bindas news

मोरया डान्स ॲकेडमीचे संचालक कासिम सय्यद यांनी श्रीरामपूरात डान्स क्लास सुरू करून मुलामुलींच्या कलागुणाला संधी निर्माण करून दिली आहे. यावेळी विविध स्पर्धांचा पारितोषिक वितरण समारंभ आयोजित केला होता.

कार्यक्रमासाठी अर्जूनभाऊ दाभाडे, मोरया डान्स ॲकेडमीचे संचालक कासिम सय्यद, बाळासाहेब गायकवाड, राहूल शिरसाठ, शिक्षक नेते नवनाथ अकोलकर, शेख, सौ. प्रतिमा साळुंके, सौ प्रियंका गंगवाल, सौ वैशाली गायकवाड, सौ. विना सुखदरे, सौ संगिता अकोलकर, श्रीमती अमृता अकोलकर आदि मान्यवरांचे हस्ते पुरस्कार देण्यात आले. सौ प्रियंका गंगवाल यांना विशेष पुरस्कार प्रदान करण्यात आला. 

अहमदनगर प्रतिनिधी-महिलेला गावठी कट्टा दाखवून धमकी देणार्‍यास कोतवाली पोलिसांनी गावठी कट्टा व तीन जिवंत काडतुसांसह अटक केली आहे. नितीन साहेबराव शेलार (वय 50 रा. केडगाव, नगर) असे अटक केलेल्या आरोपीचे नाव आहे. त्याच्याविरूध्द कोतवाली पोलीस ठाण्यात गुन्हा दाखल करण्यात आला आहे.पोलिसांनी दिलेली माहिती अशी की, केडगाव उपनगरात राहणार्‍या वंदना अशोक भिंगारदिवे या रविवारी सायंकाळी घरामध्ये स्वयंपाक करत असताना नितीन शेलार त्यांच्या घरात घुसला. तुमचा मुलगा कुठे आहे? असे म्हणत शेलार याने वंदना भिंगारदिवे यांना गावठी कट्टा दाखविला. वंदना यांच्यासह त्यांचा मुलगा अक्षय यांना लाथाबुक्क्यांनी मारहाण करत जीवे मारण्याची धमकी दिली. याबाबतची माहिती अक्षय याने 112 नंबरवर फोन करून पोलिसांना दिली.घटनेची माहिती मिळताच पोलीस निरीक्षक संपत शिंदे, पोलीस उपनिरीक्षक गजेंद्र इंगळे, पोलीस अंमलदार सतीश भांड, योगेश भिंगारदिवे, गणेश धोत्रे, योगेश कवाष्टे, नितीन शिंदे, सलिम शेख, संतोष गोमसाळे, राजू शेख, अभय कदम, दीपक रोहकले, अमोल गाढे, सोमनाथ राऊत, अतुल काजळे, संदीप थोरात, राजेंद्र केकान, राजेंद्र फसले यांच्या पथकाने तत्काळ घटनास्थळी धाव घेत नितीन शेलार याला ताब्यात घेतले. वंदना भिंगारदिवे यांनी दिलेल्या फिर्यादीवरून त्याच्याविरूध्द गुन्हा दाखल करून त्याला अटक केली. त्याच्याकडील गावठी कट्टा, तीन जिवंत काडतुसे पोलिसांनी जप्त केली आहेत. पुढील तपास सहायक निरीक्षक रवींद्र पिंगळे करीत आहेत.

