bindas news

अश्लील फोटो इंस्टाग्रामवर प्रसारीत करुन मुलीला जीवे मारण्याची धमकी देणाऱ्या आरोपीस अटक.

अहमदनगर-अश्लील फोटो (सोशल मीडिया) इंस्टाग्रामवर प्रसारीत करुन मुलीला आणि कुटुंबास जीवे मारण्याची धमकी देणारा आरोपीस अहमदनगर स्थानिक गुन्हे शाखेने कारवाई करून अटक केली आहे. पोनि .अनिल कटके यांना गुप्त खबऱ्याकडून मिळालेल्या माहितीवरून रोहीत जालिंदर पाटोळे( रा.फर्याबाग) यास अटक केली आहे. भादविक ३५४(ड), ५०६ (२), ५०७ सह माहीती तंत्रज्ञान कायदा २०२० चे कलम ६६ (अ), ६६ होता. (ई) व ६७ प्रमाणे आरोपी रोहीत पाटोळे यांचे विरुध्द गुन्हा दाखल करण्यात आला आहे.

पोलिसांकडून मिळालेली माहित अशी की १७ मे २०२१ रोजी एका मुलीने भिंगार कॅम्प पोलीस स्टेशन येथे फिर्याद दिली की, रोहीत जालिंदर पाटोळे रा.फर्याबाग, अहमदनगर याचे व माझे एकमेकावर प्रेम होते. दरम्यानच्या काळात आम्ही दोघे बाहेर फिरायला गेल्यानंतर रोहीत पाटोळे याने त्याचे मोबाईल मध्ये आमचे दोघांचे काही खाजगी फोटो काढलेले होते. त्यानंतर आरोपी रोहीत पाटोळे हा फिर्यादी मुलीस लग्नाची मागणी घालु लागला. त्यास फिर्यादी मुलीने नकार दिला असता आरोपीने यांने फिर्यादी मुलीस व तिच्या घरच्यांना जिवे मारण्याची धमकी देवू लागला. तसेच फिर्यादी मुलीचे नावाने इंस्टाग्रामवर बनावट अंकाऊट तयार करुन त्यावर त्यांचे मोबाईलमध्ये काढलेले खाजगी फोटो व व्हीडीओ प्रसारीत करु लागल्याने फिर्यादी मुलीने भिंगार पोलीस स्टेशनला गु.रजि.नं. १७८/२०२१ भादविक ३५४(ड), ५०६ (२), ५०७ सह माहीती तंत्रज्ञान कायदा २०२० चे कलम ६६ (अ), ६६ होता. (ई) व ६७ प्रमाणे आरोपी रोहीत पाटोळे यांचे विरुध्द गुन्हा दाखल करण्यात आला आहे.

सदरचा गुन्हा दाखल झाल्यानंतर आरोपी रोहीत पाटोळे हा फरार झालेला होता. पोनि .अनिल कटके स्थानिक गुन्हे शाखा, अहमदनगर यांना गुप्त खबऱ्याकडून खात्रीशीर बातमी मिळाली की, सदर गुन्ह्यातील आरोपी नाम रोहीत पाटोळे हा येरवडा, पुणे येथे राहत आहे. सदर बातमीच्या आधारे स्थानिक गुन्हे शाखेच्या पथकातील पोहेकॉ/ फकीर शेख, पोहेकॉ/संदीप घोडके, पोना/ रविकिरण सोनट्टके पो कॉ/ सागर सुलाने पोकां/ रोहीत येमुल, पोकॉ/ मयुर गायकवाड पोकॉ/ मच्छिंद्र बर्ड व चालक पोहेकॉ/ संभाजी कोतकर अशांनी मिळुन येरवडा पुणे परीसरात आरोपीचा शोध घेवून आरोपी नामे रोहित जालींदर पाटोळे वय २४ रा.फर्याबाग सोलापुर रोड, अहमदनगर यास गुन्हयात वापरलेल्या मोबाईलसह ताब्यात घेवून त्यास पुढील कारवाई कामी भिंगार कॅम्प पोलीस स्टेशन येथे हजर करण्यात आलेले आहे. पुढील कार्यवाही भिंगार कॅम्प पोस्टे करीत आहे.

