bindas news

शिर्डी। जितेश लोकचंदानी-सध्या कोरोनामुळे  सर्वत्र लॉक डाऊन सुरू आहे ,लॉक डाऊन तीन मे पर्यंत वाढवण्यात आला आहे, अशा परिस्थितीत सर्व जण घरात आहेत, त्यामुळे प्रत्येक कुटुंबाला अन्नधान्याची गरज आहे पिवळे व केसरी शिधापत्रिकाधारकांना रेशन दुकाना मार्फत धान्य मिळणार आहे, मिळत आहे,  मात्र  ज्यांच्याकडे कोणतीच शिधापत्रिका नाही ,आशा वंचित कुटुंबांना सुद्धा कामगार तलाठी व ग्रामसेवक यांच्यामार्फत सर्वे करून त्यांना या तीन महिन्यासाठी तरी अन्नधान्य पुरवठा रेशन दुकाना मार्फत व्हावा,अनेक लोक परराज्यातून कामगार म्हणून जिल्यात आले आहे,त्यांनाही रेशनवर धान्य मिळणे गरजेचे आहे, यासाठी कार्यवाही करावी  अशा  सूचना शिर्डी लोकसभा मतदार संघाचे खासदार सदाशिव लोखंडे यांनी जिल्हाधिकारी यांना केल्या आहेत,
   खासदार सदाशिव लोखंडे यांनी जिल्हाधिकारी अहमदनगर यांना एका पत्राने कळविले आहे की आपण शिर्डी विधानसभा मतदारसंघात सर्व तहसीलदार गट विकास अधिकारी, पोलीस निरीक्षक ,नगरपालिका नगरपंचायत यांचे कार्यकारी अधिकारी यांच्या बैठका घेऊन रेशन दुकाना मार्फत होणारा अन्नधान्य पुरवठा सुरळीत होतो की नाही यासंबंधी  चर्चा केली असता जिल्ह्यात सर्वत्र रेशनदुकाना मार्फत अन्नधान्य पुरवठा सुरळीत सुरू असल्याचे समजते, मात्र ज्यांना पिवळे व केशरी रेशन कार्ड नाही अशा वंचित कुटुंबांना सुद्धा या लॉक डाऊन च्या संकटसमयी अन्नधान्य मिळावे ,त्यासाठी प्रत्येक गावातील कामगार तलाठी व ग्रामसेवक यांच्यामार्फत अशा कुटुंबांचा सर्वे होऊन त्यांना पत्र देऊन रेशन धान्य दुकाना मार्फत या वंचित कुटुंबांना धान्य पुरवठा केला जावा, असे म्हटले आहे तसेच हा धान्य पुरवठा रेशन दुकाना मार्फत होताना लॉक डाऊन चे नियम पाळले जावेत कुठे रेशन दुकानात गर्दी होता कामा नये, तसेच रेशन दुकानदाराकडून या काळात जर काळाबाजार उघडकीस आला तर त्यावर कठोर कारवाई करावी, असे खासदार सदाशिव लोखंडे यांनी म्हटले आहे,
चौकट
या लॉकडाऊनच्या काळात सर्व कुटूबांना पंतप्रधान अन्नधान्य योजनेमार्फत देण्यात येणारे प्रत्येकी पाच किलो मोफत तांदूळच येथे दिले जाणार आहे, मात्र नुकतेच केंद्र शासनाचे प्रधान गृहसचिव यांनी रेशनकार्ड धारकांना मोफत पाच किलो तांदूळ किंवा गहू असे द्यावयाचे आहे, याकडेही लक्ष देणे गरजेचे आहे, मुख्यमंत्र्यांनीही तसे कालच सांगितले आहे ,मात्र गाव पातळीवर त्याची अंमलबजावणी होणे गरजेचे आहे,ज्याला तांदूळ किंवा ज्याला गव्हू लागतील त्यांना ते दिले पाहिजे, असे शिधापत्रिकाधारक बोलत आहेत,

शिर्डी ।जितेश लोकचंदानी। निवासी संपादक
सध्या देशात, राज्यात कोरोनामुळे लॉकंडाऊन सुरू आहे, या लॉक डाऊन  काळात  गोरगरीब सर्वसामान्य व गरजूंना  मदतीचा हात म्हणून अनेक ठिकाणी  अन्नदान,  जेवण, नाश्ता  व खाद्य पदार्थांचे वाटप  केले जात आहे,  मात्र  काही ठिकाणी  वाटप करताना फोटो काढून ते सोशल मीडियावर देऊन  त्याचा मोठा प्रचार केला जातो, त्यामुळे समाज  मनावर त्याचा विपरीत परिणाम होतो  आहे ,त्यावर बंधन येणे गरजेचे  आहे, किंवा अशा जाणीवपूर्वक या गोष्टीचा फायदा घेत सोशल मीडियावर फोटो टाकून प्रचार करणाऱ्या विरोधात कारवाई करावी अशी बिंदास न्यूज ला नुकतीच बातमी येऊन गेली
,या बातमीच्या वृत्ताचा दखल जिल्हाधिकारी यांनी घेऊन त्वरित आदेश काढत जर गोरगरिबांना याकाळात अन्नदान किंवा खाद्य पदार्थाची मदत करताना कोणी फोटो सोशल मीडियावर किंवा माध्यमाला प्रसिद्ध केला तर त्यावर कडक कारवाई करण्यात येईल असे जिल्हाधिकारी यांनी आपल्या आदेशात म्हटले आहे हा बिनधास्त न्यूज या बातमीचा इफेक्ट आहे, व जिल्हाधिकारी राहूल द्विवेदी यांचे नागरिकांमधून निर्णय घेतल्याबद्दल अभिनंदन होत आहे
भयंकर अशा कोरोना विषाणूमुळे  सर्व जग हादरले आहे , कोरोनाचा संसर्ग देशात  वाढू नये  ,म्हणून देशात एकविस दिवसाचा लॉक डाऊन करण्यात आला, हा 21 दिवसांचा लॉकडाऊन 14 एप्रिल ला संपत आहे, त्यानंतरही लॉकडाऊनचा कालावधी 30 एप्रिल पर्यंत वाढवण्यात आला आहे, सर्वत्र अत्यावश्यक सेवा सोडून बंद आहे ,त्यामुळे अनेक जण सर्व कामकाज बंद असल्याने घरात आहेत, गोरगरीब सर्वसामान्यांना काम धंदा नसल्यामुळे आर्थिक चंणचण मोठ्या प्रमाणात भासत आहे, ग्रामीण भागात हे प्रमाण मोठ्या प्रमाणात आहे, त्यामुळे गोरगरीब व गरजूंना अन्न ,जेवण खाद्य पदार्थाचे अनेक ठिकाणी  मदत म्हणून वाटप केले जात आहे, मात्र या खाद्य पदार्थांचे वाटप करताना फोटोसेशन व हे फोटो सोशल मीडियावर टाकून प्रचार करण्याच्या प्रकार मोठ्या प्रमाणात आता घडत आहे, त्यामुळे या फोटोसेशन वर बंदी आणावी किंवा असे करणार्‍यांवर कारवाई व्हावी, अशी मागणी सुज्ञ नागरिकांकडून होत आहे,
