bindas news

जालना जिल्ह्यातील घनसावंगी तालुक्यातील रहिवासी १९ वर्षीय पीडिता मुंबईतील चेंबूर परिसरात राहणाऱ्या भावाकडे राहण्यासाठी गेली होती.

औरंगाबाद : मुंबईतील चेम्बूर परिसरात चार नराधमांनी  सामूहिक अत्याचार केल्यापासून अत्यवस्थ झालेल्या १९ वर्षीय पीडितेची मृत्यूसोबत सुरू असलेली झुंज बुधवारी रात्री अखेर थांबली. येथील शासकीय वैद्यकिय महाविद्यालय आणि रुग्णालयात (घाटी) उपचारादरम्यान बुधवारी (२८ ऑगस्ट) रात्री ९ वाजेच्या सुमारास तिचा मृत्यू झाला. तिच्यावर महिनाभरापासून उपचार सुरू होते.  जालना जिल्ह्यातील घनसावंगी तालुक्यातील रहिवासी १९ वर्षीय पीडिता मुंबईतील चेंबूर परिसरात राहणाºया भाऊ, भावजयीकडे  राहण्यासाठी गेली होती. ७ जुलै रोजी ती मैत्रिणीच्या वाढदिवसाला जाते, असे घरी सांगून बाहेर पडल्यानंतर  चार नराधमांनी तिच्यावर सामूहिक बलात्कार केला होता. तेव्हापासून ती आजारी पडली. तिचा रक्तस्त्राव थांबत नव्हता. मात्र नराधमांनी दिलेल्या धमक्यांमुळे भेदरलेल्या पीडितेने अत्याचाराची माहिती नातेवाईकांना अथवा पोलिसांना सांगितली नव्हती. दरम्यान, तिची प्रकृती अधिक खालावल्याने तिच्या वडिलांनी तिला २५ जुलै रोजी औरंगाबादेतील शासकीय वैद्यकीय महाविद्यालय आणि रुग्णालयात (घाटी) दाखल केले. तेथील डॉक्टरांनी तिच्यावर उपचार सुरू केले तेव्हा तिच्यावर सामूहिक अत्याचार झाल्याचे त्यांच्या लक्षात आले. त्यांनी ही बाब तिच्या आई-बाबांना सांगितली. यानंतर त्यांनी तिला विश्वासात घेऊन तिच्याकडे विचारपूस केली तेव्हा रडतच तिने आपबिती सांगितली.यानंतर तिच्या वडिलांनी पीडितेवर चार जणांनी लैंगिक अत्याचार केल्याची तक्रार बेगमपुरा पोलीस ठाण्यात नोंदविली. मुंबईच्या चेंबूर परिसरातील घटना असल्याने पोलिसांनी तक्रार नोंदवून घेऊन पुढील कारवाईसाठी हा गुन्हा चुनाभट्टी पोलीस ठाण्यांकडे वर्ग केला. घाटीतील डॉक्टरांनी तिच्यावर उपचार सुरू केले तेव्हा तिला असाध्य आजाराने ग्रासल्याचे त्यांना समजले. २५ जुलैपासून सुरू असलेल्या उपचारांना पीडितेचे शरीर प्रतिसाद देत नव्हते. डॉक्टरांनी केलेल्या शर्थीच्या प्रयत्नांनाही यश आले नाही आणि तिची मृत्यूसोबत सुरू असलेली झुंज अखेर थांबली.  अत्याचारामुळे प्रचंड मानसिक धक्काचार नराधमांनी केलेल्या सामुहिक अत्याचारामुळे पीडितेला शारिरीक वेदनेसह प्रचंड मानसिक धक्का बसला होता. या धक्क्यातून तिला सावरता आले नाही. अत्याचारामुळे झालेल्या रक्तस्त्रावाने तिची प्रकृती अधिक नाजूक अवस्थेत गेली होती. गेल्या महिन्याभरापासून या पिडीतेवर उपचार सुरू होते. डॉक्टरांनी तिला वाचविण्यासाठी प्रयत्नांची पराकाष्ठा केली होती

ग्रामीण भागात बिबटय़ाची दहशत वाढतच असून सोमवारी दुपारी दिंडोरी तालुक्यातील लखमापूर परिसरात बिबटय़ाच्या हल्ल्यात शेतात काम करणारी महिला गंभीर जखमी झाली. जिल्हा शासकीय रुग्णालयात या महिलेवर उपचार सुरू आहेत.

