bindas news

बेलापुर  (प्रतिनिधी  )-प्रत्येक ठिकाणी शासकीय योजनेसाठी आवश्यक असणारा पुरावा म्हणजे शिधापत्रिका ,रेशनकार्ड परंतु आता यापुढे नविन रेशनकार्ड तयार करावयाचे असल्यास जातीचा दाखला दिल्याशिवाय रेशनकार्डच मिळणार नाही त्यामुळे रेशनकार्ड मिळविण्यासाठी आगोदर जातीचा दाखला तयार ठेवावा लागणार आहे                 सर्वसामान्य नागरीकासाठी रेशनकार्ड म्हणजेच शिधापत्रिका ही जिवनाचा अविभाज्य घटक झालेले आहे कुठल्याही शासकीय निमशासकीय काम करावयाचे असल्यास रेशनकार्ड सक्तीचे असते तेच रेशनकार्ड काढण्यासाठी सर्वसामान्य नागरीकांना  अनेक हेलपाटे तहसील कार्यालयात मारावे लागतात अनेक प्रकारचे दाखले जोडावे लागतात रेशनकार्ड मिळविणारी व्यक्ती थकून जाते त्यातच आता रेशनकार्ड काढण्यासाठी इतर कागद पत्रासोबत जातीचा दाखला जोडणे आवश्यक आहे एस सी ,एस टी ,ओ बी सी ,एन टी तसेच इतर मागास जातीमधील नागरीकांना जातीचा दाखला जोडल्याशिवाय रेशनकार्ड मिळणारच नाही जातीचा दाखला मिळविण्यासाठी असणाऱ्या जाचक अटीमुळे अनेकांनी तो दाखला काढण्याचा नादच सोडून दिलेला होता त्यामुळे शिक्षण घेणारे अन नोकरी करणारे तसेच राखीव जागेवर निवडणूक लढविणारे यांच्याकडेच जातीचे दाखले आढळतील बाकी नागरीक त्या गुंतागुंतीच्या भानगडीत पडलेच नाही परंतु आता सर्वांनाच नविन रेशनकार्ड काढण्यासाठी जातीचा दाखला बंधनकारक करण्यात आला आहे शिधापत्रीका आँन लाईन करताना जातीचा दाखला नसेल तर संगणक ते कागदपत्र स्विकारणारच नाही त्यामुळे एस सी , एस टी , ओ बी सी , एन टी तसेच इतर मागासजातीमधील नागरीकांना रेशनकार्ड काढावयाचे असल्यास त्यांनी आगोदर जातीचा दाखला काढून तो नविन रेशन कार्डाच्या अर्जासोबत जोडावा लागणार आहे शासनाच्या या नविन आदेशाने जातीनिहाय जनगणना करणे सोपे जाणार असुन संबधीतांना जाती निहाय शासकीय योजनेचा लाभ मिळविणे सोपे जाणार आहे त्यामुळे नविन रेशनकार्ड काढायचे असेल तर जातीचा दाखला तयार ठेवावा लागणार आहे या शासन निर्णयामुळे बोगसगीरीला देखील आळा बसणार आहे.

श्रीरामपूर (प्रतिनिधी )डॉक्टर बाबासाहेब आंबेडकरांनी सर्वसामान्य जनतेला न्याय मिळावे याकरिता संविधान लिहिले आणि त्यामुळेच न्यायालयात प्रलंबित असलेला सभापति पदाचा निर्णय माझ्या बाजूने लागला तो मी डॉक्टर बाबासाहेब आंबेडकर यांच्या चरणी अर्पण करते असे प्रतिपादन श्रीरामपूर पंचायत समितीचे नवोदित सभापती सौ वंदनाताई मुरकुटे यांनी केले दिनांक 7/12 /2021 रोजी सायंकाळी रामगड येथील राज मोहम्मद शेख  यांच्या फर्निचरच्या दुकानासमोर श्रीरामपूर पंचायत समितीच्या नवनिर्वाचित सभापती सौ वंदना ताई मुरकुटे व पंचायत समिती सदस्य अरुण पाटील नाईक यांच्या सत्काराचा कार्यक्रम महाराष्ट्र लघु वृत्तपत्र व पत्रकार संघाच्या वतीने संपन्न झाला कार्यक्रमाच्या अध्यक्षस्थानी कार्यक्रमाच्या अध्यक्षस्थानी पत्रकार संघाचे तालुकाध्यक्ष व रुग्ण मित्र सुभाष राव गायकवाड हे होते तर सूत्रसंचालन पत्रकार संघाचे उत्तर महाराष्ट्र प्रदेश प्रभारी कासम शेख  यांनी केले कार्यक्रमास पत्रकार संघाचे संस्थापक अध्यक्ष शेख बरकत अली, पत्रकार संघाचे महासचिव शेख फकीर मोहम्मद ,पत्रकार संघाचे