श्रीरामपूर प्रतिनिधी - भारताच्या स्वातंत्र्याला ७५ वर्षे पूर्ण होत असल्याचे निमित्ताने अमृत महोत्सवी भारत या उपक्रमाचे श्रीरामपुर शहर पोलीस स्टेशन आयोजन करणार असुन त्या अनुषगांने दि.१५ ऑगस्ट-२०२२ रोजी पर्यंतच्या पुढील ५५ आठवडयामध्ये प्रत्येक आठवडयामध्ये विविध कार्यक्रमाचे आयोजन होणार आहे पुढील कार्यक्रमाची ५५ आढवड्याचे नियोजन  अ.क्र कार्यक्रम १.) | स्वच्छता अभियान पोलीस स्टेशन स्तरावर व पोलीस वसाहत येथे २.) वृक्षारोपण कार्यक्रम पोलीस स्टेशन स्तरावर व पोलीस वसाहत येथे 3). | आरोग्य शिबीर पोलीस स्टेशन स्तरावर व पोलीस वसाहत येथे ४). जनजागृती कोरोना संदर्भान्वये पोलीस स्टेशन स्तरावर कोरोना जगजागृती ५). जनजागृती गुटखा,मावा,तंबाखुजन्य पदार्थ सेवन न करणेबाबत ६).माध्यमिक व उच्च माध्यमिक व महाविदयालयांना पोलीस अधिकारी व | माध्यमिक विदयालयास अंमलदार यांनी भेट देवुन स्त्री अत्याचार व स्वसरंक्षणार्थ भेटी व जनजागृती माहीती व जगजागृती करणे ७). | सायबर /अर्थिक गुन्हे माध्यमिक व महाविदयालयांना पोलीस अधिकारी व | विषयी जगजागृती | अंमलदार यांनी भेट देवुन सायबर गुन्हे व अर्थिक गुन्हे | विषयी माहीती व जगजागृती करणे ८). | रस्ता सुरक्षा अभियान माध्यमिक व महाविदयालयांना पोलीस अधिकारी व अंमलदार यांनी भेट देवुन रस्ता सुरक्षा अभियान विषयी माहीती व जगजागृती करणे सदरचे कार्यक्रम आयोजन मा.पोलीस अधीक्षक साहेब अहमदनगर,श्री.मनोज पाटील मा अप्पर पोलीस अधीक्षक स्वाती भोर साहेब श्रीरामपुर व श्री.संदीप मिटके उपविभागीय पोलीस अधिकारी साहेब श्रीरामपुर विभाग यांचे मार्गदर्शनाखाली श्री.संजय सानप पोलीस निरीक्षक श्रीरामपुर शहर पोलीस स्टेशन हे करीत आहेत.

श्रीरामपूर प्रतिनिधी- Dy.s.p. संदीप मिटके यांना गुप्त बातमीदार मार्फत श्रीरामपुर तालुक्यातील टाकळीभान येथे गावठी हातभट्टी दारू  अड्डे व  हातभट्टी दारू तयार करत आहेत  अशी  खात्रीशीर माहिती मिळाल्याने त्यांनी आपले पथकातील अधिकारी व अंमलदार यांना सदर ठिकाणी  जाऊन छापा टाकण्याचे आदेश दिल्याने पथकातील अधिकारी व अंमलदार यांनी टाकळीभान परिसरातील सर्व गावठी हातभट्टी दारू  अड्ड्यावर छापा टाकून  गावठी हातभट्टी दारू तयार करण्याचे कच्चे रसायन, तयार गावठी हातभट्टी दारू  यांचा नाश करण्यात आला. 

सदरची कारवाई मा. श्री. मनोज पाटील  पोलीस अधीक्षक, अपर पोलीस अधीक्षक मा.  स्वाती भोर  यांचे मार्गदर्शनाखाली  Dysp  संदीप मिटके, ASI राजेंद्र आरोळे, HC सुरेश  औटी, PC नितीन शिरसाठ आदींनी केली.

शिर्डी (प्रतिनिधी)अहमदनगर जिल्ह्यातील श्रीरामपूर शहर पोलिस ठाण्यातील लाचलुचपत प्रतिबंधक विभागाने गेल्या सहा महिन्यात तीन छापे टाकून चार जणांना रंगेहात पकडले आहे. एवढी मोठी कारवाई लाचलुचपत प्रतिबंधक विभागाने केली आहे. मात्र तरीही वरिष्ठ पोलिस अधिकाऱ्यांनी यासंदर्भात गांभीर्याने ही गोष्ट अद्यापही घेतली नसल्याचे निदर्शनास येत असून यामध्ये वरिष्ठ पोलिस अधिकाऱ्यांनी तातडीने या लाचलुचपत प्रकरणाची गांभीर्याने दखल घेऊन संबंधित श्रीरामपूर शहर पोलिस ठाण्याचे पोलिस निरीक्षक यांना जबाबदार धरून यांच्यावरही पोलीस महासंचालकांच्या सूचने प्रमाणे कारवाई करण्यात यावी. अशी मागणी आता नागरिकांकडून होत आहे.

