bindas news

बेलापूर (प्रतिनिधी) श्रीरामपूर तालूक्यातील गळनिंब येथील तीन वर्षाची बालिका कु.ज्ञानेश्वरी नामदेव मारकड हिच्यावर तीन दिवसापूर्वी झालेल्या बिबट्याच्या हल्याने परीसरात बिबट्याची दहशत पसरल्याने अहमदनगर वनविभागाचे रेड्डी  यांच्या मार्गदर्शनाखाली वनरक्षक देवखिळे यांच्या सुचनेनुसार गळनिंब,कुरणपूर,फत्याबाद,मांडवे,कडित येथे तातडीने अतिरीक्त कर्मचार्‍यांसह दक्षता पथक,ट्रॅप कॅमेरा ठिकठिकाणी पिंजरे लावून यंत्रणा सज्ज करण्यात आली आहे. असे असले तरी परिसरातील ग्रामस्थ अद्यापही भेदरलेल्या परिस्थितीत आहेत त्या बिबट्याच्या तोंडाला मानवाचे रक्त लागल्यामुळे पुन्हा आणखी एखाद्यावर हल्ला होण्याच्या धा स्तीने शेतकरी शेतात जाण्यास घाबरता आहे तर शेतमजुर देखील  धास्तावले आहे कोपरगाव वनपरीक्षेत्र अधिकारी एस एम जाधव वनपाल बी एस गाढे पी एस निकम आर एस धनवडे एस एम लांडे थोरात व्ही के पवार सुरासे  .हे स्वत: सर्व घडामोडींवर लक्ष ठेवून ठाण मांडून आहे.

    यावेळी गावातील तरूणांच्या मदतीने वन अधीकारी परिस्थीतीवर लक्ष ठेवुन आहेत विज वितरण कंपनीचे पथक देखील  परीसरात सतर्क असुन त्यामुळे विज चोरी करणारांचे धाबे दणाणले आहे.

वर्धा - 3 फेब्रूवारी

वर्धा जिल्ह्यातील हिंगणघाट शहरातील नंदोरी चौकात एक तरुणांनी दुचाकीने येऊन शाळेत शिकवणीसाठी जात असलेल्या तरुण शिक्षिकेच्या अंगावर पेट्रोल टाकून तिला जिवंत जाळल्याची हदयविकारक घटना आज 3 फेब्रूवारीला सकाळी साढे सात वाजेच्या दरम्यान घडली आहे.

          यात घटनेत तरुण शिक्षीका जवळपा 40 टक्के जळाली असून तिला पुढील उपचारासाठी नागपूर येथे हलविण्यात आले आहे.या घटनेला जबाबदार तरुण विकास विवेक नगराळे  व त्याचा एक मित्र असे दोघे आहे. घटनास्थळा वरून हे आरोपी फरार झाले. तरुण शिक्षीका ही शहरातील तुळसकर काॅलेज मध्ये शिकविण्यासाठी जाते असतांनाच हे तरुण आले व तिच्या सोबत शाब्दिक वाद घालून तिच्या अंगावर पेट्रोल टाकून तिला जाळून आरोपी फरार झाले. घटनेची माहिती मिळताच पोलिसांनी घटनास्थळ गाठून पंचनामा केला पुढिल पोलिस तपास सुरू आहे. या घटनेने शहरात एकच खळबळ उडालेली आहे.या घटने मागचे कारण सद्या समोर आलेले नाही.

