अल्पवयीन मुलीस पळवून घेवुन जाणारा विजय गोडसे श्रीरामपूर शहर पोलिसांकडून अटक,आरोपी तिच्या शाळेचा बस चालक

दिनांक 9 जून रोजी 10 ते 5 वा.चे दरम्यान फिर्यादी यांचे राहते घरातुन फिर्यादीची अल्पवयीन मुलगी हिला कशाचेतरी आमिष दाखवुन फिर्यादीचे संमतीशिवाय पळवुन घेवुन गेला म्हणुन फिर्यादीचे तक्रारीवरुन श्रीरामपूर शहर पोलीस स्टेशने येथे गुरनं. 552/2023 भादंवि कलम 363 प्रमाणे गुन्हा दाखल करण्यात आला होता.सदर गंभीर स्वरुपाचा गुन्हा दाखल होताच पोलीस निरीक्षक श्री हर्षवर्धन गवळी यांनी सदर आरोपीचा शोध घेणे कामी तपास पथकास आदेश दिले, त्यानुसार तपास पथकाने तात्काळ आरोपीचा व अल्पवयीन मुलीचा शोध चालु केला, मोबाईल ट्रॅकीग, सी. डी. आर. / एस. डी. आर. रिपोर्ट तसेच फेसबुक, व्हॉट्सअप, इंस्टाग्राम अशा सोशल मीडिया अकाउंट च्या माध्यमातुन शोध चालु केला. पोलीस आपल्या मागावर आहेत यांची भनक आरोपीस लागल्याने सदर अल्पवयीन मुलीस दिनांक 10/06/2023 रोजी सांयकाळी 06/00 वा. सुमा. राहुरी फॅक्ट्ररी येथे सोडुन निघुन गेला होता. सदर अल्पवयीन मुलीस विश्वासात घेवुन विचारपुर केली असता तिच्या शाळेचा बस चालक आरोपी नामे विजय गोविंद गोडसे, रा. देवळाली ता. राहुरी जि. अहमदनगर यांने माझे तुझ्यावर खुप प्रेम आहे, तुझे आई वडील तुला नेहमी त्रास देतात, ते मला पाहवत नाही, आपण त्याच्यापासुन लांब कुठेतरी निघुन जावु, असे बोलुन मला माझे राहते घरुन घेवुन गेला व मी अल्पवयीन असल्याचे माहित असताना सुध्दा त्याने माझ्यावर लैगिक अत्याचार केला असा जबाब मुलीने दिल्याने सदर दाखल गुन्हयात भांदवि कलम 366, 366 (अ), 376 पोक्सो कलम 4, 5 (फ), 6, 11, 12 प्रमाणे वाढ करुन आरोपीचा शोधाकरीता दोन वेगवेगळया टिम करुन शोध चालु केला.दिनांक 16/06/2023 रोजी पोलीस निरीक्षक हर्षवर्धन गवळी साो. यांना सदर गुन्हयातील आरोपी हा रात्री 09/00 वा. सुमारास राहुरी फॅक्ट्ररी परीसरात येणार असल्याची गुप्तबातमीदारामार्फत माहिती मिळाल्याने पोनि. गवळी साो. यांचे आदेशाने सदर परिसरात तपास पथकाने सापळा रचुन शिताफीने सदर आरोपीस ताब्यात घेवून अटक करण्यात आली आहे.श्रीरामपूर शहर पोलीसांकडुन पोक्सो कायदयाबाबत जनजागृतीसाठी सर्व नागरीकांना आवाहन करण्यात येते की, 18 वर्षे पेक्षा कमी असलेल्या कोणत्याही व्यक्तीस, प्रत्यक्ष वा सोशल मिडीयावरुन पाठलाग केल्यास प्रेमाच्या जाळयात ओढल्यास, पळवून नेल्यास असे कृत्य करणाऱ्या व्यक्ती व त्यांना असे कृत्य करण्यास मदत करणाऱ्या व्यक्ती विरुध्द तात्काळ पोक्सो कायदया अंतर्गत गुन्हा दाखल करुन पुढील कठोर कायदेशीर कारवाई करण्यात येते.सदरची कारवाई मा. पोलीस अधीक्षक, राकेश ओला साहेब, मा. अपर पोलीस अधीक्षक श्रीरामपूर, स्वाती भोर, तसेच मा. उपविभागीय पोलीस अधिकारी, श्रीरामपूर उपविभाग, संदिप मिटके यांचे मार्गदर्शनाखाली मा. पोलीस निरीक्षक, श्रीरामपूर शहर पोलीस स्टेशन, हर्षवर्धन गवळी यांचेकडील तपास पथकातील सपोनि जिवन बोरसे, स.फौ. सुधिर हापसे, पोना / रघुवीर कारखेले, पोकॉ/ गौतम लगड, पोकॉ/ राहुल नरवडे, पोकॉ/ रमिझराजा अत्तार, पोकॉ/ गणेश गावडे, पोकॉ/मच्छिंद्र कातखडे, पोकॉ/ संभाजी खरात, पोकॉ/ भारत तमनर तसेच अपर पोलीस अधीक्षक कार्यालयाकडील पोना. सचिन धनाड, पोकॉ. / प्रमोद जाधव व पोकॉ. आकाश भैरट यांनी केली असुन सदर गुन्हयाचा अधिक तपास हा पोलीस निरीक्षक हर्षवर्धन गवळी साो. यांचे मार्गदर्शनाखाली सपोनि जिवन बोरसे हे करीत आहेत.