यासंदर्भात सूत्रांकडून मिळालेली अधिक माहिती अशी की श्रीरामपूर तालुका पोलीस स्टेशन मध्ये हप्ते घेण्याच्या ऑडिओ क्लिप वरून पोलीस निरीक्षक साळवे यांची नियंत्रण कक्षात बदली झाली. तसेच या संदर्भात दोन पोलीस कर्मचाऱ्यांना निलंबित करण्यात आले.  वरिष्ठ पोलिस अधिकाऱ्यांनी या प्रकरणी तातडीने कारवाई केली. या कारवाईचे सर्वत्र स्वागत होत असतानाच मात्र येथिल  श्रीरामपूर शहर पोलीस ठाण्यातील पोलीस कर्मचाऱ्यांनी लाच घेतली. हे प्रकरण जिल्ह्यात नव्हे तर संपूर्ण महाराष्ट्रात गाजलेले असताना याकडे वरिष्ठ पोलिसांचे दुर्लक्ष होते की काय? अशी शंका नागरिकांमधून व्यक्त केली जात आहे. श्रीरामपूर शहर पोलीस ठाण्यामधील पोलीस नाईक संजय दुधाडे यांना 10 हजार रुपयांची लाच घेताना एसीबीच्या अधिकारी व कर्मचाऱ्यांनी रंगेहात पकडून या पोलीस कर्मचाऱ्याविरोधात गुन्हा दाखल केला .त्याच प्रमाणे संजय रघुनाथ काळे यांनीही श्रीरामपूरशहर पोलीस ठाण्यात दाखल असलेल्या एका गुन्ह्यांमध्ये तक्रारदाराला मदत करण्यासाठी संजय काळे या पोलिस कर्मचाऱ्याने  11 ऑगस्ट 20 21 रोजी श्रीरामपूर शहर पोलीस स्टेशन हद्दीमध्ये दोन हजार रुपये लाच स्विकारली त्यांच्यावरही गुन्हा दाखल करण्यात आला आहे. एवढेच नव्हे तर सुनील उत्तमराव वाघचौरे व गणेश हरी ठोकळ यांनी तक्रारदार यांच्याकडे घराच्या भिंतीवरून चे वाद झाले त्या बदल्यात पोलीस ठाण्यात सहकार्य करण्यासाठी तक्रार दाराकडून पंधरा हजार रुपयांची लाच मागितली मात्र दहा हजार रुपये लाच घेताना त्यांना लाचलुचपत प्रतिबंधक विभागाने 27 जानेवारीला 20 22 ला रंगेहात पकडले. व त्यांच्यावर गुन्हा दाखल करण्यात आला आहे .असे श्रीरामपूर शहर पोलीस ठाण्यामध्ये लाचलुचपत प्रतिबंधक विभागाने तीन छाप्या मध्ये चार पोलीस कर्मचाऱ्यांना विविध प्रकरणी लाच घेताना रंगेहात पकडले आहे . या पोलिसांवर कारवाई झाली. मात्र यासंदर्भात शहर पोलिस ठाण्याचे पोलिस निरीक्षक यांना जबाबदार धरून त्यांच्यावरही कारवाई होणे गरजेचे होते. कारण महाराष्ट्र राज्याचे पोलीस महासंचालक व  नाशिक परिक्षेत्राचे पोलीस महानिरीक्षक यांनीही प्रत्येक जिल्हा पोलिस अधीक्षकांना आदेश दिले होते की,ज्या पोलिस ठाण्यात पोलिस कर्मचारी अधिकारी लाच घेतील त्या  संबंधित पोलिस ठाण्याचे प्रभारी, पोलिस निरीक्षक ही त्यास जबाबदार धरुन कारवाई करण्यात येईल व या अनुषंगाने अहमदनगर जिल्ह्यातील अकोले संगमनेर पोलीस ठाण्यात लाच घेताना पोलीस कर्मचारी पकडल्यानंतर तेथील तत्कालीन पोलीस निरीक्षक यांना जबाबदार धरून त्यांच्यावर कारवाई करत जिल्हा पोलिस अधीक्षकांनी तडकाफडकी त्यांच्या बदल्या करण्यात आल्या होत्या. मात्र श्रीरामपूर येथे सहा महिन्यात तीन ट्रेकमध्ये चार पोलिस कर्मचारी लाचलुचपत प्रतिबंधक विभागाने पकडूनही वरिष्ठ पोलीस अधिकारी व जिल्हा पोलीस अधीक्षक त्याकडे गांभीर्याने लक्ष देत नाहीत . तरी वरिष्ठ पोलीस अधिकाऱ्यांनी याकडे त्वरित लक्ष घालून श्रीरामपूर शहर पोलीस ठाण्यांमध्ये लाचलुचपत प्रतिबंधक विभागाने रंगेहाथ पकडलेल्या चार पोलिस कर्मचाऱ्यांच्या संदर्भात तेथील पोलिस निरीक्षकांनाही जबाबदार धरून त्यांच्यावर जिल्हा पोलिस अधीक्षकांनी त्वरित कारवाई करावी. अशी मागणी आता जोर धरू लागली आहे.

