bindas news

नाऊर( वार्ताहर)श्रीरामपुर तालुक्यातील नाऊर येथील गरीब कुंटूबातील तरुण शेतकरी विलास अशोक देसाई याचे महावितरणच्या विद्युत पोलवरील तारेला  चिकटून दुर्दैवी निधन झाल्यामुळे देसाई कुटुंबाचा आधारवडच नाहीसा झाला हे ओळखून कुटुंबीयांच्या मदतीसाठी सोशल मिडीयातून अवाहन करताच मोठ्या प्रमणात मदतीचा ओघ सुरु झाला आहे. कै विलास यांच्या पश्चात  वृद्ध आई व पत्नी दोन मुली, एक मुलगा असा परिवार होता. त्याच्या अकाली जाण्याने त्याच्या कुटुंबियांवर मोठा आघात झाला. तसेच घरामध्ये तो आई वडिलांना एकुलता एक मुलगा व एकमेव कमविता होता.त्याच्या वडिलांचे वर्षश्राद्ध समीप आले असताना, दुर्दैवाने त्याचा मृत्यू झाल्याने सोशल मीडियाच्या माध्यमातून काही सामाजिक कार्यकर्त्यांनी मदतीचे आवाहन केले होते. या मदतीच्या अवाहनाला प्रतिसाद   देत महाराष्ट्राच्या कानाकोपऱ्यातून मदतीचा ओघ सुरू झाला. यामध्ये प्रामुख्याने ठाणे येथील उद्योजक मंगेश नवले यांनी मयत विलासच्या घरी भेट देत त्याच्या घराचे अर्धवट असलेले बांधकाम पाहून घराचे वरील छतासाठी अँगल पाईप पत्रे यासाठी तब्बल तीस हजार रुपये मदत दिले.तसेच ग्रामविकास अधिकारी तुकाराम जाधव यांच्या माध्यमातूनसुमारे 40 ते 45 हजार रुपये मदत नागरिकांच्या माध्यमातून जमा झाली आहे पत्रकार देविदास देसाई,नाशिक येथील राहुल क्षीरसागर,कृष्णा देसाई व पत्रकार संदीप जगताप यांच्या माध्यमातून सुमारे पन्नास हजाराची मदत जमा करण्यात आली असून ही मदत मयत विलासच्या मुलीच्या नावे ठेव पावतीच्या रुपात बँकेत ठेवण्यात येणार आहे.ग्रामविकास अधिकारी टि .के .जाधव व  पत्रकार संदीप जगताप यांनी सोशल मीडियातून व्हाट्सअपद्वारे ग्रामस्थांना कै. विलास देसाई यांच्या दुर्दैवी निधनामुळे त्याच्या कुटुंबात कमविता व्यक्तीच गमविल्याने मुलींच्या शिक्षणासह भविष्यातील सर्वच प्रश्न अवघड असल्याने मदतीचे आवाहन करण्यात आले होते.या आवाहनाला प्रतिसाद देत ग्रामस्थांनी टी.के. जाधव व  पत्रकार संदिप जगताप या दोघांच्या खात्यावरती मिळून सुमारे नव्वद हजाराच्या आस-पास रक्कम जमा झाली. जमा झालेली रक्कम दोन मुलीच्या खात्यावर जमा करण्यात येणार आहे.सोशल मीडियातून सामाजिक जबाबदारी ओळखून अनेकांनी मदत केली ग्रामस्थांच्या वतीने सर्व दानशूर व्यक्तींना धन्यवाद देण्यात येत आहे.

