bindas news

अहमदनगर प्रतिनिधी- अनिल कटके, पोलीस निरीक्षक, स्थानिक गुन्हे शाखा, अहमदनगर यांना गुप्त खबऱ्याकडून माहिती मिळाली कि, एक इसम हा गावठी कट्टा व जिवंत काडतसे विक्री करण्यासाठी राहुरी फॅक्टरी येथे येणार आहे. आता लागलीच गेल्यास मिळून येईल अशी खात्रीशीर माहिती मिळाल्याने पोनि/अनिल कटके स्थानिक गुन्हे शाखा, अहमदनगर यांनी स्थानिक गुन्हे शाखेच्या पथकातील अधिकारी व अंमलदार यांना मिळालेल्या बातमीनुसार खात्री करुन कारवाई करण्याबाबत आदेश दिले. त्याप्रमाणे स्थानिक गुन्हे शाखेच्या पथकातील पोउनि/सोपान गोरे, सफौ/राजेंद्र देवमन वाघ, संजय खंडागळे,पोहेकॉ बापुसाहेब फोलाणे, पोना/भिमराज खसे, देवेंद्र शेलार, शंकर चौधरी, रविकिरण सोनटक्के अशांनी मिळून दोन पंचासह खाजगी वाहनाने मिळालेल्या बातमीचे ठिकाणी राहुरी फॅक्टरी, ता. राहुरी येथे जावून सापळा लावला. त्यानंतर काही वेळातच एक इसम विठामाधव थिएटर, राहुरी फॅक्टरी येथे मोटार सायकलवर येतांना दिसले, त्यांना हाताने इशारा करुन मोटार सायकल थांबविण्यास सांगितले त्यावेळी त्यांनी मोटार सायकल रोडच्या कडेला थांबविली पोलीस पथकाची खात्री झाल्याने पथकातील अधिकारी व अंमलदार यांनी त्यांना घेराव घालून ताब्यात घेवून त्याचे नाव पत्ता विचारले असता त्याने त्याचे नाव व पत्ता १) किशोर बाळासाहेब खामकर वय ३२, रा. राजुरी, ता. राहाता २) किशोर साईनाथ शिणगारे वय २८, रा. गोमाळवाडी, ता. नेवासा असे असल्याचे सांगीतले. त्याची अंगझडती घेतली असता त्याचे अंगझडतीमध्ये दोन गावठी बनावटी कट्टे, सहा जिवंत काडतूसे, व प्लेझर मोपेड असे एकूण १,२१,२००/रु.किं.चा मुद्देमाल मिळून आल्याने सदर बाबत सफौ/राजेंद्र देवमन वाघ, ने. स्थानिक गुन्हे शाखा, अहमदनगर यांनी राहुरी पोलीस स्टेशन येथे दिलेल्या फिर्यादीवरुन गुन्हा दाखल करण्यात आला आहे.त्याच दरम्यान श्री. अनिल कटके, पोलीस निरीक्षक, स्थानिक गुन्हे शाखा, अहमदनगर यांना गुप्त खबन्याकडून माहिती मिळाली कि, दोन इसम गावठी कट्टा व जिवंत काडतसे विक्री करण्यासाठी औरंगाबाद नगररोडने अहमदनगरकडे येणार आहे. अशी खात्रीशीर माहिती मिळाल्याने पोनि/अनिल कटके स्थानिक गुन्हे शाखा, अहमदनगर यांनी वर नमुद पोलीस अधिकारी व अंमलदार यांना खात्री करुन कारवाई करणे बाबत आदेश दिले. नमुद आदेशा प्रमाणे स्थानिक गुन्हे शाखा पथकातील पोलीस अधिकारी व अंमलदार बातमीतील नमूद ठिकाणापासून गाडी रस्त्याचे कडेला आडोशाला लावून