गंगापूर (प्रतिनिधी)- मध्यरात्री दीड वाजेच्या सुमारास दरोडा घालण्याच्या तयारीत असलेल्या श्रीरामपूर आणि गुरूधानोराचे दरोडेखोर व गंगापूर पोलिसांमध्ये झालेल्या चकमकीत पोलिसांनी हवेत गोळीबार केला. यावेळी दरोडेखोरांनी पोलिसांवर केलेल्या दगडफेकीमध्ये पोलीस निरीक्षक मच्छिंद्र सुरवसे हे जखमी झाले असून एका आरोपीस अटक करण्यात आली आहे. ही घटना औरंगाबाद-अहमदनगर महामार्गावर भेंडाळ्याजवळ घडली.मध्यरात्री दीड वाजेच्या सुमारास महामार्गावर पाच दरोडेखोर घातक शस्त्रांसह दरोडा घालण्याच्या हेतूने फिरत असल्याची माहिती गंगापूर पोलिसांना मिळाली. त्यानुसार गंगापूर पोलिसांनी तातडीने कारवाई करीत पोलीस निरीक्षक मच्छिंद्र सुरवसे यांच्या नेतृत्वाखाली महामार्गाकडे धाव घेतली. पोलिसांची चाहूल लागताच पाच दरोडेखोरांनी अंधाराचा फायदा घेत पोलिसांच्या पथकावर दगडफेक करून हल्ला चढवला. या वेळी पोलीस निरीक्षक मच्छिंद्र सुरवसे यांना दगडाचा मार लागल्याने ते जखमी झाले.

(पोलीस निरीक्षक मच्छिंद्र सुरवसे)

त्यामुळे सुरवसे यांनी त्यांच्या सर्व्हिस पिस्टलमधून दोन राउंड हवेत गोळीबार केल्यानंतर दरोडेखोरांनी मिळेल त्या दिशेने पळायला सुरुवात केली. त्यातील एक दरोडेखोर गंगापूरकडे जाणार्‍या अंतापूर शिवाराच्या दिशेने जात असताना पोलिसांनी त्याला ताब्यात घेतले. इतर आरोपी अंधाराचा फायदा घेऊन पसार झाले. या वेळी अटक केलेल्या दरोडेखोराचे नाव अमोल सोपान पिंपळे (19) असून त्याने दिलेल्या माहितीनुसार त्याच्या इतर साथीदारांची नावे दादा गोविंद साळुंके (रा. खोकर), साजन पवार (रा. टाकळीभान, ता. श्रीरामपूर), आदित्य शामराव पवार (गुरुधानोरा, ता. गंगापूर) व सागर अशी आहे. आरोपीकडून दोन चोरीच्या मोटारसायकल, एक सत्तूर, दोर असे साहित्य जप्त करण्यात आले आहे. या कारवाईमध्ये पोलिस निरीक्षक एम.डी सुरवसे यांच्यासोबत पीएसआय अर्जुन चौधर, पीएसआय रामहरी चाटे, पोहेका जितेंद्र बोरसे, विजय भिल्ल, भागचंद कासोदे, बंडू कुचेकर, चालक दत्तात्रय गुंजाळ व चालक शेख रिझवान इब्राहिम यांनी सहभाग घेतला.

बुलडाणा - 2 फेब्रूवारी

पोलीस महासंचालक यांच्या एका पत्रा मुळे संपूर्ण बुलडाणा पोलीस दल सद्या हादरलेला आहे,,त्याचा कारणी ही तसाच आहे,एका एपीआय वर कार्यवाही करत त्यांना निलंबन नाही तर सरळ सेवामुक्त करण्यात आले आहे.

     बुलडाणा शहर पोलिस ठाण्यात कार्यरत एपीआय करुणाशील तायडे यांना सेवामुक्त करण्याचा आदेश राज्याचे पोलीस महासंचालक यांच्या कडून 2 दिवस अगोदर बुलडाणा एसपी कार्यालायात धळकला आहे. या बाबत जिल्ह्याचे पोलीस अधीक्षक डॉ. दिलीप पाटील भुजबळ यांच्याशी माहिती घेतली  असता त्यांनी सेवामुक्तची कार्यवाहीचा दुजोरा देत ते म्हणाले की एपीआय तायडे बुलडाणा येण्या अगोदर ज्या ठिकाणी ते कार्यरत होते तिथे त्यांच्या वर सदर कार्यवाही प्रस्तावित होती.या बद्दल अधिक माहिती घेतली असता एपीआय करुणाशील तायडे हे नांदेड रेल्वे पोलीस मध्ये कार्यरत असतांना त्यांच्यावर काही आरोप होते त्याची कार्यालयीन चौकशी सुरु होती व शेवटी त्यांना सेवामुक्त करण्यात आले आहे.

