श्रीरामपूर (गौरव डेंगळे):आषाढी एकादशी म्हटलं म्हणजे आपल्याला आठवतो ते पंढरपूर,पंढरीच्या विठुरायाच्या दर्शनासाठी अनेक दिंड्या मधील अनेक वारकरी पायी चालत पंढरपूरच्या दिशेने जाऊन विठुरायाचे दर्शन घेतात.वारी म्हटलं म्हणजे महाराष्ट्रातील वारकरी संस्कृती आणि त्याबरोबरच संतपरंपरा,अनेक संत महंताच्या पदस्पर्शाने पावन झालेल्या, महाराष्ट्र भूमीमध्ये वारकऱ्यांची दिंडी परंपरा ही अविरत चालू आहे.या परंपरेचाच एक भाग म्हणून श्रीरामपूर मधील न्यू इंग्लिश स्कूल आणि ज्युनिअर कॉलेजमध्ये देखील दिंडीचे आयोजन दरवर्षी प्रमाणे करण्यात आले होते.या दिंडीमध्ये शाळेतील सर्व मुलांनी अगदी आनंदाने भाग घेतला.कार्यक्रमाची सुरुवात गणपती बाप्पा आणि विठुरायाच्या आरतीने झाली. त्यानंतर वारकरी परंपरेवर अनेक विद्यार्थिनींनी आपले मनोगत व्यक्त केले.त्यानंतर सुंदर अशा अभंगाच्या जल्लोषामध्ये इयत्ता सातवीच्या विद्यार्थ्यांनी नृत्य सादर केले. त्यानंतर दिंडीची सुरुवात सुरुवात झाली दिंडी कर्मवीर भाऊराव पाटील चौक या ठिकाणाहून रामराव अधिक पुतळ्याजवळ असणाऱ्या पटांगणामध्ये गेली. त्या ठिकाणी मुलांनी फुगडी खेळून दिंडीचा आनंद घेतला त्या ठिकाणाहून दिंडी परत शाळेत आली.या कार्यक्रमाप्रसंगी संस्थेचे सचिव जन्मजय टेकावडे,प्राचार्य घोगरे,शाळेची शिक्षक वृंद उपस्थित होते.कार्यक्रम यशस्वी करण्याकरिता ज्येष्ठ शिक्षिका चव्हाण,नरोटे तसेच इतर शिक्षक वृंदांनी अथक परिश्रम घेतले.
Post a Comment