शेंडी बायपास चौकामध्ये, ता. जि. अहमदनगर येथे सापळा रचुन थांबले असता, दोन इसम संशयीतरित्या हे त्यांचेकडील बजाज प्लॅटींना काळ्या रंगाच्या मोटार सायकलवर औरंगाबाद कडुन येतांना दिसले असता, त्यांना हाताने इशारा करुन मोटार सायकल थांबविण्यास सांगीतले असता, मोटार सायकल चालकाने मोटार सायकलचा वेग कमी केला. त्यावेळी त्याच्या मागे बसलेल्या इसमास पकडले असता मोटार सायकल चालकास संशय आल्याने तो तसाच मोटार सायकल घेवुन औरंगाबादच्या दिशेने पळून गेला त्याचा पाठलाग केला परंतु तो मिळुन आलेला नाही. पकडलेल्या इसमास त्याचे नाव पत्ता विचारले असता त्याने त्याचे नाव व पत्ता १) अभय अशोक काळे वय २४, रा. शिरसगांव, ता.नेवासा, जिल्हा अहमदनगर असे असल्याचे सांगितले. त्याची अगंझडती घेतली असता त्यांच्या कब्जात देशी बनावटीचे दोन पिस्टल (गावठी कट्टा) व सहा जिवंत काडतुसे असा एकुण ५१,२००/- रु.किं.चा मुद्देमाल मिळुन आला त्यास त्याचा जोडीदार मोटर सायकलस्वार याचे नाव व पत्ता विचारले असता त्याने त्याचे नाव विवेक लक्ष्म शिंदे (फरार) रा.घोगरगांव रोड, टाकळीभान, ता. श्रीरामपूर, जिल्हा अहमदनगर असे सांगितले. वर नमुद दोन्ही गुन्ह्यातील आरोपीकडे सदर देशी बनावटीचे पिस्टल (गावठी कट्ट) कोठुन आणले याबाबत विचारपुस केली असता, त्यांनी सदरचे गावठीकट्टे व जिवंत काडतुस हे सागर रोहिदास मोहिते (फरार) रा. शिरसगांव, ता.नेवासा याचेकडुन घेतले बाबत सांगितले.वरील प्रमाणे राहुरी व एमआयडीस पोलीस स्टेशन येथे गुन्हा दाखल करुन चार पिस्टल (गावठी कट्टे), १२जिवंत काडतसे व एक प्लेझर मोपेड गाडी असा एकुण १,७२,२००/-रु.कि.चा मुद्देमाल व तीन आरोपी ताब्यात घेवून राहुरी व एमआयडीसी पोलीस स्टेशन येथे हजर केले आहे. पुढील कारवाई राहुरी व एमआयडीसी पोलीस स्टेशन करीत आहे.आरोपी नामे विवेक लक्ष्मण शिंदे (फरार) हा सराईत गुन्हेगार असुन त्याचे विरुध्द खालील प्रमाणे विविध पोलीस ठाणेस चोरी व विनयभंग करणे असे एकुण ०२ गंभीर स्वरुपाचे गुन्हे दाखल आहेत. १) श्रीरामपूर तालुका पोलीस स्टेशन गु.र.नं. २०१/२०२१ भादविक ३५४, ३२३, ५०४, ५०६ २) गंगापुर पोलीस स्टेशन, जिल्हा औरंगाबाद २८४/२०२० भादविक ४६१, ३८०, ३४ आरोपी नामे सागर रोहिदास मोहिते (फरार) हा सराईत गुन्हेगार असुन त्याचे विरुध्द खालील प्रमाणे विविध पोलीस ठाणेस मारहाण करणे, आमली पदार्थ, दारुबंदी व घातकशस्त्रे बाळगणे व विक्री असे एकुण ०६ गंभीर स्वरुपाचे गुन्हे दाखल आहेत.