bindas news

राहुरी (प्रतिनिधी) राहुरी तालुक्यातील एका शिक्षण मंडळाशी संबंधित असलेल्या एका शाळेत काल व्हॅलेन्टाईन डेच्या दिवशीच शिक्षक-शिक्षिकेच्या घडलेल्या ‘नाजूक’ प्रकरणामुळे संतप्त झालेल्या पालकांनी शाळेला टाळे ठोकून संताप व्यक्त केला. दरम्यान, वरिष्ठांनी या प्रकरणाची गंभीरतेने दखल घेऊन मुख्याधिकार्‍यांसह संबंधित शिक्षक आणि शिक्षीकेची बदली केली आहे.या शिक्षक प्रेमीयुगुलावर निलंबनाची कारवाई करण्याची मागणी पालकांनी केली आहे.ही घटना व्हॅलेन्टाईन डेच्या दिवशीच झाल्याने याबाबत चर्चेला उधाण आले आहे. घटनेची माहिती समजताच नगरपालिकेच्या तीन नगरसेवकांनी शिष्टाई करून पोलीस अधिकार्‍यांच्या मध्यस्थीने शाळेचे टाळे उघडण्यास सांगितले. या शिक्षण मंडळाच्या शाळेत गेल्या महिन्याभरापासून शिक्षक व शिक्षिकेमध्ये नको ते प्रकार घडत असताना शाळेतील विद्यार्थ्यांनी दैनंदिन शाळेच्या दुपारच्या सुट्टीत होत असलेला हा ‘आँखो देखा हाल’ काही पालकांना सांगितला. त्यावर या घटनेबाबत काल शुक्रवार दि.14 फेब्रुवारी रोजी सकाळी 11 वाजे दरम्यान संतप्त पालकांनी शाळेत येऊन टाळे ठोकले. या प्रकरणामुळे परिसरात सर्व नागरिक व महिलांनी गर्दी केली. शाळेला टाळे ठोकल्याने सर्वच विद्यार्थी शाळेच्या बाहेरच ताटकळत उभे होते.ही घटना समजताच राहुरी नगरपालिकेचे नगरसेवक दिलीप चौधरी, सूर्यकांत भुजाडी, नंदकुमार तनपुरे, टाकळीमिया येथील सुरेश निमसे आदींनी धाव घेत प्रकरणाचे गांभीर्य समजावून घेत गटशिक्षण अधिकारी सुलोचना पटारे, पोलीस निरीक्षक मुकूंद देशमुख यांना पाचारण केले. उपस्थितांनी शाळेला टाळे ठोकणार्‍या पालकांची समजूत काढून शिक्षण अधिकारी पटारे यांनी या शिक्षक व शिक्षिकेवर कारवाई करण्याचे आश्वासन दिल्याने या प्रकरणावर तात्पुरता पडदा टाकण्यात आला आहे. दरम्यान या संबंधित शिक्षक आणि शिक्षिकेची बदली करण्यात आली आहे. तसेच मुख्याध्यापकांवरही दुर्लक्ष केल्याचा ठपका ठेऊन त्यांचीही बदली करण्यात आली आहे.

अहमदनगर (प्रतिनिधी) पकडलेला वाळुचा ट्रॅक्टर सोडून देण्यासाठी राहुरी तालुक्यातील लाख गावच्या तलाठ्याला 20 हजार रूपयांची लाच घेताना लाचलुचपत प्रतिबंधक विभागाच्या पथकाने रंगेहाथ पकडले. परशुराम गोरक्षनाथ सूर्यवंशी (वय- 46 सजा- लाख ता. राहुरी, रा. मुसळवाडी ता. राहुरी) असे पकडलेल्या तलाठ्याचे नाव आहे.सूर्यवंशी याने 2 ऑगस्ट 2019 रोजी एक वाळू वाहतूक करणारा ट्रॅक्टर पकडला. तो राहुरी तहसील कार्यालयात आणून लावला. तेव्हा पासून पकडलेला ट्रॅक्टर तहसिलच्या आवारातच उभा होता. ट्रॅक्टर सोडून देण्यासाठी सूर्यवंशी याने ट्रॅक्टर मालकाकडे 40 हजार रूपयांची मागणी केली. तडजोडीअंती 20 हजार रूपयांची मागणी करून टॅक्टर सोडून देण्याचे ठरले.याबाबत ट्रॅक्टरच्या मालकाने नगरच्या लाचलुचपत विभागाकडे तक्रार केली. शुक्रवारी (दि. 14) प्रवरा नदीच्या किनारी जातप गावच्या शिवारात तक्रारदार यांच्यकडून 20 हजार रूपयांची लाच घेताना सूर्यवंशी याला रंगेहाथ पकडले. ही कारवाई लाचलुचपत प्रतिबंधक नाशिक विभागाचे पोलीस अधीक्षक सुनील कडासने, अपर पोलीस अधीक्षक निलेश सोनवणे यांच्या मार्गदर्शनाखाली उपअधीक्षक हरीष खेडकर, पोलीस निरीक्षक श्याम पवरे, पोलीस निरीक्षक दीपक करांडे यांनी केली.