श्रीरामपुर (प्रतिनिधि)- श्रीरामपूर तालुक्यातील खंडाळा परिसरा त एम आय डी सी मध्ये श्री इंपेक्स फर्निचर गोडाऊन च्या शेजारी मोकळ्या जागेत वास्तव्यास असलेले व मेंढपाळ म्हणून मजुरीचे काम करणारे श्रावण अहिरे मूळ रहिवासी हिरानगर तालुका नांदगाव जिल्हा नाशिक यांच्या नऊ महिन्याच्या मुलाचा संशयास्पद मृत्यू झाल्याने परिसरात खळबळ उडाली आहे मुलाच्या गळ्यावर उजव्या बाजूला गळा दाबल्याच्या खुणा दिसत असल्याने सदर चिमुकल्याचा घात झाल्याची शक्यता प्रथम दर्शनी वर्तविली जात आहे सदर घटना ही आज रोजी भल्या पहाटे घडली असून शेजारील मेंढपाळ तसेच आई-वडिलांनी त्यास श्रीरामपूर येथे उपचारासाठी नेले होते परंतु डॉक्टरांनी त्यांस मृत घोषित केले सदर घटनेची माहिती  पोलिसांना मिळताच अप्पर पोलीस अधीक्षका डॉक्टर दिपाली काळे व शहर पोलीस ठाण्याचे पोलीस निरीक्षक संजय सानप घटनास्थळी दाखल झाले तर सदर घटना नेमकी कशी घडली याविषयी चौकशीसाठी मुलाच्या आई-वडिलांना ताब्यात घेण्यात आले आहे सदर चिमुकल्या मुलाच्या पश्चात त्याला एक मोठी बहीण व दोन भाऊ व आई-वडील असा परिवार आहे सदर चिमुकल्याच्या घातपाताने परिसरात हळहळ व्यक्त केली जात आहे सदर परिवार एमआयडीसी परिसरात गेल्या तीन महिन्यापासून वास्तव्यास आहे तर ज्या मालकाच्या मेंढ्या सदर कुटुंब सांभाळत होते तेदेखील शेजारी वास्तव्यास आहे दत्तनगर येथील पोलिस चौकीचे कॉन्स्टेबल  कारखेले राशिनकर व शेलार राजेंद्र लोंढे यांनी घटनेचा पंचनामा करून मृतदेह श्रीरामपूर येथे शवविच्छेदनासाठी पाठविला आहे सदर घटना नेमकी काय आहे हे  अद्याप स्पष्ट झाले नसून पुढील तपास श्रीरामपूर शहर पोलीस ठाण्याचे संबंधित अधिकारी करत आहे.

बेलापूर(प्रतिनिधी)-बेलापुर तंटामूक्ती समीतीच्या अध्यक्षपदी येथील सामाजिक कार्यकर्ते पुरुषोत्तम भराटे यांची सर्वानुमते निवड करण्यात आली यामुळे महाराष्ट्र लघु वृत्त पत्र व पत्रकार संघ,बेलापूर येथील संपर्क कार्यालयात  नवनियुक्त तंटामुक्तीचे अध्यक्ष पुरुषोत्तम भराटे व मावळते अध्यक्ष प्रकाश कुऱ्हे यांचा सत्कार करण्यात आला.बेलापूर शहर तंटामुक्तीचे मावळतेअध्यक्ष यांचाही सत्कारयावेळी बेलापूर शहर प्रमुख एजाज सय्यद यांचे हस्ते करण्यात आले तर नवनियुक्त अध्यक्ष यांचा सत्कार ज्येष्ठ पत्रकार विष्णुपंत डावरे यांचे हस्ते करण्यात आला.याप्रसंगी महाराष्ट्र लघु वृत्त पत्र व पत्रकार संघ,बेलापूरचे शहर संघटक मुसा सय्यद,बेलापूर शहर खजिनदार ,सलीम शेख,श्रीरामपूर तालुका कार्याध्यक्ष,कासम शेख,बेलापूर शहर सचिव ,शफिक शेख,बेलापूर शहर उपप्रमुख, मोहम्मद अली सय्यद,सदस्य मोहम्मद गौरी,सदस्य रसूल सय्यद भामाठाण, हर्षद दुधाळ सर्व पत्रकार बांधव,तसेच आदी मान्यवर ग्रामस्त उपस्थित होते.