राहुरी प्रतिनिधी - आयात निर्यात परवाना असलेल्या टँकरचे सील तोडून मद्यार्क काढण्यात आले. सदरील मद्यार्क हे बनावट मद्य व हातभट्टी गावठी दारूमध्ये मिश्रण करण्यासाठी वापरण्यात येणार असल्याची शक्यता होती. सदर कारवाईमध्ये दोन वाहनांसह 45 लाख 11 हजार 360 रुपये किंमतीचा मुद्देमाल जप्त करण्यात आला आहे. यातील सदर पसार गेलेल्या इसमावरुद्ध मुंबई दारुबंदी कायदा 1949 अंतर्गत गुन्हा दाखल केला असून सदर कारवाई राज्य उत्पादन शुल्क विभागाने केला आहे.राज्य उत्पादन शुल्क विभाग अहमदनगर यांची मद्यार्क तस्करी विरोधात धडक कारवाई रविवार दि. 6 फेब्रुवारी 2022 रोजी राज्य उत्पादन शुल्क विभागामार्फत परराज्यातील महाराष्ट्राच्या हद्दितून जाणारे टँकर तपासणी करत असताना मिळालेल्या गुप्त बातमीनुसार मध्य प्रदेश येथून केरळ राज्यात मद्यार्क घेऊन जाणारे टँकर तपासणी करत असताना हॉटेल जम्मू हिमाचल पंजाबी चौधरी धाबाच्या पाठीमागील मोकळ्या जागेत नगर मनमाड रोड लगत देवळाली प्रवरा शिवार तालुका राहुरी जिल्हा अहमदनगर या ठिकाणी टँकर क्रमांक एमपी. 09 एचएच 7648 या टँकरमधून मद्यार्क टँकरचे झाकण उघडून पाईपच्या साहाय्याने पिकअपमध्ये असलेल्या 35 लिटर क्षमतेच्या प्लास्टिक कॅनमध्ये पाइपच्या सहाय्याने काढलेले एकूण 280 लिटर मद्यार्क पिकअपमध्ये आढळून आले.सदर पिकअपचा क्रमांक एमएच 12 एलटी 4047 असा आहे सदर ठिकाणी आरोपी टँकर चालक मालक व पिकअप चालक-मालक इ. अंधाराचा फायदा घेत पसार झाले. सदरील टँकर हा ओअ‍ॅसिस डिस्टिलरी लिमीटेड धार मध्य प्रदेश येथून युनायटेड डिस्टिलरीज केरळ येथे चाललेला होता सदर टँकरमध्ये 30 हजार लिटर अति शुद्ध मद्यार्क इएन असल्याची कागदपत्रावर नोंद असून टँकरचा आयात व निर्यात परवाना आहे परंतु सदर टँकरमधील अतिशुद्ध मद्यार्कची मोजदाद केली असता मद्यार्क टँकरमध्ये तफावत असल्याचे दिसून आले म्हणजेच आयात निर्यात परवाना असलेल्या टँकरचे सील तोडून मद्यार्क काढण्यात आले.सदरील मद्यार्क हे बनावट मद्य व हातभट्टी गावठी दारूमध्ये मिश्रण करण्यासाठी वापरण्यात येणार असल्याची शक्यता होती. सदर कारवाईमध्ये दोन वाहनांसह 45 लाख 11 हजार 360 रुपये किमतीचा मुद्देमाल जप्त करण्यात आला.असून सदर पळून गेलेल्या इसमा विरुद्ध मुंबई दारुबंदी कायदा 1949 अंतर्गत गुन्हा दाखल केला आहे.सदर कारवाई राज्य उत्पादन शुल्क विभागाचे आयुक्त कांतीलाल उमाप, उषा वर्मा संचालक अंमलबजावणी व दक्षता राज्य उत्पादन शुल्क, मुंबई प्रसाद सुर्वे, विभागीय उपायुक्त, राज्य उत्पादन शुल्क पुणे व गणेश पाटील अधीक्षक राज्य उत्पादन शुल्क अहमदनगर यांचे मार्गदर्शनाखाली नितेश शेंडे उपाधिक्षक राज्य उत्पादन शुल्क, अनिल पाटील निरीक्षक राज्य उत्पादन शुल्क, गोपाल चांदेकर निरीक्षक राज्य उत्पादन शुल्क भरारी पथक क्रमांक 2 श्रीरामपूर, संजय कोल्हे निरीक्षक राज्य उत्पादन शुल्क कोपरगाव, दुय्यम निरीक्षक के. यु. छत्रे, नंदू परते व अजित बडदे सहाय्यक दुय्यम क्षिक सर्वश्री के. के. शेख, आर. बी. कदम व नारायण तुबे, जवान सर्वश्री पी. पी. साळवे, बी. के. नागरे व बी. बी. करंजुले, महिला जवान श्रीमती एस आर फटांगरे, वाहन चालक नि जवान विपुल करपे, सुशांत कासुळे व दीपक बर्डे यांनी सदर कारवाईमध्ये भाग घेतला असून सदर गुन्ह्याचा पुढील तपास गोपाल चांदेकर, निरीक्षक राज्य उत्पादन शुल्क भरारी पथक क्रमांक 2 श्रीरामपूर हे करत आहेत.