श्रीरामपूर – १४ जुलै २०२१ रोजी शहरातील नॉर्दन बँच, दहाव्याचा ओटा परिसरात, दोन इसम हे गावठी कट्टे व जिवंत काडतसे विक्री करण्यासाठी, येणार असल्याची गुप्त माहिती, स्थानिक गुन्हे शाखेचे पोलीस निरीक्षक अनिल कटके यांना मिळाली असता.पोलीस निरीक्षक कटके यांनी, मिळालेल्या माहितीच्या आधारे स्थानिक गुन्हे शाखेच्या पथकातील अधिकार, व अंमलदार यांना मिळालेल्या बातमीनुसार खात्री करुन कारवाई करण्याबाबत आदेश दिले. सदर आदेशाची अंमलबजावणी करण्यासाठी आलेल्या पथकाने हरातील नॉर्दन बँच, दहाव्याचा ओटा परिसरात सापळा रचून, त्यानंतर काही वेळातच दोन इसम हे दहाव्याचा ओट्या जवळ आली, या दोन्ही इसमांच्या संशयास्पद हालचालीं लक्षात आल्याने, स्थानिक गुन्हे शाखेच्या पथकाने,मोठ्या शिथापीने आरोपी प्रेम पांडूरंग चव्हाण, वय वर्ष ३७, राहणार बाजारतळ, दुबे गल्ली, वॉर्ड नं. ७, श्रीरामपूर, व आकाश राजू शेलार, वय वर्ष २१, राहणार चितळी, तालुका राहाता या दोघांना ताब्यात घेतले असता, त्यांच्या जवळून,२ गावठी बनावटी कट्टे व सात जिवंत काडतूसे असे एकूण ६३,५००/-रु. किमतीचा मुद्देमाल स्थानिक गुन्हे शाखेच्या पथकाने जप्त केला असून. २ गावठी कट्टे व ७ जिवंत काडतूसे बेकायदेशिरित्या बाळगून विक्रीसाठी आणल्या प्रकरणी, पोलीस हेड कॉन्स्टेबल मनोहर गोसावी, नेमणूक स्थानिक गुन्हे शाखा, अहमदनगर यांनी श्रीरामपूर शहर पोलीस ठाण्यात दिलेल्या फिर्यादीवरुन, आर्म अॅक्ट कलम ३/२५, ७ प्रमाणे गुन्हा दाखल करण्यात आलेला असून पुढील कार्यवाही श्रीरामपूर शहर पोलीस करीत आहेत.
सदरची कारवाई जिल्हा पोलिस अधीक्षक मनोज पाटील , अप्पर पोलीस अधीक्षक श्रीमती दिपाली काळे मॅडम,उपविभागीय पोलीस अधिकारी संदीप मिटके यांच्या सुचना व मार्गदर्शनाखाली ,स्थानिक गुन्हे शाखेचे पोलीस अधिकारी व कर्मचाऱ्यांनी केली.
Post a Comment