांनी व आभार प्रदर्शन ज्योती ठोंबरे यांनी केले.

MKRdezign

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget