bindas news

श्रीरामपूर :-( प्रतिनिधी)महाराष्ट्र लघु वृत्तपत्र व पत्रकार संघाच्या बेलापूर शहर कार्यकारिणी ची नुकतीच निवड करण्यात आली असून शहराध्यक्षपदी माहीती व कायदा या वृत्तपत्राचे प्रतिनिधी एजाज सय्यद तर शहर उपाध्यक्ष पदी मोहंमद अली सय्यद तसेच बेलापूर शहर संघटक पदी मुसा सय्यद यांची निवड करण्यात आली. पत्रकार संघाचे संस्थापक अध्यक्ष शेख बरकत अली यांनी शेख यांनी श्रीरामपूर येथील पत्रकार संघाचे मुख्य कार्यालयात संपन्न झालेल्या बैठकीत पत्रकार संघाचे संस्थापक अध्यक्ष शेख बरकत अली यांनी सदरील पत्रकारांच्या कार्याचा आढावा घेता या पदांवर निवड करून त्यांना नियुक्ती पत्र प्रदान केले. त्यांच्या निवडीबद्दल पत्रकार संघाचे संस्थापक अध्यक्ष शेख बरकत अली, प्रदेश महासचिव शेख फकीर मोहंमद,प्रदेश उपाध्यक्ष बी.के. सौदागर, किशोर गाढे, राज मोहंमद शेख जिल्हाध्यक्षसु भाषराव गायकवाड, अरुण बागुल, अमीर जागीरदार, असलम बिनसाद, विलास पठारे, अरुण त्रिभुवन, मुदस्सर पटेल, वहाब खान, उस्मान के. शेख, फिरोज पठाण, सुखदेव केदारे, रवींद्र केदारे, राहुल गायकवाड, अन्वर पठाण, छबुराव साळुंखे, सूर्यकांत गोसावी, हाजी शकील शेख, अब्दुल्ला भाई चौधरी, इदरीस भाई शेख दस्तगीर शहा, शाहनवाज बेगमपूरे, सज्जाद पठाण, जीशान काझी, उगलमुगले, मिलिंद शेंडगे, अफजल खान, हनिफ भाई तांबोळी, रियाज खान पठाण, विजय खरात, गोरक्ष गाढवे, शब्बिर भाई कुरेशी, अक्रम कुरेशी, साईनाथ बनकर, अकबर भाई शेख, गुलाब भाई शेख, जावेद के. शेख, रमेश शिरसाट, हनीफ शेख, आदींनी शुभेच्छा दिल्या.

पंढरपूर सोलापूर :  आषाढी एकादशीनिमित्त आज २० जुलै २०२१ रोजी पंढरपूरमधील विठ्ठल-रुक्मिणी मंदिरात मुख्यमंत्री उद्धव ठाकरे आणि त्यांच्या पत्नी रश्मी ठाकरे यांच्या हस्ते शासकीय महापूजा भक्तीमय वातावरणात पार पडली.दरम्यान, पहाटे सव्वा दोन वाजल्यापासून या महापुजेला सुरुवात झाली होती. दरवेळेस मुख्यमंत्र्यांसोबत एका वारकऱ्याला या महापुजेचा मान मिळतो. मात्र यंदा वारीच नसल्याने हा मान विठ्ठल-रुक्मिणी मंदिरातील विणेकरी मूळचे वर्धा येथील केशव शिवदास कोलते यांना हा मान मिळाला होता. मुख्यमंत्री उद्धव ठाकरे,  पत्नी रश्मी ठाकरे यांच्या समवेत वर्धा येथील केशव शिवदास कोलते व त्यांची पत्नी इंदूबाई केशव कोलते यांना यंदा विठ्ठलाच्या शासकीय महापूजेचा मान मिळाला.  आजच्या या महापुजेला मुख्यमंत्र्यांसोबतच सोलापूरचे पालकमंत्री दत्तात्रय भरणे हे देखील उपस्थित होते. तसेच पर्यावरण मंत्री आणि मुख्यमंत्री उद्धव ठाकरे यांचे सुपुत्र आदित्य ठाकरे, शिवसेना पक्षाचे सचिव मिलिंद नार्वेकर हे देखील यावेळी मंदिरात हजर होते.