तपास पथकाचे सहाय्यक पोलीस निरीषक जिवन बोरसे, पोलीस कॉन्स्टेबल राहुल नरवडे, पोलीस कॉन्स्टेबल रमिजराजा आत्तार यांना कारवाई करण्यासाठी रवाना केले.तपास पथक हे रेल्वे स्टेशन जवळ गेले असता, नमूद बातमीतील वर्णना प्रमाणे एक इसम रेल्वे स्टेशन समोर फिरत असलेला दिसून आला. तपास पथकाला पाहून सदर संशयित इसम पळून लागला. तातडीने या पोलीस पथकाने त्याचा पाठलाग करुन त्यास पकडले. सचिन बाळू धुमाळ (वय 30) रा.संभाजी चौक, अशोकनगर, ता. श्रीरामपूर असे या आरोपीचे नाव आहे. त्याची अंगझडती घेतली असता त्याचे कमरेला 25,500 रुपये किमतीचे एक गावठी कट्टा व एक जिवंत काडतुस मिळून आला आहे. त्याप्रकरण पोलीस कॉन्स्टेबल राहुल नहादेव नरवडे यांच्या फिर्यादीवरून गु.र.नं.220/2022 भारतीय हत्यार कायदा कलम 3/25 प्रमाणे दाखल करण्यात आलेला आहे. पुढील तपास पोलीस हेड कॉन्स्टेबल अतुल लोटके हे करत आहेत.
Post a Comment