बुलढाणा - 14 फेब्रूवारी

राज्याचे अन्न व औषध प्रशासन मंत्री तथा बुलडाणा जिल्ह्याचे पालकमंत्री डॉ.राजेंद्र शिंगणे यांनी 13 फेब्रुवारी रोजी बुलडाणा येथील अन्न व औषध प्रशासन कार्यालयाची अचानक पाहणी करुन जप्त केलेला गुटखा तपासन्याचे आदेश दिले होते त्यानुसार आज शुक्रवारी सकाळ पासून बुलडाणा पोलीसाने आपले काम सुरु करत जप्त करण्यात आलेल्या गुटख्याचे एकुन एक बैग व त्यामधील पाकीट खोलून मोजनी सुरू केली जे रात्री 9 वाजे पर्यंत सुरु होती.जप्त करण्यात आलेला गुटखा गोदामातून चोरी गेल्याची बातमी पालकमंत्री डॉ. शिंगणे यांना लागताच त्यांनी हे पाऊल उचलले. 

      बुलढाणा येथील अन्न व औषध प्रसासन कार्यालयाची कार्यप्रणाली मागील काही महिन्या पासून संशयास्पद व विवादित आहे. राज्यात गुटख्यावर प्रतिबंध असल्यानंतर ही जिल्ह्यात सरेआम तो उपलब्ध होता आणि या विभागाच्या मेहेर नजर खालीच जिल्ह्यात मोठे गुटखा माफिया तयार झालेत आणि बुलढाणा जिल्हा हा अवैध गुटक्याचे माहेरघर म्हणून ओळखले सुद्धा जाऊ लागले. मागील दोन महिन्यात एक नव्हे तर दोन वेळी बुलडाणा अन्न व औषध प्रशासन कर्यालयाच्या गोदामातून जप्त केलेला गुटखा चोरी गेला आहे. ही घटना जरी चोरीची असली तरी तेव्हडीच संशयास्पद सुद्धा आहे. या घटनेची गंभीर दखल घेत राज्याचे अन्न व औषध प्रशासन मंत्री तथा बुलडाणा जिल्ह्याचे पालकमंत्री डॉ.राजेंद्र शिंगणे यांनी दिनांक 13 फेब्रुवारी रोजी बुलडाणा येथील अन्न व औषध प्रशासन कार्यालयाची पाहणी केली व गोदामातुन गुटखा चोरी प्रकरणी त्यांनी पोलीसांना यासंदर्भात तात्काळ पंचनामा करून कारवाई करण्याचे निर्देश दिले तसेच पोलीसांकडून संपूर्ण कारवाई होईपर्यंत सदर कार्यालयाला सील लावावे व जप्त करून ठेवण्यात आलेल्या गुटखा गोडावून वर पोलीसांची तैनाती ठेवावी असे निर्देष दिले होते.या नंतर पोलीसाने हा कार्यालय आपल्या ताब्यात घेतला व आज साकाळी ठानेदार प्रदीप सालूंके आपल्या स्टॉफ सह एपीआई पवार, पीएसआई अमित जाधव आणि इतर 15 ते 20 कर्मचारी यांनी साठवून ठेवलेल्या गुटख्याची झडती घेणे सुरू केले. संध्याकाळ होत असतांना एसडीपीओ रमेश बरकते सुद्धा हजर झाले.वृत्त लिहेपर्यंत रात्री उशिरा ही कारवाई सुरूच होती.जिल्ह्यात मागील काही महिन्यात किती कारवाया झाले व त्यात किती गुटखा पकडला व प्रत्यक्षात किती गुटखा मिळून आला याची वजा बेरीज सुरु होती.आता पोलिसच्या अहवालात काय समोर येईल याच्यावर सर्वांचे लक्ष लागलेले आहे.

संगमनेर | प्रतिनिधी गावठी बनावटीचे पिस्तुल व 38 जिवंत काडतुसे बाळगणार्‍या तिघांना शहर पोलिसांनी मुद्देमालासह ताब्यात घेतले आहे. ही कारवाई गुरुवारी रात्री 11 वाजेच्या सुमारास पुणे-नाशिक महामार्गावर रायतेवाडी शिवारात करण्यात आली.दिलीप कोंडीबा खाडे (वय 28, रा. म्हस्के बुद्रुक ता. शिरुर, जि. पुणे), बाबाजी बबन मुंजाळ (वय 27, रा. डोंगरगाव ता. शिरुर, जि. पुणे), दयानंद मारुती तेलंग (वय 33, रा. टाकळीहाजी, ता. शिरुर) असे ताब्यात घेतलेल्यांची नावे आहेत.हे तिघे जण त्यांच्या ताब्यातील स्कॉर्पिओ चारचाकी वाहन क्रमांक एम. एच.14 ए. व्ही. 3600 मधून प्रवास करत होते. दरम्यान शहर पोलिसांनी रायतेवाडी शिवारात त्यांचे वाहन अडवून त्यांना पकडले.त्यांच्याजवळ एक गावठी पिस्तुल व 38 जिवंत काडतुसे मिळून आली आहे. याप्रकरणी शहर पोलीस ठाण्यात तिघांविरुद्ध गुन्हा दाखल करण्यात आला आहे. अधिक तपास पोलीस निरीक्षक अभय परमार यांच्या मार्गदर्शनाखाली सहाय्यक पोलीस निरीक्षक साबळे करत आहे.

बुलडाणा - 13 फेब्रूवारी

मागील दोन महिन्यात एक नव्हे तर दोन वेळी बुलडाणा अन्न व औषध प्रशासन कर्यालयाच्या गोदामातून जप्त केलेला गुटखा चोरी गेला याची गंभीर दखल घेत राज्याचे अन्न व औषध प्रशासन मंत्री तथा बुलडाणा जिल्ह्याचे पालकमंत्री डॉ.राजेंद्र शिंगणे यांनी आज 13 फेब्रुवारी 2020 रोजी स्वत: बुलडाणा येथील प्रशासकीय इमारतीत असलेल्या सहाय्यक आयुक्त, अन्न व औषध प्रशासन कार्यालयाची पाहणी करीत संपूर्ण विभागाची झाडाझडती घेतली. 

       यावेळी पालकमंत्री डॉ. शिंगणे यांनी आता पर्यंत कारवाईमध्ये जप्त करून ठेवलेल्या गुटखा गोदामची ही पाहणी केली व आता पर्यंत किती कारवाया केले व किती गुटखा जप्त केला याची संबंधित अधिकाऱ्यांकडून माहिती घेतली.तसेच याबाबतची संपूर्ण तपशील सादर करण्याचा सूचना त्यांनी संबंधीतांना दिल्या.जप्त गुटखा प्रकरणी तपशील सादर न केल्यास संबंधीतांवर कठोर कारवाई करण्याची तंबीही पालकमंत्री यांनी दिली.गोदामातुन गुटखा चोरी प्रकरणी त्यांनी पोलीसांना यासंदर्भात तात्काळ पंचनामा करून कारवाई करण्याचे निर्देश दिले. यावेळी गोदामात 22 लाख रूपयांचा गुटखा व सुगंधीत तंबाखू असल्याची माहिती संबंधित अधिकाऱ्यांनी दिली.पोलीसांकडून संपूर्ण कारवाई होईपर्यंत सदर कार्यालयाला सील लावावे व कारवाई पुर्ण होईपर्यंत गुटखा गोडावून, सहाय्यक आयुक्त कार्यालयात पोलीसांची तैनाती ठेवावी. संपूर्ण प्रशासकीय इमारतीला सीसीटीव्ही कॅमेरे बसविण्यासाठी प्रस्ताव सादर करण्याचे आदेशही यावेळी पालकमंत्री यांनी दिले.  याप्रसंगी अन्न व औषध प्रशासन विभागाचे अधिकारी, कर्मचारी, पोलीस अधिकारी व कर्मचारी उपस्थित होते.पालकमंत्री डॉ.शिंगणे यांची ही अनअपेक्षित भेटीमुळे संपूर्ण प्रशासकीय इमारतीत असलेले सर्व कार्यालयातील अधिकारी व कर्मचारी घाबरले होते.

शिर्डीत गुरुवारी रात्रि सर्व शांत झोपेत असतान्ना पिम्पलवाडि रोड होटेल संजीवनी समोर शिर्डी येथील माजी नगरसेवक राजेंद्र शिन्दे याण्चा मूलगा श्रीकांत राजेंद्र शिंदे याने विठल मोरे राहनार येवला हल्ली राहनार शिर्डीतिल कुप्रसिद्ध ठिकान  कालिका नगर येथील विठल साहेबराव मोरे याला इनोवा mh17 1100  ह्या गाड़ीने उडविले प्रथम आलेल्या माहीतीतुन हत्या झाली आहे असे  उघड़ झाले आहे  परंतु हे खरे आहे की खोटे आजूण स्पष्ट झाले नाहि कारण पोलिस आजुन तपास करित आहे थोड्याच वेळात निष्पन्न होईल मात्र याची उलट सुलट चर्चा साध्या शिर्डीत सुरु आहे