लवकरच होणार 'उम्मती' कोव्हीड लसीकरण केंद्राची सुरुवात".

श्रीरामपूर प्रतिनिधी- गेल्या दीड वर्षांपासून 'उम्मती फाउंडेशन' कोरोना विषाणूची संसर्ग साखळी तोडण्यासाठी आणि कोरोनामुक्त महाराष्ट्र करण्यासाठी आरोग्य विभाग व प्रशासन यांबरोबर खांद्याला खांदा लावून सातत्याने प्रयत्न करीत आहे. भविष्यात येणाऱ्या कोविडच्या तिसऱ्या लाटेचा प्रभाव रोखण्यासाठी श्रीरामपूर शहरातील व तालुक्यातील सर्व नागरिकांचे लसीकरण हाेणे अतिशय आवश्यक आहे. सरकारी लसीकरण केंद्रात तुफान गर्दी होत असल्याने 'उम्मती फाउंडेशन' तर्फे श्रीरामपूर शहरात नवीन व सर्व सुविधांनी परिपूर्ण असे खासगी कोव्हीड लसीकरण केंद्र लवकरच सुरू करण्यात येणार आहे, यावेळी उम्मतीचे अध्यक्ष श्री.सोहेल बारूदवाला यांनी ग्रामीण रुग्णालय,श्रीरामपूरचे वैद्यकीय अधीक्षक डॉ.योगेश बंड यांना भेटून लसीकरण केंद्र सुरू करण्यासंदर्भात सविस्तर चर्चा केली, त्यावेळी डॉ.बंड यांनीही त्यास सकारात्मक प्रतिसाद देत पुढील कार्यवाहीसाठी हा प्रस्ताव जिल्हा रुग्णालय, अहमदनगर येथे पाठविला, त्यावेळी 'उम्मती' चे सर्व पदाधिकारी उपस्थित होते.

तीन घरफोडी चोरी करणा-या आरोपीस २४ तासात जेरबंद,श्रीरामपूर शहर पोलीसाची कामगिरी.

श्रीरामपुर-दि.२१/०५/२०२१ रोजी रात्री ०३/३० या चे दरम्यान बीफ मार्केट समोर नुरेइल्लाही चौक वार्ड नं.२ येथील राहते घराचे जिन्याचे बंद घराचे दरवाज्याचे आतील कडी काढून ओप्पो कंपनीचे २ मोबाईल फोन घरफोडी चोरी करुन नेले बाबत जमील इब्राहिम शहा वय-४१ वर्षे,धंदा- व्यापार रा.बीफ मार्केट समोर नुरेइल्लाही चौक वार्ड नं.२ श्रीरामपुर ता.श्रीरामपुर जि.अहमदनगर यांचे फिर्याद वरून श्रीरामपूर शहर पोलीस स्टेशन येथे घरफोडीचा गुन्हा दाखल. झालेला होता. तसेच दिनांक २१/०५/२०२१ रोजी रात्री १०/०० ते दिनांक २२/०५/२०२१ रोजी सकाळी ०६/०० वा.चे दरम्यान संजयनगर वार्ड नं.२ श्रीरामपूर येथील गोडावून मधील खोलीची खिडकी कशाने तरी उघडून खिडकीतून टेबलावर ओप्पो कंपनीचा मोबाईल चोरुन नेले बाबत शकील शहा यांचे फिर्यादीवरुन श्रीरामपूर शहर पोलीस स्टेशन येथे घरफोडीचा गुन्हा दाखल झालेला होता. तसेच दिनांक २१/०५/२०२१ रोजी रात्री बाबरपूरा चौक, काझीबाबा रोड वार्ड नं.२ श्रीरामपूर येथे घराचे दरवाज्याचे कुलुप तोडून सोन्याचे मंगळसुत्र चोरुन नेले बाबत फिर्यादी नामे इसाक शहा यांचे फिर्यादीवरुन श्रीरामपूर शहर पोलीस स्टेशन येथे घरफोडीचा गुन्हा दाखल झालेला होता.त्यानंतर पोलीस निरीक्षक श्री संजय सानप यांना मिळालेला गुप्त माहिती प्रमाणे आरोपीनामे शहबाज सलिम शहा वय-२२ वर्ष रा.काझीबाबारोड वार्ड नं.२ श्रीरामपूर यास वार्ड नं.२ श्रीरामपूर यास ताब्यात घेवून त्याचेकडे गुन्ह्या संदर्भात सखोल तपास करता त्याने उपरोक्त तिनही घरफोड्या केल्याचे कबुल केल्याने त्याचेकडून तीन मोबाईल व एक मंगळसुत्र असे एकूण ७५,०००/-रु चा मुद्देमाल जप्त करण्यात आलेला आहे. नमूद तिन्ही घरफोड्याचे गुन्हे घडल्यानंतर अवघ्या २४ तासाचे आत आरोपीला पकडून त्याचकडून उपरोक्त मुद्देमाल जप्त करण्यात आलेला आहे.सदर आरोपीविरुध्द खालील प्रमाणे दरोडा तयारीचे दोन गुने, दुखापतीचा एक गुन्हा, तसेच चोरीचा एक गुन्हा दाखल आहेत.