     तर दूसरी कडे पोलीस दलात अशी चर्चा रंगत आहे की पोलीस विभागातील अंतर्गत वादा मुळे नांदेड येथे एका पीआई ने "चिंदी का सांप" करुण एपीआय करुणाशील तायडे यांचा बळी घेतला आहे.या कार्रवाई विरोधात तायडे गृह विभागात दाद मागणार असल्याचे कळते.

अहमदनगर - ३०७, ३५३, ३४ कलमान्वये दाखल गुन्ह्यातील फरारी आरोपीस पकडण्यात कोतवाली पोलिसांना यश आले आहे. शंकर अशोक पंडित (वय३४, रा.काटवन खंडोबा, अहमदनगर) असे पकडण्यात आलेल्या आरोपीचे नाव आहे.याबाबत समजलेली माहिती अशी की, नगर शहरातील पुणे बसस्थानक परिसरात ३०७,३५३,३४ कलमान्वये दाखल गुन्ह्यातील फरारी आरोपी शंकर पंडित येणार असल्याची माहिती कोतवाली पोलीस ठाण्याचे पो. उप.नि शिरसाट यांना मिळली. त्यांनी दिलेल्या सूचनेनुसार सापळा रचून पोना एस.जी.चव्हाण, गणेश धोत्रे, तागड, पोकाँ एस व्ही वाघेला, सुजय हिवाळे, संदीप थोरात आदिंच्या पथकाने मोठ्या शिताफीने आरोपी पंडित याला ताब्यात घेतले.

सिल्लोड,  : तालुक्यातील भराडी येथील ज्ञानविकास विद्यालयात अंतराळवीर कल्पना चावला यांच्या स्मुर्ती दिनानिमित्त शनिवारी माता पालक मेळावा घेण्यात आला. यावेळी त्या बोलत होत्या. या मेळाव्याला जिल्हा परिषद सदस्या सौ .शिल्पाताई अशोक गरुड, लताबाई केरे यांच्यावरील चित्रपटाचे छायाचित्रकार प्रतीक कचरे, सहाय्यक दिगदर्शक संदीप सिद्धांम, श्रीनिवास चारी, भगवान केरे, सरपंच शारदाताई महाजन, पोलिस पाटील यमुनाबाई राकडे, अंगणवाडी पर्यवेकशिका सुनीता सनान्से, रुपाली सोनवणे, रोहिणी देशमुख, सायली गरुड, नलिनी देशमुख आदिंची प्रमुख उपस्थिती होती. मी काल ही संघर्ष केला, आजही माझा संघर्ष सुरूच आहे आणि पुढेही माझ्या जिवनात असाच संघर्ष सुरू असेल. प्रयत्नांना वयाचे कोणतेही बंधन नसते. त्यामुळे जिंकणे चिरतरुण आहे. एक मुंगी सुद्धा प्रचंड समुद्र पार करून जाऊ शकते आणि हे सामर्थ्य तुमच्यातही आहे, असा सल्ला उपस्थित विद्यार्थी व माता- पालक यांना पुढे बोलताना लताबाई केरे यांनी दिला.

  मेळाव्याचे प्रास्ताविक संगीता पाटील यांनी केले. सूत्रसंचालन संजना साखला यांनी केले तर आभार अनिता टाकळकर यांनी मानले.

लताबाई केरेंवर चित्रपट

  पतीच्या उपचारासाठी लागणाऱ्या 5 हजार रुपयांसाठी वयाच्या 61 वर्षी सन 2013 मध्ये बारामतीत शरद पवार यांच्या वाढदिवसानिमित्त आयोजित मॅरेथॉन स्पर्धेत लताबाई केरे धावल्या होत्या. अंगावर नऊवारी साडी, डोक्यावर पदर आणि कडाक्याच्या थंडीत अनवाणी पायांनी धावणाऱ्या लताबाई करे यांनी सर्वाचे लक्ष वेधून घेतले होते. त्यांचावर आधारीत चित्रपट नुकताच प्रदर्शित झाला आहे. हा चित्रपट पाहण्याचे आवाहन यावेळी त्यांनी केले.