bindas news

औरंगाबाद : बनावट कागदपत्राच्या आधारे निवृत्त सरकारी अधिकाऱ्यांची कोट्यवधी रुपये किमतीची जमीन हाडपण्याचा प्रयत्न करणाऱ्या दोन भूखंड माफियांना पुंडलिकनगर पोलिसांनी बुधवारी अटक केली. आरोपींविरोधात जमीन व्यवहारासंबंधी विविध पोलीस ठाण्यात फसवणूकीचे अनेक गुन्हे नोंद आहेत.सफदर अली  मोहम्मद अब्दुला पेशमाम(रा. मोतीवालानगर) आणि मुकुंद गंगाधर कुलकर्णी (रा. गजानन कॉलनी) अशी अटकेतील आरोपींची नावे आहेत. याविषयी अधिक माहिती देताना पुंडलिकनगर पोलिसांनी सांगितले की, बीड येथील निवृत्त अतिरिक्त मुख्यकार्यकारी अधिकारी धनराज वैजनाथ निला (रा.विशालनगर) आणि सुभाष ज्ञानोबा मोळवणे (रा. सिडको एन-४), सदाशिव लिंगराज  हरिदास(रा.पानगाव ता. रेणापुर, जि. लातुर)यांनी २००८साली गारखेड्यातील  गट नंब४८ मध्ये २० गुंठे जमीन खरेदी केली होती.  या जमीनीचे सातबारा त्यांच्या नावे असून त्यांच्यात ताब्यात  आहे. असे असताना आरोपींनी तक्रारदार यांच्या नावे बनावट व्यक्ती उभा करून आम मुख्यत्यारनामा(जीपीए )स्वत:च्या नावे तयार करून घेतला.  या जीपीएच्या आधारे  या जमीनीतील भूखंड विक्रीचा नगरसेवक आत्माराम पवार च्या नातेवाईकांना विक्री केल्याचे दाखविले. एका खरेदीदाराने एक भूखंड खरेदी करण्याचा सौदा केला आणि याबाबत वकिलामार्फत वर्तमानपत्रात जाहिर प्रगटन दिले होते. हे प्रगटन वाचल्यानंतर तक्रारदार हे संंबंधित वकिलांना जावून भेटले तेव्हा फसवणूकीचा भंडाफोड झाला. आरोपींनी कट रचून बनावट कागदपत्राच्या आधारे आपली जमीन हाडपण्याचा प्रयत्न केल्याची तक्रार निला यांनी पुंडलिकनगर पोलीस ठाण्यात नोंदविली होती. ही तक्रार दाखल झाल्यापासून आरोपी पसार झाले होते. दरम्यान सहायक आयुक्त रविंद्र साळेखे यांच्या मार्गदर्शनाखाली सहायक पोलीस निरीक्षक घनश्याम सोनवणे, उपनिरीक्षक विकास खटके, कर्मचारी रमेश सांगळे, बाळाराम चौरे,शिवाजी गायकवाड, प्रवीण मुळे,  राजेश यदमळ, दिपक जाधव आणि विशेष कार्य अधिकारी स्वप्नील विटेकर, शिवाजी बुट्टे यांच्या पथकाने  आज बुधवारी आरोपी सफदर अली आणि मुकुंद कुलकर्णी यांना सेवनहिल परिसरात अटक केली.नगरसेवक पवार यांचा शोध सुरू याप्रकरणात शिवसेना नगरसेवक आत्माराम पवार आरोपी असून पवार सध्या पसार आहे. पवार यांचा शोध सुरू असल्याची माहिती सहायक पोलीस निरीक्षक सोनवणे यांनी दिली