सध्या कोरोनामुळे सर्वत्र लॉक डाऊन आहे व 30 एप्रिल पर्यंत लॉकडाऊन वाढला आहे, त्यामुळे सर्वजण कामधंदा सोडून घरात आहेत, सर्व दुकाने बंद आहेत, अशा परिस्थितीत सर्वांना आर्थिक चणचण भासत आहे ,मात्र अशा गोरगरीब सर्वसामान्य माणसांना एक माणुसकीचा हात दाखवत अनेक दानशूर व्यक्ती वेगवेगळ्या प्रकाराने या संकट समयी सर्वसामान्य व गरजूंना मदत करीत आहेत, ही  मदत वेगवेगळ्या प्रकारची आहे ,ही चांगली गोष्ट आहे, व अशा वेळी  मानवतेच्या दृष्टिकोनातून  एकमेकांना मदत करणे गरजेचे आहे ,मात्र काहीजण अन्न, जेवण ,नाष्टा व खाद्य पदार्थांचे वाटप करताना आपले फोटो काढून ते सोशल मीडियावर टाकत असल्याने व त्याचा प्रचार मोठ्या प्रमाणात आता होऊ लागल्याने यावर कारवाई होणे गरजेचे आहे, अशी बातमी बिंदास न्यूजला आली होती
 राजस्थानमधील अजमेर  येथील जिल्हाधिकारी शर्मा यांनी तसे आदेश काढले असून खाद्य पदार्थांचे वाटप करताना फोटो काढून ते जर सोशल मीडियावर टाकले तर अशा व्यक्तींवर भारतीय कायद्यान्वये कलम 188 प्रमाणे गुन्हा दाखल करण्यात येणार असल्याचे अजमेरच्या जिल्हाधिकाऱ्यांनी आपल्या आदेशात म्हटले आहे ,असेच आता महाराष्ट्रातील प्रत्येक जिल्ह्यात करण्याची गरज आहे, कोरोणामुळे सध्या राज्यात मोठे संकट निर्माण झाले आहे, अशा परिस्थितीत मदत करणे, एकमेकांना सहकार्य करणे गरजेचे आहे, मात्र असे करताना विशेषता अन्नदान करताना फोटो काढून ते सोशल मीडियावर टाकणे योग्य नाही ,अन्नदान किंवा मदत करण्यापेक्षा अनेक जण नुसता आपला प्रचार किंवा या प्रकाराचा जास्त बाऊ करण्यामध्ये पुढे आहेत, थोडेफार नावापुरते अन्नदान किंवा खाद्य पदार्थांचे वाटप करायचे व फोटो काढून ते सोशल मेडीयावर टाकून त्याचा मोठा गवगवा करायचा, असे प्रकार आता अनेक ठिकाणी होऊ लागली आहेत ,त्यामुळे त्याचा समाजावर विपरीत परिणाम होत आहे, म्हणून यापुढे तरी प्रत्येकाने मदत करताना विशेषता अन्नदान व खाद्यपदार्थ गरजूंना वाटप करताना, लॉक डाऊन चे नियम पाळत व त्याचे फोटो सोशल मीडियावर न देता ही मदत करावी ,अन्यथा जाणीवपूर्वक फोटो काढून सोशल मीडियावर टाकल्यानंतर व ते  उघडकीस आल्यानंतर  अशा व्यक्तींवर कारवाई करावी अशी मागणी बिनधास्त न्यूजमध्ये देण्यात आली होती,
 या न्यूज चा परिणाम म्हणून माननीय जिल्हाधिकारी राहुल दिवेदी यांनी त्वरित दखल घेऊन जिल्ह्यांमध्ये लॉकडाऊन काळात कोणी अन्नदान किंवा खाद्यपदार्थ वाटप केले व त्याचे फोटो कडून ते सोशल मीडिया किंवा माध्यमांना प्रसिद्धीसाठी देऊन स्वतःच्या गवगवा केला तर अशा व्यक्तींवर कडक कारवाई करण्यात येईल असा जिल्हाधिकारी राहुल द्विवेदी यांनी  आदेश काढला आहे, यामुळे आता जिल्ह्यामध्येअसे फोटो सोशल मीडियावर टाकने कमी झाल्याचे दिसून येत आहे  गरिबांना मदत करणे गरजेचे आहे, मात्र त्याचा गवगवा नको असे नागरिकांचे म्हणणे आहे.