१) श्रीरामपूर शहर पोस्टे गुर.नं. १ २३०/२०१९ भादवि कलम ३८०,३४

२) श्रीरामपूर शहर पोस्टे गुरनं. १ २७२/२०१४ भादवि कलम ३२५,३२३,५०४,५०६

३) श्रीरामपूर शहर पोस्टे गुरनं. । २७७/२०१८ भादवि कलम ३९९,४०२

४) श्रीरामपूर शहर पोस्टे गुरनं ।। ११५/२०२१ म.पो.का.क १२४

५) राहुरी पोस्टे गुरनं. १२३५/२०१९ भादवि कलम ३९९,४०२ आर्म अॅक्ट ४/२५ सदरची कारवाई मा.श्री मनोज पाटील पोलीस अधीक्षक सो. अहमदनगर व श्रीमती दिपाली काळे मंडम अपर पोलीस अधीक्षक श्रीरामपूर यांचे मार्गदर्शनाखाली तसेच श्री संदीप मिटके साहेब उपविभागीय पोलीस अधिकारी, श्रीरामपूर विभाग, यांचे सुचना प्रमाणे पोलीस निरीक्षक श्री संजय सानप, पोहेको जोसेफ साळवी,पोना बिरप्पा करमल पोकॉ/ किशोर जाधव पोकों/ राहुल नरवडे पोकों/ सुनिल दिघे पोका महेंद्र पवार यांनी केली आहे.

श्रीरामपूर शहरात विनाकारण फिरणाऱ्या इसमांची रॅपिड टेस्ट,"पॉझिटिव आढळलेल्या इसमांची रवानगी थेट CCC. येथे"

आज रोजी Dy.s.p.संदीप मिटके , PI सानप, श्रीरामपूर शहर पोलिस स्टेशनचे अधिकारी व अंमलदार व नगरपालिका आरोग्य कर्मचारी यांचे सह छत्रपती शिवाजी चौक येथे अचानक नाकाबंदी लावून विनाकारण रस्त्यावर फिरणाऱ्याचे वाहनावर कारवाई करून जप्त केले तसेच 85 इसमांची रॅपिड टेस्ट केली .त्यापैकी 2 पॉझिटिव्ह आढळून आले आहे.पॉझिटिव्ह आढळलेल्या इसमांची रवानगी थेट कोविड केअर सेंटर येथे करण्यात आली आहे.अचानक झालेल्या या कारवाईमुळे काही वेळातच श्रीरामपूर शहरातील रस्त्यावरील वर्दळ कमी झाल्याचे पहायला मिळाले.

अहमदनगर येथील कुप्रसिद्ध नयन तांदळे टोळीवर मोक्का अंतर्गत कारवाई,तपास Dysp संदीप मिटके यांच्याकडे वर्ग.

