👉 राज्यभरातून ८६ स्पर्धकांचा सहभाग! कोपरगाव(गौरव डेंगळे)२३/७:
सोमैया विद्याविहार संचलित,श्री शारदा इंग्लिश मिडीयम स्कूल मध्ये "पद्मभूषण श्री करमसीभाई सोमैया" राज्यस्तरीय मराठी वक्तृत्व स्पर्धेचे तिसऱ्या पर्वाचे यशस्वी आयोजन करण्यात आले.प्रखर देशभक्त लोकमान्य बाळ गंगाधर टिळक यांच्या जयंतीचे औचित्य साधून सोमैया विद्याविहार संचलित,श्री शारदा इंग्लिश मिडियम स्कूल,कोपरगाव येथे दिनांक २२ व २३ जुलै २०२३ रोजी राज्यस्तरीय मराठी वक्तृत्व स्पर्धा आयोजित करण्यात आली.विद्यार्थ्यांमध्ये निपून वक्तृत्वाचे गुण वाढीस लागावे त्यांच्यातील श्रवण क्षमतेचा विकास व्हावा,त्यांना आपले विचार मुद्देसूदपणे मांडण्याची कला अवगत व्हावी,त्यांच्यातील भाषण कौशल्य विकसित व्हावे व त्यांचा सर्वांगीण विकास व्हावा या उद्देशाने या स्पर्धेचे आयोजन करण्यात आले होते.राज्यातील ४३ शाळेतील ८६ उत्कृष्ट विद्यार्थ्यांनी आपले वकृत्व सादर करून स्पर्धेमध्ये आपला सहभाग नोंदवला.सदर स्पर्धेसाठी प्रमुख पाहुणे म्हणून व्यासंगी व्यक्तिमत्व असलेले प्राध्यापक संतोष पद्माकर पवार,रावबहादुर नारायणराव बोरावके कॉलेज श्रीरामपूर यांची उपस्थिती लाभली. बक्षीस वितरण समारंभासाठी शालेय व्यवस्थापन समितीचे अध्यक्ष व गोदावरी बायोरिफाइनरीज लिमिटेड साकरवाडीचे संचालक सुहास गोडगे यांनी उपस्थिती दर्शवून सर्व विजेत्या स्पर्धकांचे अभिनंदन केले.तसेच पालक शिक्षक संघाचे उपाध्यक्ष राजेंद्र सांगळे ही या स्पर्धेसाठी उपस्थित होते.सर्व सहभागी स्पर्धकांना सहभागाचे प्रमाणपत्र देऊन गौरविण्यात आले.या स्पर्धेच्या यशस्वीतेसाठी प्राचार्य के.एल.वाकचौरे यांचे मौलिक मार्गदर्शन लाभले होते.श्री शारदा इंग्लिश मिडीयम स्कूलचे कुमारी ईश्वरी आव्हाड व प्रथमेश पाटील या विद्यार्थ्यांसोबतच सर्व यशस्वी स्पर्धकांचे शालेय व्यवस्थापन व सर्व कर्मचारी वृंद यांनी मनःपूर्वक अभिनंदन केले.
👉 स्पर्धेचा अंतिम निकाल!
👉 *प्रथम क्रमांक*
श्री.शारदा इंग्लिश मिडीयम स्कूल कोपरगाव ₹ ७,०००/- सन्मानचिन्ह व प्रमाणपत्र.
👉 *द्वितीय क्रमांक*
प्रवरा गर्ल्स इंग्लिश मिडीयम स्कूल आणि ज्युनियर कॉलेज लोणी ₹ ५,०००/- सन्मानचिन्ह व प्रमाणपत्र.
👉 *तृतीय क्रमांक*
श्रीराम अकॅडमी,श्रीरामपूर
₹ ३,०००/- सन्मानचिन्ह व प्रमाणपत्र
👉 *उत्तेजनार्थ प्रथम पारितोषिक*
मारुतीराव कोते अभिनव पब्लिक स्कूल,अकोले ₹ १०००/- सन्मानचिन्ह व प्रमाणपत्र.
👉 *उत्तेजनार्थ द्वितीय पारितोषिक*
ऑक्झिलियम कॉन्व्हेंट स्कूल अहमदनगर ₹ १०००/- सन्मानचिन्ह व प्रमाणपत्र.
👉 *उत्तेजनार्थ तृतीय पारितोषिक*
श्री साईबाबा कन्या विद्यामंदिर आणि ज्युनिअर कॉलेज शिर्डी.
₹ १०००/- सन्मानचिन्ह व प्रमाणपत्र.
👉 *उत्तेजनार्थ चतुर्थ पारितोषिक*
बागलाण एज्युकेशन सोसायटी चे इंग्लिश मीडियम स्कूल सटाणा.
₹ १०००/- सन्मानचिन्ह व प्रमाणपत्र.
👉 *उत्तेजनार्थ पाचवे पारितोषिक*
श्री रामकृष्ण एज्युकेशन फाउंडेशन चे सेठ नंदलाल धूत इंग्लिश मीडियम स्कूल नगर ₹ १०००/- सन्मानचिन्ह व प्रमाणपत्र.