आषाढी एकादशीच्या महापूजेनिमित्त संपूर्ण मंदिर फुलांनी सजविण्यात आले होते. तसेच मंदिरावर विद्युत रोषणाई करण्यात आली होती. विद्युत रोषणाईने विठ्ठल मंदिर परिसर उजळून निघाले होते. यंदा आषाढी एकादशीची महापूजा ही वारकऱ्यांविनाच पार पडली. खरं तर गेली अनेक शतकं वारीची परंपरा मात्र कोरोनाचं संकटामुळे मागील दोन वर्षापासून ही परंपरा खंडित झाली. लाखो वारकऱ्यांच्या उपस्थित येणाऱ्या माऊलींच्या पादुका यंदा राज्य परिवहन महामंडळाच्या शिवशाही बसमधून पंढरपुरात दाखल झाल्या. यावेळी मोजके वारकरी या पालख्यांसोबत होते. यावेळी विठ्ठल-रुक्मिणी मंदिर समितीचे सह अध्यक्ष गहिनीनाथ ज्ञानेश्वर महाराज ओसेकर, जिल्हाधिकारी मिलिंद शंभरकर, पोलीस अधीक्षक तेजस्वी सातपुते, जिल्हा परिषदेचे मुख्य कार्यकारी अधिकारी दिलीप स्वामी, अप्पर पोलीस अधीक्षक अतुल झेंडे, प्रांताधिकारी सचिन ढोले, सदस्य शकुंतला नडगिरे, ह.भ.प. ज्ञानेश्वर देशमुख (जळगांवकर). ह. भ. प. प्रकाश नवंजाळ तसेच कार्यकारी अधिकारी विठ्ठल जोशी व व्यवस्थापक बालाजी पुदलवाड यांच्यासह मंदिर समितीचे पदाधिकारी, सदस्य, महसूल, पोलीस, जिल्हा परिषद व अन्य खात्यातील वरिष्ठ अधिकारी  उपस्थित होते.

राहुरी प्रतिनिधी-राहुरी तालुक्यातील देवळाली प्रवरा येथील नगरपालिका सभागृहात श्रीरामपूर विधानसभा मतदारसंघातील  विविध विषयांवरील आढावा बैठकीत आ. लहू कानडे व राहुरीचे पोलीस निरीक्षक नंदकुमार दुधाळ यांच्यात जोरदार हमरीतुमरी झाली. आ. कानडे यांनी जबाबदारीची जाणीव ठेवताना लोकप्रतिनिधींबरोबर ‘प्रोटोकॉल’ पाळण्याचा सल्ला दिल्यानंतर संतप्त झालेल्या दुधाळ यांनी माझी 25 वर्षे सेवा झाली. आम्हाला जबाबदारी समजते. असे सांगून धावून बोलू नका, असे उलट उत्तर देऊन आ. कानडे यांची उलट तपासणी घेतली. त्यामुळे या आढावा बैठकीत  तणावपूर्ण शांतता निर्माण होऊन मूळ विषयांना बगल मिळून उपस्थित असलेल्या अधिकार्‍यांची चांगलीच करमणूक झाली.दरम्यान, सार्वमतच्या देवळालीत दरोडाप्रकरणी वृत्तावर आ. कानडे यांनी दुधाळ यांना जाब विचारून त्यांना चांगलेच धारेवर धरले. दरोड्याच्या घटनेत काय प्रगती झाली? याची विचारणा केली. मात्र, यावर दुधाळ यांची उत्तरे देताना चांगलीच दमछाक झाली. खडाजंगीनंतर आढावा बैठकीत ‘लेटलतीफ’ ठरलेल्या पोलीस निरीक्षक नंदकुमार दुधाळ यांना आ. कानडे यांनी बैठकीतून जाण्याच्या सूचना दिल्यानंतर दुधाळ यांनी मधूनच आढावा बैठकीचे कामकाज अर्धवट सोडून काढता पाय घेतला. आमदारांबरोबर ‘प्रोटोकॉल’ न पाळता त्यांच्याबरोबर अरेरावी करणार्‍या दुधाळ यांच्यावर आमदारांकडून काय कारवाई होते? याकडे सर्वांचे लक्ष वेधले आहे.श्रीरामपूर मतदारसंघातील देवळाली प्रवरासह प्रवराकाठच्या 32 गावांतील जिव्हाळ्याच्या विषयावर आ. कानडे यांच्या अध्यक्षतेखाली आढावा बैठक घेण्यात आली. मात्र, तत्पूर्वीच आ. कानडे यांनी आक्रमक भूमिका घेत अधिकार्‍यांची झाडाझडती घेण्यास सुरूवात केली. त्याचे रूपांतर बाचाबाचीत झाले. पोलीस निरीक्षक दुधाळ हे तावातावाने आढावा बैठकीतून निघून गेल्यानंतर पुन्हा विस्कळीत झालेल्या कामकाजाला सुरूवात झाली.