दिंडोरीच्या परमोरी, लखमापूर परिसरात बिबटय़ांच्या हल्ल्यात दीड ते दोन वर्षांत तीन बालकांना जीव गमवावा लागला आहे. बिबटय़ाच्या संचाराने परिसर भयग्रस्त असताना वन विभाग त्यांना जेरबंद करण्यासाठी पावले उचलत नसल्याची तक्रार ग्रामस्थांकडून करण्यात येत आहे.

लखमापूरच्या हनुमानवाडी शिवारात सोमवारी दुपारी मंगला बाळासाहेब दळवी-देशमुख या शेतात काम करत होत्या. यावेळी शेजारील उसाच्या शेतातून आलेल्या बिबटय़ाने त्यांच्यावर हल्ला चढविला. बिबटय़ाने त्यांची मानगुटीच पकडली. अकस्मात झालेल्या घटनेमुळे दळवी यांना उभे राहणे किंवा पळणे शक्य झाले नाही. त्यांच्या ओरडण्याचा आवाज ऐकून आसपासच्या शेतातील काही जणांनी धाव घेतल्यावर बिबटय़ा पसार झाल्याचे स्थानिकांकडून सांगण्यात आले. हल्ला इतका तीव्र होता की, दळवी यांच्या मानेतून मोठय़ा प्रमाणात रक्तस्राव झाला. ग्रामस्थ, कुटुंबीयांनी त्यांना तातडीने दिंडोरीच्या ग्रामीण रुग्णालयात नेले. त्यांच्यावर प्राथमिक उपचार करून त्यांना नाशिकच्या जिल्हा शासकीय रुग्णालयात दाखल करण्यात आले.

काही वर्षांत दिंडोरीच्या कादवा काठावरील परिसरात बिबटय़ाच्या हल्ल्याचे प्रमाण वाढल्याने ग्रामस्थ धास्तावले आहेत. दोन वर्षांत तीन लहान बालकांना बिबटय़ाच्या हल्ल्यात प्राण गमवावे लागले. काही महिन्यांपूर्वी याच परिसरात कुटुंबीय घरात भोजन करत असताना बिबटय़ाने मांजरीला पळवून नेले होते.

कादवा नदीकाठालगत उसाचे मोठे क्षेत्र आहे. हा संपूर्ण बागायती परिसर असून बिबटय़ांच्या अधिवासासाठी पोषक आहे. हल्ल्याची एखादी घटना घडली की, वन विभाग तात्पुरत्या स्वरूपात पिंजरा लावण्याची कार्यवाही करते. अनेकदा बिबटय़ा पिंजऱ्यात अडकतही नाही. काही दिवसांनी ही घटना विस्मृतीत जाते. नवीन घटना घडली, की पुन्हा तोच कित्ता गिरवला जातो, अशी ग्रामस्थांची तक्रार आहे. परिसरातील शेकडो विद्यार्थी छोटय़ा-मोठय़ा रस्त्यांवरून शाळा, तत्सम कामांसाठी ये-जा करत असतात. परिसरात आधीच भीतीचे वातावरण असताना हल्ल्याच्या घटनेमुळे त्यात आणखी भर पडली आहे. वन विभागाने बिबटय़ांचा कायमस्वरूपी बंदोबस्त करण्यासाठी पावले उचलावीत, अशी मागणी ग्रामस्थ करीत आहेत.

प्रसिद्ध गायक आनंद शिंदे यांच्या गाडीला पुणे-सोलापूर महामार्गावर इंदापूरजवळ अपघात झाला आहे. इंदापूरजवळ पहाटे दोन वाजण्याच्या सुमारास हा अपघात झाल्याची माहिती असून सुदैवाने या अपघातातून ते थोडक्यात बचावले मिळालेल्या प्राथमिक माहितीनुसार, इंदापूरजवळ वरकुटे येथे आनंद शिंदे यांच्या गाडीचा अपघात झाला. या अपघातातून आनंद शिंदे थोडक्यात बचावले. त्यांच्या पायाला दुखापत झाली आहे. खासगी दवाखान्यात त्यांच्यावर उपचार सुरू असल्याची माहिती आहे.