प्रदेश कार्याध्यक्ष अमीर जहागीरदार, इलेक्ट्रॉनिक मीडियाचे जिल्हाध्यक्ष असलम बिनसाद, पत्रकार सुरेश कांगुणे , उत्तर नगर जिल्हा उपाध्यक्ष एजाज भाई सय्यद, श्रीरामपूर तालुका महिला संघटक कुमारी अश्विनी अहिरे, बेलापूर येथील सामाजिक कार्यकर्ते जावेद भाई शेख, मोहसीन शेख ,आदी मान्यवर उपस्थित होते यावेळी प्रास्ताविक असलम बिनसाद यांनी केले तर सौ वंदना ताई मुरकुटे ,अरुण पाटील नाईक ,शेख बरकत अली ,सुभाष राव गायकवाड ,अमीर जहागीरदार, आदींनी आपले मनोगत व्यक्त केले कार्यक्रमात वंदनाताई मुरकुटे या श्रामपूर तालुका पंचायत समितीच्या सभापती झाल्याबद्दल तसेच पंचायत समिती सदस्य अरुण पाटील नाईक यांचा श्रीरामपूर तालुका पतसंस्था फेडरेशन च्या वतीने सहकार भूषण सन्मान पत्र देऊन त्यांना गौरविण्यात आल्याने सत्कार करून सन्मानित करण्यात आले याच बरोबर कोरोना काळात उत्कृष्ट कामगिरी करणारे रुग्ण मित्र सुभाष राव गायकवाड व पत्रकार संघाचे उत्तर जिल्हा अध्यक्ष राज मोहम्मद शेख यांना पत्रकार संघाच्या वतीने  कोरोना योद्धा हे सन्मानपत्र देऊन सन्मानित करण्यात आले आपल्या प्रमुख सौ वंदना ताई पुढे म्हणाल्या की माझी जडणघडण मालेगाव येथे झाली असून मी ज्या ठिकाणी राहत होते तेथे पलीकडच्या बाजूला वृंदावन चौक तर पलीकडच्या बाजूला भारत नगर चौक असे दोन्ही ठिकाण एकीकडं हिंदू लोकवस्तीचे तर दुसरीकडे मुस्लिम लोकवस्तीचे होते परंतु दोन्हीकडचे लोक एक दिलाने राहत असल्याने कदापि तणावाची परिस्थिती निर्माण झाली नव्हती आज रामगड येथे आल्यानंतर अलीकडे रामगड व पलीकडे बेलापूर येथील वातावरण पाहता मला माझ्या माहेराची आठवण होते आणि या दोन्ही गावातील हिंदू-मुस्लीम एकोपा दृढ करणे करिता आपण अटीतटीचे प्रयत्न करू तसेच माझ्याकडे कामानिमित्त गाऱ्हाणे घेऊन येणाऱ्या लोकांचे काम सभापती या नात्याने नक्कीच करणार तसेच माझ्या कार्यक्षेत्र बाहेरील काम असल्यास त्या परीने नागरिकांच्या अडचणी दुर करणे कामी मी प्रयत्न करेल अशी गवाही त्यांनी यावेळी दिली अरुण पाटील नाईक यांनी सौ वंदना ताई यांच्या विजयाबद्दल उर्दू शेर सांगून कार्यक्रमात रंग भरला बरकत आली शेख यांनी आपल्या भाषणात सौ वंदना ताई मुरकुटे यांचा विजय म्हणजे काँग्रेस पक्षाचा विजय असून सध्या इतर पक्षांकडून जातीय द्वेष निर्माण करण्याचा वारंवार प्रयत्न होत असतांना आपल्याला काँग्रेस पक्षाची नितांत गरज असल्याचे सांगितले स्वर्गीय जयंत रावजी ससाने यांनी त्यांच्या हयातीत एकात्मता व जातीय सलोखा निर्माण करण्याचे काम केले आहे ते निवांत असल्यास  वर्डवार्डातील कार्यकर्त्यांना बोलावून घेऊन त्यांच्याकडून त्यांच्या भागातील परिस्थितीचा व कामाचा आढावा विचारून घेत त्याचपद्धतीने वंदनाताई यांनी ग्रामीण भागाबरोबरच शहरातही लक्ष केंद्रित करून काम करावे असे त्यांनी सांगितले कार्यक्रमा स पत्रकार सार्थक साळुंके ,अनीस भाई शेख ,मोहम्मद अली सय्यद, मोहम्मद गौरी, सलीम भाई शेख, तसेच रामगड येथील इमरान शेख, सिकंदर शेख, यांच्यासमवेत मोठ्या संख्येने कार्यकर्ते उपस्थित होते_ _उपस्थितांचे आभार कार्यक्रमाचे संयोजक पत्रकार संघाचे उत्तर जिल्हाध्यक्ष राज मोहम्मद शेख यांनी मानले.