श्रीरामपूर ( प्रतिनिधी )जिल्ह्यातील शिक्षकांची कामधेनू असलेल्या अहमदनगर जिल्हा प्राथमिक शिक्षक सहकारी बँकेला  महाराष्ट्र राज्य सहकारी बँक असोसिएशन लिमिटेड, मुंबई या राज्यातील बँकांच्या शिखर संस्थेतर्फे संपूर्ण महाराष्ट्रातून पगारदार नोकरांची  सर्वोत्कृष्ट नागरी सहकारी बँक तसेच शतकोत्तर वाटचाल करणारी बँक म्हणून विशेष सन्मान असे दोन पुरस्कार राज्याचे उपमुख्यमंत्री तथा अर्थमंत्री अजितदादा पवार यांच्या हस्ते देऊन मुंबई येथील रवींद्र नाट्य मंदिरात सोमवारी गौरव करण्यात आला. यावेळी राज्याचे गृहमंत्री अनिल देशमुख व सहकार मंत्री बाळासाहेब पाटील हे देखील उपस्थित होते. सदरचा पुरस्कार बँकेचे वतीने गुरुमाऊली मंडळाचे नेते व जिल्हाध्यक्ष बापूसाहेब तांबे , बँकेचे चेअरमन संतोष दुसुंगे , व्हाईस चेअरमन नानासाहेब बडाख,शताब्दी महोत्सव समितीचे अध्यक्ष सलीमखान पठाण,संचालक अविनाश निंभोरे व बँकेचे मुख्य कार्यकारी अधिकारी अरुण देशमुख यांनी स्वीकारला.

 शिक्षक बँकेने शंभर वर्षाची वाटचाल पूर्ण करताना एक हजार कोटींच्या ठेवीचा टप्पा ओलांडला आहे. कमीत कमी व्याजदर व जास्तीत जास्त सुविधा सभासदांना देणारी व अत्यंत काटकसरीने कारभार करून सभासदांच्या हितास प्राधान्य देणारी अहमदनगर जिल्हा प्राथमिक शिक्षक सहकारी बँक ही महाराष्ट्रातील एकमेव पगारदार नोकरांची नागरी सहकारी बँक असल्याचे फेडरेशनचे कार्याध्यक्ष मुकुंद कळमकर यांनी सांगितले.

उपमुख्यमंत्री अजितदादा पवार तसेच सहकार मंत्री बाळासाहेब पाटील यांनीसुद्धा बँकेची कामगिरी ऐकून आनंद व्यक्त केला तसेच बँकेचे पदाधिकारी,सभासद व  ठेवीदार यांचे अभिनंदन केले.

राज्यातील पगारदार नोकरांची उत्कृष्ट बँक म्हणून शिक्षक बँकेची राज्यभरातून एकमेव निवड करण्यात आली आहे. बँकेचा शताब्दी सांगता समारंभ लवकरच होणार असून या कार्यक्रमाचे निमंत्रण बँक पदाधिकाऱ्यांनी उपमुख्यमंत्री तसेच सहकार मंत्री यांना दिले. शिक्षक बँकेला राज्य बँक असोसिएशनचे मानाचे दोन पुरस्कार मिळाल्याबद्दल बँकेचे संचालक मंडळ तसेच सर्व कर्मचारी यांचे शिक्षक संघाचे विभागीय अध्यक्ष आबासाहेब जगताप, शिक्षक संघ व गुरुमाऊली मंडळाचे जिल्हाध्यक्ष बापूसाहेब तांबे ,प्रवीण ठुबे, अरुण आवारी,निळकंठ घायतडक ,राज्य संघाचे उपाध्यक्ष दत्ता पाटील कुलट,महिला आघाडीच्या विद्याताई आढाव, मिनाक्षी तांबे,मिनाक्षी अवचरे,संगीता कुरकुटे,सत्यवान मेहेरे,ना.चि.शिंदे,बाबा पवार,रमेश साबळे, राम निकम,बाळासाहेब सरोदे, विठ्ठल फुंदे,संदिप मोटे,मच्छिंद्र लोखंडे,बाळासाहेब तापकीर, रामेश्वर चोपडे,अल्ताफ शाह,महिला आघाडीच्या अंजली मुळे,सुजाता पुरी, नर्गिस ईनामदार,मिनाज शेख,राजकुमार साळवे,बाळासाहेब चाबुकस्वार,राजु इनामदार, जगन्नाथ विश्वास,दिपक बोऱ्हाडे, बेनहर वैरागर, मोहमद बदर शेख , हनिफ शेख ,भाऊराव राहिंज,रमेश दरेकर,सयाजीराव रहाणे, पी.डी.सोनवणे,लक्ष्मण सोनवणे, विठ्ठल काकडे, कैलास गिते आदींनी अभिनंदन केले आहे.