बेलापूर  (प्रतिनिधी  )- विहीरीत पाय घसरुन पडलेल्या ओम् नंदिरे यास वाचविणार्या विकास कांबळे या धाडसी मुलाचा बेलापूर पोलीस स्टेशन बेलापूर पत्रकार  संघ बेलापूर ग्रामस्थ अकबर भाई टिन मेकरवाले यांच्या वतीने सत्कार करुन गौरविण्यात आले कार्यक्रमाच्या अध्यक्षस्थानी बेलापूर  पत्रकार संघाचे अध्यक्ष भास्करराव खंडागळे हे होते या वेळी जि प सदस्य शरद नवले मराठी शाळेच्या मुख्याध्यापिका सरीता सावंत उपसरपंच रविंद्र खटोड माजी सरपंच भरत साळुंके प्रा अशोक बडधे अशोक कारखान्याचे संचालक आभिषेक खंडागळे शशीकांत थोरात  अकबर टिन मेकरवाले जे टी एस हायस्कूलच्या मुख्याध्यापिका जयश्री उंडे अनभुले दिपक क्षत्रिय  चंद्रकांत नाईक भास्करराव खंडागळे आदिंनी मनोगत व्यक्त केले  या वेळी तंटामुक्तीचे अध्यक्ष प्रकाश कुर्हे मनोज श्रीगोड व्यापारी असोसिएशनचे अध्यक्ष प्रशांत लढ्ढा किराणा मर्चंडचे अध्यक्ष  शांतीलाल हिरण पोलीस हवालदार अतुल लोटके पोलीस नाईक गणेश भिंगारदे पोपट भोईटे निखील तमनर बाळासाहेब  गुंजाळ भाऊसाहेब तेलोरे राऊत साहेब पत्रकार  दिलीप दायमा आदि उपस्थीत होते प्रास्ताविक देविदास देसाई  यांनी केले तर बाळासाहेब गुंजाळ यांनी आभार मानले

पुणे : आपल्या वाहनांवर वाहतूक नियमभंग केल्याबद्दल दंड केला आहे का, ते तपासून पहा असे सांगितले जाते. त्यामुळे अनेक जण गुगुलवर जाऊन वेबसाईट पाहण्याचा प्रयत्न करतात. तेव्हा त्यात फेक वेबसाईटवर ते जातात. त्यातून त्यांची फसवणूक होत असून सायबर पोलिसांकडे आतापर्यंत गेल्या २ दिवसात ५ तक्रारी आल्या आहेत. त्यामुळे पोलिसांनी सावधानतेचा इशारा दिला आहे. हेल्मेटसक्तीला पुण्यात विरोध झाल्याने मुख्यमंत्री देवेंद्र फडणवीस यांना सीसीटीव्हीद्वारे हेल्मेट न वापरणाऱ्यांवर कारवाई करण्याचा आदेश दिला होता. त्यानुसार सध्या शहर वाहतूक पोलिसांकडून हेल्मेट न घालणाऱ्यांवर सीसीटीव्हीद्वारे कारवाई करुन त्यांना कारवाई केल्याचा मेसेज मोबाईलवर पाठविला जातो. त्याचबरोबर आपल्या वाहनांवर वाहतूक नियमभंगाचा दंड न नाही ना हे तपासावून पाहण्याचे आवाहन केले जाते. त्यामुळे अनेक जण गुगुलवर आरटीओ पुणे असा सर्च मारतात. त्यावेळी काही जणांवर नकळत फेक वेबसाईटवर जातात. त्यातून त्यांना तुमच्या वाहनावर मोठा दंड असल्याचे सांगून तो भरायला सांगतात. त्यांनी तो भरल्यानंतर आरटीओकडून दंड भरल्याची पावती येते. ती या वेबसाईटवरुन येत नाही. लोकांनी संबंधित फोनवर नंतर संपर्क साधल्यावर तो बंद आढळून येतो.आतापर्यंत दोन दिवसात ५ तक्रारी प्रत्यक्षात आल्या असल्या तरी अजून काही जणांची फसवणूक झाली असण्याची शक्यता आहे. सायबर पोलीस या गुन्ह्यांचा तपास सुरु केला आहे. त्यामुळे लोकांनी सावधगिरी बाळगावी, असे आवाहन केले आहे.काय काळजी घ्याल? आरटी ओ पुणे च्या वेबसाईटवर ०२०- २६०५८२८२/ ०२० - २६०५८०८०/ ०२०- २६०५८५५५ हे फोन नंबर असतील तरच पुढे संपर्क करा. ही त्यांची अधिकृत वेबसाईट आहे. ज्या वेबसाईटवर ९१ ने सुरु होणारे नंबर असतील, त्या वेबसाईटवर संपर्क साधू नका. हे फोन परराज्यातील आहेत. त्यामुळे त्यावरुन फसवणूक होऊ शकते. आतापर्यंत हा क्रमांक असलेल्या वेबसाईटवर संपर्क करणाऱ्यांची फसवणूक झाली आहे. आरटीओ पुणे च्या नावाने ऑनलाईन दंड भरल्यानंतर तो फेक अकाऊंटला जमा झाला असल्याने वाहनचालकांची फसवणूक झाल्याच्या ५ तक्रारी गेल्या दोन दिवसात आल्या आहेत. तेव्हा लोकांना आरटीओ पुणेच्या अधिकृृत वेबसाईटला भेट देऊन अगोदर खात्री करावी. जयराम पायगुडे, वरिष्ठ पोलीस निरीक्षक, सायबर पोलीस, पुणे