१) नेवासा पोलीस स्टेशन गु.र.नं. ६६/२०१५ भादविक १४३, ३२३ २) नेवासा पोलीस स्टेशन गु.र.नं. २०४/२०१५ मुं.दा.का.क. ६५ (ई) ३) नेवासा पोलीस स्टेशन गु.र.नं. ३२/२०१७ मुं.दा.का.क. ६५ (ई) ४) नेवासा पोलीस स्टेशन गु.र.नं. ४२२/२०१७ भादविक ३२३, १४३ सह आर्म अॅक्ट ३/२५ ५) सोनई पोलीस स्टेशन गु.र.नं. २०/२०१४ भारतीय हत्यार कायदा कलम ३/२५ ६) अंबड पोलीस स्टेशन जिल्हानाशिक गु.र.नं. ३१०३/२०१६ एनडीपीएस २०, २२ सदर कारवाई मा. श्री. मनोज पाटील साहेब, पोलीस अधीक्षक, अहमदनगर, श्री. सौरभ कुमार अग्रवाल साहेब, अपर पोलीस अधीक्षक, अहमदनगर, श्रीमती. स्वाती भोर मॅडम, अपर पोलीस अधीक्षक,श्रीरामपूर, श्री. अजित पाटील साहेब, उपविभागीय पोलीस अधिकारी, नगर ग्रामिण विभाग, अहमदनगर, श्री.संदीप मिटके साहेब, उपविभागीय पोलीस अधिकारी, श्रीरामपूर विभाग, यांचे सुचना व मार्गदर्शनाखाली स्थानिक गुन्हे शाखेचे पोलीस अधिकारी व अंमलदार यांनी केले आहे.

अहमदनगर प्रतिनिधी-नेवासा तालुक्यातील घोडेगाव येथे गावठी कट्टा विक्रीसाठी आलेल्या तालुक्यातील मक्तापूर येथील एका सराईत गुन्हेगारास नगरच्या स्थानिक गुन्हे अन्वेषण खात्याच्या पोलीस पथकाने कट्ट्यासह ताब्यात घेतले असून त्याच्यावर सोनई पोलीस ठाण्यात गुन्हा दाखल करण्यात आला.याबाबत नगरच्या स्थानिक गुन्हा शाखेचे पोलीस नाईक ज्ञानेश्वर नामदेव शिंदे यांनी सोनई पोलीस ठाण्यात फिर्याद दिली असून त्यात म्हटले की, एक इसम गावठी कट्टा व जिवंत काडतुसे विक्री करण्यासाठी कृषी उत्पन्न बाजार समिती सोनई येथे येणार असल्याचे पोलीस निरीक्षक अनिल कटके यांना माहिती मिंळाल्याने त्यांनी आदेश दिले. त्यानुसार सहायक पोलीस निरीक्षक सोमनाथ दिवटे, हवालदार मनोहर गोसावी, संदीप घोडके, पोलीस नाईक शंकर चौधरी, रविकिरण सोनटक्के, देवेंद्र शेलार, कॉन्स्टेबल सागर ससाणे, आकाश काळे, जालिंदर माने, रोहित येमूल व चालक हवालदार बबन बेरड अशांनी मिळून कृषी उत्पन्न बाजार समिती घोडेगाव येथे सापळा लावला.तिघे सचिन वसंतराव कोळेकर रा. मक्तापूर ता. नेवासा याची पंचांसमक्ष अंगझडती घेतली असता त्याच्याकडे एक गावठी बनावटीचा कट्टा व दोन जिवंत काडतुसे असा 26 हजार रुपये किमतीच्या वस्तू मिळून आल्याने ते जप्त करण्यात आले.सचिन वसंतराव कोळेकर याच्यावर सोनई पोलीस ठाण्यात गुन्हा रजिस्टर नं. सेकंड 35/2022 आर्म अ‍ॅक्ट 3/25 प्रमाणे गुन्हा दाखल करण्यात आला असून पुढील तपास सोनई पोलीस करत आहेत.