अहमदनगर ( प्रतिनिधी )  मंदिरातील दानपेटी व चांदीचे दागीने चोरी  करनारा आरोपी कोतवाली पोलीसांकडुन जेरबंद दि १०/०७/२०२१ रोजी अनंत अनिल पांडे यांनी फिर्याद दिली की , दि ० ९ / ०७ / २०२१ रोजी रात्री च्या वेळी कोणीतरी अज्ञात चोरट्याने मंदीराच्या संरक्षण जाळीवरुण आत प्रवेश करुन शनिमंदिरातील दानपेटी व चांदीचे दागीने चोरुन घेवुन गेला आहे . वगैरे मजकुरच्या फिर्यादीवरुन कोतवाली पोस्टे गुन्हा रजि नं .४८५ / २०२१ भा.दं.वि. कलम ४५७,३८० प्रमाणे गुन्हा रजिस्टर दाखल करण्यात आला आहे . सदर गुन्ह्याचा तपास व आरोपीचा शोध घेत असतांना पोलीस निरीक्षक श्री.राकेश मानगांवकर यांना गुप्तबातमीदारामार्फत बातमी मिळाली की , गुन्ह्यातील आरोपी हा रेल्वेस्टेशन परिसरात चोरीतील दागीने विक्री करण्याकरिता आलेला आहे अशी खात्रीशिर बातमी मिळाल्याने रेल्वेस्टेशन परिसरात गुन्हे शोधपथकासह सापळा लावुन संशयित इसमास ताब्यात घेवुन त्याचेकडे विचारपुस करता त्याने प्रथम उडवाउडविची उत्तरे दिली त्यास अधिक विश्वासात घेवुन चौकशी केली असता त्याने त्याचे नाव रामदास विष्णु सावंत रा जांबुत ता संगमनेर जि अहमदनगर असे सांगुन सदरचा गुन्हा केल्याची कबुली दिली आहे . त्याची अंगझडती घेता.त्याचेकडे मंदिरातुन चोरी केलेले चांदीचे दागीने मिळुन आले आहेत . तरी सदर गुन्हयाचा पुढील तपास पोनि राकेश मानगांवकर यांचे मार्गदर्शनाखाली सपोनि विवेक पवार हे करत आहेत . सदरची कारवाई ही मा . पोलीस अधिक्षक श्री मनोज पाटील  मा.अपर पोलीस अधिक्षक श्री . सौरभ अग्रवाल , उपविभागीय पोलीस अधिकारी श्री . विशाल शरद ढुमे , यांचे मार्गदर्शनाखाली कोतवाली पोलिस निरिक्षक राकेश मानगांवकर , गुन्हेशोध पथकाचे पोना योगश भिंगारदिवे , पोना गणेश धोत्रे , पोना नितीन शिंदे , पोना शाहीद शेख , पोना सागर पालवे , पोकाँ सुजय हिवाळे , पोकाँ भारत इंगळे , पोकॉ सुमित गवळी , नितीन गाडगे. कैलास शिरसाट. तानाजी पवार प्रमोद लहारे. पठाण. यांनी सदरची कारवाई केली आहे.