अहमदनगर जिल्ह्यात मालमत्ता विषयक गुन्ह्याकरिता कुप्रसिद्ध असलेल्या नयन तांदळे टोळीवर महाराष्ट्र संघटित गुन्हेगारी नियंत्रण कायदा ( मोक्का) कारवाई करण्यात आली आहे. सुपा पोलीस स्टेशन येथे फिर्यादी अक्षय चखाले रा. निगडी , पुणे यांनी Cr. No. 504/ 2020 IPC 395, 341 नुसार गुन्हा दाखल केला होता, सदर गुन्हा कुप्रसिद्ध नयन तांदळे टोळीने केल्याचे निष्पन्न झाल्यानंतर नयन तांदळे सह टोळीतील अन्य 4 सदस्यांना अटक करण्यात आली होती. नयन तांदळे टोळी ही कोणताही कामधंदा न करता संघटीत पणे बेकायदेशररित्या स्वतःच्या आर्थिक फायद्या करिता हिंसाचाराचा वापर करून , हिंसाचार करण्याची धमकी देऊन तसेच धाक दपटशहा दाखवून जबरदस्तीने जबरी चोरी, दरोडा टाकून दहशत करीत होती. सदर गुन्ह्याची गांभीर्याने दखल घेऊन मा. श्री मनोज पाटील( पोलीस अधिक्षक), मा. श्री. सौरभ अग्रवाल मा. श्री. अजित पाटील यांनी सदर गुन्ह्यास मोक्का अंतर्गत कारवाई करण्याचा प्रस्ताव मा. विशेष पोलीस महानिरीक्षक नाशिक यांना सादर केला होता. सदर प्रस्तावास त्यांनी मंजुरी दिली असून तपास Dysp संदीप मिटके यांच्या कडे वर्ग करण्यात आला आहे.

सदर टोळीवर या पूर्वी खालील प्रमाणे गुन्हे दाखल आहेत.

1)नयन राजेंद्र तांदळे

1) सूपा 504/20 IPC 399, 402

2) सुपा 111/ 17 IPC 379, 34, 411

3) तोफखाना 6663/20 IPC 394, 365, 34...

4) तोफखाना 1756/19 ipc 393, 34.

5) तोफखाना 1715/19 ipc 392, 34

6) तोफखाना 1607/19 ipc 392 , 323, 34 7) तोफखाना 1546/19 ipc 394, 323, 34 8) तोफखाना 1765/19 ipc 392 ,34.

2) विठ्ठल साळवे

1) सुपा 505/ 20 IPC 399, 402

2) सुपा 111/17 IPC 379, 34. 3)तोफखाना 6663/20 IPC 394, 365 34

3) अक्षय ठोंबरे

1) सुपा ipc 399, 402

4) शाहुल पवार

1) सुपा 505/20 IPC 399, 402.

2) सुपा 153/ 17 ipc 341, 394,396, 34

3) 87/ 17 IPC 394,397, 34 4) 23/15 ipc 379, 354, 323....

5) अमोल पोटे

1) सुपा 505/ 20 IPC 399, 34

2) 86/17 ipc 394, 397, 34

3) 118/ 15 सुपा ipc 379, 34

पुढील तपास मा. मनोज पाटील पोलिस अधीक्षक, मा. सौरभ अग्रवाल यांच्या मार्गदर्शन खाली Dysp संदीप मिटके हे करीत असून त्यांना PI नितीन गोकावे, PN अमोल धामणे, PN साहेबराव ओव्हाळ, PC यशवंत ठोंबरे यांचे पथक सहाय्य करीत आहे.

बाजार समीत्या बंद असल्यामुळे भाजीपाला कुठे विकावा शेतकऱ्यांना चिंता.