कोपरगाव प्रतिनिधी-कोपरगाव तालुक्यातील जवळके नावाचे छोटेसे गाव आणि या गावातली तीन युवक फिरोज  मनियार, अक्षय थोरात अन् सागर दरेकर संगीताच्या क्षेत्रामध्ये स्वतःच नशीब आजमावत आहेत. त्यांच तिसर गाण गर्लफ्रेंड   होशीलका ? हे गाणे नुकतेच  FSA PRODUCTION ह्या युट्युब चॅनेल वर प्रदर्शित झाले आहे. आशिष श्रावणी दिग्दर्शित या गाण्यात शाळा वेबसिरीज फेम अनुश्री माने तसेच सेजल अमनेकर, अक्षय थोरात , सागर

दरेकर यांनी  अभिनय केला असून प्रसिद्ध गायक व संगीत दिग्दर्शक फिरोज मणियार तसेच महाराष्ट्राच्या नामवंत गायिका सोनाली सोनवणे यांनी या गण्यास आवाज दिला आहे.अधिक माहिती अशी की, यातील फिरोज  हा स्थापत्य अभियांत्रिकी आहे. त्याच्या या स्वप्नाला त्याचे मित्र अक्षय थोरात (एम कॉम) आणि सागर दरेकर  (विद्युत अभियांत्रिकी ) यांची खंबीर साथ मिळत आहे.घरची बेताची परिस्थिती आणि त्यातून घेतलेले शिक्षण यात नोकरीच्या मागे न लागता तिन्ही युवक एक वेगळा मार्ग अवलंबला आहे. आणी त्यांची स्तुती ही  एवढ्यासाठीच त्यांनी कुणाचाही आधार न घेता आपले तिसरे गाणे प्रदर्शित केले. ह्या क्षेत्रामध्ये आजकाल खूप तरुणी- तरुणांचा सहभाग वाढत चाललेला दिसतोय पण तुमच्यात जिद्द आणि त्यासाठी धडपड असणं आवश्यक आहे. हीच जिद्द धडपड घेऊन फिरोज मणियार व त्याच्या सह टीम ने चांगली भरारी घेतली आहे.यापूर्वी त्यांची दोन गाणी सादर झालेले असून त्यातील एक गाणे झी म्युझिक सारख्या मोठ्या वाहिनीने घेतलेले आहे तर त्यांच्या 'FSA PRODUCTION' या निर्मिती अंतर्गत चालणाऱ्या यूट्यूब चैनल वर ही त्यांचे अनेक चाहते आहेत.आज सर्व सुविधा सोयी उपलब्ध असतांना युवक नवीन काही  करण्यास हिम्मत करत नाहीत परंतु आपल्या परिस्थितीला शिक्षणाला कुठेही आडवे येऊ न देता आर्थिक परिस्थितीशी झगडत या युवकांनी जे क्षेत्र निवडले आहे त्या क्षेत्रात यशस्वी होण्यासाठी त्याची धडपड करत आहेत ती निश्चितच अभिनंदनीय आहे.फिरोज या क्षेत्रात कसा आला हे विचारला असता साईंच्या दरबारी भजन गात गात निर्माण झालेली आवड पुढे स्वप्न झाली आणि त्यातच करिअर करायचं ठरलं. गीतकार ,संगीतकार आणि गायक ह्या तिन्ही आघाड्यांवर आव्हान पेलताना दोन्ही जिवलग मित्र मोलाची साथ देत असल्याचे त्यांनी आवर्जून नमूद केले. परिस्थितीशी सामना करण्याची जिद्द,नवीन शिकण्याची तयारी आणि मेहनती स्वभाव यामुळे हे तारे संगीत क्षेत्राच्या आकाशात नक्कीच चमकतील ही खात्री आहे.या युवकांच्या प्रयत्नास साईबाबा संस्थांनचे अध्यक्ष नामदार आशुतोष दादा काळे तसेच युवा नेते सुमित दादा कोल्हे,साईबाबा संस्थानचे मुख्य कार्यकारी अधिकारी भाग्यश्री बनायात तसेच महाराष्ट्र राज्य मराठी पत्रकार संघाचे अध्यक्ष मनिष जाधव आदी मान्यवरांकडून शुभेच्छांचा वर्षाव होत आहे.