बेलापुर  (प्रतिनिधी  )-जिल्हा परिषद व ग्रामपंचायत याच्या माध्यमातून तीन कोटीची विकास कामे केली जाणार असुन ज्या विश्वासाने गांवकऱ्यांनी सत्ता ताब्यात दिली त्या विश्वासाला कधीच तडा जावु दिला जाणार नाही अशी ग्वाही जि प सदस्य शरद नवले यांनी ग्रामसभेत ग्रामस्थांना दिली                                               बेलापुरची ग्रामसभा गायकवाड वस्ती येथे घेण्यात आली या ग्रामसभेच्या अध्यक्षस्थानी सरपंच महेंद्र साळवी हे होते या वेळी उपसरपंच अभिषेक खंडागळे यांनी १५ व्या वित्त आयोगाचा निधी कुठे कसा खर्च करणार या विषयी माहीती दिली  गावातील वाड्या वस्त्यावरील विकास कामेही झाली पाहीजेत त्याकरीता निधीची आवश्यकता असुन जि प सदस्य शरद नवले निधी आणण्यास सक्षम आहेत त्यामुळे गावात जोराने विकास कामे सुरु आहेत गेल्या दहा वर्षात विकास कामे झालेली नाहीत तो बँकलाँक भरुन काढावयाचा आहे  कोरोनाची तिसरी लाट येण्याची शक्यता गृहीत धरुन ग्रामपंचायतीने सर्व उपाय योजना सुरु केल्या आहे कुटुंब आरोग्य मोहीम सुरु करण्यात आली आहे पाणी पुरवठा योजना राबविण्यासाठी शेती महामंडळाच्या जमीनीबाबत प्रक्रिया सुरु आहे असेही उपसरपंच खंडागळे म्हणाले या वेळी बोलताना सरपंच महेंद्र साळवी म्हणाले की सध्या गाव व वाड्या वस्त्यावर तीन कोटी रुपयांची कामे सुरु करण्यात येणार असुन घरकुल योजना नविन पाणी पुरवठा योजना राबविण्यासाठी आम्ही सक्षम आहोत या वेळी तंटामूक्ती अध्यक्ष म्हणून पुरुषोत्तम भराटे यांची निवड करण्यात आली.तसेच पाणीपुरवठा समितीच्या अध्यक्षपदी अरविंद साळवी यांची निवड करण्यात आली .ग्रामसभा बेकायदेशिर घेण्यात आली असुन या बेकायदेशिर ग्रामसभेत झालेले सर्व विषय नामंजुर करण्यात यावे या मागणीचे निवेदन माजी सरपंच भरत साळूंके यांनी ग्रामविकास अधिकारी राजेश तगरे यांना दिले व सभेवर बहीष्कार टाकून ते निघुन गेले  या बाबत उपसरपंच अभिषेक खंडागळे यांना विचारणा केली असता कोरोनामुळे दोन वर्षानंतर ग्रामसभा होत होती या सभेस कोरम पुर्ण झाल्यामुळे सभेचे कामकाज सुरु करण्यात आले व साभा खेळीमेळीत पार पडली हे विरोधकांना अपेक्षित नव्हते आम्ही उपस्थीतांच्याच सह्या घेतल्या सत्ता असताना विरोधकांनी ग्रामसभेत सभेत गोंधळ होवु नये म्हणून दोन दिवस आगोदर सह्याची मोहीम सुरु केली जात होती तरीही गोंधळ होतच होता कारण विकासाच्या नावाखाली गावा भकास करण्याचे काम यांनी केले याचा जनतेला विसर पडलेला नाही असेही खंडागळे म्हणाले  या वेळी चंद्रकांत नवले मुस्ताक शेख मिना साळवी सुरेश वाघ सुनिता बर्डे रमेश अमोलीक नितीन नवले प्रभाकर कुऱ्हे श्रीराम मोरे अरविंद साळवी अजिज शेख पुरुषोत्तम भराटे कचरु साबळे नानासाहेब सदाशिव सलीम पठाण कैलास त्रिभूवन संजय पाडूळे किशोर पगारे सुरेश कुऱ्हे  शेषराव हिवराळे सुनिता वाघ रंजना सोनवणे रेखा मोरे सुप्रिया मोरे आदिसह ग्रामस्थ उपस्थित होते मुस्ताक शेख यांनी आभार मानले ग्रामविकास आधिकारी राजेश तगरे यांनी अहवाल वाचन केले..