श्रीरामपूर प्रतिनिधी:-गेटवरुन उड्या मारुन रुग्णालयात प्रवेश करत येथील वॉचमनच्या गळ्याला चाकू लावून श्रीरामपूर शहरातील प्रसिद्ध असणार्‍या मोरगे हॉस्पिटलमधील मेडिकल फोडून अज्ञात दोघा चोरट्यांनी सुमारे 21 लाखांची रोकड रकमेसह 7 हजार रुपये किंमतीचा सीसीटीव्हीचा एक डीव्हीआर  चोरुन नेला आहे. याप्रकरणी श्रीरामपूर शहर पोलीस ठाण्यात गुन्हा दाखल करण्यात आला आहे. या घटनेमुळे शहरात खळबळ उडाली आहे करोना काळात प्रसिद्धीच्या झोतात आलेल्या डॉ. मोरगे हॉस्पिटलच्या ग्राऊंड फ्लोअरवर मेडिकलचे दुकान आहे. काल मध्यरात्री 3 च्या सुमारास तोंड बांधलेले अज्ञात दोन चोरटे मोटारसायकलवरुन या ठिकाणी आले. भिंतीवरुन उडी टाकून दोघांनी आत प्रवेश केला. यावेळी बाहेरच असलेल्या वॉचमनला जाग आली आणि त्याचवेळी चोरट्यांनी वॉचमनच्या गळ्याला चाकू दाखवून गप्प केले. चाळचुळ केली तर मारुन टाकू अशी धमकी दिली. वॉचमनजवळची चादर त्याच्या तोंडावर एका चोराने टाकली. तेवढ्यात दुसर्‍याने कटरच्या सहाय्याने या मेडिकलच्या शटरला असणारे दोन्ही कुलूप तोडली. कुलूप तोडल्यानंतर शटर उघडून आत प्रवेश केला. त्यानंतर स्कू ड्रायव्हरने चोरट्यांनी मेडिकलमधील ड्रॉवर उघडले. ड्रॉवरमधील सुमारे 21 लाखांची रोकड पिशवीत भरली तसेच काही पुरावा राहू नये म्हणून त्यांनी तेथील सीसीटीव्हीचे सर्व्हेरही घेऊन चोरट्यांनी त्या ठिकाणाहून पोबारा केला. त्यानंतर वॉचमनने काही वेळाने वर जावून डॉक्टरांना त्याने घडलेला सर्व प्रकार सांगितला. याप्रकरणी श्रीरामपूर शहर पोलीस ठाण्यात ज्ञानदेव मोरगे यांनी फिर्याद दाखल केली असून पोलिसांनी अज्ञात दोघा चोरट्यांविरुध्द भादंवि कलम 392, 498, 34 अन्वये गुन्हा दाखल करण्यात आला आहे. या घटनेची माहिती मिळताच पोलीस उपअधिक्षक संदीप मिटके, पोलीस निरीक्षक संजय सानप यांनी घटनास्थळी भेट देवून पहाणी केली तसेच चौकशीही केली. शहराच्या मध्यवस्तीत चोरांनी केलेल्या धाडसी चोरीमुळे नागरिकांमध्ये भितीचे वातावरण पसरले आहे. या घटने संदर्भात माहिती मिळताच स्थानिक गुन्हे शाखेचे पोलीस निरीक्षक अनिल कटके व त्यांचे पोलीस अधिकारी कर्मचारी घटनास्थळी दाखल झाले. त्यानंतर काही वेळातच ठसे तज्ज्ञ व श्वान पथक देखील घटनास्थळी दाखल होऊन, घडलेला गुन्हा सीसीटीव्ही कॅमेर्‍यात कैद झाल्याने. गुन्हेगारांचा सुगावा शोध करण्याचे काम सुरू केले आहे. शहरात पोलिसांनी चोरांवर धाक निर्माण करण्याची गरज या निमित्ताने निर्माण झाली आहे. याप्रकरणी पुढील तपास सहाय्यक पोलीस निरीक्षक श्री. बोरसे करत आहेत महिनाभरातील मेडिकलच्या व्यवसायाचे डिलर लोकांचे द्यावयाचे चेक हे कालपरवाच चालक ज्ञानदेव मोरगे यांनी लिहून ठेवले होते. शिवाय जी रोकड महिनाभरात जमा होती ती आज उद्या भरायची होती. त्यामुळे मेडिकल दुकानामध्ये 21 लाख रुपये आहेत याची माहिती असणार्‍यांनीच हा धाडसी चोरीचा प्रकार केला असण्याची दाट शक्यता आहे. कारण आज दुसर्‍या दिवशी ही कॅश बँकेत भरली जाणार होती. आणि रात्री ही कॅश मेडिकलमध्येच आहे याची पूर्ण खात्री असल्याने चोराने इकडे तिकडे उचकापाचक न करता स्क्रू ड्रायव्हरने मेडिकलचे ड्रॉव्हर उघडले आणि सरळ रोकड पिशवीत भरली. यावरुन मेडिकलमध्ये असणार्‍या रकमेची इत्यंभूत माहिती चोरी करणारांना होती. याचाच अर्थ चोर हे माहितगार असावेत असा संशय व्यक्त करण्यात येत आहे.