बेलापुर (प्रतिनिधी )- कृषि उत्पन्न बाजार समीती बंद राहणार असल्यामुळे शेतकऱ्यांना आता पिकविलेला भाजीपाला कुठे विकावा तो जास्त काळ ठेवावा तर खराब होणार त्यामुळे या भाजीपाल्याचे काय करावे अशी चिंता शेतकऱ्यांना पडली आहे कोरोनाच्या वाढत्या रुग्णसंख्येमुळे आता बाजार समीतीतील व्यवहार बंद ठेवण्याचा निर्णय घेण्यात आला असला तरी या निर्णयामुळे शेतकऱ्यांच्या तोंडचे पाणी पळाले आहे शेतकऱ्यांनी मोठ्या कष्टाने कर्ज काढुन भेंडी गवार टोमँटो गोबी फ्लाँबर पिकवीले आता बाजारच बंद असल्यामुळे हा माल कुठे विकावा की फेकावा या विवंचनेत शेतकरी वर्ग सापडला आहे सध्या भेंडी तोडणीचे काम जोरात सुरु असुन एक दिवस जरी भेंडी तोडण्यास उशीर झाला तरी ती भेंडी पक्व होते त्यामुळे ती फेकुनच द्यावी लागते शिवाय भाजीपाला पिकवीताना शेतकऱ्यानी महागडी खते उधार आणुन ती पिकाला टाकली आहे भाजीपाला विकुन शेतकरी खताने पैसे भरणार होते आता भाजीपाला तोडणीचा वेळ आला तर बाजार समीत्या बंद ठेवण्याचा निर्णय घेतलेला आहे या निर्णयामुळे शेतकऱ्याचे मोठ्या प्रमाणात नुकसान होणार आहे कारण हा भाजीपाला जास्त दिवस ठेवु शकत नाही तो लवकर खराब होतो त्यामुळे भाजीपाला विक्री साठी बाजार समीती सुरु ठेवावी अशी मागणी शेतकऱ्यांनी केली आहे.

कोरोनाची वाढती रुग्ण संख्या लक्षात घेता बुधवार पासुन बेलापूरात कडक लाँकडाऊन.

बेलापूरः (प्रतिनिधी )-।गावातील वाढत्या कोरोना रुग्णांच्या पार्श्वभूमीवर ग्रामपंचायत बेलापुर बु!! प्रशासन व कोरोना समितीने बुधवारदिनांक १९ मे ते रविवार दिनांक २३ मे या कालावधीत कडक लॉकडाऊनचा निर्णय घेतला असुन या नियमाचे उल्लंघन करणारावर कठोर कारवाई करण्यात येणार आहे सध्या बेलापूर आणि परिसरात दिवसागणिक कोरोनाचा प्रसार वाढत आहे.विविध उपाययोजना करुनही परिस्थितीत सुधारणा होत नाही.या पार्श्वभूमीवर सरपंच,उपसरपंच,ग्रामसेवक,सर्व राजकीय पक्षांचे नेते व प्रमुख,पत्रकार,पोलिस पाटिल,व्यापारी असोसिएशन,किराणा मर्चट असोसिएशन,महसूल व पोलिस प्रशासनाचे प्रतिनिधी आदिंनी विचार विनिमय करुन गावाच्या सुरक्षिततेसाठी बुधवार १९ मे ते रविवार २३ मे पर्यंत पाच दिवसांचा कडक लाँकडाऊन करण्याचा निर्णय घेतलेला आहे या कालावधित नियमबाह्य वर्तन करणारावर कठोर कारवाई करण्याचा निर्णय सर्वानुमते घेण्यात आलेला आहे .या कालावधित वैद्यकीय सुविधा वगळता अन्य सर्व दुकाने भाजीपाला,फळे,किराणा,मांस,मासे,पीठ गिरणी,शेती विषयक दुकाने,बेकरी आदि सर्व व्यवहार बंद राहणार आहेत याची सर्व व्यापारी व्यवसायीक नागरीक यांनी नोंद घ्यावी .त्याचप्रमाणे नागरिकांना विनाकारण फिरण्यावर प्रतिबंध असेल.या नियमांचे पालन न केल्यास संबंधितांवर कडक कारवाई करण्यात येईल.तरी नागरिक,व्यापारी,भाजीपाला व फळ विक्रेते आदिंनी ग्रामपंचायत,महसूल,पोलिस प्रशासन तसेच कोरोना समितीस सहकार्य करावे असे आवाहन सरपंच महेन्द्र साळवी,उपसरपंच अभिषेक खंडागळे,सर्व राजकीय पक्षांचे प्रमुख,व्यापारी व किराणा मर्चण्ट असोसिएशनचे पदाधिकारी,पत्रकार,ग्रामसेवक राजेश तगरे,का.तलाठी श्री.कैलास खाडे,पोलिस पाटिल अशोक प्रधान,बेलापूर पोलिस स्टेशनचे हवालदार अतुल .लोटके तसेच कोरोना समितीने केले आहे.

bindas news

Labels

Technology

Breaking News